১. ২০১৯গী নবেম্বর ০৪দা ইন্দিয়া-অসিয়ান অমসুং ইস্ত এসিয়া সমিৎ ২০১৯গী নাকলদা ওস্ত্রেলিয়াগী প্রধান মন্ত্রীগা প্রধান মন্ত্রী শ্রী নরেন্দ্র মোদীগা উনখ্রে।
২. উনবা অদুদা লুচিংবা অনিনা নাকল অনিগী মরী ফগৎলক্লিবা অদু অমুক হন্না য়েংশিনখি অমসুং অৱাংবা থাক্কী মীফমশিং য়াম্না তোইনা পাংথোক্লিবা অমসুং থাক খুদিংমক্তা মরী ফগৎহন্নবা হোৎনরিবা অদু খঙজিনখি অমসুং মখা তানা ভারত-ওস্ত্রেলিয়াগী নাকল অনিগী মরীশিং কনখৎহন্নবা মখোয়গী অপাম্বশিং অমুক থমখি।
৩. শান্তি, সেক্যুরিতী, তংদু-লৈতাবা অমসুং নুংঙাই-য়াইফবা পুরক্নবা মনীংতম্বা, অরোন-অথুপ লৈতবা অমসুং পুন্না চাউখৎমিন্নবা ইন্দো-পেসিফিক লমদম অমা লৈহন্নবা মখোয়না পায়খৎলিবশিং অদু প্রধান মন্ত্রী অনিনা থমখি। লৈবাক অনিগী, লমদম অসিগী অমসুং মালেমগী ওইনা পুন্না থবক তৌমিন্নবা লৈবাক অনিগী স্ত্রাতেজিক অমসুং শেন-থুমগী অপাম্বশিং অমত্তা ওইনা পুনশিন্নবা লুচিংবা অনিনা থমখি।
৪. দিফেন্স অমসুং সেক্যুরিতীগী লমদা মতেং পীনবা হেনগৎলক্লিবা অসি খঙজিল্লদুনা, নাকল অনিমক্না সমুদ্রগী শরুক্তা মতেং পীনবা হেনগৎহনবা হায়না য়ানখি। লুচিংবা অনিনা এক্সত্রিমিজম অমসুং তেরোরিজমগী অকিবশিং খন্নখি অমসুং মসিগী খুদোংচাদবা অসি থেংননবা পুন্না থবক তৌমিন্নবা হায়না য়ানখি।
৫. ২০২০গী জনুৱারীদা ওস্ত্রেলিয়াগী প্রধান মন্ত্রী ভারত্তা লাক্নবা অমসুং রাইসিনা দাইলোগতা মহাক্কী মরুওইবা ৱারোল পীনবা মহাক্না চেবাউ পীখিবা অদু প্রধান মন্ত্রী মোদীনা অমুক হান্না থমখি। খোঙচৎ অদু মহৈ য়ানবা অমা ওইহন্নবা মপুং ফানা শেম-শাবগী তঙাইফদবা অদু লুচিংবা অনিনা থমখি।
Accelerating friendship with Australia.
— PMO India (@PMOIndia) November 4, 2019
Prime Ministers @narendramodi and @ScottMorrisonMP met on the sidelines of the @ASEAN related Summits in Bangkok. pic.twitter.com/JT1BeEFntt
