ঐগী মুংশিরবা ইরৈবাকচাশিং, খুরুমজরি। কুমজা ২০১৮ অসি লোইগদৌরে। ঐখোয় ২০১৯দা খোংথাংজিনগদৌরে। অসিগুম্বা মতম অসিদা হৌখিবা কুমওনগী মরমদা ৱারী শানবা অসি হৌনশানি, অদুগালাক্কদৌরিবা কুমজা অসিদা তৌগদবশিংগী মরমদসু ৱারী শান্নৈ। মীওইবগী পুন্সিবু ওইরো, খুন্নাইগীবু ওইরোনত্ত্রগা খুন্নাইগীবু ওইরো – পুম্নমক্না হন্না য়েংবা অসি তৌনৈ অমসুং লাক্কদৌরিবা মতমগীদমক হেক ঙম্লিবমখৈশান্না য়েংনৈ, মতম অদুতদা হৌখিবা মতম অদুদা থেংনখিবশিংগী কান্নবশিং ফংলকই অমসুং করিগুমবাঅনৌবা খরা তৌনবগী থাজবসু ফংলকই। ঐখোয়না করি থবক তৌরগা ঐগী পুন্সিদা করি অহোংবা পুরকপাঙমগদগে অমসুং লৈবাক অমদি খুন্নাই অসিবু চাউখৎহনবদা কয়া য়াম্না মতেং পাংবা ঙমগদগে হায়বদু অমুকহন্না খন্নবা তাই। পুম্নমকপু ২০১৯না লাকপদা য়াইফ–পীওজেল পীজরি। ময়াম্না খনবীরমগনি মদুদি ২০১৮বুকরম্না নীংশিংদুনা থমগনি। ২০১৮ অসিদা ভারতপু অচৌবা লৈবা অমা ওইনা, ঐখোয়গী মীওই ক্রোর চাম্মাকুন্ত্রানা মতেং পাংবা ওইনা , করম্না নীংশিংদুনা থমগনি – মসি নাংশিংবা অসিসু য়াম্না মরু ওই। মসিনা ঐখোয়নাচাউথোক্না হিংবসু ঙমহল্লিবনি।
২০১৮দা, হকশেলগী লমদা মালেমগী খ্বাইদগী চাউবা ইন্স্যুরেন্স স্কিম ‘আয়ুশ্মান ভারত’ হৌদোকখি। লৈবাক্কীখুঙ্গংশিংদা মৈ ফংহনখি। মালেমগী শক্নাইরবা লুপ কয়ানা ভারতকী চাউখৎপগী খোংচৎ হেনগৎলকপগালোইননা লাইরবগী পনখৈসু হন্থরক্লি হায়না ফোংদোক্নরক্লি। লৈবাক মীয়ামগী অনীংবা অচেৎপগা মপান্না লুবানানবগী পনখৈসু ৯৫%গী চংদা য়ৌরক্লি।
নীংতম্লবা মতুংদা অহানবা ওইনা লাল কিলাদা আজাদ হিন্দ সরকারগী চহি ৭৫শুবগী থৌরমদা মচু অহুমগীফিরাল পাইহনখি। লৈবাক অসিবু অমত্তা ওইবা লংলানা পুনশিনবীরম্বা, সরদার ভল্লভভাই পতেলবু ইকাই খুম্নবাওইনা মালেমগী খ্বাইদগী ৱাংবা মীতম স্তেচু ওফ য়ুনিতী লৈবাক অসিনা ফংজরি। মালেম অসিনা লৈবাক অসিবুশক খঙবা হেনগৎলক্লি। লৈবাক অসিবু য়ুনাইতেদ নেসনগী খ্বাইদগী ৱাংবা অকোইবগী ফিভমগী মনা‘চেম্পিয়ন ওফ দ আর্থ’ পীদুনা ইকাই খুম্নবীখি। নুমিৎতগী ইনর্জী লৌবগী অমদি অইং–অশাগী ফিভমহোংলকপদা ভারতনা মসিবু কন্ননবা হোৎনবদা লৌখিবা থৌদাং অদুবু মালেম্না খঙবীরি। ‘ইন্তর্নেস্নেল সোলরএলায়েন্স’কী অহানবা অচৌবা মীফম অমা ভারত্তা পাংথোকখি। ঐখোয়না পুন্না হোৎনখিবা অদুগী মহৈ ওইনালৈবাক অসিগী ইজ ওফ দোইং বিজিনেসকী অঙকপা ফংনা অহোংবা লাকখি। ইশানা ইশাবু ঙাকথোকচনবাহোৎনবদা লৈবাক অসি চেৎশিল্লক্লি। চহি অসিদা লৈবাক অসিনা ন্যুক্সিয়র ত্রাইদ মপুং ফারে, হায়বদি হৌজিকঈশিং, কংফাল অমসুং অতিয়া অহুম অসিদা ন্যুক্লিয়রগী মপাঙ্গল নীংথিনা মপুং ফারে। লৈাক অসিগীইচানুপীশিংনা নবিকা সাগর পরিক্রমাগী থোংদা মালেম পুম্বা কোইরুদুনা লৈবাক অসিবু চাউথোকচহনখি।বরানসীদা ভারতকী অহানবা ঈশিং লম্বী হৌদোকখ্রে। মসিনা ঈশিং লম্বীগা লমদা অনৌবা য়াওল অমা হৌরে।লৈবাক অসিগী খ্বাইদগী শাংবা রেল লম্বীগা থোং বোগিবীল থোং মীয়ামদা কৎথোকখ্রে। সিক্কিমগী অমসুংলৈবাক অসিগী ১০০শুবা এয়রপোর্ত – পাক্যোং হাংদোকখ্রে। অন্দর–১৯ ক্রিকেৎ ৱার্লদ কপ অমদি ব্লাইন্দক্রিকেৎ ৱার্ল্দ কপ্তসু ভারতনা মাই পাকখি। হন্দক এসিয়ন গেম্সতসু ভারতনা মেদল য়াম্না ফংলকখি। পেরাএসিয়ন গেম্সতসু ভারতনা নীংথিজনা শান্নখি। ঐহাক্না ভারতকী নুপা থৌকপা থৌদাং, অমদি ঐখোয়গীঅপুনবা হোৎনজমনগী মরমদা ঙাংদুনা লৈরবদি, ঐখোয়গী ‘মন কী বাত’ অসি অসুক্কী মতিক শাংদোকখ্রগনিমদু ২০১৯ ফাওবা য়ৌখিগনি। মসি পুম্নমক অসি ইরৈবাকচা ক্রোর ১৩০গী হোৎনজমন্নি। লাক্কদৌরিবা ২০১৯দসুভারতকী চাউখৎপগী খোংচৎ অসি লেপ্তনা চৎখিগনি অমসুং খোংফম চেৎনা চাউখৎপা মতোন লোমগনিহায়বসি ঐগী থাজবনি।
ঐগী নুংশিজরবা ইরৈবাকচাশিং, হন্দক্কী দিসেম্বর অসিদা ঐখোয়গী থোইদোক হেন্দোকপা মীওই কয়াকাইনখ্রে। দিসেম্বর ১৯দা চেন্নৈগী দা. জয়াচন্দ্রন লৈখিদ্রে। মহাকপু মীয়াম্না নুংশিনা ‘মক্কল মারুথুবর’ হায়নাকৌখি। মরমদি মহাক অসি মীয়াম্না য়াম্না নুংশিজখি। দা. জয়াচন্দ্রন্না লাইরবশিংবু অহোংবা লায়েংফংহনবগীদমক মীয়াম্না খঙনৈ। মহাক্না অনাবশিংবু য়াম্না লায়েংবীনিংখি। মাগী মনাক্তা লায়েংবা লাকপা চহিয়াম্লবা অহাল ওইরবশিংদা চৎথোক–চৎশিগী ভরা ফাওবা পীখি। ঐহাক্না thebetterindia.com websiteতা মানা তৌখিবা থবক কয়াগী মরমদা পারে।
অসুম্না দিসেম্বর ২৫দসু কর্নাতক্কী সুলাগিত্তী নরসম্মা লৈখিদবগী পাউ তাখি। সুলাগিত্তী নরসম্মা অসি মীরোনবী ইচে–ইচলশিংবু অঙাং পোকপা মতমদা মতেং পাংবী মীশক অমা ওইরম্মি। মহাক্না কর্নাতক্তা থোইদোক্না লম্বী–থোং ফিভম য়াম্না চাদবা মফমদা চৎতুনা মমা ওইবী লিশিং কয়াগী মতেং পাংখি। চহি অসিগী হৌরকপদা মহাকপু পদ্ম শ্রী পীদুনা ইকাই খুম্নবীখি। দা. জয়াচন্দ্রন অমদি সুলাগিত্তী নরসম্মাগুম্বী মীয়ামগীদমক মপুন্সি কৎথোকপীখিবা কয়াসু লৈরি। ঐনা হেল্থ ক্যারগী মরমদা পঞ্জরকপা অসিদা উত্তর প্রদেশকী বিজনৌরদা লৈবা দোক্তরশিংগী হোৎনবা কনবা অদু নৈনবা য়াই। নুমিৎ খরনিগী মমাংদা পার্তীগী ৱাকর খরনা, শহরগী দোক্তর নহা খরনা কেম্প তৌদুনা লাইরবা অনাবশিংবু লেম্না লায়েংলি হায়না ঐঙোন্দা তমখি। মফম অসিদা হার্ত লংস ক্রিতিকেল সেন্তরনা শিন্দুনা থা খুদিংগী মেদিকেল কেম্প পাংথোকই। মফমদুদা মখল কয়াগী অনাবশিংবু য়েম্না লায়েংই অমসুং হিদাক লাংথক ফংহন্দুনা মখা তানা লায়েংই। হৌজিক্তি থা খুদিংগী লাইরবা চা কয়া কেম্প অসিদগী কান্নবা ফংলে। মশাগী ওইদবা থাদোক্লবা নহা ওইরিবা দোক্তর মরূপশিংগা থৌনা অসি তশেংনমক থাগৎনীংঙাইনি। ঙসি ঐহাক্না য়াম্না চাউথোক্না হায়জনীংবদি পুম্মক্কী অপুনবা হোৎনজমন্না ‘স্বচ্ছ ভারত মিশন’ অসি মাই পাক্লবা খোংজং অমা ওইখিবনি। নুমিৎ খরনিগী মমাংদা মীওই খরনা হায়বদা মধ্য প্রদেশকী জবলপুরদা মীওই লাখ অহুম হেনবনা শেংদোক খোৎতোকপগী থবক তৌরি হায়। লু নানবগী অচৌবা খোংজং অসিদা ম্যুনিপাল কাউন্সিল, ভোলুন্তীয়র ওর্গনাইজেসন, স্কুল–কোলেজগী মহরোই, জবলপুরগী মীয়াম পুন্না থৱাই য়াওনা থবক শুমিন্নরি। ঐহাক্না হৌজিক thebetterindia.comগী মরমদা হায়জখিবা অদুনি। মদুদগী ঐহাক্না দা. জয়াচন্দ্রনগী মরমদা পাবা ফংজখিবনি। তাঞ্জা ফংবদা ঐনা অসিগুম্বা নুংঙাইরবা ৱাফম অসিপাজগে। হৌজিক্তি তোইদোকপা হেন্দোকপা থবক তৌবা মীওই কয়াগী নারী ৱাখোং কয়া ৱেবসাইৎ কয়াদাহাপতুনা মীয়ামদা খংহল্লি। thepositiveindia.comনা খুন্নাই অসিদা অফবা ৱাখল্লোন পোকহন্নবা হোৎনরি। মত অসুম্না yourstory.comদা নহা ওইরিবা, অনৌবা পুথোকপা মাওইশিংগী মাই পাকপগী ৱারী লিরি। অসুম্না samskritabharati.inগা পাম্বৈনা মীয়াম্না য়াম্না লাইনা য়ুমদা ফমদুনা সংস্কৃৎ লোন তম্বা ঙম্লি। ঐখোয় পুন্না থবক অমা তৌমিন্নবা য়াই – অসিগুম্বা ৱেবসাইৎশিং অসি ঐখোয় মশেল শ্যার তৌসি। অফবা ৱাখল্লোন অসি ভাইরেল ওইহন্সি। মসিদগী খুন্নাইদা অহোংবা পুরকপদা থৌদাং য়ারিবা মীওইশিংগী মরমদা খঙবা ঙম্লগনি। নত্তবা ৱাখল্লোন শন্দোকপদি য়াম্না লাই অদুবু ঐখোয়গী অকোইবদা অফবা থবক তৌরিবশিং অসি খঙজিনবা য়াই অদুবু পুম্নমক অসি ভারতকী মীয়াম ক্রোর ১৩০গী অপুনবগী হোৎনজমন্নি।
খুন্নাইদা শান্ন–খোৎনবগী মফম চাউনা কল্লি। শান্নবা মতমদা, য়েংলিবা মীশিংগী থৱাইসু থৌনাতনা থল্লি। শান্নরোইশিংগী মমিং, মখোয়গী শক্তাক, মখোয়গী ইকাই খুম্নবা পুম্নমক অদু ঐখোয়না লোইনা খঙবা ঙম্মি। অদুবু করি করিগুম্বদা ৱাফম খরদি শান্নবুংগী তাইবঙদগী হেন্না মরুওই। ঐনা কশ্মীরগী ইচানুপী হনায়া নিসারগী মরমদা করিগুম্বা খরা হায়নীংই। মহাক্না কোরিয়াদা পাংথোকখিবা করাতে চেম্পিয়নশিপ্তা সনাগী মেদল লৌরকখি। হনায়া চহি ১২ শুরে অমসুং মহাক কশ্মীরগী অনন্তনাগতা লৈবীনি। হনায়ানা করাতে অসি য়াম্না চেকশিন্না পুক্নীং চংনা প্রেক্তিস তৌই হায়বসি মাগী মশান্নদগী খঙবা ঙম্মি। হনায়াবু য়াইফ–মঙ্গল পীজরি। মতৌ অসুম্না চহি ১৬তা ঙাইরিবী ইচানুপী রজনীগী মরমদসু মীদিয়ানা য়াম্না নৈনখি। অদোম্নসু পাবীরম্লগনি রজনীনা জুনিয়র বোক্সিং চেম্পিয়নশিপ্তা সনাগী মেদল ফংলকখি। মহাক্না মেদল হেক ফংবগা মনাক্তা লবা শঙ্গোম য়োনফম অমদা চৎলগা শঙ্গোম গ্লাস অমা থকখি। মসিগী মতুংদা মাগী মেদল অদু ফিদা য়োমশিন্দুনা খাওদা হাপচিনখি। রজনীনা শঙ্গোম গ্লাস অমা করিগী থকখিবনো হায়না অদোম খনবীরমগনি? মহাক্না মদু মহাক্কী মপা জসমের সিংহগী মফমদা ইকাই খুম্নবা উৎপা ওইনা থকখিবনি। মহাক পনিপৎকী দুকান অমদা লস্সী য়োল্লি। রজনীনা হায়খি মদুদি মহাক্না থাক অসি য়ৌরক্নবা হোৎনবদা মপানা য়াম্না ৱানা হোৎনরকখি। মহাক্কী মপানা মখোয় মচিন–মনাওশিংনা হৌগৎত্রিঙৈদা থবক চৎখি। রজনীনা মপাদা বোক্সিং তম্নীংবগী অপম্বদু ফোংদোক্লুবদা অঙাম্বা পাম্বৈ পুথোক্তুনা তমহনগনি হায়না থৱাই হাপ্পীরকই। মহাক্না বোক্সিংগী প্রেক্তিস অসি অমনবা গ্লোব উপতুনা তম্বা হৌখি। মরমদি মতমদুদা মখোয়গী ইমুংগী শেল–থুমগী ফিভম ফৎলমদে। অসিগুম্বা খুদোংচাদবা কয়া লৈরবসু রজনীনা থৌনা হনখিদে। বোক্সিং অদুম্মক তমখি। মহাক সর্বিয়াদসু মেদল অমা ফংখি। ঐহাক্না রজনীবু য়াইফ–মঙ্গল পীজরি অমসুং মহাক্কী মতেং পাংবা অমদি থৌনা হাপ্পীবগীদমক্তা মপাবুং জসমের সিংহ অমসুং মমা ইবেম্মা উসারানীবুসু হন্না হন্না থাগৎচরি। হন্দক্কী থা অসিদা পুনেগী চহি ২০দা ঙাইরিবী ইচা নুপী বেদাঙ্গী কুলকরনীনা সাইকলনা ৱার্ল্দ তুর তৌবী খ্বাইদগী য়াঙবী এসিয়ন ওইখি। মহাক্না নুমিৎ ১৫৯ চুপ্না নোংমদা চাউরাক্না কিলোমীতর ৩০০ সাইকল থৌখি। অমুক্তং খন্দুনা য়েংবীয়ু, নোংমদা কিলোমীতর ৩০০ সাইকল থৌবগী মাগী অঙাওবী ৱাখল্লোন অদু তশেংনা থাগৎনীংঙাইনি। অসিগুম্বা মখলগী এচীবমেন্তশিং পারুরগা তারুরগা ঐখোয়সু পুক্নীং থৌগৎনীংঙাই ওইরি। মরু ওইনা ঐগী নহা ওইরিবা মরূপশিং, অসিগুমবা থৌদোকশিং তারুরগা খুদোংথিবা কয়া মায়োক্নরবসু করিগুমবদা তৌগে হায়বগী ৱাখল পোক্লক্কনি। তৌগে হায়নবু নীংলবদি খুদোংথিবা কয়া মথন্তা নান্থোকচখি। খুদোংথিবনা কৈদৌঙৈদসু অপনবা ওইহন্দে। অসিগুম্বা খুদ কয়া অসি তারুরগা ঐখোয়সু মিকুপ খুদিং অনৌবা থবক কয়া তৌনীংবগী ৱাখল্লোন ফাওরকই।
ঐগী নুংশিরবা ইরৈবাকচাশিং, জনুৱারী থা অসিদা হরাও নুংঙাইবা অমসুং অনৌবা ইহুল পোকহনবা কুম্মৈ কয়া লাক্লগনি। খুদম ওইনা লোহরী, পোঙ্গল, মকর সংক্রান্তী, উত্তরায়ন, মাঘ বিহু, মাঘী; কুম্মাশিং অসিনা লাকপদা ভারত পুম্বদা মফম খরদনা নাৎকী জগোই উবা ফংগনি, অদুগা খরদনা লৌরোক পান্থাগী নুংঙাইবা ফোংদোক্তুনা লোহরী মৈ থাগনি। মফম কয়াদা মচু কয়াগী তেলঙ্গা পাইবা উবগা লোইননা, অতোপ্পা মফম কয়াদনা মেলা কয়া উবা ফংগনি। মশান্না কয়া চাংদম্নবা উবা ফংগনি। অদুগা মফম কয়াদানা থোইদিং কাংশুবী চামিন্নবা উগনি। কুম্মৈশিং অসিগী মমিং তোঙান তোঙান থোঞ্জরবসু নুংগী ওইবা লাখল্লোন্দি অমত্তনি। কুম্মৈশিং অসি মহৈ–মরোং, লৌউ–শিংউ, লৌবুক, লৌমী, খুঙ্গংগা মরি লৈনবা ঙাক্তনি। চৈরক অসিদা সুর্য় উত্তরায়ন ওইদুনা মকর রাশিদা চংখি। মসিগী তুংদা নুংথিলগী মতম তপ্না তপ্না শাংদোরকপগা লোইননা নীংথম মহৈ–মরোংশু লোকপা হৌরকই। ঐখোয়গী চিঞ্জাক ফংহনবীরিবা লৌমী ইচিল–ইনাওশিংদা ঙমখৈ লৈতনা য়াইফ–পাওজেল পীজরি। খেন্নবা ময়ামগী লক্তা অমত্তা ওইবা অপুনবা ভারত, অথোইবা ভারতকী ৱাখল্লোন অসি ঐখোয়গী কুম্মৈশিং অসিদা উবা ফংই। কুম্মৈশিং অসি মহৌশাগা কয়াদা নকশিন্নরিবা। ভারতকী চৎনবদা নাৎতা খুন্নাই অমসুং মহৌশাবু খক তোখাইনা লৌদে। মহৌশাগা ঐখোয়গা য়াম্না নক্নবগী খুদম অমা লৈ। কুম্মৈশিং অসিদা য়ুম্ফম ওইবা কেলেন্দর, মসিদা চহি চুপ্পগী কুম্মৈশিংগা লোইননা গ্রহ অমসুং থৱানমীচাক্কী অফ–ফত্তসু ইরি। থা অমসুং নুমিৎকী খোংচৎ মতুং ইন্না কুম্মৈগী নুমিৎ লেপ্পি। কনানা করম্বা কেলেন্দর চৎনবগে হায়বগী মতুং ইন্নসু মসি লেপ্পি। মফম কয়াদা গ্রহ অমসুং থৱানমিচাক্কী ফিভমগী মতুং ইন্না কুম্মৈগী মতম লেপ্পি। গুরী পরৱা, চেতীচন্দ, উগাদি পুম্নমকশিং অসি থাগী খোংচত্তা য়ুম্ফম ওইবা কেলেন্দরগী মতুং ইন্না পাংথোকই। তমিল পুথান্দু, বিশু, বৈশাখ, বৈসাখী, পোইলা বৈসাখ, বিহু – কুম্মৈশিং অসি নুমিৎকী খোংচৎতা য়ুম্ফম ওইবা কেলেন্দরগী মতুং ইন্না পাংথোকই। ঐখোয়গী কুম্মৈ কয়াদা তুরেল অমসুং ঈশিং কনবগী ৱাখল্লোন য়াওই। ছথ কুম্মৈ অসি তুরেল অমসুং পুখ্রিশিংদা নুমিৎ খুরুম্বগী কুম্মৈনি। মকর সংক্রান্তিদসু মীওই লাখ কয়া শেংলবা তুরেলশিংদা লুপ্নৈ। ঐখোয়গী কুম্মৈশিং অসিদা ঐখোয়দা নুংশি চানননা লৈমিন্ননবগী ৱাখল্লোন পীরি। ঐহাক্না মীয়ামদা ২০১৯গী য়াইফ–পাওজেল পীজরি। কুম্মৈশিং অসি পাংথোকপগী ফোতোশিং ময়ামদা শ্যার তৌবীয়ু মসিনা মীয়ামদা ভারতকী চৎনবী নাৎকী ফজবা উহনবা ঙমগনি।
ঐগী নুশিরবা ইরৈবাকচাশিং, ঐখোয়না মালেমদা চাউথোক্না উৎপা য়াবা কুম্মৈশিংগী মনুংদা য়াম্না মরু ওইবা অমদি কুম্ভ মেলানি। কুম্ভগী মরমদা ময়াম্না হেন্না তাবীরম্লগনি। সিনেমাদসু মসি উবীরম্লগনি খল্লি। কুম্মৈ অসি অদুক্কী মতিক চাউই, মালেম পুম্বদগী মীওই কয়া কুম্মৈ অসি য়াওবা লাক্নৈ। কুম্ভ মেলা অসি কৎথোকপা অমসুং নীংজবগী ৱাখল্লোন থোইদোক্না য়াওই। মফম অমদা মতম অমত্তদা মালেম পুম্বদগী মীওই লাখ কয়া পুল্লি। কুম্ভ অসিদা ঐখোয়গী লেমজনীংঙাই ওইরবা চৎনরোল কয়া য়াওরি। কুমসিগী ওইনা জনুৱারী ১৫দা প্রয়াগ রাজদা পাংথোক্কদৌরি। মালেমদা মমিং লৈরবা কুম্ভ মেলা অসিগীদমক ময়ামসু খৌরাংনা ঙাইবীরমগনি হায়না খনজৈ। কুম্ভ মেলাগীদমক লাইনীংবা কয়া হৌজিক্তগী লাকপা হৌরম্লগনি হায়না খল্লি। মসি মালেমগী ওইনা অথোইবা ওইরে হায়বগী খুদমদি, মমাংগী চহিদা য়ুনেস্কোনা কুম্ভ মেলা অসিবু ইন্তেঞ্জিবল কলচরেল হেরিতেজ ওফ হ্যুমেনিতীগী লিস্তা হাপখ্রে। নুমিৎ খরনিগী মমাংদা লৈবাক কয়াগী এম্বেসেদরশিনা কুমভগী শেম–শারিবশিং য়েংখি। মফম অদুদা লৈবাক কয়াগী ফিরাল পুন্না পাইহনখি। প্রয়াগরাজদা পাংথোক্কদৌরিবা কুম্ভ মেলা অসিদা লৈবাক ১৫০দগী হেনবনা শরুক য়াগনি হায়না পানরি। কুম্ভগী মতেংনা মালেম পুম্দা ভারতকী মগুন উৎকদৌরিবনি। কুমভ মেলা অসি সেল্ফ দিস্কভরীগী পাম্বৈ অমসুং ওইরিবনি। মরু ওইনা নহরোলশিংগীদমক্তি লর্নিং এক্সপিরিয়েন্স ওইবা য়াই। ঐহাক ঈশামকশু খরনিগী মমাংদা প্রয়াগরাজদা চৎলুই। কুমভগীদমক কন্না শেম–শাবা উরকই। মফম অদুদা ঐহাক্না ইন্ত্রিগেতেদ কমান্দ অমসুং কন্ত্রোল সেন্তর মীয়ামদা খুৎশিন্নখি। লাই খুরুম্বা লাকপশিংদা মসিনা মতেং য়াম্না পাংবা ঙমগনি। কুমসিদি কুম্ভ মেলাদা লু হেনবগী ৱাফমসু মরু ওইনা কন্না য়েংশিনগনি। কুম্মৈগা লোইননা লু–হেন্না লৈরবদি, মসিগী অফবা পাউজেল অরাপ্পা মফম ফাওবা য়ৌখিগনি। হন্দক্তি লাই খুরুম্বা লাকপশিংনা শেংলবা শঙ্গমদা লুপ্লবা তুংদা অক্ষয়বৎসু দর্শন তৌবা ফংলগনি। অক্ষয়বৎ অসি চহি কয়া লানবন্দা থোং লোন্দুনা লৈরুরবনি। পাম্ন–পাম্ন মসি উবা ফংজখিদ্রবনি। হৌজিক অক্ষয়বৎকী থোং অসি মীয়ামগীদমক হাংলে। ঐহাক্না মীয়ামদা হায়জনীংবদি কুম্ভ চৎপা তারবদি মদুগী ফোতোশিং অদু সোসিয়েল মীদিয়াদা শোইদনা শ্যার তৌবীদুনা মীয়ামদা কুম্বদা চৎনীংনবা ইথিল পীবীয়ু। কুম্ভ অসি নেস্নেল ইন্ত্রিগেসনগী অথোইবা পাওজেল পীবা ওইরসনু হায়না ঐহাক্না থৌনীজরি। লাইনীংবশিংগী কুম্ভ অসি লমকোইবশিংগী মহা কুম্ভ ওইরসনু হায়নসু থৌনীজরি।
ঐগী নুংশিজরবা ইরৈবাকচাশিং, জনুৱারী ২৬কী রিপাব্লিক দেগীদমক ঐখোয়গী পুক্নীংদা লাংতক্নবা পোক্নরি। নুমিৎ অদুদা ঐখোয়না ঐখোয়গী সংবিধান পীনবীরম্বা অথৌবশিংবু নীংশিংজৈ।
চহি অসিদা ঐখোয় ইকাই খুমনজরবা বাপুগী চহি ১৫০শুবা মপোক কুমওন পাংথোক্কদৌরি। ঐখোয়গী লাইবক ফবদি খা অফ্রিকাগী রাস্ত্রপতি শ্রী সিরিল রামাফোসা, কুমসি চহিগী রিপাব্লিক দেগী অথোইবা মীথুংলেন ওইনা লাক্কদৌরি। বাপুজী অমসুং খা অফ্রিকাগী মরক্তা তৎনবা য়াদ্রবা মরি অমা লৈনৈ। খা অদুমক্নি, মোহন্দগী ‘মহাত্মা’ ওইরকখিবা অদু। খা অফ্রিকাদা মহাত্মা গান্ধীনা অহানবা সত্যগ্রহ হৌদোকখি অমসুং জাতি মরক্তা খেন্নবা লৈবগী মরক্তা লেপ্পা হৌখি। মহাক্না ফীনিক্স অমসুং তোল্সতোয় ফার্মশিং লিংখৎখি। মফম অদুদগী মালেম শিনবা থুংনা ইং তপ্পা অমদি অচুম্বগী খোল্লাও শন্দোকখি। ২০১৮ অসি নেল্সন মন্দেলাগী চহি ১০০শুবা মপোক কুমওন পাংথোক্লি। মহাকপু ‘মরীবা’ হায়নসু খঙনৈ। ঐখোয় পুম্নমক্না খঙই মদুদি মন্দেলানা জাতি খেন্নবগী মায়োক্তা লান্থেংনখি অদুগা মঙোন্দা ৱাফম কয়া কনাদগী লাকখি হায়বদুসু খঙবীরম্লগনি। চহি কয়া জেলদা খাঙবগী থৌনা অদুসু বাপুজীদগী ফংখি। মন্দেলানা বাপুজীগী মরমদা অসুম্না হায়বীরম্মি –“মহাত্মা অসি ঐখোয়গী পুৱারীগা তৎনবা য়াদ্রবা শরুক অমনি মরমদি মহাক্না মফম অসিদা অচুম্বা ৱায়েলগীদমক্তা লেপ্পা হৌখি। মফম অসিদগী সত্যগ্রহ হৌখি।” মহাক্না বাপুবু রোল মোদেল ওইনা লৌই। বাপু অমসুং মন্দেলা অসিনা মালেম পুম্বদা অরানবগী মায়োক্তা লেপ্পা অমসুং নুংশিনবগী ৱাখল্লোন শন্দোক্লি।
নুংশিরবা ইরৈবাকচাশিং, নুমিৎ খরগী মমাংদা গুজরাৎকী নর্মদা তোর্বান্দা কেৱরিয়াদা দি.জি.পি. কনফ্রেন্স পাংথোকখি, মফম অদুদা মালেমগী খ্বাইদগী ৱংবা মীতম ‘স্তেচু ওফ য়ুনিতী’ লৈ, লৈবাক অমসুং লৈবাক অসিদা লৈরিব মীওইশিংবু মতৌ করম্না ঙাকশেনগনি হায়বগী মরমদা তান্নখি। চৈরক অদুদা ঐহাক্না নেস্নেল ইন্তিগ্রেসনগীদমক্তা সরদার পতেল এৱার্দ হৌদোকপগী ৱাফম লাওথোকখি। মনা অসি নেস্নেল ইন্তিগ্রেসনগীদমক্তা অচৌবা থৌদাং লৌবা মীওইদা পীগনি। সরদার পতেলনা মহাক্কী পুন্সি অদু অপুনবা লৈবাক অমা শেম্ননবগীদমক কৎথোকখি। অপুনবা ভারত অমগীদমক মহাক্না হনবা লৈতনা হোৎনখি। সরদারজীগী ৱাখল্লোন অদুবু ইকাই খুম্নবা ওইনা, মনা অসি মঙোন্দা কৎচবা শদ্ধাঞ্জলি অমনি।
ঐগী নুংশিরবা ইরৈবাকচাশিং, জুনৱারী ১৩ অসি গুরু গোবিন্দ সিংহজীগী শেংলবা মপোক কুমওন নুমিৎনি। মহাক পতনাদা পোকখি। পুন্সিগী অয়াম্বা শরুক মহাক অৱাং ভারত্তা লৈখি, অদুগা মহারাস্ত্রগী নান্দেরদা মহাক্কী পুন্সি লোমখি। পোকপনা পতনাদা পুন্সি শিন্থা পাংখিবনা অৱাং ভারত্তা অদুগা পুন্সি লোইখিবনা নান্দেরদা। অমরোমদা মহাক্না বারত অপুনবদা থৌজানবীরম্মি। মপাবুং গুরু তেক বহাদুরনা পুন্সি লোমখিবগা মহাক্না চহি মাপল শুরকপদা য়াম্না অঙাং ওইনা গুরুগী ফমথোন ফংখি। গুরু গোবিন্দ সিংহজীনা অচুম্বগীদমক লান্থেংনবগী থৌনা সিখ গুরুশিংদগী ফংজখি। মহাক ইং তপ্পা অমদি অচম্বা পুন্সি মহিংদা হিংখি। অদুবু তোল্ল–তারবশিংবু তুহৎপীরকপদা মহাক্না মখোয়গীদমক লেপখি। মহাক্না হায়বীরম্মি – অশোনবগা লান্থেংনরগা মায়োক্নরগা থৌনা উৎকদবা নত্তে। মহাক্না থাজবদি, খ্বাইদগী অচৌবা সেবাদি মীওইবগী অৱাবা কোকহনবনি। মহাক্তি অকনবা, অথৌবা, কৎথোকপা ময়াম অসিনা পুল্লবা মীশক্নি। ঐনা অমুক্কা হন্না গুরু গোবিন্দ সিংহজীগী মফমদা ইকোক নোঞ্জরি।
ঐগী নুংশিরবা ইরৈবাক মচাশিং, ২০১৮গী অরোইবা থৌরম্নি। ২০১৯দা অমুক হন্না উন্নরসি। অমুক হন্না পুক্নীংগী ৱা হায়নরসি। মীওইবগী পুন্সিবু ওইরো, লৈবাক্কী পুন্সিবু ওইরো, খুন্নাইগী পুন্সিবু ওইরো, ইথিল অসি চাউখৎপগী য়ুম্ফম্নি। লাক্লো, অনৌবা থৌনা অমদি ৱাখল্লোনগা লোইননা মাংলোমদা চংশিন্দুনা ইশাবু অমদি লৈবাক অসিবু অহোংবা পুরক্লসি। হন্না হন্না থাগৎচরি।
2018 को भारत एक देश के रूप में,
— PMO India (@PMOIndia) December 30, 2018
अपनी एक सौ तीस करोड़ की जनता के सामर्थ्य के रूप में,
कैसे याद रखेगा - यह याद करना भी महत्वपूर्ण है |
हम सब को गौरव से भर देने वाला है: PM#MannKiBaat pic.twitter.com/UJ0ESX0KLK
मैंने अभी https://t.co/jwNJuhGvwj का उल्लेख किया था |
— PMO India (@PMOIndia) December 30, 2018
जहाँ मुझे डॉ. जयाचंद्रन के बारे में पढ़ने को मिला और जब मौका मिलता है तो मैं जरुर https://t.co/jwNJuhGvwj website पर जाकर के ऐसी प्रेरित चीजों को जानने का प्रयास करता रहता हूँ: PM
ख़ुशी है कि ऐसी कई website हैं जो प्रेरणा देने वाली कई कहानियों से परिचित करा रही है | जैसे https://t.co/HMBToQyh5G समाज में positivity फ़ैलाने का काम कर रही है |
— PMO India (@PMOIndia) December 30, 2018
इसी तरह https://t.co/FkYsW9gxwz उस पर young innovators और उद्यमियों की सफलता की कहानी को बखूबी बताया जाता है: PM
इसी तरह https://t.co/N5uVDfOEBE के माध्यम से आप घर बैठे सरल तरीके से संस्कृत भाषा सीख सकते हैं |
— PMO India (@PMOIndia) December 30, 2018
क्या हम एक काम कर सकते हैं - ऐसी website के बारे में आपस में share करें | Positivity को मिलकर viral करें : PM
Negativity फैलाना काफी आसान होता है,
— PMO India (@PMOIndia) December 30, 2018
लेकिन, हमारे समाज में, हमारे आस-पास बहुत कुछ अच्छे काम हो रहे हैं और ये सब 130 करोड़ भारतवासियों के सामूहिक प्रयासों से हो रहा है : PM
जनवरी में उमंग और उत्साह से भरे कई सारे त्योहार आने वाले हैं...#MannKiBaat pic.twitter.com/4wu9otZL6Y
— PMO India (@PMOIndia) December 30, 2018
विविधता में एकता’ – ‘एक भारत श्रेष्ठ भारत’ की भावना की महक हमारे त्योहार अपने में समेटे हुए हैं#MannKiBaat pic.twitter.com/MlHxqQJ36m
— PMO India (@PMOIndia) December 30, 2018
हमारे पर्व, त्योहार प्रकृति से निकटता से जुड़े हुए हैं..#MannKiBaat pic.twitter.com/9aRZy9rq2K
— PMO India (@PMOIndia) December 30, 2018
मैं आप सभी को 2019 की बहुत-बहुत शुभकामनाएँ देता हूँ और आने वाले त्योहारों का आप भरपूर आनन्द उठाएँ इसकी कामना करता हूँ |
— PMO India (@PMOIndia) December 30, 2018
इन उत्सवों पर ली गई photos को सबके साथ share करें ताकि भारत की विविधता और भारतीय संस्कृति की सुन्दरता को हर कोई देख सके: PM
हमारी संस्कृति में ऐसी चीज़ों की भरमार है, जिनपर हम गर्व कर सकते हैं और पूरी दुनिया को अभिमान के साथ दिखा सकते हैं - और उनमें एक है कुंभ मेला: PM#MannKiBaat pic.twitter.com/qDC8NpLYAU
— PMO India (@PMOIndia) December 30, 2018
कुंभ की दिव्यता से भारत की भव्यता पूरी दुनिया में अपना रंग बिखेरेगी.#MannKiBaat pic.twitter.com/RypCXKL1B8
— PMO India (@PMOIndia) December 30, 2018
मेरा आप सब से आग्रह है कि जब आप कुंभ जाएं तो कुंभ के अलग-अलग पहलू और तस्वीरें social media पर अवश्य share करें ताकि अधिक-से-अधिक लोगों को कुंभ में जाने की प्रेरणा मिले: PM pic.twitter.com/MUGxODRl4e
— PMO India (@PMOIndia) December 30, 2018
26 जनवरी के गणतंत्र दिवस समारोह को लेकर हम देशवासियों के मन में बहुत ही उत्सुकता रहती है..#MannKiBaat pic.twitter.com/QoxETgSzou
— PMO India (@PMOIndia) December 30, 2018
2018 - नेल्सन मंडेला के जन्म शताब्दी वर्ष के रूप में भी मनाया जा रहा है..#MannKiBaat pic.twitter.com/7mXDgjya6d
— PMO India (@PMOIndia) December 30, 2018
कुछ दिन पहले गुजरात के नर्मदा के तट पर केवड़िया में DGP conference हुई, जहाँ पर दुनिया की सबसे ऊँची प्रतिमा ‘Statue of Unity’ है, वहाँ देश के शीर्ष पुलिसकर्मियों के साथ सार्थक चर्चा हुई: PM#MannKiBaat pic.twitter.com/qlkAJLE8HK
— PMO India (@PMOIndia) December 30, 2018
13 जनवरी गुरु गोबिंद सिंह जी की जयन्ती का पावन पर्व है..#MannKiBaat pic.twitter.com/3TB8rmMvrj
— PMO India (@PMOIndia) December 30, 2018
