Share
 
Comments

১. ৭৩শুবা নীং খা তম্বা নুমিৎ অমসুং শেংলবা রক্ষা বন্ধনগী কুমহৈনা লাকপদা ঐহাক্না লৈবাক মীয়াম অমদি মচে-মচন অমসুং মবুং- মৌপ্বাশিংগী মফমদা নুংঙাইবা অমসুং য়াইফ পাওজেল পীজরি।

২. লৈবাক অসিনা নীংতম্বগী কুমহৈ পাংথোক্লিবা মতম অসিদা লৈবাক অসিগী তোঙান তোঙানবা শরুকশিংদা লৈরিবা মীওইশিংনা ঈশিং ইচাউগী অৱাবা মায়োক্নরি। কেন্দ্র, রাজ্য অমসুং অতোপ্পা সংস্থানশিংনা ফিভম অদু লাকশিন্নবা কন্না হোৎনরি।

৩. অনৌবা সরকার শেম্লবা মতুং হপ্তা ১০গী মনুংদা আর্তিকল ৩৭০ অমসুং ৩৫এ লৌথোকখিবা অসি সরদার ভল্লভ ভাই পতেলগী মংলান অদু মংফাওহন্নবগী মায়কৈদা মরুওইবা খোংথাং অমনি। হৌখিবা চহী ৭০দা তৌরমদবা থবক অদু নুমিৎ ৭০নিগী মনুংদা পাংথোকখি। আর্তিকল ৩৭০ অমসুং ৩৫এ ককথৎখিবা অসি রাজ্য সভা অমসুং লোক সভা অনিমক্তা শরুক অহুম থোকপগী অনি মেজোরিতী ওইদুনা পাস তৌখি।

৪. করিগুম্বা ঐখোয়না সতি সিস্তেম মুথৎপা ঙম্লবা, অঙাং নুপীমচাশিংবু পুক্নুংদা হাৎপা থিংনবা অচেৎপা আইন শেম্বা ঙম্লবা অমদি অঙাং ওইনা লুহোংবা অমসুং অউনপোৎকী মায়োক্তা খোংজেল হৌনা লাওবা ঙম্লগদি, ঐখোয়না ত্রিপল তলাক্কী মায়োক্তসু খোংজেল হৌনা লাওবা ঙমফম থোকই।

মতৌ অদুম্না, ঐখোয়গী মুস্লিম নুপীশিংগী হক অদু ঙাক্তুনা থম্নবা ত্রিপল তলাক্কী মায়োক্তা আইন শেম্লে।

৫. তেরোরিজমগা মরী লৈনবা আইনশিংদা রেদিকেল এমেন্দমেন্তশিং শেম্লে অমদি হেন্না মপাঙ্গল কনখৎহল্লে।

৬. মশক নাইবা খোংথাং অমদা, প্রধান মন্ত্রী কিসান সম্মান নিধী য়োজনাগী বেনেফিসরীশিংগী বেঙ্ক একাউন্তশিংদা চাউরাক্না লুপা কোতি ৯০,০০০গী শেনফম ত্রান্সফর তৌবগী থৌরম চত্থরি।

৭. লৌমীশিং অমসুং অপীকপা ইন্ত্রপ্রিনরশিংদা পেন্সন স্কিম ফংহল্লে মদু মমাংদা আশা তৌরমদে।

৮. ৱাতর ক্রাইসিসকী মায়োক্নরিবশিং থেংননবা, জল সক্তিগী কত্থোক্লবা অনৌবা মন্ত্রালয় অমা শেম্লে।

৯. লাক্কদৌরিবা নুমিৎশিংদা কেন্দ্র অমসুং রাজ্যশিংনা পুল্লগা জল-জীবন মিসন মাংলোমদা পুখৎলগনি অমদি মসিগীদমক লুপা কোতি লাখ ৩.৫ হেনবা শেনফম খাক্তুনা থম্লে।

১০. লৈবাক অসিদা দোক্তরশিং, হকশেলগী খুদোংচাবশিং অমসুং সিস্তেমশিং য়াম্না দরকার ওইরি। মেদিকেল এজুকেসনবু ত্রান্সপরেন্ত ওইহন্নবা মরুওইবা আইনশিং শেম্লে।

১১. অঙাংশিংবু ঙাক-শেন্নবগীদমক অকনবা আইনশিং লৈবাক অসিনা শেম্লে।  

১২. ২০১৪-২০১৯ অসি দরকার ওইবশিং অদু মপুং ফাহন্নবা য়ুগ অমা ওইখিবদা, ২০১৯গী মতুং তারক্কদৌরিবা মতম অসিনা অনীংবা-অপাম্বা অমসুং মংলানশিং মপুং ফাহল্লগনি।

১৩. জম্মু অমসুং কশ্মীর অমসুং লদাখকী নাগরিকশিংগী অনীংবা-অপাম্বশিং মপুং ফাহনবা অদু ঐখোয়গী ইথৌদাংনি অমসুং মফম অদুদা লৈরিবা দলিতশিংবু লৈবাক্কী অতৈ মফমদা লৈরিবা দলিতশিংগুম্না চপ মান্নবা হক ফংফম থোকই। মতৌ অসুম্না গুর্জরশিং, বকরৱালশিং, সিপ্পিশিং নত্রগা বালতিশিংনা রাজনীতিগী অধিকারশিং ফংফম থোকই। ভারতপু শরুক অনি থোক্না খায়দোকখ্রবা মতুং মীওই লাখ কয়া ময়ুম থাদোক্তুনা অমসুং জম্মু-কশ্মীরদা শৈদাংলকখিবশিং অদু মরুওইবা হ্যুমেন রাইতশিং অমসুং সিতিজনশিপ রাইতশিং পীখিদে।

১৪. জম্মু-কশ্মীর অমসুং লদাখ অসি শান্তি অমসুং চাউখৎ-থৌরাংগী রোল মোদেল ওইরকপা য়াই অমদি ভারতকী চাউখৎ থৌরাংগী মায়কৈদা থৌদাং লৌবা য়াই। রাজ্য অসিনা ভারতকী চাউখৎ-থৌরাংদা চাউনা থৌদাং লৌবা ঙমগনি। ঙসিদি ভারত মচা খুদিংমক্না চাউথোক্না ‘ৱান নেসন, ৱান কন্সতিত্যুসন’ হায়বা ঙম্লে।

১৫. জি.এস.তি.না ‘ৱান নেসন, ৱান তেক্সকী’ মংলান অদু ফংলে। পাৱর সেক্তরদা ঐখোয়না ‘ৱান নেসন, ৱান গ্রিদ’ মায় পাক্না চত্থরে। ঐখোয়না ‘ৱান নেসন, ৱান মোবিলিতী কার্দ’ সিস্তেমসু দিবেলপ তৌরে অমদি ঙসি লৈবাক অসিদা ‘ৱান নেসন, ৱান পোল’দা খন্ন-নৈনরি অমসুং মসি দেমোক্রেতিক ওইবা মওং অমদা পাংথোক্কনি।

১৬. মীশিং কা হেন্না হেনবনা তুংগী মীরোলগীদমক অনৌবা সমস্যশিং ওইরকপা য়াই। অদুবু সমাজগী চাউরবা সেক্সন অমদি চেলেঞ্জ অসি মায়োক্নরি। ঐখোয়না সমাজগী কাংলুপ পুম্নমক্কা লোয়ননা হিরম অসিদা খন্ন-নৈনবা তাই।

১৭. শেঞ্জা-থুমজা অমসুং মরী-মতাগী মওং মতৌনা লৈবাক অসিবু খন্থরুবগী ৱাংমদা মাংহল তাকহল্লি। অকিবা অসি থেংননবা ঐখোয়না তেক্নোলোজী শিজিন্নদুনা খোংথাং কয়া অমা লৌখৎলে।

১৮. ইজ ওফ লিভিং অসি নীংতম্লবা ভারতকী দরকার ওইবনি। ঐখোয়না ইকোসিস্তেম অমা শেমগৎপা তাই মদুদা নুংতিগী হিংলিবা পুন্সি মহিংদা সরকারনা খুৎ থিংজিনবা হন্থবা তাই।  

১৯. লৈবাক অসিনা হেঙ্গৎনা চাউখৎপা অদু মখা তানা ঙাইবা ঙম্লোই অদুবু পাক চাউনা চাউখৎনবা হোৎনবা তাই।

২০. মোদর্ন ইনফ্রাস্ত্রকচরগী দিবেলপমেন্তকীদমক, লুপা কোতি লাখ ১০০গী শেনফম অমা পেরিওদ অসিগীদমক কায়থোক্তুনা থম্লে মদুনা অনৌবা থবক ফংহনদুনা পুন্সি মহিং ফগৎহল্লগনি।  

২১. ভারতনা ৫ দোলর ত্রিলয়ন ইকোনোমী অমগী মং মংলি। নীংতম্বগী ৭০শুবা চহীদা লৈবাক অসিগী ২ দোলর ত্রিলয়ন ইকোনোমী অমা ওইরকখি অদুবু হৌখিবা চহী মঙাদা ঐখোয়না মসিবু ৩ দোলর ত্রিলয়ন ইকোনোমী অমা ওইহল্লে অমদি খোংজেল অসিদা চৎলগদি ঐখোয় ৫ দোলর ত্রিলয়ন ইকোনোমী অমা ওইরকপা য়াই।

২২. নীংতম্বগী ৭৫শুবা চহী ফাওবদা লৌমীশিংগী শেন্থোক শরুক অনি ওইরগনি, লাইরবা খুদিংমক্না পক্কাগী য়ুম অমমম ফংলগনি, ইমুং খুদিংমকমক্না ইলেক্ত্রিসিতী কনেক্সন ফংলগনি অমসুং খুঙ্গং খুদিংমক্তা ওপ্তিকেল ফাইবর নেতৱার্ক অমসুং ব্রোদবেন্দ কনেক্তিবিতী লৈদুনা লোং দিস্তেন্স এজুকেসনগী খুদোংচাবা লৈরগনি।

২৩. ঐখোয়না ব্লু ইকোনোমী (ওসিন রিসোর্স)দা পুক্নিং চংবা তাই। ঐখোয়গী লৌমীশিংবু এক্সপোর্তর ওইহনগদবনি অমদি লৈবাক অসিগী জিলা খুদিংমক এক্সপোর্ত হব অমা ওইহনগদবনি। জিলা খুদিংমক্তগী মগুন লৈবা পোৎলমশিং গ্লোবেল মার্কেৎতা য়ৌহনগদবনি।

২৪. লমকোয়বশিংগী পন্থুংফম অমা ওইনা ভারত অসি মালেমদা অঙকপা অমা ওইহনবা য়াই। ভারত মচা খুদিংমক্না তুরিজম্বু পুক্নিং থৌগৎকদবনি, মরমদি তুরিজম সেক্তরনা ইনবেস্তমেন্ত কয়া তৌদনা থবক কয়া অমা পীরি অমদি ইকোনোমীসু হেঙ্গৎহল্লি।

২৫. তংদু লৈতাবা সরকার অমনা পোলিসী প্রিদিক্তিবিলিতী ফংহল্লি অমসুং তংদু লৈতাবা সিস্তেম অমনা ইন্তর্নেস্নেল ত্রস্ত শেমই। মালেম অসিনা ভারত্তা মসিগী রাজনীতিগী ওইবা তংদু লৈতাবা অসিগীদমক আশা তৌরদুনা মিৎয়েং থম্লি।

২৬. মসি ভারতকীদমক চাউথোকচনীংঙাইগী ৱাফম অমনি মদুদি ঐখোয়না মমল হেঙ্গৎলকপা থিংবগা লোয়ননা অৱাংবা গ্রোথ রেৎ অমা প্রোগ্রেস তৌরি।

২৭. ঐখোয়গী ইকোনোমীগী ফন্দামেন্তেলশিং অসি মপাঙ্গল য়াম্না কল্লি অমদি জি.এস.তি. অমসুং আই.বি.সি. গুম্বা রিফোর্মশিংনা সিস্তেম অসিদা অনৌবা থাজবা অমা পীরে। ঐখোয়গী ইনবেস্তরশিংনা হেন্না ইনবেস্ত তৌগনি, শেল হেন্না তানগনি অমদি থবক হেন্না পীরগনি।

২৮. ভারতনা তেরোরিজম শন্দোক্লিবা ফোর্সশিংগী মায়োক্তা য়াম্না কন্না লান্থেংনরি। ভারতনা মালেমগী অতোপ্পা লৈবাকশিংগা লোয়ননা চৎমিন্নদুনা তেরোরিজম্বু য়োকখৎলিবা অমসুং তেংবাংলিবশিংবু এক্সপোজ তৌগনি। তেরোরিজমগী অকিবশিং লৈহন্দনবা ঐখোয়গী সেক্যুরিতী ফোর্সশিং অমসুং সেক্যুরিতী এজেন্সীশিংনা মরুওইবা থৌদাং অমা লৌরি অমদি মখোয়বু ঐহাক্না ইকায় খুম্নজরি।

২৯. ভারতকী য়ুম্লোন্নবশিং – বঙ্গলাদেশ, অফগানিস্তান অমসুং শ্রীলঙ্কা তেরোরিজমগী চৈথেং ফংলি। য়ুম্লোন্নবদা লৈরিবা ঐখোয়গী অফবা মরূপ- অফগানিস্তান্না লাক্কদৌরিবা নুমিৎ মরিনিদা ১০০শুবা নীং খা তম্বা নুমিৎ পালন পাংথোক্লগনি। লাল কিলাগী ফম্বাক অসিদগী ঐহাক্না অফগানিস্তানগী মীয়ামদা ১০০শুবা নীং খা তম্বা নুমিৎ থৌরমগী নুংঙাইবা ফোংদোকচরি।

৩০. ২০১৪দা ঐহাক্না লাল কিলাগী ফম্বাক্তগী স্বচ্ছতাগী ৱাফম হৌদোকখি অমদি হৌজিক্তগী হৌরগা হপ্তা খরা খক্তমক ঙায়রবা ওক্তোবর ২দা পাংথোক্কদৌরিবা মহাত্মা গান্ধীগী ১৫০শুবা মপোক কুমওন থৌরমদা ভারত মপান্দা খোংহাম খুৎহাম চোইদবা লৈবাক অমা ওইরগনি।

৩১. ঐখোয়গী লৈবাক অসিনা মতম কয়াগী মমাংদগী আর্ম ফোর্সেসতা রিফোর্মগী মতাংদা খন্ন-নৈনরক্লি অমদি কম্মিসন কয়ানা পীরিবা মখোয়গী রিপোর্তশিং মান্নরি। ফোর্সশিংগী মরক্তা কোওর্দিনেসন মখা তানা হেঙ্গৎহন্নবা, ভারতনা চিফ ওফ দিফেন্স স্তাফ, সি.দি.এস. লৈরগনি মদুনা ফোর্সশিংবু হান্নদগী হেন্না মতিক থোকহল্লগনি।

৩২. ওক্তোবর ২ ফাওবদা ভারত অসি সিঙ্গল য়ুজ প্লাসতিক্তগী ফ্রী ওইহন্নবা ঐহাক্না লৈবাক মীয়ামদা হায়জরি। মসিগীদমক নাগরিক খুদিংমক, ম্যুনিসিপালিতী খুদিংমক অমদি গ্রাম পঞ্চায়ৎ খুদিংমক অমত্তা ওইনা পুন্সিনগদবনি।

৩৩. ঐখোয়গী প্রায়োরিতী অসি ‘মেদ ইন ইন্দিয়া’ প্রদক্তা অমা ওইগদবনি। হেন্না ফবা হয়েং অমগীদমক, ঐখোয়না লোকেল প্রদক্তশিং শিজিন্ননবা খনবা য়াই অমদি রুরেল ইকোনোমী অমসুং এম.এস.এম.ই. সেক্তর ফগৎহনবদসু মতেং পাংবা য়াই।

৩৪. ঐখোয়গী দিজিতেল পেমেন্ত প্লেৎফোর্মশিং হেন্না চেৎশিল্লক্লি। ঐখোয়না ঐখোয়গী খুঙ্গংগী দুকানশিং, অপীকপা আউতলেৎশিং অমসুং অপীকপা সিতী মোলশিংগীদমক দিজিতেল পেমেন্তশিংদা পুক্নিং চংগদবনি।

৩৫. ঐখোয়না কেমিকেল ফর্তিলাইজর অমসুং তিলহাৎ হিদাক শিজিন্নদুনা লৈবাক লৈহাওগী ফিভম শোকহল্লি। গান্ধীজীনা ঐখোয়দা হান্ননা লম্বী অদু উৎপীরম্বনা, ঐখোয়না কেমিকেল ফর্তিলাইজর শিজিন্নবগী চাং চাদা ১০, চাদা ২০ নত্রগা চাদা ২৫ হন্থহনবা ঙম্লোইদ্রা। ঐখোয়গী লৌমীশিংনা ঐহাক্না নীংজরিবা অসি পাংথোকপীগনি হায়না ঐহাক্না থাজবা থম্লি।

৩৬. ভারতকী প্রোফেস্নেলশিং মালেম পুম্বনা শকখঙলি। ঐখোয়গী বিজ্ঞানিকশিংনা মখোয়গী মতীঙ অদু চন্দ্রয়ান্দা উৎখ্রে মদুনা থাগী উবা ফংদবা মফমশিংদা য়ৌশিল্লে।

৩৭. লাক্কদৌরিবা নুমিৎশিংদা, খুঙ্গংশিংদা ৱেলনেস সেন্তর লাখ ১.৫ শারগনি। লোক সভা কন্সতিত্বেন্সী অহুমগী মরক্তা মেদিকেল কোলেজ অমা, লাইরবা মীওই কোতি অনিগীদমক য়ুম শাবা, খুঙ্গংগী ইমুং কোতি ১৫দা থক্নবা ঈশিং ফংহনবা অমসুং কিলোমীতর লাখ ১.২৫গী খুঙ্গংগী লমদমদা লম্বী থোং, খুঙ্গং খুদিংমকপু ব্রোদবেন্দ কনোক্তিবিতী অমসুং ওপ্তিকেল ফাইবর নেৎৱার্ক অনিমক্না শম্নহনবা অসি ফংনবা পান্দম থম্লিবা খরনি। অনৌবা স্তার্ত অপ ৫০,০০০ হেন্নসু থৌরাং তৌরি।

৩৮. ভারতকী সংবিধান অসি চহী ৭০ মপুং ফারক্লে, বাবা সাহেব অম্বেদকরগী মংলান অমদি চহী অসি চহী অসি গুরু নানক দেবজীগী ৫৫০শুবা কুমওনসু ওইবনা মরু ওইরি। হেন্না ফবা সমাজ অমসুং হেন্না ফবা লৈবাক অমগীদমক বাবা সাহেব অমসুং গুরু নানক দেবনা তাকপী তম্বীরম্বা অদু তুংইন্দুনা ঐখোয় মাংলোমদা চংশিল্লসি। 

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi reveals the stick-like object he was carrying while plogging at Mamallapuram beach

Media Coverage

PM Modi reveals the stick-like object he was carrying while plogging at Mamallapuram beach
...

Nm on the go

Always be the first to hear from the PM. Get the App Now!
...
PM congratulates Abhijit Banerjee on being conferred the 2019 Sveriges Riksbank Prize in Economic Sciences in Memory of Alfred Nobel
October 14, 2019
Share
 
Comments

The Prime Minister, Shri Narendra Modi has congratulated Abhijit Banerjee on being conferred the 2019 Sveriges Riksbank Prize in Economic Sciences in Memory of Alfred Nobel.

“Congratulations to Abhijit Banerjee on being conferred the 2019 Sveriges Riksbank Prize in Economic Sciences in Memory of Alfred Nobel. He has made notable contributions in the field of poverty alleviation. I also congratulate Esther Duflo and Michael Kremer for wining the prestigious Nobel", the Prime Minister said.