Share
 
Comments
অজাদিগী ৭৫শুবা চহিদা সর্ভিস চংলকপা অসি নখোয় লাইবক ফৈ, লাক্কদৌরিবা মথংগী চহি ২৫ অসি নখোয় অমসুং ভারত অনিমক্কী ওইনা খ্বাইদগী লুরবা মতম ওই: পি.এম.
“নখোয়না ‘স্বারাজ্য’গীদমক লান্থেংনখি; নখোয়না ‘সু-রাজ্য’ ফংনবা মাংলোমদা চংশিনগদবনি”: পি.এম.
অসিগুম্বা তেক্নোলোজিকেল দিসরপ্সনশিংগী মতমশিংদা পুলিস শেম-শাদুনা থম্বা অসিনা চেলেঞ্জ ওইরি: পি.এম.
নখোয়না ‘এক-ভারত-শ্রেশথ ভারত’কী ফ্লেগ-বিয়ররশিং ওইরিবনি, ‘লৈবাক্কী হান্না, মতম পুম্নমক্তা হান্না’ হায়বা মন্ত্র অসি মতম পুম্নমক্তা নিংশিংগদবনি: পি.এম.
কোইদনবা হোৎনগদবনি অমসুং য়ুনিফোর্মগী ইকাই খুম্নবা অদু ঙাক্তুনা থমগদবনি: পি.এম.
নুপী ওফিসরশিংগী মঙাল লৈবা অনৌবা জেনেরেসন অমা ঐনা উরে, পুলিস ফোর্স্তা নুপীশিংগী চাং হেন্না ৱাংনা য়াওহন্নবা ঐখোয়না হোৎনখ্রে: পি.এম.
লাইনা-লাইচৎ অসিগী মতমদা মথৌ তৌবদা খৱাই থাদোকখ্রবা পুলিস সর্ভিসকী মেম্বরশিংদা ইকাই খুম্নবা উৎখ্রে
য়ুমথংনবা লৈবাকশিংদগী শরুক য়ারিবা ওফিসর ত্রেনীশিংনা ঐখোয়গী লৈবাকশিংগী মরক্তা লৈরিবা নক্নবা অমসুং অচেৎপা মরী অদু ফোংদোক্লি: পি.এম.

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা সর্দার ভল্লভবাই পতেল নেস্নেল পুলিস একাদমীদা আই.পি.এস. প্রেবেসনরশিংগা ৱারি শান্নখ্রে৷ কেন্দ্রগী গৃহ মন্ত্রী শ্রী অমিত শাহ অমসুং রাজ্যগী মন্ত্রী(গৃহ) শ্রী নিত্যনন্দ রাইসু থৌরম অদুদা শরুক য়াখি৷

ওফিসর ত্রেনীশিংগা ৱারি-ৱতায় শান্নখিবা

প্রধান মন্ত্রীনা ইন্দিয়ন পুলিস সর্ভিসকী প্রোবেসনরশিংগা লাইবলি ইন্তরেক্সন অমা তৌখি৷ ওফিসর ত্রেনীশিংগা উন্নখিবা অদুদা অনৌবা জেনেরেসনগী পুলিস ওফিসরশিংগী মংলানশিং অমসুং অনিংবশিং অদু খন্ন-নৈননবা প্রধান মন্ত্রীনা সর্ভিসকী ওফিসিয়েল এস্পেক্কী ৱাংমা লানখি৷

হরিয়ানাদগী পাস আউত তৌরক্তুনা কেরেলা কেদর ওইনা হাপখ্রবা আই.আই.তি. রুর্কীগী অনুজ পলিৱালগা ৱারি শান্নখি৷ ওফিসর অসিগী বাইও-তেক্নোলোজী বেক্তগ্রাউন্দ অসিনা ক্রাইম ইনভেস্তিগেসন তৌবদা পীরিবা কান্নবা অমসুং মহাক্না পামজনা খল্লিবা মহাক্কী কেরিয়রগী এসপেক্তশিং অসি নৈনবদা সিবিল সর্ভিসেস এগজামদা মহাক্কী ওপ্সনেল সবজেক্ত ওইখিবা সোসিওলোজীগী কান্নবা অদুগী মতাংদা ওফিসর অসিনা প্রধান মন্ত্রীদা তমখি৷ শ্রী পলিৱালনা ম্যুজিক পামজবা অসি পোলিসিংগী মালেমদা চন্নদবদি য়াই অদুবু মসিনা মহাক্কী ৱাখল নুংঙাইহন্দুনা হেন্না অফবা ওফিসর অমা ওইহনবদা মতেং পাংলগনি অমসুং সর্ভিস অদু ফগৎহনবদা মঙোন্দা মতেং পাংলগনি হায়না প্রধান মন্ত্রীনা ফোংদোকখি৷

পোলিতিকেল সাইন্স অমসুং ইন্তরনেস্নেল রিলেসন্সনা সিবিল সর্ভিসেসকী সবজেক্ত ওইনা লৌরকখিবা লো গ্রেজুয়েত অমসুং অফবা স্বিমর অমা ওইরিবা রোহন জগদিশকা উন্নখিবদা, প্রধান মন্ত্রীনা পুলিস সর্ভিসতা ফিতনেসকী মরু ওইরিবা অদুগী মতাংদা খন্ন-নৈনখি৷ শ্রী জগদিশকী মপানা কর্নাতকাগী স্তেত সর্ভিস ওফিসর ওইরমখিবা মতম অদুদগী হৌদুনা চহিশিং অসিদা তেনিংদা হোংলক্লিবশিং অদুগী মতাংদসু মহাক্না খন্ন-নৈনখি৷

ছত্তিশগরগী কেদর ওইখ্রবা মহারাস্ত্রগী সিবিল ইঞ্জিনিয়র গৌরভ রামপ্রভেশ রাইগা উন্নখিবদা, মহাক্কী হোবী ওইরিবা চেস মশান্নগী মতাংদা ৱা-শাংনা ঙাংখি অমসুং ফিল্দ অসিদা মহাক্কী হোবী অসিনা করম্না মতেং পাংগদগে হায়বগী মতাংদা খন্ন-নৈনখি৷ মফম অসিদা লৈরিবা লেফত-ৱিঙ্গ এক্সত্রিমিজম অসি য়েংলগা, মফম অসি অখন্নবা চেলেঞ্জশিং লৈ হায়না প্রধান মন্ত্রীনা ফোংদোকখি অমসুং লো অমসুং ওর্দরগা লোইননা ত্রাইবেল এরিয়াশিং অসিদা চাওখৎ-থৌরাংদা মীৎয়েং চংবা অমসুং সমাজকা অফবা মরী থম্বা দরকার ওইরগনি৷ মহাক্কুম্বা নহা ওইরিবা ওফিসরশিংনা নহাশিংবু হিংশাগী লম্বী অসিদগী পুথোকপদা অচৌবা থৌদাং লৌরগনি হায়না প্রধান মন্ত্রীনা ফোংদোকখি৷ ঐখোয়না মাউইস্তকী হিংশা অসি লাকশিল্লি অমসুং ত্রাইবেল এরিয়াশিং অসিদা চাওখৎ-থৌরাং অমসুং থাজনবগী অনৌবা লম্বীশিং শেম গৎলি হায়না প্রধান মন্ত্রীনা ফোংদোকখি৷

হরিয়ানদগী রাজস্থান কেদর ওফিসর ওইরিবা রঞ্জিতা শর্মগা উন্নখিবদা, ত্রেনিং মনুংদা খ্বাইদগী ফবা প্রোবেসনরনি হায়না ইকাই খুম্নদুনা মহাক্না ফংখিবা এচিবমেন্তশিং অদুগী মতাংদা প্রধান মন্ত্রীনা ৱারি শাখি অমসুং মাস কম্ম্যুনিকেসনদা লৈরিবা মহাক্কী ক্বিলিফিকেসন অদু মহাক্কী থবক্তা মতৌ করম্না শিজিন্নগদৌরিবগে হায়বগী মতাংদা ৱারি শাখি৷ হরিয়ানা অমসুং রাজস্থানদা মচানুপীশিংগী ফিভমশিং ফগৎননবা হোৎনরিবা থবক অদু শ্রী মোদীনা পনখি৷ ওফিসর অসিনা পোস্তিং তারিবা মফম অদুদা লৈরিবা নুপীমচাশিংনা মখোয়-মখোয়না পাম্লিবা অদু ফংবা ঙম্নবা মখোয়শিং অসিবু উন্নদুনা পু্ক্নিং থৌগৎনবা ওফিসর অসিনা চয়োল খুদিংগী পুং অমমম কাইথোক্নবা মহাক্না হায়খি৷

হোম কেদর ওইনা থমখ্রবা কেরলাদগী নিথিনরাজ পিগা উন্নখিবদা, ফোতোগ্রাফী অসিসু মীয়ামশিংগা হেন্না নকশিন্ননবগী অফবা মেদিয়ম অমা ওইবনা ফোতোগ্রাফীদা মহাক্না পামজরিবা অদু অদুমক লেংদুনা থম্নবা অমসুং মীয়ামশিং অসিদা তাকপি-তম্বীনবা প্রধান মন্ত্রীনা হায়খি৷

ফোর্সতা নুপী ওফিসরশিং য়াওশিল্লকপা অসিনা সর্ভিস অসিদা পোজিতিব ওইবা অহোংবা পুরক্লগনি হায়না বিহার কেদর ওইনা থমখ্রবা পঞ্জাবকী দেন্তেল দোক্তর অমা দোক্তর নাবজোত সিমিদা প্রধান মন্ত্রীনা হায়খি অমসুং ওফিসর অসিনা অকিবা অমতা লৈতনা সেন্সিতিব ওইনা অমসুং মীনুংশি লৈনা মহাক্কী মথৌ তৌননবা ওফিসর অসিদা খঙহনখ্রে৷ সর্ভিস অসিদা নুপী মশিংনা হেন্না-হেন্না য়াওশিল্লকপা অসিনা সর্ভিস অসি হেন্না মপাঙ্গল লৈহল্লগনি হায়না মহাক্না ফোংদোকখি৷

হোম কেদর ওইনা থমখ্রবা আন্ধ্র প্রদেশকী কোম্মি প্রতাপ শিবকিশোর অসি আই.আই.তি. খাদগপুরদগী এম. তেখ তৌরকখি৷ ফাইনান্সিয়েল ফ্রোদশিং অসি থেংনবা মতমদা মহাক্কী লৈরিবা ৱাখল্লোনশিং অদু প্রধান মন্ত্রীনা খন্ন-নৈনখি৷ প্রধান মন্ত্রীনা ইনফোর্মেসন তেক্নোলোজীগী ইনক্লুসিব পোতেন্সিয়েল অদু পনখি৷ সাইবরক্রাইমগী মালেমদা দিবলপমেন্তশিং পুরক্নবা মহাক্না মখোয়দা হায়খি৷ দিজিতেল এৱার্নেসকী ফিভম অসি ফগৎননবগীদমক নহা ওইরিবা ওফিসরশিংনা মখোয় মখোয়গী সজেসনশিং অদু পীশিল্লক্নবা মহাক্নসু হায়খ্রে৷

মালদ্বীপসতগী ওফিসর ত্রেনী অমা ওইরিবা মোহামদ নাজিমগসু শ্রী মোদীনা উন্নখি৷ মালদ্বীপস অসি লৈবাক অসিগী য়ুমথংনবা লৈবাক অমা ওইবদা নত্তনা অফবা মরুপ অমসু ওইরিবনি হায়না প্রধান মন্ত্রীনা ফোংদোকখি৷ মফম অদুদা পুলিস একাদমী অমা লিংখৎপদা ভারতনা মতেং পাংলিবনি৷ প্রধান মন্ত্রীনা লৈবাক অনি অসিগী মরক্তা লৈরিবা সোসিএল অমসুং ব্যুজিনেসকী ওইবা মরীশিং অদু পনখি৷

প্রধান মন্ত্রীগী ৱারোল

থৌরম অসিদা ৱা ঙাংলদুনা, লাক্লিবা ওগস্তকী চাং ১৫ অসিদা লৈবাক অসিনা মনিং-মখা তম্লকপা চহি ৭৫ মপুং ফারে হায়না লাওথোক্লগনি হায়না প্রধান মন্ত্রী অসিনা পনখি৷ হৌখিবা চহি ৭৫ অসিদা হেন্না ফবা পুলিস সর্ভিস শেমগৎনবা য়াম্না কন্না হোৎনখি৷ হৌখিবা চহিশিং অসিদা, পুলিস ত্রেনিংগা মরী লৈনবা ইনফ্রাস্ত্রকচরদা চাওনা ইমপ্রুবমেন্ত লাকখ্রে৷ ওফিসর ত্রেনীশিংনা নিংতম-ইহৌগী থৌনা অদু নিংশিংনবা প্রধান মন্ত্রীনা পাউতাক পীখি৷ ১৯৩০দগী ১৯৪৭ ফাওবগী মতম অসিনা লৈবাক অসিগী নহা ওইরিবা জেনেরেসন অসিনা অচৌবা পান্দম অমা ফংনবা হোৎনবদা অমতা ওইনা পুনশিন্দুনা হোৎনখি হায়না মহাক্না ফোংদোকখি৷ অদুগুম্বা ৱাখল্লোন অদু ঙসিগী নহাশিং অসিদসু অদুমক লেংদনা লৈরি হায়না মহাক্না ফোংদোকখি৷ “মখোয়না ‘স্বারাজ্য’গীদমক লান্থেংনরি; ‘সু রাজ্য’গীদমক নহাক্না চংশিনগদবনি”, হায়না প্রধান মন্ত্রীনা ফোংদোকখি৷

তেক্নোলোজীকেল দিসরপ্সনশিংগী মতমদা পুলিস শেং-শাদুনা লৈহনবগী তঙাই ফদবা লৈ হায়না প্রধান মন্ত্রীনা পনখি৷ অহেনবা ইন্নোবেতিব মেথর্দশিং ফাওবা শিজিন্নদুনা অনৌবা মখলগী ক্রাইমশিং অসি ঙাকথোকপা অসিনা চেলেঞ্জ ওইরি হায়না মহাক্না ফোংদোকখি৷ সাইবর সেক্যুরিতীগীদমক নোবেল এক্সপরিমেন্তশিং, রিসর্চ অমসুং মেথর্দশিং পাংথোকপা দরকার লৈ হায়না মহাক্না ফোংদোকখি৷

প্রঝাশিংনা প্রোবেসনরশিংদগী করিগুম্বা অখন্নবা খরা তৌরক্কনি হায়না থাজনরি হায়না শ্রী মোদীনা ফোংদোকখি৷ মখোয়না মতম পুম্নমক্তা ওফিস নত্রগা হেদক্বাতরশিংদা খক্তা নত্তনা মদুগী ৱাংমদসু মখোয়গী সর্ভিসকী ইজৎ ঙাক্না থবক তৌনবা মহাক্না হায়খি৷ “সমাজ অসিদা লৈরিবা থৌদাং পুম্নমক অসি নহাক্না চেকশিন্না ইনগদবনি, নহাক্না ময়ামদগী য়াম্না কোইদনা লৈগদবনি অমসুং য়ুনিফোর্মগী ইকাই খুম্নবা অদু থমগদবনি” হায়না প্রধান মন্ত্রীনা ফোংদোকখি৷

ওফিসর ত্রেনীশিং অসি ‘এক-ভারত-শ্রেশথ ভারত’কী ফ্লেগ-বিয়ররশিং ওইরিবনি, মরম অদুনা মখোয়না ‘লৈবাক্কী হান্না, মতম পুম্নমক্তা হান্না’ হায়বা মন্ত্রা অসি মখোয়গী ৱাখলদা থমগদবনি অমসুং মদু মখোয়গী থবক থৌরম পুম্নমক্তা মরী তাহনগদবনি হায়না প্রধান মন্ত্রীনা মখোয়দা খঙহনখি৷ মখোয়গী দিসিজন আর্ত ফিল্দ লেবেলদা, মখোয়না মখোয়গী ৱাখলদা নেস্নেল ইন্তরেস্ত অমসুং নেস্নেস পর্সপেক্তিব লেংদনা থমগদবনি হায়না প্রধান মন্ত্রীনা ফোংদোকখি৷

শ্রী মোদীনা অনৌবা জেনেরেসনগী মঙাল লৈরিবা নহা ওইরিবা নুপী ওফিসরশিংগী ক্বালিতী অদু মশক খঙই অমসুং ফোর্সতা নুপীশিংনা শরুক য়াবা হেনগৎননবা য়াম্না কন্না হোৎনখ্রে৷ ঐখোয়গী ইচানুপীশিংনা ইফিসয়েন্সী লৈনা অমসুং মশাগী মথৌ অদু স্তেনদর্দ খ্বাইদগী ৱাংনা পাংথোক্তুনা পুলিস সর্ভিস অসি মপুং ফাহল্লগনি অমসুং চিং-লেম্বা, থবক লাইথোকহনবা অমসুং সেন্সিতিবিতীগী ইলিমেন্তশিং অদুসু পুরক্লগনি হায়বগী অশা অদু মহাক্না ফোংদোকখি৷ মীশিং লাখ ১০ হেন্না লৈবা শহরশিংদা কম্মিশনার সিস্তেম হৌদোক্নবা রাজ্যশিংনা য়াম্না কন্না হোৎনরি হায়নসু মহাক্না পনখি৷ সিস্তেম অসি মাংজৌননা রাজ্য ১৬কী শহর কয়া অমদা হৌদোকখ্রে৷ পোলিসীশিং অসি ইফেক্তিব ওইহন্নবা অমসুং মতম কুইনা চৎননবা অমতা ওইনা খুৎশম্নদুনা অমসুং সেন্সিতিব ওইনা থবক তৌবা মরু ওইনা হায়না মহাক্না ফোংদোকখি৷

লাইনা-লাইচৎ অসিগী মনুংদা মশাগী মথৌ তৌবদা থৱাই মাংখ্রবা পুলিস ফোর্সকী মেম্বরশিংদা প্রধান মন্ত্রীনা ইকাই খুম্নবা উৎখি৷ লাইচৎ অসি থেংননবা হোৎনবদা মখোয়না লৌখিবা থৌদাং অদু মহাক্না নিংশিংখি৷

একাদমী অসিদা ত্রেনিং তৌরিবা য়ুমথংনবা লৈবাকশিংগী পুলিস ওফিসরশিংনা লৈবাকশিংগী মরক্তা লৈরিবা নক্নবা অমসুং অচেৎপা মরী অদু ফোংদোক্লি হায়না প্রধান মন্ত্রীনা হায়খিখি৷ ভুতান, নেপাল, মালদ্বীপ্স নত্রগা মাউরিতস ওইরবসু, ঐখোয় অসি য়ুমথংনবা লৈবাকশিং খক্তা নত্তে, ঐখোয়গী ৱাখল্লোন অমসুং সোসিএল ফেব্রিক্তা মান্নবা কয়ামরোম ঐখোয়নসু সেয়র তৌনরি হায়না মহাক্না ফোংদোকখি৷ দরকার ওইরকপা মতমদা ঐখোয় অসি মরুপ-মপাংশিংনি অমসুং কলামিতী অমা হেক্তা নত্রগা খুদোংথিবা অমা হেক্তা লাকপা মতমদা, ঐখোয়না অমনা অমগী মতেং পাংনৈ৷ হায়রিবা অসি কোরোনাগী মতমদসু খুদম ওইরি৷

ৱা ঙাংখিবগী মপুংফাবা ৱারোল পানবা মসিদা নম্বীয়ু

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Preparing for outbreaks

Media Coverage

Preparing for outbreaks
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 26 ওক্তোবর 2021
October 26, 2021
Share
 
Comments

PM launches 64k cr project to boost India's health infrastructure, gets appreciation from citizens.

India is making strides in every sector under the leadership of Modi Govt