Share
 
Comments
অজাদিগী ৭৫শুবা চহিদা সর্ভিস চংলকপা অসি নখোয় লাইবক ফৈ, লাক্কদৌরিবা মথংগী চহি ২৫ অসি নখোয় অমসুং ভারত অনিমক্কী ওইনা খ্বাইদগী লুরবা মতম ওই: পি.এম.
“নখোয়না ‘স্বারাজ্য’গীদমক লান্থেংনখি; নখোয়না ‘সু-রাজ্য’ ফংনবা মাংলোমদা চংশিনগদবনি”: পি.এম.
অসিগুম্বা তেক্নোলোজিকেল দিসরপ্সনশিংগী মতমশিংদা পুলিস শেম-শাদুনা থম্বা অসিনা চেলেঞ্জ ওইরি: পি.এম.
নখোয়না ‘এক-ভারত-শ্রেশথ ভারত’কী ফ্লেগ-বিয়ররশিং ওইরিবনি, ‘লৈবাক্কী হান্না, মতম পুম্নমক্তা হান্না’ হায়বা মন্ত্র অসি মতম পুম্নমক্তা নিংশিংগদবনি: পি.এম.
কোইদনবা হোৎনগদবনি অমসুং য়ুনিফোর্মগী ইকাই খুম্নবা অদু ঙাক্তুনা থমগদবনি: পি.এম.
নুপী ওফিসরশিংগী মঙাল লৈবা অনৌবা জেনেরেসন অমা ঐনা উরে, পুলিস ফোর্স্তা নুপীশিংগী চাং হেন্না ৱাংনা য়াওহন্নবা ঐখোয়না হোৎনখ্রে: পি.এম.
লাইনা-লাইচৎ অসিগী মতমদা মথৌ তৌবদা খৱাই থাদোকখ্রবা পুলিস সর্ভিসকী মেম্বরশিংদা ইকাই খুম্নবা উৎখ্রে
য়ুমথংনবা লৈবাকশিংদগী শরুক য়ারিবা ওফিসর ত্রেনীশিংনা ঐখোয়গী লৈবাকশিংগী মরক্তা লৈরিবা নক্নবা অমসুং অচেৎপা মরী অদু ফোংদোক্লি: পি.এম.

ময়ামগা ৱারী শাবদা ঐঙোন্দা নুংঙাইবা পোকই। নখোয়গুম্বা নহা ওইরিবা মরুপশিংগা লোইননা ঐহাক্না ৱারী শাদুনা নখোয়গী ৱাখল্লোনশিংগী মরমদা খঙবা ফংজবা অসি লাইবক ফবনি। নখোয়গী ৱাহৈশিং, ৱাহংশিং অমসুং খঙনীংবা পোকপা অসিনা ঐহাক্না তুংদা লাক্কদবা শিংনবশিং অসি লাকশিনবদা মতেং ওই।

মরুপশিং,

খন্ন-নৈনবা অসি ভারতনা নীং খা তমখিবগী চহি ৭৫গী অমৃত মহোৎসব পালন তৌবা মতম অসিদা ওইররে। হন্দক চহিগী ওগস্ত ১৫গী তাং অসিগা লোইননা, নীং খা তম্বগী চহি ৭৫শুবা কুমওন পুদুনা লাক্লি। হৌখিবা চহি ৭৫ অসিদা ভারতনা হেন্না ফবা পুলিসকী সেবা অমা শেমগৎনবা হোৎনৈ। পুলিসকী ত্রেনিংগা মরী লৈনবা ইনফ্রাস্ত্রকচরদসু হন্দক্কী চহি খরা অসিদা য়াম্না ফগৎলে। ঙসি নখোয়গা ৱারী শাবা অসিদা ঐহাক্না মথংগী চহি ২৫দা ভারত্তা নহারোলশিংনা লো এন্দ ওর্দর ঙাকপদা শরুক য়াগনি হায়বা খংবা ঙম্লে। মরম অসিনা ঐখোয়না অনৌবা অহৌবা অমসুং অনৌবা ফিরেপ অমগা লোইননা মাংদা চংশিল্লসি।

মরুপশিং,

নখোয় কয়ানা দান্দীদা চৎলুরবগে নত্ত্রগা সাবরমতী আশ্রমগী উরুরবগে হায়বা ঐহাক্না খঙদে। অদুবু ঐহাক্না নখোয়দা দান্দী য়াত্রা অসি ১৯৩০দা হৌখিবা হায়া নীংশিহনবা পাম্মি। গান্ধীজীনা থুমগী সত্যাগ্রহদা য়ুম্ফম ওইরগা ব্রিতিশকী লৈঙাক্কী য়ুম্ফম অদু নমথুবগী মতাংদা হায়বীরমখি। মহাক্না হায়রমখি, “পাম্বৈশিং অদু অচুম্বা অমসুং অফবা ওইরবদি ইশ্বরনসু ঐখোয়গীদমক লেপকনি”।

 

 

মরুপশিং,

মহাত্মা গান্ধীনা মীওই খরগা সাবরমতী আশ্রম থাদোক্তুনা চৎখি। নুমিৎনা হৌখিবগা লোইননা মফম কয়া কয়াদগী মীয়ামনা থুমগী সত্যাগ্রহ অসিদা য়াওশিনবা হৌখি। নুমিৎ ২৪নিগী মতুংদা গান্ধীজীনা মহাক্কী দান্দীগী খোঙচৎ মপুং ফারবা মতমদা লৈবাক পুম্বনা অমত্তা ওইনা লেপখি। কাশ্মিরদগী কন্যাকুমারি অমসুং অত্তোক্তগী কত্তক ফাওবা, ভারত পুম্বদা অহোংবা লাকখি। মতম অদুগী ইহুল অমসুং অখাং কনবা অদু নীংশিংবীয়ু। মসিগী ইহুল অমসুং অমত্তা ওইবগী ৱাখল্লোন অসিনা ভারতকী নীংতম ইহৌগী অপুনবা শক্তি ওইখি। লৈবাক অসিনা নহারোলশিংদগী অওনবা পুরক্নবা চপ মান্নবা থৌনা-লিংজেল অমসুং অখাং-কনবা অসি পাম্লি। ১৯৩০দগী ১৯৪৭কী মরক্তা লৈবাক অসিদা হৌরকখিবা ইথক, লৈবাক অসিগী নহারোলশিংনা মাংদা চোংথোরকখিবা, পান্দম অমগীদমক অমত্তা ওইনা পুন্সিন্দুনা নহা ওইরিবা মীরোল পুম্নমক্না লেপখিবা, ঙসি ৱাখল্লোন অদুমক অদোমগী নুংদা লৈ হায়না থাজৈ। মতম অদুদা লৈবাক অসিগী মীয়াম্না মনীং তম্নবগীদমক (স্বরাজ্য) লান্থেংনখি। ঙসিদি অদোম অফবা লৈঙাক (সুরাজ্য) অমগীদমক চোংথোরক্কদবনি। মতম অদুদা মীয়াম্না লৈবাক অসিগী নীং খা তম্নবগীদমক্তা থৱাই থানবা শেম-শাদুনা লৈখি। ঙসি নখোয়না লৈবাক অসিগীদমক হিংবগী ৱাখল্লোন অদুগা লোইননা মাংদা চংশিনবা তাই। ভারতকী নীংতমখিবা চহি ১০০ মপুং ফারকপা মতমদা ঐখোয়গী পুলিসকী সর্ভিআ অসি করম তৌগনি, মসি চহি ২৫গী মতুংদা মপাঙ্গল কয়াম কনগনি, হায়রিবা অসি ঙসি নখোয়গী খোঙথাংশিংগী মখা পোনগনি। নখোয়না ২০৪৭দা ওইগদৌরিবা মাই পাক্লবা অমসুং পথাপ নাইবা ভারত অমা শেমগৎনবগী য়ুম্ফম হুনবা তাই। মতমনা নখোয়গুম্বা নহারোলশিংবু ফিরেপ অসি থুংহন্নবা খল্লক্লি। অমসুং ঐহাক্না মসি নখোয় পুম্নমক্কী ওইনা অচৌবা খুদোংচাবা অমনি হায়না লৌজৈ। ভারতনা লম খুদিংমক্তা, থাক খুদিংমক্তা ত্রান্সফোর্মেসনগী খোংজেল অমদা শরুক য়ারিবা, অসিগুম্বা মতম অমদা অদোম্না কেরিয়র হৌরক্লি। অদোমগী কেরিয়রগী লাক্কদৌরিবা চহি ২৫ অসি, ভারতকী চাউখৎ-থৌরাংগী য়াম্না মরুওইবা চহি ২৫ ওইগদৌরিবনি। মরম অদুনা অদোমগী শেম-শাবা, অদোমগী পুক্নীং-ৱাখল অদু অচৌবা পান্দম অসিগী মনুং চলহনগদবনি। মথংগী চহি ২৫ অসিদা নখোয়না লৈবাক অসিগী তোঙান-তোঙানবা শরুকশিংদা তোঙান-তোঙানবা ফমশিং পাইদুনা থবক তৌগনি অমসুং তোঙান-তোঙানবা থৌদাংশিং লৌগনি। নখোয় পুম্নমক্তা মতমগা চুনবা, অফবা অমসুং মথৌ মশক খঙবা পুলিস সর্ভিস অমা শেমগৎনবগী অচৌবা থৌদাং লৈ। মরম অসিনা নখোয়না মতম পুম্বদা নীংশিংগদবা অসি নখোয় অসি চহি ২৫ অসিগী ওইনা অখন্নবা মিসিন অমদা চৎলি অমসুং ভারতনা নখোয়বু অখন্ননা খনবনি হায়বা অসিনি।

মরুপশিং,

মালেম পুম্বদা থেংনরকপশিংনা উৎলি মদুদি লৈবাক অমনা চাউখৎপগী লম্বেলদা মাংদা চংশিল্লকপা মতমদা, লৈবাক অদুগী মপালদগী অমসুং লৈবাক মনুংদগী লাকপা শীংনবশিং অসি চপ মান্নৈ। মরম অসিনা নখোয়গী শীংনবা অসি লেপ্পা লৈরনা তেক্নোলোজীগী ওইবা অপনবা লাকপা মতমদা পোলিসিং তৌনবা শেম-শাবা অসিনি। অদোমগী শীংনবা অসি হেন্না অনৌবা মওংশিংগা লোইননা ক্রাইমগী অনৌবা মওংশিং অসি থিংবা অসিনি। নখোয়না মরু ওইনা সাইবর সেক্যুরিতীগী মতাংদা অনৌবা এক্সপরিমেন্তশিং, রিসর্চ অমসুং মেথদশিং দিবেলপ অমসুং এপ্লাই তৌগদবনি।

 

মরুপশিং,

লৈবাক অসিগী সম্বিধান অমসুং দেমোক্রেসীনা হক কয়া পীরিবা ইরৈবাকচাশিংনা মখোয়না তৌফম থোকপা মথৌ তৌহন্নবা হোৎনবদা নখোয়গী থৌদাং অসি মরু ওই। মরম অসিনা নখোয়দগী ৱাংনা আশা তৌরি অমসুং নখোয়গী থবক-থৌরম অসি মতম পুম্বদা মোনিতর তৌরি। নখোয়দা প্রেসর য়াম্না লাক্কনি। নখোয়না পুলিস স্তেসন নত্ত্রগা পুলিস হেদক্বাতরশিংগী লৈরিবা বাউন্দরীশিংগী মনুংদা লৈরিবা অদু খক্তা খনবা য়াদে। নখোয়না খুন্নাইদা লৈরিবা থৌদাং খুদিংমক খংবা তাই, য়ুনিফোর্ম অসিবু অৱাংবা থাক্তা থমদুনা মতম পুম্বদা মীনুংশি লৈবা অমসুং মসিবু ইকাই খুম্নগদবনি। নখোয়না মতম পুম্বদা কাউরোইদবা ৱাফম অমা লৈ। নখোয়না লৈবাক অসিগী তোঙান-তোঙানবা জিলাশিং অমসুং শহরশিংদা শেবা তৌগনি। মরম অসিনা নখোয়না মতম চুপ্পদা মন্ত্র অমা নীংশিংগদবনি। নখোয়না ফিল্দদা লৈরিঙৈদা লৌবা ৱারেপ খুদিংমক লৈবাক অসিগী য়াইফনবা ওইগদবনি, লৈবাক্কীদমক ওইগদবনি। নখোয়গী থবক অমসুং সমস্যাশিংগী হীরম অসি অয়াম্বনা লোকেল ওইগনি মরম অসিনা মখোয় অদু য়েংশিনবা মতমদা মন্ত্র অসি য়াম্না কান্নগনি। নখোয় এক ভারত, শ্রেস্থ ভারতকীসু ফিরাল পায়বা অমনি হায়বসি মতম পুম্নমক্তা নীংশিংগদবনি। মরম অসিনা, নখোয়গী এক্সন খুদিংমক, নখোয়গী খোংথাং খুদিংমক নেসন ফার্স্ত, ওলৱেজ ফার্স্ত- লৈবাক্না হান্না, মতম পুম্নমক্তা হান্না হায়বা ৱাখল্লোন অসি রিফ্লেক্ত তৌহনগদবনি।

মরুপশিং,

ঐহাক্কী মাংদা ফিদম্নীংঙাই ওইরবা নুপী ওফিসরগী অনৌবা মীরোন অমা উবা ফংলি। চহি কয়া অসিদা নুপীশিংনা পুলিস ফোর্সতা য়াওবা মশিং হেনগৎহন্নবা লেপ্পা লৈতনা হোৎন্দুনা লাকই। ঐখোয়গী ইচানুপীশিংনা পুলিসকী সর্ভিসতা নোলুকপা, মরোদোম থবক তৌবা অমসুং হৈশিংবা লোইননা থবক-থৌরম হৈবা অমসুং থাজবা য়াবগী ভেল্যুশিং হাপচুল্লগনি। মসিগা মান্নবা মওংদা, রাজ্যশিংদা লৈরিবা মীশিং করোর অমা হেন্না লৈরিবা শহরশিংদা কম্মিস্নর সিস্তেম অসি ইমপ্লিমেন্ত তৌনবা থবক পাইখৎলি। হৌজিক ফাওবদা সিস্তেম অসি রাজ্য ১৬গী শহর কয়াদা ইমপ্লিমেন্ত তৌখ্রে। অতৈ মফমশিংদসু অফবা খোঙথাং অসি পাইখৎলক্কনি হায়না ঐহাক্না থাজৈ।

মরুপশিং,

পোলিসিং ফ্যুচরিস্তিক অমসুং ইফেক্তিব ওইহন্নবা অপুনবা ওইনা অমসুং সেন্সিতিবিত ওইনা থবক তৌমিন্নবা তাই। কোরোনাগী মতম অসিদসু পুলিসতা লৈরিবা ঐখোয়গী মরুপশিংনা ফীভম অসি লাকশিনবদা অচৌবা থৌদাং অমা করম্না লৌখি হায়বা উবা ফংখি। ঐখোয়গী পুলিসশিংনা কোরোনাগী মায়োক্তা লান্থেংনবদা ইরৈবাকচাশিংগা লোইননা পুন্না থবক তৌমিন্নখি। পুলিস পর্সনেল কয়ানা মখোয়গী থৱাই ফাওবা কত্থোকখি। ঐহাক্না লৈবাক্কী মহুৎ শিন্দুনা জৱানশিং, পুলিসশিংদা ইকাই খুম্নবা উৎচরি অমদি মখোয়গী ইমুং-মনুংশিংগী অৱাবদা শরুক য়াজরি।

 

মরুপশিং,

ঐহাক্না নখোয়গী নফমদা হীরম অমগা খন্নবা পাম্মী। হৌজিক মতমদা মহৌশাগী খুদোংথীবা, ঈশিং ইচাও, নোংলৈ নুংশিৎ নত্ত্রগা চিং নিংখাইবশিং থোকপা মতমদা এন.আর.দি.এফ.কী মরুপশিংনা মপুংফানা শেম-শাদুনা মফম অদুদা চংশিল্লি। খুদোংথীবা থোকপা মতমদা এন.আর.দি.এফ.কী মমিংনা মীয়ামদা থাজবা পীরি। এন.আর.দি.এফ.না মসিগী ক্রেদিবিলিতী অসি মখোয়গী থোইদোক হেনদোকপা থবক্না শেমগৎপনি। ঙসিদি মীয়াম্না খুদোংথীবা থোকপা মতমদা এন.আর.দি.এফ. পর্সনেলশিংনা মথৌ তৌরিঙৈদা মখোয়গী থৱাই ফাওবা কৎলগা মখোয়গী পুন্সি কনগনি হায়না থাজবা থম্লি। এ.আর.দি.এফ.তা অয়াম্বনা নখোয়গীগা লোইনদুনা লৈবা পর্সনেলশিং য়াওরি। অদুবু হায়রিবা ইহুল অমসুং ইকাই খুম্নবা অসি পুলিসতা সমাজ অসিদগী ফংবরা? এন.আর.দি.এফ.তসু ইকাই খুম্নবা উৎলি। এন.আর.দি.এফ.তা মথৌ তৌরিবা পুলিস পর্সনেলশিংসু ইকাই খুম্নবা উৎলি। অদুবু সমাজগী চৎনবী অসি অসুম্না তৌবরা? মসি করিগীনি? নখোয়না মসিগী পাওখুম খংলম্লগনি। মীয়ামগী ৱাখলদা পুলিসপু লান্না উবগী ৱাখল্লোন অসি অচৌবা শিংনবা অমনি। কোরোনা হৌরকপা মতমদা মসিগী ৱাখল্লোন অসি খরা অওনবা লাক্লে হায়না খল্লম্মি। মরমদি মীয়াম্না পুলিসকী মীওইশিংনা লাইরবশিংগী মতেং পাংবা, অরাম খৌরাংলবশিংদা পীজ-পীথকপা, চানা থক্নবা থোংবা অমসুং মদু লাইরবশিংদা য়ৌহনবা ভিদিওশিং সোসিএল মেদিয়াদা য়েংখি। মরম অদুনা সমাজ অসি পুলিসতা মীয়াম্না থম্লম্বা ৱাখল্লোন অদুদা অহোংবা লাকখি। অদুবু হান্নগী চপ মান্নবা ফীভম অদু অমুক হনজিল্লক্লে। মসি মথক্তা মীয়াম্না থাজবা অদু করিগী হেনগৎতবগে, ক্রেদিবিলিতী করিগী হেনগৎতবগে?

মরুপশিং,

ঐখোয়গী পুলিস পর্সনেলশিংনা লো অমসুং ওর্দর ঙাক্নবা অমসুং তেরর মুৎথৎনবা লৈবাক অসি ঙাক শেনবদা মখোয়গী মথৱাই ফাওবা কৎলি। নখোয়না মতম কুইনা য়ুমদা চৎপা ফংদে অমসুং হরাও কুহ্মৈশিংগী মতমদা ফাওবা মহৌশানা নখোয়না নখোয়গী ইমুং মনুংদগী লাপ্না লৈ অদুবু পুলিসকী ইমেজগী মতাংদা লাকপদা মীয়ামগী ৱাখল্লোনশিং অসি হোংই। মসিগী ইমেজ অসি হোংহনবা অসি নৌনা পুলিসতা চংলক্লিবা অনৌবা চারোন অসিগী থৌদাংনি। নখোয়না ত্রেনিং তৌরৈ মনুংদা চহি কয়াদগী মহৌশানা চৎনদুনা লাক্লবা পুলিস দিপার্তমেন্তকী হান্নগী চৎনবীশিং অসি নুমিৎ খুদিংগী মায়োং য়াবা তাবনি। সিস্তেমনা নখোয়বু হোংহনবরা নত্ত্রগা নখোয়না সিস্তেমবু হোংহনবরা হায়বসি নখোয়গী ত্রেনিং, খাংবা কনবা অমসুং নখোয়গী লমচৎ শাজৎকী মখা পোল্লে। নখোয়গী অনিংবা অপাম্বশিংনা করিনো? নখোয়দা ফীদমনিংঙাই ওইরবা করি ৱাখল্লোনশিং লোইনরি? হায়রিবা ফীদমনিংঙাই ওইরবা ৱাখল্লোনশিং অদু মাই পাক্নবা করি থবকশিং নখোয়না পাংথোক্কনি? মদু নখোয়গী লমচৎ শাজৎকী মখা পোল্লি। অমরোমদনা মসি নখোয়গী অতোপ্পা চাংয়েং অমনি। অদুগা নখোয়না মসিদসু শোইদনা মাই পাক্কনি হায়না ঐহাক্না থাজবা থম্মি।

মরুপশিং,

ঐহাক্না মসিদা শরুক য়ারিবা ঐখোয়গা য়ুম্লোন্নরিবা লৈবাকশিংদা লৈরিবা নহা ওইবা ওফিসরশিংদা য়াইফ-পাউজেল পীজরি। ভুতান, নেপাল, মালদীপ নত্ত্রগা মোরিশস ওইরবসু ঐখোয় অসি শুপ্নগী য়ুম্লোনবা খক্তা নত্তনা ঐখোয়গী ৱাখল্লোন অমসুং খুন্নাইগী লৈরিবা মওংদা মান্নবা য়াম্না লৈ। ঐখোয় পুম্নমমক অৱা-নুংঙাইগী খোঙলোইনি। কনাগুম্বা অমদা অৱাবা নঙলবা, খুদোংথিবা থোক্লবা, খ্বাইদগী ইহান হান্না ঐখোয় অমনা অমগী মতেং পাংনৈ। ঐখোয়না মসি কোরোনাগী মতমদসু উবা ফংখ্রে। মরম অসিনা ঐখোয়গী পার্তনরশিপ অসি তুংদা হেন্না খুমাং চাউশিল্লক্কনি। ঙসি ঙমখৈশিংগী ৱাংমদা ক্রাইম অমসুং ক্রিমিনেলশিং লৈরিবা মতম অসিদা ম্যুচ্যুএল কোওর্দিনেসন হেন্না মরু ওইরক্লি। সরদার পতেল একাদেমীদা নখোয়না লেনখিবা মতমশিং অদুনা নখোয়গী কেরিয়র, নখোয়গী শক্তাম অমসুং খুন্নাইগীদমক কত্থোকপা অমসুং ভারতকী লৈরিবা মরূপ ওইবগী মরী অসি চেৎশিনহনবদা মতেং ওইরগনি হায়না ঐহাক্না থাজৈ। অমুক হান্না ময়াম পুম্নমক্তা য়াইফ-মঙ্গোল পীজরি! থাগৎচরি!

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Govt allows Covid vaccines at home to differently-abled and those with restricted mobility

Media Coverage

Govt allows Covid vaccines at home to differently-abled and those with restricted mobility
...

Nm on the go

Always be the first to hear from the PM. Get the App Now!
...
Share
 
Comments

Prime Minister Narendra Modi held productive talks with US President Joe Biden at the White House. In his remarks, PM Modi said, "Today’s bilateral summit is important. We are meeting at the start of the third decade of this century. The seeds have been sown for an even stronger friendship between India and USA."