Share
 
Comments
  1. ভারতকী প্রধান মন্ত্রী নরেন্দ্র মোদীনা চেবাউ পীবদগী মালদিব্সকী রাস্ত্রপতি ইব্রাহিম মোহমদ সোলি ২০১৮গী দিসেম্বর ১৬-১৮ ফাওবা সরকারগী খোঙচৎতা ভারত্তা লৈরি ।

2. মসি রাস্ত্রপতি সোলিনা ২০১৮গী নবেম্বর ১৭দা মালদিব্সকী রাস্ত্রপতি ওইনা ওফিস পায়রবা মতুংদা মপান লৈবাক্তা চৎপা অহানবনি । মালদিব্সকী রাস্ত্রপতিনা মহাক্কী লোয়নবী ফাস্ত লেদি ফাজনা অহমদ অমসুং মপান থৌরম মন্ত্রী অবদুল্লা সাহিদ, শেন-থুম মন্ত্রী ইব্রাহিম অমির, নেসনেল প্লান্নিং এন্দ ইনফ্রাস্ত্রকচরগী মন্ত্রী মোহমদ অস্লাম, ত্রান্সপোর্ত অমসুং সিবিল এভিয়েসন মন্ত্রী নাহালু, ইকনোমিক দিবলপমেন্ত মিনিস্তর উজ ফাইয়াজ ইস্লাইল, সরকারগী অৱাংবা থাক্কী ওফিসিয়েলশিং অমসুং ললোন-ইতিক্কী মীহুৎ কাংবু অমা লোয়নরকখি ।

3. য়াম্না মরুওইনা লৌদুনা, অখন্নবা অতিথি অমা ওইনা রাস্ত্রপতি সোলি রাস্ত্রপতি ভাবন্দা লৈখি । মসিনা ভারত অমসুং মালদিব্সকী মরক্তা লৈনরিবা অচেৎপা মরি অমসুং সরকার অনিগী মরক্তা অমনা অমবু ইকায়খুম্নবা অদু উৎলে ।

4. ২০১৮গী দিসেম্বর ১৭দা ভারতকী রাস্ত্রপতিনা মালদিব্সকী রাস্ত্রপতিগা উনখি অমসুং নুমিৎ অদুগী নুমিদাংদা রাস্ত্রপতি সোলি ইকায়খুম্নবা উৎপা ওইনা চাক্লেন অমা শীনখি । ভারতকী উপ-রাস্ত্রপতি ভেনকিয়া নাইদু অমসুং মপান থৌরম মন্ত্রী শ্রীমতি সুস্মা শ্বারাজনা মালদিব্সকী রাস্ত্রপতিগা উনখি ।

5. লৈবাক অনিগী মরক্তা লৈনরিবা অখন্নবা মরি অসি উৎতুনা য়াম্না মরুপ-মপাং ওইবা মওংদা ২০১৮গী দিসেম্বর ১৭দা ভারতকী প্রধান মন্ত্রীগা মালদিব্সকী রাস্ত্রপতিগা ওফিসিয়েল ওইবা ৱারি শানখি ।

6. খোঙচৎ মনুংদা নাকল অনিনা মখাগী য়ানচেশিং/এম ও য়ুশিং/জোইন্ত দিক্লারেসনশিং খুৎয়েক পীনখি :

• ভিসাগী খুদোংচাবা ফংহন্নবা য়ানবা

• কলচরগী মতেং পীনবগী এম ও য়ু

• এগ্রিবিউজিনেসগী থবক্তা মতেং পীনবা হেনগৎহন্নবা এম ও য়ু লৈনবা

• ইনফোর্মেসন এন্দ কম্মুনিকেসন তেক্নোলোজি অমসুং ইলেকত্রোনিক্সগী লমদা মতেং পীন্নবা জোইন্ত দিক্লারেসন 

মখাগী হিরমশিং অসিদা ইন্সতিতুৎশিংগী মরি শেমগৎনবা অমসুং মতেং পীন্নবগী ফ্রেমৱার্ক অমা শেমগৎনবা পুন্না থবক তৌমিন্নবা হায়না নাকল অনিনা য়ানখি :

• কেন্সনর লায়েংবগী মতাংদা হকশেলগী মতেং পীনবা

• ক্রিমিনেলগী থবকশিংদা নাকল অনিনা আইনগী মতেং পীনবা

• শেন থাদবা হেনগৎহনবা

• হুমেন রিছোস দিবলপমেন্ত

• তুরিজম

7. মহাক্কী অখন্নবা অতিথি অমা ওইনা রাস্ত্রপতি সোলি ৱাশক লৌবগী থৌরম শরুক য়ানবা মহাক্না হন্দক মালদিব্সতা চৎলুবা খোঙচৎ অদু প্রধান মন্ত্রী মোদীনা নিংশিংখি । ভারতনা মালদিব্সকা লৈনরিবা মসি খ্বাইদগী মরুওইবনি হায়না মহাক্না অমুক হন্না নিংশিংখি ।

8. লম্মিৎ-তুমিৎ, ইথনিক, পুৱারি, খুন্নাইগী, শেন-থুমগী অমসুং কলচরগী লমদা লৈবাক অনিগী মীয়ামগী মরক্ত লৈনরিবা অকনবা অমসুং মরুপ-মপাং ওইবা মরি অসি মখা তানা কনখৎহন্নবা লুচিংবা অনিনা অমুক হন্না অচেৎপা ফিরেপ লৌখি । মখোয়না গনতন্ত্র, চাউখৎপা অমসুং শান্তি ওইনা পুন্না হিংমিন্নবা অসিদা থাজবা থমখি ।

 

9. মখোয়না মাইপাক্না অমসুং শান্তি ওইনা গনতন্ত্রদা চংশিনবদা ভারতকী প্রধান মন্ত্রীনা মালদিব্সকী মীয়াম থাগৎখি ।  মালদিব্সকী রাস্ত্রপতিনা মহাক্কী পুন্না চাউখৎমিন্নবা, শক্তি য়েন্থোকপা, মীয়ামদা য়ুমফম ওইবা লৈঙাকা অমসুং চাউখৎপা হায়বা অসিগীদমক মহাক্না থাগৎখি ।মহাক্কী সরকারগী য়ুম্নোন্নবনা অহানবা হায়বা থৌশিল অদু নিংশিংলদুনা প্রধান মন্ত্রী মোদীনা হায়খি, মালদিব্সকী শেন-থুম চাউখৎনবা অমসুং গনতন্ত্র চাউখৎহন্নবা ভারতনা পাংবা য়াবা মতেং পাংগনি ।

10. মসিগী মতাংদা, মালদিব্সকী সোসিও-ইকনোমিক চাউখৎনবা বজেৎ, করেন্সি শ্বাব অমসুং ক্রেদিদ ওইনা য়ু এস দোল্লর বিলিয়ন ১.৪গী মতেং পীরগনি হায়না প্রধান মন্ত্রীনা লাওথোকখি ।

11. রাস্ত্রপতি সোলিনা মহাক্কী সরকারগী “ভারত হান্না থৌশিল” অমসুং ভারতকা য়াম্না নক্না থবক তৌমিন্নবা অসিদা অমুক হন্না থাজবা পীখি । ভারত সরকারনা মালদিব্সতা পীরিবা মতেং অমসুং হাওসিং, ইনফ্রাস্ত্রকচর, ঈশিং অমসুং সিৱেরেজ শেম্বা , হকশেল, ইজুকেসন অমসুং তুরিজমগী লমদা পীরিবা মতেংশিং অদুগীদমক মহাক্না থাগৎখি ।

12. পোৎ-চৈশিং, সর্বিসশিং, ই-পাউ, ৱাখল্লোনশিং, কলচর অমসুং মীয়াম চৎথোক-চৎশিন তৌনবা অমসুং পীনবা হেনগৎহন্নবা লৈবাক অনিমক্না কন্নেকতিবিতি ফগৎহনবগী তঙাইফবশিং অদু লুচিংবা অনিনা য়ানখি ।

13. জুদিসিয়েল, পুলিস, লো-ইনফোর্সমেন্ত, ওদিদ, ই-গভর্ননান্স, ফাইনান্সিয়েল মেনেজমেন্ত, লোকেল গভর্ননান্স, আই তি,  শানবা, মেদিয়া, নহারোল, নু্পীদা শক্তি পীবা, লুচিংবা, ইন্নোবেসন, ওন্ত্রেপ্রেনিউয়রসিপ , আর্ত অমসুং কলচরগী লমশিংদা ত্রেনিং পীনবা  লাক্কদৌরিবা চহি ৫ অসিদা ভারত সরকারনা অহেনবা স্লোদ ১০০০ পীগনি হায়না প্রধান মন্ত্রীনা খঙহনখি ।

14. মীগা-মীগা চংথোক-চংশিন তৌনবা অমসুং লমকোয়বা হেনগৎনবা ঙসি খুৎয়েক পীনখিবা ভিশাগী অনৌবা য়ানচে অদু লুচিংবশিংনা তরাম্না ওকখি । অনৌবা য়ানচে অদুনা মীগা-মীগা চংথোক-চংশিন তৌনবা হেনগৎহল্লগনি অমসুং মীয়ামগী খুদোংচাদবশিং কোকহল্লগনি হায়না  প্রধান মন্ত্রীনা ফোংদোকখি । মালদিব্স অসি ভারতকা ভিসা য়াওদনা চংথোক-চংশিন য়ানবা লৈবাকশিংগী মরক্তা অমনি ।

15. য়ানচে খুৎয়েক পীনবা অসিনা মালদিব্সকী মীওই কয়ানা মখোয়গী মচাশিং ভারতকী স্কুলশিংদা থাবা য়ারগনি হায়না রাস্ত্রপতি সোলিনা হরাওবা ফোংদোকখি । মসিগী য়ানচে অসিনা মালদিব্সকী নাগরিকশিং অমসুং মখোয়গী ইমুং-মনুংগী মীওইশিং লায়েংনবা ভারত্তা লাকপা য়ারগনি । লৈবাক অনিমক্কী মীওইশিংনা অপনবা লৈতনা চৎথোক-চৎশিন য়াহন্নবগী তঙাইফদবশিং অদু লুচিংবা অনিনা তকশিনখি ।

16. ভারত মহাসারগ লমদমদা শান্তি অমসুং ঙাক-শেনগী থবক ফগৎহনবগী মরুওইবা অদু লুচিংবা অনিনা য়ানখি । লৈবাক অনিমক্কী ঙাক-শেনগী থবকশিং অদুগা লমদম অসিগা থাদোক্নবা য়াদ্রবা মরি লৈনৈ । লৈবাক অমনা লৈবাক অমগী খুদোংচাদবশিং মতেং পাংননবা অমসুং মখোয়গী লমশিং অমনা অমগী মথক্তা ফত্তবা থবকশিং চৎথনবা শীজিন্নবা য়াহন্দনবা ৱারেপ লৌখি । অপুনবগী ওইনা পেত্রোলিং অমসুং এরিয়েল সর্ভিলিয়েন্স পাংথোকপা , ই-পাউ পীথোক-পীশিন তৌনবা অমসুং ত্রেনিং পীবগী খুৎথাংদা ভারত মহাসাগর লমদম অসি ঙাক-শেনগী থবক কনখৎহন্নবা লুচিংবা অনিনা য়ানখি ।

17. লমদম অসিদা অমসুং মালেমগী মফম কয়াদা উরিবা মখল খুদিংমক্কী তেরোরিজমগী মওংশিং অসি থেংননবা মতেং পীনবা হেনগৎহনবা হায়না লুচিংবা অনিনা য়ানখি । পাইরেসি, তেরোরিজম,  ওর্গনাইজ ক্রাইম, দ্রগ, হুমেন ত্রাফিক্কিংগী খুদোংচাদবশিং থেংননবা নাকল অনিনা মতেং পীনবা হায়না য়ানখি । মালদিব্স পুলিস ফোর্স সর্বিস অমসুং মালদিব্স নেসনেল দিফেন্স ফোর্সতা ত্রেনিং পীনবা মতেং পীবা হেনগৎহনবা হায়না লৈবাক অনিনা য়ানখি ।

18. লৈবাক অনিগী মরক্ত ললোন-ইতিক অমসুং শেন থাদবা হেনগৎহন্নবা লুচিংবা অনিনা য়ানখি । লৈবাক অনিমক কান্নবা ফংনবা ভারতকী কম্পেনিশিং মালদিব্সতা শেন থাদবা হেনগৎহন্নবা থবক পায়খৎলকপদা ভারতকী প্রধান মন্ত্রীনা তরাম্না ওকখি । মরম চাবা অমসুং অরোনবা লৈতবা লৈঙাক অমা থম্নবা মালদিব্স সরকারগী পান্দম অদুনা ভারতকী ললোনবশিংদা থাজবা হেনগৎহল্লে । ফিসরিজ, তুরিজম, ত্রান্সপোর্টতেসন, কন্নেকতিবিতি, হকশেল, ইজুকেসন, আই তি, নিউ অমসুং রিনিউয়েবল ইনর্জি অমসুং কম্মুনিকেসনগী লমদা মতেং পীনবা হেনগৎহনবা হায়না লুচিংবশিংনা য়ানখি ।

19. মালেমগী শিংনরকপশিং মতিক চাবা মালেমগী লৈবাকশিংগী সিস্তেম্না থেংনবগী মরুওইবা অদু লুচিংবা অনিনা অমুক হন্না য়ানখি । য়ু এন জনরেল এশেমব্লি ফগৎহনবা অমসুং য়ু এন সেকুরিতি কাউন্সিল পাকথোক-চাউথোকহনবা য়াওনা য়ু এনগী লুপশিং নৌনা শেমদোকপগী তঙাইফদবশিং অদু লুচিংবা অনিনা য়ানখি ।

20.​য়ু এন সেকুরিতি কাউন্সিলদা ভারতনা লেংদবা মেম্বর অমা ওইনবা মহাক্কী লৈবাক্না ভারত শৌগৎপা অদু মালদিব্সকী রাস্ত্রপতিনা অমুক হন্না থাজবা পীখি । ২০২০-২১গী ওইনা ভারতনা নন-পর্মিনেন্ত সিতকী মেম্বর ওইবদা মালদিব্সনা শৌগৎখি ।

21.​কম্মনৱেল্থদা অমুক হন্না য়াওনবা মালদিব্সনা ৱারেপ লৌখিবা অদু ভারতকী প্রধান মন্ত্রীনা তরাম্না ওকখি । মালদিব্সনা ইন্দিয়ান ওসিন রিম এসোসিয়েসনগী খ্বাইদগী নৌবা মেম্বর ওইরকপদা প্রধান মন্ত্র্রীনা তরাম্না ওকখি ।

22. চাওখৎলক্লিবা লৈবাকশিংনা থেংনরিবা ক্লাইমেত চেন্জগী ইথিলশিং থেংনবগী মরুওইবা অদু লুচিংবা অনিনা য়ানখি অমসুং য়ু এন এফ সি সি সি অমসুং পেরিস এগ্রিমেন্তগী খুৎথাংদা মালেমগী অইং-অশাগী খল কাইরকপা থেংনবগী তঙাইফদবা অদু য়ানখি । 
23. মালেমগী শেন-থুমগী লুপশিং মপাঙ্গল কনখৎহনবা অমসুং শেমদোকপগী মরুওইবা  অমসুং চাউখৎলক্লিবা লৈবাকশিংনা মালেমগী শেন-থুমগী ৱারেপ লৌবদা শরুক য়াবগী মরুওইবা অদু লুচিংবা অনিনা য়ানখি ।

24. মহাক্কী খোঙচৎ মনুংদা মহাক অমসুং মহাক্কা লোয়নরকপশিং তরাম্না ওকপগীদমক মালদিব্সকী রাস্ত্রপতিনা ভারতকী প্রধান মন্ত্রী থাগৎখি ।

25. মালদিব্সকী রাস্ত্রপতিনা ভারতকী প্রধান মন্ত্রী মালদিব্সতা লাক্নবা চেবাউ পীখি । ভারতকী প্রধান মন্ত্রীনা মালদিব্সতা লাক্নবগী চেবাউ অদু য়াখি।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Modi’s Human Touch in Work, Personal Interactions Makes Him The Successful Man He is Today

Media Coverage

Modi’s Human Touch in Work, Personal Interactions Makes Him The Successful Man He is Today
...

Nm on the go

Always be the first to hear from the PM. Get the App Now!
...
PM to inaugurate the Infosys Foundation Vishram Sadan at National Cancer Institute in Jhajjar campus of AIIMS New Delhi on 21st October
October 20, 2021
Share
 
Comments

Prime Minister Shri Narendra Modi will inaugurate the Infosys Foundation Vishram Sadan at National Cancer Institute (NCI) in Jhajjar Campus of AIIMS New Delhi, on 21st October, 2021 at 10:30 AM via video conferencing, which will be followed by his address on the occasion.

The 806 bedded Vishram Sadan has been constructed by Infosys Foundation, as a part of Corporate Social Responsibility, to provide air conditioned accommodation facilities to the accompanying attendants of the Cancer Patients, who often have to stay in Hospitals for longer duration. It has been constructed by the Foundation at a cost of about Rs 93 crore. It is located in close proximity to the hospital & OPD Blocks of NCI.

Union Health & Family Welfare Minister, Shri Mansukh Mandaviya, Haryana Chief Minister Minister Shri Manohar Lal Khattar and Chairperson of Infosys Foundation, Ms Sudha Murthy, will also be present on the occasion.