Share
 
Comments

কিংদম ওফ দেনমার্ককী প্রধান মন্ত্রী হর এক্সেলেন্সী মিস মেতে ফ্রেদেরিকসেন অমসুং রিপব্লিক ওফ ইন্দিয়াগী প্রধান মন্ত্রী হিস এক্সেলেন্সী মিস্তর মরেন্দ্র মোদী অনীনা থৌরম মপু ওইদুনা সেপ্তেম্বর ২৮, ২০২০দা ভারত অমসুং দেনমার্ককী মরক্তা ভর্চুএল সম্মিত অমা পাঙথোকখ্রে‍।

২. প্রধান মন্ত্রী মোদী অমসুং প্রধান মন্ত্রী ফ্রেদেরিকসেন অনীনা নাকল অনিগী ওইবা তরাম তরামবা মরুপ মপাঙ ওইবগী মীৎয়েঙ ৱাখল্লোন মমুৎ তানা ফোঙদোক্নখি অমদি অইং অশা হোংলকপা অমসুং গ্রীন ত্রাঞ্জিসন য়াওনা কোবিদ-১৯ লাইচৎ অমসুং নাকল অনিগী ওইবা ইন্তরেস্ততা লৈবা মালেমগী ৱাফমশিং খন্নদুনা তুং কোইবা য়াবা শেন্মিৎলোন অমসুং খুন্নাইগী ফীভম পুরক্ননবা মীৎয়েঙদা য়ানবা ৱাফমশিং পুরকখি‍।

৩. পুৱারীগী মরী, মান্নবা দিমোক্রেতিক চৎনবী অমসুং রিজনেল অমসুং মালেমগী ওইবা ইং-চিকপাআ অমদি তংদু লৈতাবা পুরকপা পাম্বগী মান্নবা ৱাখল্লোনদা য়ুম্ফম ওইবা নাকল অনিগী মরীবু মখা তানা শেমগৎলকপদা মখোয়না অপেনবা ফোঙদোক্নখি‍।

৪. থাজনবা খোঙবু অমা ওইনা লৈবা পাম্বগী ৱাখল্লোন য়েংলগা প্রধান মন্ত্রী অনিনা ভারত-দেনমার্ককী মরীবু গ্রীন স্ত্রেতেজিক পার্ত্নরসিপগী থাক্তা পুখৎনবা য়ানখি‍। রাজনিতিগী লমদা; শেন্মিৎলোন অমসুং লল্লোন ইতিক্কী লমদা; সাইন্স অমসুং তেক্নোলোজীগী লমদা; মহৌশাগী ফীভম; ইনর্জী; এজুকেসন অমসুং কলচরগী লমদা মতেং পাংনবগী ৱাফম কোনশিল্লিবা ভারত অমসুং দেনমার্ককী মরক্তা জোইন্ত কম্মিসন ফোর কোওপরেসন অমা লিংখৎলিবা হান্না লৈরিবা য়ানচে (ফেব্রুৱারী ৬, ২০০৯দা খুৎয়েক পীনখিবা) অসিবু তাশিন খোমজিন্দুনা খোঙবু ওইবগী মরী অসি শাগৎলক্কদবনি‍। মসিগী মথক্তা মসিনা হান্না লৈরিবা জোইন্ত ৱর্কিং  গ্রুপ ওন রিনিউএবল ইনর্জী, অর্বান দেভেলপমেন্ত, মহৌশাগী ফীভম, লৌউ-শিংউ অমসুং শা-ষন য়োকপা, ফুদ প্রোসেসিং, সাইন্স, তেক্নোলোজী অমসুং ইনোভেসন, সিপ্পিং, লেবর মোবিলিতী অমদুং দিজিতাইজেসনবু শেমগত্তুনা মপুং ফাহনগনি‍।

৫. গ্রীন স্ত্রেতেজিক পার্ত্নরসিপ অসি রাজনিতিকী মতেং পাংনবা, শেন্মিৎলোনগী মরী অমসুং গ্রীন গ্রোথ পাকথোক চাউথোকহনবা, থবক পীবা অমদি মালেমগী শীংনবশিং অমসুং খুদোংচাবশিং থেংনবদা মতেং পাংনবা হেনগৎহনবগী লমদা নাকল অনিমক্তা কান্ননিংঙাই ওইবা অমদি পেরিস এগ্রীমেন্ত অমসুং য়ু.এন. সস্তেনেবল দেভেলপমেন্ত গোলশিং পায়খৎপদা মীৎয়েঙ থম্লিবা ৱাফম অমনি‍।

৬. প্রধান মন্ত্রী অনিনা ভারত অমসুং দেন্মার্ক্না মরী লৈনবা মন্ত্রালয়শিং, ইন্সতিত্যুসনশিং অমসুং স্তেকহোল্দরশিংগী খুত্থাঙদা মতেং পাংনগদবা গ্রীন স্ত্রেতেজিক পার্ত্নরসিপ শেমগৎপগী মরুওইবশিং য়ানখি‍।

ইনর্জী অমসুং অইং-অশাগী খল হোংলকপা

৭. প্রধান মন্ত্রী অনিনা মালেমগী শিংনবশিং থেংনবদা অমদি গ্রীন ইনর্জীদা হোংলক্নবগী পাম্বৈশিং অমসুং অইং-অশাগী খল হোংলকপগী মতাঙদা পুন্না চৎমিন্নবগী ৱাফম লৈখায় তানখি‍। সমুদ্রগী নুংশিৎ অমসুং রিনিউএবল ইনর্জীগী মতাঙদা স্ত্রেতেজিক সেক্তর কোওপরেসন, লোয়ন-লোয়ননা কেপাসিতী বিল্দিং, নুংশিৎকী ইনর্জীগী মতাঙদা নোলেজ-শেয়রিং অমদি তেক্নোলোজী ত্রান্সফর; রিনিউএবল ইর্জীগী ইনর্জী মোদেলিং অমসুং ইন্তিগ্রেসনগী মতাঙদা ইন্দিয়া-দেনমার্ক ইনর্জী পার্ত্নরসিপ (আই.এন.দি.ই.পি.)না মালেমগী ইনর্জী ত্রাঞ্জিসন, গ্রীন গ্রোথ অমসুং তুং কোইগদবা চাওখৎপা পুরকপগী মায়কৈদা লৈরিবা মান্নবা মালেমগী শীংনবশিং থেংননবা মান্নবা ফীরেপ উৎলি‍। নাকল অনিনা ইনর্জী পার্ত্নরসিপ অসি লাক্কদৌরিবা চহীশিংদা হেন্না মপাঙ্গল কনখৎহন্নবা মীৎয়েঙ থম্নখি‍।

৮. ভারত অমসুং দেনমার্কনা মালেমগী অইং-অশা হোংলকপগী লান্থেং অসিদা মাঙজিল থানবা য়ানখি‍। লৈবাক অনিমক্না পেরিস এগ্রীমেন্ত পায়খৎপদা কান্নবা পুরক্কদবা অইং-অশা অমসুং ইনর্জীগী ওইবা লৈবাক্কী ৱাখল চাউবা পান্দম থম্লি‍। অইং অশা অমসুং তুং কোইগদবা ইনর্জীগী ৱাখল চাউবা পান্দম অসি ওইথোকপা য়াবা অমনি হায়না লৈবাক অনি অসিনা পুন্না উৎকনি‍।

৯. লৈবাক অনিনা অইং অশা হোংলকপা অমদি রিনিউএবল ইনর্জীগী লমদা তোঙান তোঙানবা থাক্তা খন্ন-নৈনবা অমদি তাথোক তাশিন চাং নাইনা তৌমিন্ননবা য়ানখি‍।

অকোয়বগী ফীভম/ঈশিং অমসুং সর্কুলর শেন্মিৎলোন

১০. প্রধান মন্ত্রী অনিনা অকোয়বগী ফীভম/ঈশিং অমসুং সর্কুলর শেন্মিৎলোনগী লমদা লৈনরিবা লৈঙাক্কা লৈঙাক্কা মতেং পাংনবগী ৱাফম অসি হেন্না পাকথোক চাউথোকহন্নবা অমদি মপাঙ্গল কলহন্নবা থবক পায়খৎমিন্ননবা য়ানখি‍। ঈশিং মরাঙ কাইনা ফংবা অমদি নন-রিভিন্যু ঈশিংগী (ঈশিং মাঙবা) মতাঙদা মতেং পাংননবা য়ানখি অমদি মসিগী মতাঙদা ভারতকী জল সক্তি মন্ত্রালয় অমসুং দেনিস এনভাইরন্মেন্তেল প্রোতেক্সন এজেন্সী অমদি দেনিস মিনিস্ত্রী ওফ এনভাইরনমেন্ত এন্ত ফুদপু অহানবগী ওইনা চহী অহুমগী (২০২১-২৩) ওইবা ৱর্ক প্লান অমা শেম্না থৌদাং শীন্নখি‍।

১১. প্রধান মন্ত্রী অনিনা ইন্দো-দেনিস ৱাতর তেক্নোলোজী এলাইন্সগী খুত্থাঙদা ঈশিং ফংহনবা, ঈশিং য়েন্থোকপা, ফত্তবা ঈশিং শেংদোকপা, সিৱরেজ সিস্তেম, শেংদোক্লবা ঈশিং অমুক হন্না শীজিন্নবা, ঈশিং মেনেজ তৌবা অমদি ইনর্জী হেন্না মতিং লৈহনবগী অকক্নবা লমশিংদা মতেং পাংনবগী হেনগৎহন্নিংবগী অপাম্বসু  ফোঙদোক্নখি‍।

স্মার্ত সিতীশিং য়াওনা তুং কোইগদবা অর্বান দেভেলপমেন্ত

১২. নাকল অনিমক্না জুন ২৬, ২০২০দা ২শুবা ভারত-দেনমার্ক জে.দব্লিউ.জি. ওন্দ সস্তেনেবল অর্বান দেভেলপমেন্ত ভর্চুএল ওইনা পাঙথোকখিববু শিংথারদুনা গোৱাদা লৈরিবা অর্বান লিভিং লেবকী খুত্থাঙদা স্মার্ত সিতীশিং য়াওনা তুং কোইগদবা অর্বান দেভেলপমেন্তকী মতাঙদা নাকল অনিগী ওইবা মতেং পাংনবগী মরী কনখৎহন্নবা য়ানখি‍।

১৩. নাকল অনিমক্না উদয়পুর অমদি আরহস অমসুং তুমাকুরু অমদি আরবোর্গকী মরক্তা লৈনরিবা সিতী–তু-সিতী মতেং পাংনবগী মরীবুসু মপাঙ্গল কনখৎহন্নবা য়ানখি‍।

১৪. দেনিস কম্পেনীশিংনা ভারত্তা ইন্ফ্রাস্ত্রকচর প্রোজেক্তশিং দিজাইন তৌবদা থৌদাং য়ারি হায়না মখোয়না হায়রদুনা তুং কোইগদবা অর্বান দেভেলপমেন্তকী হীরম পুম্নমক্তা দেনিসকী মায়কৈদগী হেন্না শরুক য়াশিনববু তরাম্না ওকখি‍।

বিজিনেস, ত্রেদ অমসুং সিপ্পিং

১৫. প্রধান মন্ত্রী অনিনা লৈবাক অনিগী লৈঙাক, ইন্সতিত্যুসন অমসুং বিজিনেসশিংগী মরক্তা গ্রীন অমসুং ক্লাইমেত ফ্রেন্দলী তেক্নোলোজীদা অখন্নবা মীৎয়েং থমদুনা খোঙবু ওইবগী মরী শেমগৎপগী ৱাখল্লোনবু তরাম্না ওকখি‍। গ্রীন ইনর্জীগী লমদা পব্লিক অমসুং প্রাইভেত ইনভেস্তমেন্ত শৌগৎনবা রিগুলেতরী ফ্রেমৱর্ক কন্দিসনশিংগী মরুওইবা মখোয়না শকখঙখি‍।

১৬. লুচিংবা অনিমক্না সমুদ্রগী ওইবা ৱাফমশিংদা মতেং পাংনবগী অচেৎপা মরীবু ওক্লদুনা মরী অসি জহাজ শাবা অমদি দিজাইন তৌবাও মেরিতাইম সর্ভিস অমসুং গ্রীন স্পেস, লোয়ন-লোয়ননা হিথাংফম শেমগৎপদসু মতেং পাংনবা হেনগৎহনবা য়াবগী ওইথোকপসু পন্নখি‍।

১৭. প্রধান মন্ত্রী অনিনা বিজিনেস দিলিগেসন, এস.এম.ই.শিংগী মার্কেত এক্সেস থৌওংশিং অমসুং ইজ ওফ দুইং বিজিনেস হেনগৎহন্নবা পুক্নীং থৌগৎকনি হায়বা ৱাফম ফোঙদোক্নখি‍।

১৮. ভারত অমসুং দেনমার্কনা ইনোভেসন, ক্রিএতিভিতী অমসুং তেক্নোলোজী চাওখৎপা পুরকপদা শৌগৎকদবা মখোয়গী নেসনেল ইন্তলেকচুএল প্রোপর্তী সিস্তেম মতমগা চুনহন্নবা অমদি মপাঙ্গল কনখৎহনবদা তেং ওইনবা ইন্তলেকচুএল প্রোপর্তী রাইতসকী লমদা ওইরক্লিবা মতেং পাংনবগী ফীভমসু লৈখায় তানখি‍।

সাইন্স, তেক্নোলোজী, ইনোভেসন অমসুং দিজিতাইজেসন

১৯. ভারত অমসুং দেনমার্কনা মপাঙ্গল কনবা পব্লিক-প্রাইভেত পার্ত্নরসিপগী খুত্থাঙদা সাইন্স, তেক্নোলোজী অমসুং ইনোভেসন (এস.তি.আই.)গী লমদা শেন থাদবা য়োকখৎপা অমদি মতেং পাংবনা তেক্নোলোজী শেমগৎপদা অমদি অনৌবা পাম্বৈশিং পায়খৎপদা কান্নগদবা ৱাফমশিং খঙমিন্নখি‍। এস.তি.আই.গী লমদা পুন্না চৎমিন্নবনা ভারত অমসুং দেনমার্ক্তা লৈরিবা ওথোরিতীশিং, অপীকপা অমদি অচৌবা কম্পেনীশিং অমদি থিজিল্লিবশিং অমসুং হাইয়র এজুকেসন ইন্সতিত্যুসনশিংগী মরী য়োকখত্তুনা অমদি মপাঙ্গল কনখৎহন্দুনা গ্রীন স্ত্রেতেজিক পার্ত্নরসিপ্তা ঙাক্লৌ পীরি‍। নাকল অনিনা ইনর্জী, ঈশিং, বাইও-রিসোর্স অমসুং আই.সি.তি.নচিংবা লমশিংদা পায়খৎপা প্রোজেক্তশিংদা পুন্না ৱারেপ লৌমিন্নদুনা লৈনরিবা মপাঙ্গল কল্লবা নাকল অনিগী এস.তি.আই. পার্ত্নরসিপ অসি শেমগৎনবা য়ানখি‍।

২০. লুচিংবা অনি অদুনা গ্রীন ত্রাঞ্জিসনগী দিজিতাইজেসন, দিজিতেল সোলুসন অমসুং বিজিনেস মোদেলশিংগী লমদা মখোয়গী মান্নবা ইন্তরেস্তশিং খঙমিন্নদুনা গ্রীন সস্তেনেবল গ্রোথ শৌগৎনবগীদমক দিজিতেল তেক্নোলোজীগী লমদা দেভেলপমেন্ত, ইনোভেসন অমসুং দেমোন্সত্রেসনগী ফীভম ফগৎহন্নবা পুন্না চৎমিন্ননবা লেপ্নখি‍।

চীঞ্জা অমসুং লৌউ-শিংউ

২১. লৌউ-শিংউগী লমদা পুন্না চৎমিন্নবা য়াবগী চাউনা ওইথোকপা য়াবা লৈরিবসিগী মতাঙদা, প্রধান মন্ত্রী অনিনা ফুদ প্রোসেসিং অমসুং ফুদ সেফতী, লোয়ন-লোয়ননা শা-ষন য়োকপা অমসুং শঙ্গোমগী পোত্থোক পুথোকপগী লমদা ওথোরিতীশিং, বিজিনেসশিং, রিছর্চ ইন্সতিত্যুসনশিংগী মরক্তা মতেং পাংনবগী অচেৎপা অমনি নকশিন্নবা মরী শেমগৎনবা পুক্নীং থৌগৎখি‍।

হকশেল অমসুং লাইফ সাইন্স

২২. নাকল অনিনা হকশেলগী লমদা ৱারী ৱাতায় শানবা অমদি মতেং পাংনবগী ফীভম মপাঙ্গল কনখৎহন্নবা ওইথোকপা য়াবশিং অমসুং মখোয়না পাম্নরিবা ৱাফমশিংদা অহেনবা মীৎয়েঙ চঙনখি‍। লাইচৎ অমসুং ভেক্সিন, মরুওইনা কোবিদ-১৯ অমসুং তুংগী লাইচৎশিং য়াওনা হকশেলগী থৌরাংগী লৈরিবা ইসুশিংগী মতাঙদা তাথোক তাশিন তৌননবা অমদি খ্বাইদগী ফবা ফীভম তানমিন্ননবা মখোয়গী অপাম্বশিং লৈখায় তানখি‍। মখোয়না রিসর্চ কোলাবোরেসন য়াওনা লাইফ সাইন্স সেক্তরদা হেন্না ফবা ফীভম অমা শেমগত্তুনা বিজিনেসশিংগী লল্লোন ইতিক্কী খুদোংচাবা পাকথোক চাউথোকহন্নবা থবক পায়খৎমিন্ননবা য়ানখি‍।

কল্চরেল কোওপরেসন, মীগা মীগী পাউ ফাওনবা অমসুং লেবর মোবিলিতী

২৩. প্রধান মন্ত্রী অনিনা ভারত অমসুং দেনমার্ক অনিগী মরীগী ফজবা মশকসি মতম কুইরবা মীগা মীগা পাউ ফাওদোক্নবা অসিগী মহৈনি হায়না য়ানরদুনা লৈবাক অনিগী মীয়ামগী মরক্তা কলচরেল কোওপরেসনগী খুত্থাঙদা হেন্না পাউ ফাওদোক্ননা অমদি অমনা অমবু মমুৎ তানা খঙমিন্ননবা ফীভম মখা তানা য়োকখৎনবা য়ানখি‍।

২৪. নাকল অনিনা লেবর মোবিলিতীগী ওইথোকপা য়াবশিং য়েংশিন্নবা লোয়ন-লোয়ননা মীগা মীগী পাউ ফাওদোক্নবা হেনগৎনবা লৈবাক অনিগী মরক্তা চত্থোক চৎশিন তৌবদা হেন্না কোথোক্নবা অমসুং তুরিজম সেক্তরদা মতেং পাংনবগী ৱাফম কনখৎহন্নবা য়ানখি‍।

মল্তিলেতরেল কোওপরেসন

২৫. প্রধান মন্ত্রী অনিনা চৎন-পথাপ্তা য়ুম্ফম ওইবা মল্তিলেতরেল সিস্তেম অমা শৌগৎনবা অমদি য়োকখৎনবা পুন্না হোৎনমিন্ননবা অমদি থৌরাং য়াৎমিন্ননবা য়ানখি‍। মসিদা ইনর্জী অমসুং অইং অশা হোংলকপগী মালেমগী শীংনবশিং থেংননবা মালেমগী থৌরাংবু খুমাঙ চাওশিনহনবগী তঙায় ফদবশিং থেংননবা মপাঙ্গল কনবা মল্তিলেতরেল কোওপরেসন অমসুং ইন্তরনেস্নেল ইনর্জী এজেন্সী, ইন্তরনেস্নেল রিনিউএবল ইনর্জী এজেন্সী অমদি ইন্তরনেস্নেল সোলার এলাইএন্সতা মান্নবা থৌদাংশিং য়াওরি‍।

২৬. মায়কৈ অনিনা মালেমগী ওইবা চাওখৎপা অমসুং তুং কোইগদবা দেভেলপমেন্ত পুরক্নবা দব্লিউ.তি.ও.গী মখাদা ওপন ওইবা পুম্নমক য়াওরবা অমদি চৎন-পথাপ্তা য়ুম্ফম ওইবা মল্তিলেতরেল ত্রেদিং সিস্তেম অমা য়োকখৎনবগীদমক মতেং পাংনবগী মথৌ তাবশিং শৌগৎনখি‍।

২৭. মায়কৈ অনিনা দব্লিউ.তি.ও.দা অহোংবা পুরক্নবা হৌজিৎ খন্নরিবা অসিদা শৌগৎনবা ৱাখল্লোনশিং ফোঙদোক্নখি‍। মায়কৈ অনিনা মতেং পাংনবা হেনগৎহন্দুনা দব্লিউ.তি.ও.দা পুম্নমক শুরবা মওংদা অহোংবা পুরক্নবগীদমক থৌদাং য়ানবগী ফিরেপসু চেৎশিনহনখি‍। মায়কৈ অনিনা পুরক্কদৌরিবা অহোংবা অসি মপাঙ্গল মপুং ফানা লৈবা অপিলেত বোদী অমবু দব্লিউ.তি.ও.গী থাক অনিগী ওইবা দিস্প্যুত সেত্তলমেন্ত সিস্তেমগী শরুক অমা ওইনা অমুক হঞ্জিনহনবদা খ্বাইদগী ৱাংবা মীৎয়েঙ থমদুনা পুম্নমক শুরবা অমদি লৌথুপ লৌকোই লৈতবা মওংদা পুরক্নবা য়ানখি‍।

২৮. মায়কৈ অনিনা ই.য়ু.-ইন্দিয়াগী মরী অসি হেন্না মপাঙ্গল কনখৎহন্নবা অমদি মরা চেৎশিনহন্নবা ই.য়ু. অমসুং ভারতকী মরক্তা ৱাখল চাউবা, অমদসু অমদসু কায়দবা, পুম্নমক্তা কান্নবা ত্রেদ এন্দ ইনভেস্তমেন্ত এগ্রীমেন্ত অমা পুরক্নবা থবক পায়খৎমিন্ননবা মখোয়গী ফিরেপ ফোঙদোক্নখি‍।

২৯. নাকল অনিমক্না আর্কতিক কাউন্সিলগী ফ্রেমৱর্ক্কী মনুংদা লৈরিবা আর্কতিক কোওপরেসন অসি মালেমগী ওইবা দাইমেন্সন অমা লৈ অমদি অকোয়বগী ফীভম ঙাক শেন্নবা অমদি অইং-অশা হোংলকপা থেংননবগী মথৌ তাবশিংগীদমক মরুওই হায়বা ৱাফম য়ানখি‍। ৱাখল্লোন অসিদা নাকল অনিমক্না অইং অশা হোংলকপগী লমদা আর্কতিক কাউন্সিলগী ফ্রেমৱর্ক মনুংদা পুন্না চৎমিন্ননিংবগী অপামবা ফোঙদোক্নখি‍।

৩০. লুচিংবা অনিনা মীওইবগী হক, দিমোক্রেসী অমসুং রুল ওফ লোগী মমল খঙমিন্নদুনা দিমোক্রেসী অমসুং মীওইবগী হক খুমাঙ চাওশিনহন্নবা মল্তিলেতরেল ফোরমশিংদা মতেং পাংননবা য়ানখি‍।

ৱারোইশিন

৩১. লুচিংবা অনিনা কিংদম ওফ দেনমার্ক অমসুং রিপব্লিক ওফ ইন্দিয়াগী মরক্তা গ্রীন স্ত্রেতেজিক পার্ত্নরসিপ অমা শেমগৎনবা লৈবাক অনিগী ওইবা ফিরেপ অসিনা মখোয়গী মরক্তা মপরু মপাঙ ওইবগী অমদি মতেং পাংনবগী অনৌবা পন্দুপ অমা হাংদোক্লে হায়না খন্নরিবা মখোয়গী ৱাখল্লোনশিং ফোঙদোক্নখি‍।

৩২. হায়রিবা লমশিং অসিদা ৱাখল চাউবা পান্দমশিং অমসুং থবক থৌরমশিং খঙদোক্তুনা এক্সন প্লান অমদা য়োত্থোক্লগনি অমদি মদুবু হেক য়ারিবমখৈ থুনা থবক ওন্থোক্কনি‍।

 

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Forex reserves surge by $58.38 bn in first half of FY22: RBI report

Media Coverage

Forex reserves surge by $58.38 bn in first half of FY22: RBI report
...

Nm on the go

Always be the first to hear from the PM. Get the App Now!
...
Share
 
Comments

Your Majesty,

Excellencies,

Namaskar!

This year too, we have not been able to take our traditional family photo, but virtually, we have maintained the continuity of the tradition of ASEAN-India summit. I congratulate His Majesty the Sultan of Brunei for his successful presidency of ASEAN in 2021.

Your Majesty,
Excellencies,

We all faced a lot of challenges due to the Covid-19 pandemic. But this challenging time in a way was also the test of India-ASEAN friendship. Our mutual cooperation and mutual sympathy since Covid times will continue to strengthen our relationship in future and will be the basis of goodwill among our people. History is witness that India and ASEAN have had vibrant relations for thousands of years. This is also reflected in our shared values, traditions, languages, texts, architecture, culture, cuisine etc. And therefore, the unity and centrality of ASEAN has always been an important priority for India.This special role of ASEAN, India's Act East Policy which is contained in our Security and Growth for All in the Region i.e. "SAGAR" policy. India's Indo Pacific Oceans Initiative and ASEAN's Outlook for the Indo-Pacific are the framework for our shared vision and mutual cooperation in the Indo-Pacific region.

Your Majesty,
Excellencies,

The year 2022 will mark the completion of 30 years of our partnership. India will also complete seventy-five years of its independence. I am very happy that we will celebrate this important milestone as the 'Year of ASEAN-India Friendship'. India is committed to further strengthen ties under the forthcoming Presidency of Cambodia and our Country Coordinator, Singapore. Now I look forward to hearing your views.

Thanks a lot!