Share
 
Comments
  1. উগান্দাগী রাষ্ট্রপতি য়োৱেরী কাগুতা মুসেভেনীনা চেবাউ পীরকপদগী ২০১৮গী জুলাই ২৪দগী ২৫ ফাওবা ভারতকী প্রধান মন্ত্রী শ্রী নরেন্দ্র মোদী উগান্দাদা লাকখিবনি। মহাক্না ভারত সরকারগী অৱাংবা থাক্কী ওফিসিয়েলশিংগী মীহুৎ কাংবু অমা অমসুং ললোন–ইতিক্কী মীহুৎ কাংবু অমগা লোয়নরকখি। মসি চহি ২১গী মনুংদা ভারতকী প্রধান মন্ত্রী অমনা অহানবা ওইনা লাকপনি।
  2. প্রধান মন্ত্রী মোদী থুংলবদা অৱাংবা থাক্তা তরাম্না ওকখি। খোঙচৎ অদুদা, মহাক্না ২০১৮গী জুলাই ২৪দা ইনতেব্বেদা লৈবাক স্তেৎ বেনক্বেতদা রাষ্ট্রপতি মুসেভেনীগা নাকল অনিগী ওইবা ৱারী শানখি। লাক্লিবা প্রধান মন্ত্রী ইকায়খুম্নবা উৎপা চাক্লেন অমা রাষ্ট্রপতি মুসেভেনীনা শীনখি।
  3. প্রধান মন্ত্রী মোদীগী থৌরম অদুদা উগান্দাগী পর্লিয়ামেন্তদা ৱা ঙাংবা য়াওখি, থৌরম অদু ভারত অমসুং অফ্রিকাগী লৈবাকশিংদা লাইব তেলিকাস্ত তৌখি। মসি ভারতকী প্রধান মন্ত্রী অমনা উগান্দাগী পর্লিয়ামেন্তদা ৱা ঙাংবা অহানবনি। প্রাইবেৎ সেক্তর ফাউন্দেসন ওফ উগান্দা (পি এস এফ য়ু) অমসুং কনফিদরেসন ওফ ইন্দিয়ান ইন্দস্ত্রী(সি আই আই)না পুন্না শীনবা ললোন–ইতিক্কী থৌরম অমদা প্রধান মন্ত্রী অনিমক্না ৱা ঙাংখি। মসিগীদমক অখন্ননা লাংবা থৌরম অমদা উগান্দাদা ভারত মচাশিংগী থৌরম অমদা প্রধান মন্ত্রী মোদীনা ৱা ঙাংখি।
  4. ৱা খন্নবা অদুদা, প্রধান মন্ত্রী মোদী অমসুং রাষ্ট্রপতি মুসেভেনীনা মহৌশাদগী লৈরক্লবা উগান্দা অমসুং ভারতকী অচেৎপা মরি অদু খন্নখি। লৈবাক অনিগী লৈনরিবা মরী অসি য়াম্না কান্নৈ হায়না নাকল অনিনা য়ানখি অমসুং রাজনিতী, শেল–থুম, ললোন–ইতিক, ঙাকশেন, তেক্নিকেল, মহৈ–মশিং তম্বা, সাইন্স অমসুং কলচরগী লমদা মতেং পীনবা হেনগৎহনবা হায়না য়ানখি। উগান্দাগী চাউখৎপা অমসুং শেল–থুমগী ফিবম ফগৎলকপদা লৈবাক অসিদা লৈরিবা ভারত মচা ৩০,০০০না অচৌবা থৌদাং লৌবগীদমক রাষ্ট্রপতি মুসেভেনীনা থাগৎখি। লমদম অসিদা শান্তি পুরকপদা অমসুং শেল–থুম ফগৎহনবদা উগান্দানা অচৌবা থৌদাং লৌবদা ভারতনা থাগৎখি।
  5. ৱারী শানরবা মতুংদা, ভারত অমসুং উগান্দানা:
    • হৌজিক লৈরিবা লৈবাক অনিগী মরূপ–মপাং ওইবগী মরি অসি হেন্না চৎশীন্নবা অমুক্কা হন্না ৱারেপ লৌরে,
    • ললোন–ইতিক অমসুং শেল–থুমগী লমদা লৈবাক অনিগী লৈনরিবা মরিগী মরুওইবা অদু খঙলে। হৌজিক লৈবাক অনিগী লৈরিবা ললোন–ইতিক্কী থাক অদু লুচিংবা অনিনা খঙলে অমসুং হৌজিক লৈরিবা ললোন–ইতিক্কী থবকশিং অসি পাকথোক–চাউথোকহনবা অমসুং ললোন–ইতিক্কী থোং মান্নদবা লৈরিবা অসি কোকহন্নবা খন্নখি।
    • লৈবাক অনিগী মরক্তা তৌনরিবা ললোন–ইতিক্কী থবকশিং পাকথোক–চাউথোকহনবগী তঙাইফবা লৈরিবশিং অদু য়েংলগা, মরুওইবা হিরমশিংদা লনাই ওইনা শেল থাদবা হেনগৎহনবগী তঙাইফদবা অদু হকচিন্না লৌখি,
    • ইন্দিয়া তেক্নিকেল এন্দ ইকনোমিক কোওপরেসন (আই তি ই সি), ইন্দিয়া অফ্রিকা ফোরম সম্মিৎ(আই এ এফ এস),ইন্দিয়া কাউন্সিল ফোর কলচরেল রিলেসন্স (আই সি সি আর)গী মখাদা উগান্দা মচাশিংনা ফংলিবা ত্রেনিং অমসুং স্কোলরশিপশিং থাগৎখি,
    • ঙাকশেনগী লমদা ভারত অমসুং উগান্দানা মতেং পীনবা হেনগৎপদা অপেনবা ফোঙদোকখি, ইন্দিয়া তেক্নিকেল এন্দ ইকনোমিক কোওপরেসনগী মখাদা উগান্দা পিপলস দিফেন্স ফোর্স (য়ু পি দি এফ) ভারতকী তোঙান–তোঙানবা ত্রেনিং ইন্সতিতুৎশিংদা ত্রেনিং পীবা অমসুং উগান্দাগী সেনিয়র কমান্দ এন্দ স্তাফ কোলেজ (এস সি এস সি)কমাকাদা ভারতকী মিলিতরী ত্রেনিং তিম্না ত্রেনিং পীবা অদু থাগৎখি,
    • ইনফোর্মেসন অমসুং কম্মুনিকেসন তেক্নোলোজীগী লমদা ভারত অমসুং উগান্দানা মতেং পীনবা শৌগৎপা য়ানরে। উগান্দগী পব্লিক কি ইনফ্রাস্ত্রকচর (পি কে আই) প্রোজেক্ত থবক ওইনা পায়খৎপা মতমদা ভারতকী দিজিতেল স্কিমশিং মতৌ তম্লগা পায়খৎনিংবগী অপাম্বা উগান্দানা ফোঙদোক্লি,
  6. মালেমগী শান্তি অমসুং তংদু লৈতাবদা তেরোরিজম্না অচৌবা কিহনবা থোকহল্লে হায়বা লুচিংবা অনিনা য়াখি অমসুং মসিগী মওং খুদিংমক থেংননবা অকনবা ৱারেপ অমুক হন্না লৌখি। মরম অমত্তদা তেররগী থবকশিং অচুম্বনি হায়না উৎনবা তৌরোইদবনি হায়না মখোয়না তকশিনখি।
  7. তেরোরিস্তশিং, তেরর লুপশিং, মখোয়গী নেতৱার্কশিং, মখোয়বু শৌগৎপশিং, তেরোরিজমদা শেল থাদবশিং,তেরোরিস্তশিং অমসুং তেরর গ্রূপশিং চংজফম পীবশিংগী মায়োক্তা অকনবা থবক লৌখৎনবা লুচিংবশিংনা তকশিনখি। তেরোরিস্ত লুপশিংনা দবল্যু এম দি নৎত্রগা তেক্নোলোজীশিং ফংদনবা হোৎনবগী তঙাইফদবা মখোয়না খন্নখি অমসুং কমপ্রিহেন্সিব কনভেন্সন ওন ইন্তর্নেস্নেল তেরোরিজম (সি সি আই তি) অথুবদা চৎনবা হৌহনবদা মতেং পাংবা হায়না থাজবা পীখি,
  8. মশা–মশাগা মরি লৈনবা অমসুং পামজবা লমদম লমদমগী অমসুং মালেমগী থৌদোক ৱাথোকশিংদা নক্না থবক তৌমিন্নবগী মরুওইবা অদু লুচিংবশিংনা য়ানখি,
  9. য়ু এনগী সেকুরিতী কাউন্সিল শেমদোকপা য়াওনা মসিবু পাকথোক–চাউথোকহনবা, মসিদা মীহুৎ মশিং হেন্না য়াওহনবা, মরম চানা থবক তৌবা, থবক ফজনা তৌবা, ২১শুবা চহিচাগী মালেমগী অশেংবা থৌদোক ৱাথোকশিংদা ফজনা ৱায়েনবগী থবক পায়খৎনবা লুচিংবা অসিনা অমুক হন্না ৱারেপ লৌখি। ক্লাইমেত চেঞ্জ থেংননবা, মালেমগী অমসুং লমদম লমদমগী ওইনা শান্তি অমসুং ঙাকশেলগী থবক হেনগৎহন্নবা অমসুং তুংকোইন চৎনগদবা চাউখৎ–থৌরাংগী থবকশিং পায়খৎনবা মালেমগী হৌজিক লৈরিবা শিংনবশিং লোইশিনবা ঙম্নবা য়ু এন অমসুং মালেমগী লুপশিংদা মতেং পীনবা হেনগৎপা হায়না লুচিংবশিংনা অচেৎপা ফিরেপ অমুক হন্না লৌখি।
  10. মপান থৌরম মন্ত্রীশিংগী থাক্তা চাং নাইনা নাকল অনিনা মীফম পাংথোক্নবা, নাকল অনিগী লৈনরিবা মরিশিং চাংনাইনা য়েংশিনবা, ইকনোমিক অমসুং চাউখৎ–থৌরাংগী প্রোজেক্তশিং অথুবা মতমদা লোইশিন্নবা লুচিংবশিংনা অকনবা ৱারেপ লৌখি ।
  11. খোঙচৎ অদুদা মখাগী এম ও য়ুশিং/চে–চাংশিং খুৎয়েক পীনখি:
    • ঙাকশেলগী মতেং পীননবা এম ও য়ু
    • দিপ্লোমেতিক অমসুং ওফিসিয়েল পাসপোর্ত পায়বশিংগী ভিসা কোমথোক্নবা এম ও য়ু
    • কলচরেল একচেঞ্জগী এম ও য়ু
    • মেতরিয়েল তেস্তিং লেবরেতোরিগী এম ও য়ু
  12. এম ও য়ুশিং লোইশিনবদা লুচিংবা অনিনা তরাম্না ওকখি অমসুং হৌজিক চৎনরিবা য়ান–ৱারোলশিং, এম ও য়ুশিং অমসুং মতেং পীনবগী ঙাক্লৌশিং অথুবা মতমদা থবক ওইনা পাংথোক্নবা মরি লৈনবা লনাই মীওইশিংদা য়াথং পীখি।
  13. খোঙচৎ অদুদা প্রধান মন্ত্রী মোদীনা মখাগীশিং অসি লাওথোকখি :
    • ক্রেদিৎ লাইন অনি: ১. য়ু এস দোল্লর মিলিয়ন ১৪১গী মৈগী লাইনশিং অমসুং সব–স্তেসনশিং শাবা অমসুং ২. লৌউ–শিংউ অমসুং শঙ্গোম পুথোকপগী য়ু এস দোল্লর মিলিয়ন ৬৪ মতেং পীবা
    • জিনজাদা মহাত্মা গান্ধী কনভেন্সন/হেরিতেজ সেন্তর শাবদা মতেং পীবা
    • ত্রেনিং পীনবা য়ু এস দোল্লর ৯২৯,৭০৫গী মতেং পীবা অমসুং উগান্দানা চেয়র ওইবা ইস্ত অফ্রিকান কম্মুনিতী (ই এ সি)গী শেমগৎ–শাগৎপদা মতেং পাংবা।
    • দাইরী সেক্তরদা কোওপরেসন চাউখৎনবা আই তি ই সি স্কিমগী মখাদা দাইরী কোওপরেসনগী ত্রেনিং স্লোৎ ২৫ পীবা।
    • উগান্দা সরকারনা উগান্দগী লান্মী অমসুং মীয়াম্না শীজিন্ননবা গারী ৮৮ পীবা।
    • উগান্দাদা কেন্সর মুৎথৎপদা মতেং পাংনবা ববাত্রোন কেন্সর থেরাপী মেচিন পীবা।
    • উগান্দাগী মহৈরোয়শিংগী এন সি ই আর তিগী লাইরিক ১০০,০০০ পীবা।
    • লৌউ–শিংউ চাউখৎনবা উগান্দাদা সোলার পাৱর ইরিগেসন পম্প ১০০ পীবা।
  14. প্রধান মন্ত্রী মোদীনা লাওথোকখিবশিং অদু রাষ্ট্রপতি য়োৱেরী কাগুতা মুসেভেনীনা তরাম্না ওকখি অমসুং লৈবাক অনিগী মরি অসি শাংনা লৈখিগনি হায়বগী অচেৎপা থাজবা থমখি ।
  15. মখোয়না উগান্দাদা লৈরিঙৈদা প্রধান মন্ত্রী অমসুং মহাক্কী কাংবু তরাম্না ওকপগীদমক প্রধান মন্ত্রী নরেন্দ্র মোদীনা রাষ্ট্রপতি য়োৱেরী কাগুতা মুসেভেনীবু থাগৎখি অমসুং ভারত্তা লাক্নবা চেবাও পীরমখি। রাষ্ট্রপতি মুসেভেনীনা চেবাও অদু তরাম্না ওকখি। মতমদি দিপ্লোমতিক চেন্নেলশিংগী খুৎথাংদা লেপকনি।

 

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
'Ambitious... resilient': What World Bank experts said on Indian economy

Media Coverage

'Ambitious... resilient': What World Bank experts said on Indian economy
...

Nm on the go

Always be the first to hear from the PM. Get the App Now!
...
PM salutes armed forces on Armed Forces Flag Day
December 07, 2022
Share
 
Comments

The Prime Minister, Shri Narendra Modi has saluted the valour and sacrifices of armed forces on the occasion of Armed Forces Flag Day.

In a tweet, the Prime Minister said;

"Today, on Armed Forces Flag Day, we salute the valour and sacrifices of our armed forces. Since decades, they are at the forefront of protecting our nation and contributing to a stronger India. I also urge you all to contribute to the Armed Forces Flag Day Fund."