সার্ক লৈবাকশিংগী লুচিংবশিং অমসুং মীহুৎশিংগা লোইননা ৱারী শানবদা প্রধান মন্ত্রী মোদীনা COVID-19 ইমর্জেন্সী ফন্দ শেম্ননবা হৌদোকখ্রে। ফন্দ অসি সার্ক লৈবাক পুম্নমক্কী অপাম্বা শেনখাইদা য়ুম্ফম ওইবা য়াই। হৌদোক্নবগীদমক্তা, ভারতনা ফন্দ অসিগীদমক দোলর মিলিয়ন 10গী শেনফম অমা অহৌবগী ওইনা পুথোক্নবা ফোংদোকখ্রে।
সার্ক লৈবাক পুম্নমক্না ফন্দ অসি খুদক্কী ওইবা থবক থৌরমগীদমক শিজিন্নবা য়াগনি। মসিদা নত্তনা প্রধান মন্ত্রী মোদীনা হায়খ্রে মদুদি ঐখোয় তেস্ত কিৎ অমসুং অতৈ খুৎলাইশিংগা লোইননা ভারত্তা দোক্তরশিং অমসুং অখঙ-অহৈশিংগী রেপিদ রেস্পোন্স তীম অমা শেম-শারি।
প্রধান মন্ত্রী মোদীনা মসিসু হায়খি মদুদি ঐখোয় সার্ক লৈবাকশিংগী ইমর্জেন্সী রেস্পোন্স তীমশিংগীদমক্তা ওনলাইন ত্রেনিং কেপ্সুলসু শাবা ঙমগনি, মদু ঐখোয়গী ইমর্জেন্সী স্তাফ পুম্নমক্কী তৌবা ঙম্বা হেনগৎহন্নবগীদমক ভারতনা শিজিন্নরিবা মোদেল অদুদা য়ুম্ফম ওইগনি।
প্রধান মন্ত্রী মোদীনা মসিসু পনখি মদুদি ঐখোয় ইন্তিগ্রেতেদ দিজিজ সর্বিলেন্স শেমগদবনি। মসিদগী ভাইরসনা শোকহল্লবা মীওইশিং মশক খঙদোকপা ঙমহনগনি। মহাক্না হায়খি মদুদি ভারতনা ইন্তিগ্রেতেদ দিজিজ সর্বিলেন্স সোফৱেয়র অসি সার্ক পার্তনরশিংদা পীবা ঙমগনি অমসুং মসি শিজিন্নবগী ত্রেনিংসু পীবা ঙমগনি।
