ସାର୍କ ନେତା ତଥା ପ୍ରତିନିଧୀଙ୍କ ସହ ତାଙ୍କ ଆଲୋଚନାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ କୋଭିଡ-19 ଜରୁରୀକାଳୀନ ପାଣ୍ଠି ଗଠନ ପାଇଁ ପ୍ରସ୍ତାବ ଦେଇଛନ୍ତି । ଏହି ପାଣ୍ଠି ସମସ୍ତ ସାର୍କ ଦେଶଗୁଡିକର ସ୍ବେଚ୍ଛାକୃତ ଅବଦାନ ଉପରେ ଆଧାରିତ ହୋଇପାରିବ | ଏହି ଫଣ୍ଡ ପାଇଁ ପ୍ରାରମ୍ଭିକ ଭାବେ ଭାରତର 10 ମିଲିୟନ ଡଲାରର ଯୋଗଦାନ ରହିବ ।
କୌଣସି ମଧ୍ୟ ସାର୍କ ସଦସ୍ୟ ରାଷ୍ଟ୍ର ଜରୁରୀକାଳୀନ ସ୍ଥିତି ପାଇଁ ଏହାର ବ୍ୟବହାର କରିପାରିବେ । ଯାଞ୍ଚ କିଟ ଏବଂ ଅନ୍ୟ ଆବଶ୍ୟକୀୟ ଉପକରଣଗୁଡିକ ସହ ଏକ ଡାକ୍ତରୀ ଏବଂ ବିଶେଷଜ୍ଞ ଦଳ ଗଠନ କରାଯାଇଛି । ଆବଶ୍ୟକ ସ୍ଥଳେ ସେମାନଙ୍କର ସହଯୋଗ ମଧ୍ୟ ନେଇପାରିବେ ।
ପ୍ରଧାନମନ୍ତ୍ରୀ ମୋଦୀ କହିଛନ୍ତି , ସାର୍କ ସଦସ୍ୟ ରାଷ୍ଟ୍ରମାନଙ୍କ ଜରୁରୀକାଳୀନ ରେସପନ୍ସ ଟିମକୁ ଅନଲାଇନ ଜରିଆରେ ପ୍ରଶିକ୍ଷଣ କ୍ୟାପସୁଲ ପ୍ରଦାନ କରିବାର ବ୍ୟବସ୍ଥା ମଧ୍ୟ ଆମେ ଅତିଶୀଘ୍ର କରିପାରିବୁ । ଏହା ଆମ ଦେଶରେ ବ୍ୟବହୃତ ମଡେଲ ଉପରେ ଆଧାରିତ ହେବ ଯାହାଦ୍ୱାରା ପ୍ରତ୍ୟେକ ଜରୁରୀକାଳୀନ କର୍ମଚାରୀମାନଙ୍କର ଦକ୍ଷତା ବୃଦ୍ଧି ପାଇବ ।
ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ,ଭାରତ ସମ୍ଭାବିତ ଭାଇରସ ବାହକମାନଙ୍କୁ ଏବଂ ସେମାନଙ୍କ ସଂସ୍ପର୍ଶରେ ଆସୁଥିବା ଲୋକମାନଙ୍କ ଚିହ୍ନଟ କରିବା ପାଇଁ ଏକ ସମନ୍ୱିତ ରୋଗ ନୀରିକ୍ଷଣ ପୋର୍ଟାଲର ଶୁଭାରମ୍ଭ କରିଛି । ଆମେ ସାର୍କ ଅଂଶୀଦାରମାନଙ୍କ ସହ ଏହି ପୋର୍ଟାଲର ସଫ୍ଟଓୟାରକୁ ବାଣ୍ଟିପାରିବା ଏବଂ ଏହାର ବ୍ୟବହାର ନେଇ ପ୍ରଶିକ୍ଷଣ ପ୍ରଦାନ କରାଯାଇପାରିବ ।
