২০২১গী এপ্রিল ৯দা প্রধান মন্ত্রী শ্রী নরেন্দ্র মোদীনা নেদরলেন্দসকী প্রধান মন্ত্রী মার্ক রূত্তেগা লোইননা ভর্চুয়েল সম্মিত অমা পাংথোক্লগনি৷
হন্দক্তা পাংথোকখিবা পার্লিয়ামেন্তরী ইলেক্সনদা প্রধান মন্ত্রী রূত্তেনা মাই পাকখ্রবা মতুংদা সম্মিত অসি পাংথোক্নবা শিল্লিবনি অমসুং লৈবাক অনি অসিনা চাং নাইনা অৱাংবা থাক অমদা ইন্তরেক্সন তৌদুনা লৈবাক অনি অসিগী মরক্তা লৈরিবা মরী অসি হেন্না চেৎশিনহল্লগনি৷ সম্মিত অসিদা লৈবাক অনি অসিগী লুচিংবা অনি অসিনা ঐখোয়গী বাইলেতরেল কোওপরেসনগী লৈরিবা অকুপ্পা মরোল অদু খন্ন-নৈনরগনি অমসুং মরী অসি হেন্না চেৎশিনহন্নবা অনৌবা লম্বীশিং থীরগনি৷ লুচিংবা অনি অসিনা রিজনেল অমসুং গ্লোবেল ইসুশিং অসিগী মতাংদা মশা-মশাগী ওইবা ৱাখল্লোনশিং অদু ফোংদোক্লগনি৷
দেমোক্রেসী, রুল ওফ লো অমসুং ফ্রীদমগী সেয়র ভেল্যুশিংনা সপোর্ত তৌদুনা ভারত অমসুং নেদরলেন্দস লৈবাক অনি অসিগী মরক্তা মরুপ মপাং ওইবগী অফবা মরী শেমগৎলি৷ য়ুরোপকী নেদরলেন্দস লৈবাক অসিদা ভারত মচা মশিং য়াম্না লৈ৷ ৱাতর মেনেজমেন্ত, এগ্রীকল্চর অমসুং ফুদ প্রোসেসিং, হেল্থকেয়র, স্মার্ত সিতীশিং অমসুং আর্বান মোবিলিতী, সাইন্স অমসুং তেক্নোলোজী, রিনিৱেবল ইনর্জী অমসুং স্পেসকী হিরমশিং অসি য়াওনা তোঙান তোঙানবা হিরমশিংদা লৈবাক অনি অসিনা কোওপরেসন পীনরি৷ নেদরলেন্দস লৈবাক অসি ভারততা খ্বাইদগী চাওনা শেল থাদবা লৈবাকশিংগী মনুংদা অহুমশুবা মফম কন্দুনা লৈবাক অনি অসিনা রোবস্ত ইকোনোমিক পার্তনরশিপ অমসু সেয়র তৌরি৷ নেদরলেন্দস লৈবাক অসিদা ভারতকী ব্যুজিনেস কয়া অমা লৈরিবা অসিগুম্না ভারততসু দতচ কম্পনী ২০০ হেন্না লৈরি৷
