বুন্দেলখন্দ এক্সপ্রেসৱেনা উত্তর প্রদেশকী মীওইশিংগী থবক্কী খুদোংচাবা ফংহল্লগনি অমসুং লমদমসিগী মীওইশিংনা দিল্লী য়াওনা শহরশিংগা শম্নবদসু মতেং পাংলগনি। প্রধান মন্ত্রী মোদীনা উত্তর প্রদেশকী চিত্রকুত্তা কিলোমীতর 296 শাংবা বুন্দেলখন্দ এক্সপ্রেসৱেগী উরেপ-উয়ুং তমখ্রে।
এক্সপ্রেসৱেনা বুন্দেলখন্দবু লৈবাক অসিগী কোনুং দিল্লীদগী আগ্রা-লখনৌ এক্সপ্রেসৱে অমসুং য়মুনা এক্সপ্রেসৱেগী থোংদা শম্নহনগনি অমসুং লোইননা বুন্দেলখন্দ লমদমগী চাউখৎ-থৌরাংদা অচৌবা থৌদাং য়াগনি। বুন্দেলখন্দা য়ু.পি. দিফেন্স কোরিদোরগা লোইননা এক্সপ্রেসৱেনা লমদম অসিগী খুন্নাইগী-শেনমিৎলোনগী মশক হোংদোকহল্লগনি, মালেমগী থাক্তা দিফেন্স হার্দৱেয়র এক্সপোর্তকী খুদোংচাবা ফংহল্লগনি, ইনভেস্তা ইনোৎ পীবা অমসুং তুংলমচৎতা অচৌবা ‘মেক ইন ইন্দিয়া’ হব অমা ওইরকপদা মতেং পাংলগনি।
