ভারত-জপান স্পেসিএল স্ত্রেতেজিক এন্দ গ্লোবেল পার্তনরশিপ অসি ঐখোয়গী মান্নবা ভেল্যুশিং অমসুং অমগা অমগা ইকায় খুম্নবদা য়ুম্ফম ওইদুনা লৈবাক অনিগী সেক্যুরিতী অমসুং চাউখৎপা হেনগৎহনবদা য়াম্না মরু ওই। ইকনোমিক সেক্যুরিতীগী লমদা তেংবাং পীনবা অসি ঐখোয়গী স্ত্রেতেজিক ওইবা মীৎয়েং অমসুং শেন্মিৎলোনগী মরু ওইবশিংদা হেনগৎলক্লিবা কনভর্জেন্সতগী লাকপা ঐখোয়গী বাইলেতরেলগী তেংবাং পীনবগী মরুওইবা য়ুম্বী অমনি।
ভারত অমসুং জপান অসি অচৌবা দেমোক্রেসী অমসুং ফ্রী মার্কেত ইকনোমী অনি ওইবনা, ঐখোয়গী রাজনিতীগী থাজবা, শেন্মিৎলোনগী দাইনামিজম অমসুং মহৌশাগী ওইবা কম্প্লিমেন্তরিতীদা য়ুম্ফম ওইদুনা মরুওইবা অমসুং অনৌবা সেক্তরশিংদা মখোয়গী পার্তনরশিপ অসি খুমাং চাউশিলহন্নবা থাজবা থম্লি।
● ভারত অমসুং জপাননা স্ত্রেতেজিক ত্রেদ অমসুং তেক্নোলোজী য়াওনা ইকনোমিক সেক্যুরিতীদা ইন্দিয়া-জপান দাইলোগকী অহানবা রাউন্দ নবেম্বর ২০২৪দা ভাইস ফোরেন মিনিস্তর/ফোরেন সেক্রেতরীগী থাক্তা চেয়র তৌদুনা হৌদোকখি।
● লৈঙাক অনিগী মরক্তা লৈরিবা মেকানিজমশিং অমসুং স্ত্রেতেজিক ত্রেদ অমসুং তেক্নোলোজী য়াওনা ইকনোমিক সেক্যুরিতীদা দাইলোগকী খুত্থাংদা ভারত অমসুং জপাননা মপান লমগী পোলিসী অমসুং ইকনোমিক ইন্তর-লিঙ্কেজশিংদগী থোক্লকপা সেক্যুরিতীগী শিংনবশিংগী মতাংদা পোলিসীগী মীৎয়েংশিং অসি মান্নৈ।
● ভারত অমসুং জপাননা রেসিলিয়েন্ত সপ্লাই চেন শেমগৎপা অমসুং ক্রিতিকেল ইনফ্রাস্ত্রকচর ঙাক শেন্নবা, মরুওইবা তেক্নোলোজীশিং প্রমোৎ তৌবা অমসুং ঙাক শেন্নবা অমসুং স্ত্রেতেজিক ত্রেদ অমসুং তেক্নোলোজী কোলাবোরেসনদা লৈরিবা নাকল অনিগী ওইবা অৱাবা কোকহন্নবা লৈবাক অনিগী মরক্তা তেংবাং পীননবা ৱারেপ লৌখি।
● ভারত অমসুং জপাননা মরুওইবা সেক্তরশিং খংদোকখ্রে মদুদা স্ত্রেতেজিক কোলাবোরেসনগীদমক অহেনবা প্রাইওরিতি ফংলগনি: সেমিকন্দক্তরশিং, ক্রিতিকেল মিনরেলশিং, ফার্মাস্যুতিকেল্স, ক্লীন ইনর্জী অমসুং ইনফোর্মেসন অমসুং কম্ম্যুনিকেসন তেক্নোলোজী।
● ভারত সরকার অমসুং জপান সরকারনা লৈবাক অনিগী নেস্নেল ইকনোমিক সেক্যুরিতী ইন্তরেস্তশিং ঙাক্নবা প্রাইবেৎ সেক্তরনা লুচিংবা থবকশিংদা মতেং পাংলি।
● ভারত অমসুং জপাননা কৈদানরেন (জপান বিজিনেস ফেদরেসন) অমসুং কনফেদরেসন ওফ ইন্দিয়ন ইন্দস্ত্রী (সি.আই.আই.) গী মরক্তা ইকনোমিক সেক্যুরিতীদা ইন্দিয়া-জপান প্রাইবেৎ সেক্তর দাইলোগ হৌদোকপদা নুংঙাইবা ফোংদোকখি। জপান এক্সতর্নেল ত্রেদ ওর্গনাইজেসন (জে.ই.তি.আর.ও.), সি.আই.আই. অমসুং জপান চেম্বর ওফ কম্মর্স এন্দ ইন্দস্ত্রী ইন ইন্দিয়া (জে.সি.সি.আই.) না প্রপোজ তৌখিবা ইন্দিয়া-জপান ইকনোমিক অমসুং সেক্যুরিতী কোওপরেসনগী জোইন্ত এক্সন প্লানগী মতুং ইন্না স্ত্রেতেজিক সেক্তরশিংদা কংক্রিৎ এক্সনশিং মাংলোমদা পুন্না থবক পায়খৎনবা পব্লিক-প্রাইবেৎ কোওপরেসনগা নক্না চৎমিন্ননবা মখোয়গী থাজবা ফোংদোকখি।
সেমিকন্দক্তরশিং
● ভারতকী ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় অমসুং জপানগী ইকনোমী ত্রেদ অমসুং ইন্দস্ত্রী মন্ত্রালয়না সেমিকন্দক্তর সপ্লাই চেন পার্তনরশিপকী মায়কৈদা তেংবাং পীনবা ইন্দো-জপান সেমিকন্দক্তর সপ্লাই চেন পার্তনরশিপকী মেমোরেন্দম অমা জুলাই ২০২৩দা খুৎয়েক পীনখ্রে।
● ভারত অমসুং জপাননা ইন্দিয়া-জপান সেমিকন্দক্তর পোলিসী দাইলোগকী মখাদা মীফমশিং পাঙথোকখ্রে, সেমিকন্দতরশিংদা রেজিলিয়ন্ত সপ্লাই চেনশিং, তেলেন্ত অমসুং আর এন্দ দিদা লৈরিবা খুদোংচাবশিং খঙদোক্নবা মীফম অসিদা সরকারগী ওর্গানাইজেসনশিং, কম্পনীশিং অমসুং এজুকেসনেল ইন্সতিত্যুসনশিং পুনশিনখি।
● ভারত অমসুং জপাননা প্রাইবেৎ সেক্তরনা শেন্মিৎলোনগী সেক্যুরিতীদা মতেং পাংলিবা থবকশিং য়াওনা তোঙান তোঙানবা থবকশিংদা শরুক য়াবগীদমক থাগৎপা ফোংদোকখি। মেক ইন ইন্দিয়া ইনিসিএতিবকী মতুং ইন্না সেমিকন্দক্তর সপ্লাই চেন দাইভর্সিফাই তৌনবা অমসুং তেলেন্ত য়াওনা লৈবাক অনিগী মরক্তা তেংবাং পীনবা অমসুং সেমিকন্দক্তর ইন্দস্ত্রীশিং চাউখৎহনবদা মতেং পাংনবা মখাগী থবকশিং অসিদা মখোয়না তরাম্না ওকখি:
◦ জি.জি.পাৱরগা লোয়ননা জাপানিজ সেমিকন্দক্তর ফার্ম রেনেসাস ইলেক্ত্রোনিক্সনা গুজরাতকী সানন্দদা সেমিকন্দক্তর ও.এস.এ.তি. অমা লিংকৎপা।
◦ এম.ই.আই.তি.ৱাই.গী চিপ্স তু স্তার্তঅপ (সি ২ এস) প্রোগ্রামগী মখাদা মে ২০২৫দা রেনেসাস অমসুং সেন্তর ফোর দিবেলপমেন্ত ওফ এদভান্স কম্প্যুতিংগী মরক্তা এম ও য়ু অনি খুৎয়েক পীনখ্রে। এম ও য়ুশিং অসিনা ইন্দস্ত্রী অমসুং একাদেমিয়াগী মরক্তা তেংবাং পীনবা হেনগৎহল্লগনি অমসুং লোকেল স্তার্ত-অপশিংবু তেক্নোলোজিগী খুমাং চাউশিলহন্নবা অমসুং লোকেল মেন্যুফেকচরিংবু প্রমোৎ তৌবদা মতেং পাংলগনি।
◦ রেনেসাসনা ভি.এল.এস.আই. অমসুং এম্বেদেদ সেমিকন্দক্তর সিস্তেমগী লমদা রিসর্চ অমসুং কোলাবোরেসনগীদমক আই.আই.তি. হাইদরাবাদকা লোয়ননা জুন ২০২৪দা এম.ও.য়ু. অমা খুৎয়েক পীনখ্রে।
◦ তোকিও ইলেক্ত্রোনিক অমসুং তাতা ইলেক্ত্রোনিক্সনা ভারত্তা সেমিকন্দক্তর ইকোসিস্তেম অমা লিংখৎনবা স্ত্রেতেজিক পার্তনরশিপ অমা হৌদোকখ্রে।
● জপান অমসুং ভারতনা ক্বাদকী খুত্থাংদা, মরু ওইনা সেমিকন্দক্তর সপ্লাই চেন কন্তিজেন্সী নেতৱার্ক্কী খুত্থাংদা ইকনোমিক সেক্যুরিতী অমসুং অপুনবা রেসিলিয়েন্সীদা মখোয়গী কোলাবোরেসন মপাঙ্গল কনখৎহল্লি।
● ভারত অমসুং জপাননা সেমিকন্দক্তর ইন্দস্ত্রী য়াওনা অনৌবা তেক্নোলোজীগী লমশিংদা ভারতকী ভেঞ্চর অমসুং স্তার্ত-অপ কম্পনীশিংগীদমক তামিল নাদু সরকারনা লিংখৎপা ফন্দদা মতেং পাংনবা তামিল নাদু ইনভেস্তমেন্ত প্রমোসন প্রোগ্রাম (ফেজ ৩) হায়না মিংথোনবা জপানগী য়েন লোন প্রোজেক্তকী মতাংদা খুৎয়েক পীনখি অমসুং নোৎশিং লানথোকখি।
ক্রিতিকেল মিনরেলশিং
● মিনরেল সেক্যুরিতী পার্তনরশিপ অমসুং ইন্দো-পেসিফিক ইকনোমিক ফ্রেমৱার্ক অমসুং ক্বাদ ক্রিতিকেল মিনরেলস ইনিসিএতিবশিংদা পার্তনরশিপকী খুত্থাংদা ভারত অমসুং জপাননা মরুওইবা মিনরেলস সপ্লাই চেনশিং মপাঙ্গল কনখৎহন্নবা পুন্না থবক তৌমিন্নরি।
● ভারতকী মাইন্স মন্ত্রালয় অমসুং জপানগী এম.ই.তি.আই.না ওগস্ত ২০২৫দা মিনরেল রিসোর্সকী লমদা তেংবাং পীননবা মেমোরেন্দম অমা খুৎয়েক পীনখি।
● ভারত অমসুং জপাননা রিয়র আর্থ মেতরিএলশিংগী লেপ্পা লৈতবা সপ্লাই চেন অমা লিংখৎনবা পান্দম থম্লিবা অন্ধ্র প্রদেশতা তোয়োতা সুশোকী রিয়র আর্থ রিফাইনিং প্রোজেক্তকী খুত্থাংদা মখোয়গী মতেং পীনবা হেনগৎহনখি।
ইনফোর্মেসন অমসুং কম্ম্যুনিকেসন তেক্নোলোজী
● মিনিস্ত্রী ওফ ইন্তরনেল এফিয়র্স এন্দ কম্ম্যুনিকেসন (এম.আই.সি.) না ভারত্তা ওপন আর.এ.এন. পাইলোৎ প্রোজেক্ত শৌগৎখি অমসুং সেক্তর অসিদা মখোয়গী মতেং পীনবা মখা তানা চেৎশিলহন্নবা ৱারেপ লৌখি।
● এন.ই.সি. অমসুং রিলায়েন্স জিওনা ইনফোর্মেসন অমসুং কম্ম্যুনিকেসন তেক্নোলোজী ইনফ্রাস্ত্রকচর অমসুং তেক্নোলোজী, মরু ওইনা ৫জি তেক্নোলোজী অমসুং ওপন আর.এ.এন.দা কোলাবোরেৎ তৌনবা স্ত্রেতেজিক পার্তনরশিপ অমা শেমখি।
● এন.ই.সি.না, চেন্নাইদা লৈবা মাগী সেন্তর ওফ এক্সিলেন্স লেবোরেতরীগী খুত্থাংদা, এন্দ-তু-এন্দ ওপন আর.এ.এন. সিস্তেম দিবেলপমেন্ত প্রমোৎ তৌখি।
● ভারত-জপানগী কম্ম্যুনিকেসন মন্ত্রালয় অমসুং জপানগী এম.আই.সি.না ইন্দিয়া-জপান আই.সি.তি কোওপরেসন ফ্রেমৱার্ককী মখাদা মে ২০২২দা ৭শুবা ইন্দিয়া-জপান আই.সি.তি জোইন্ত ৱার্কিং গ্রুপকী মীফম পাঙথোকখ্রে। মসিগী পান্দমদি অনৌবা তেক্নোলোজীশিংদা মতেং পীনবা হোৎনবনি।
● ভারত অমসুং জপাননা জপান আই.সি.তি. ফন্দ (জে.আই.সি.তি.) অমসুং জপান বেঙ্ক ফোর ইন্তরনেস্নেল কোওপরেসন (জে.বি.আই.সি.) গী খুত্থাংদা জোইন্ত প্রোজেক্তশিংদা মতেং পীনবা মখা তানা হেনগৎহল্লগনি।
● এন.তি.তি.না জে.আই.সি.তি. অমসুং জে.বি.আই.সি.গী খুত্থাংদা ইনভেস্তমেন্ত অমসুং ফাইনান্সিং পায়খৎতুনা মাগী দেতা সেন্তরগী বিজিনেস (হৌজিক্কী ওইনা দেতা সেন্তর ২০) অসি মখা তানা পাকথোক চাউথোকহন্নবা থৌরাং তৌরি।
ক্লীন ইনর্জী
● ভারত অমসুং জপাননা ওগস্ত ২০২৫দা পাংথোকখিবা ১১শুবা ভারত-জপান ইনর্জী দাইলোগকী জোইন্ত স্তেতমেন্তবু তরাম্না ওকখি।
● ভারত অমসুং জাপান্না জোইন্ত ক্রেদিতিং মেকানিজম (জে.সি.এম.) গী মতাংদা তেংবাং পীননবা মেমোরেন্দমদা খুৎয়েক পীনখিবা অদু তরাম্না ওকখি।
● ভারতকী ন্যু অমসুং রিন্যুএবল ইনর্জী মন্ত্রালয় অমসুং এম.ই.তি.আই.না ক্লীন হাইদ্রোজেন অমসুং অমোনিয়াগী মতাংদা জোইন্ত দিক্লারেসন ওফ ইন্তেন্ত অমা থোকখ্রে।
● আই.ঐচ.আই. কোর্পোরেসন, কোৱা অমসুং আদানী পাৱর লিমিতেদনা গুজরাতকী মুন্দ্রা পাৱর প্লান্ততা অমোনিয়া কো-ফায়রিং দেমোনস্ত্রেসনগীদমক তেংবাং পীননবা খুৎয়েক পীনখি।
● ক্লীন মেক্স ওসাকা গ্যাস রিন্যুএবল ইনর্জী প্রাইবেৎ লিমিতেদনা তুংগী চহি অহুমগী মনুংদা মরুওইনা কর্নাতকাদা লৈরিবা অমসুং অনৌবা দিবেলপমেন্ত এসেতশিং য়াওনা রিন্যুএবল ইনর্জী পোর্তফোলিও মেগাৱাৎ ৪০০গী মপু ওইবা অমসুং ওপরেৎ তৌনবা জে.বি.আই.সি. অমসুং ওসাকা গ্যাসনা ক্লীন মেক্সকা কো-ইনভেস্তমেন্ত পার্তনরশিপ অমা শেম্নবা এরেঞ্জমেন্ত অমা খুৎয়েক পীনখি।
● গ্লোবেল বাইওফ্যুএলস এলাইন্সকুম্বা ইন্তর্নেস্নেল ফ্রেমৱার্কশিংগী খুত্থাংদা ভারত অমসুং জপাননা বাইওফ্যুএলশিংদা মখোয়গী কোওপরেসন মখা চত্থখিগনি।
● ভারত অমসুং জপাননা বেতরী সপ্লাই চেন কোওপরেসন প্রমোৎ তৌনবা ইনিসিএতিব অদু তরাম্না ওকখি। মসিগী মনুংদা জেত্রো অমসুং জপান সরকারনা বেতরী অমসুং ক্রিতিকেল মিনরেলস সপ্লাই চেনগী মতাংদা ভারত্তা বিজিনেস মেচমেকিং অমসুং রাউন্দ তেবল অমা য়াওনা ওর্গনাইজেসন ৭০ হেনবনা শরুক য়াদুনা পাংথোকখি।
● ভারত সরকার অমসুং জে.বি.আই.সি.না শেমখিবা ইন্দিয়া-জপান ফন্দগী খুত্থাংদা অকোয়বগী ফিভম ঙাক-শেনবা অমসুং অতোপ্পা লমশিংদা শেল থাদবা হেনগৎলকপদা ভারত অমসুং জপাননা তরাম্না ওকখি।
● জে.বি.আই.সি. অমসুং পাৱর ফাইনান্স কোর্পোরেসন লিমিতেদনা আসাম বাইও ইথানোল প্রাইবেৎ লিমিতেদনা ভারতকী অৱাং নোংপোক্কী রাজ্য অসামদা বেম্বু-বেজ বাইওইথানোল পুথোকপগী প্রোজেক্ত অমা ইমপ্লিমেন্ত তৌনবগীদমক জে.পি.ৱাই. ৬০ বিলিয়ন ফাওবগী শেনফম ওইরিবা লোন এগ্রীমেন্ত অমা খুৎয়েক পীনখি।
● জে.বি.আই.সি.না ফাইনান্সিং সপোর্তকী খোঙথাংশিং ইমপ্লিমেন্ত তৌখি। মসিগী মনুংদা জাপানিজ ওতোমোতিব পার্তস কম্পনীশিং (য়োকোহামা রবার, য়াজাকি কোর্পোরেসন, অসিনচিংবা) গী ইনভেস্তমেন্ত প্রোজেক্তশিংগী ফাইনান্সিং, জাপানিজ ওতোমোবাইল মেনুফেকচররশিংগী সপ্লাই চেনশিং (ইকো-ফ্রেন্দলি ভেহিকলশিং) মপাঙ্গল কনখৎহন্নবা লোনশিং অমসুং ভারতকী মোদেল শিফৎতা শরুক য়ানবা জাপানিজ লোজিস্তিক্স কম্পনীশিংগী রেলৱে কন্তেনর ত্রান্সপোর্ত বিজিনেসকী সপোর্ত য়াওরি।
সাইন্তিফিক কোওপরেসন
● ভারত অমসুং জপাননা চহি অসিদা সাইন্স, তেক্নোলোজী অমসুং ইন্নোবেসন এক্সচেঞ্জকী চহি ওইনা পাংথোক্তুনা মখোয়গী এস এন্দ তি এঙ্গেজমেন্ত হেন্না চেৎশিলহল্লে।
● ভারত অমসুং জপাননা জুন ২০২৫দা সাইন্স অমসুং তেক্নোলোজী কোওপরেসনগী মতাংদা ১১শুবা জোইন্ত কম্মিতী মীফম পাংথোকখি অমসুং সাইন্তিফিক কোওপরেসনগী মখল পুম্নমক্তা মরুওইনা এ.আই., ক্বান্তম তেক্নোলোজীশিং, বাইওতেক্নোলোজী, ক্লাইমেৎ চেঞ্জ তেক্নোলোজী অমসুং স্পেসকুম্বা অনৌবা অমসুং অনৌবা তেক্নোলোজীশিংদা খন্ন-নৈনখি।
● ভি.২.এক্স তেক্নোলোজীশিং অমসুং ইন্তেলিজেন্ত ত্রান্সপোর্তেসন সিস্তেমশিংদা কোলাবোরেসনগী খুদোংচাবা থিদোক্নবা ভারত অমসুং জাপান্না ভেহিকল-তু-এভরিথিং (ভি.২.এক্স.) গী মতাংদা জোইন্ত দেমোস্ত্রেসন এক্সপরিমেন্ত কয়া পাংথোকখ্রে। ২০১৯দগী হৌনা ভি.২.এক্স. সিস্তেমগী মতাংদা চহিগী তেক্নিকেল-ৱর্কশোপশিং পাংথোকখ্রে।
● ভারত অমসুং জপাননা জপান সাইন্স অমসুং তেক্নোলোজী এজেন্সী (জে.এস.তি.) অমসুং দি.এস.তি.গী মরক্তা এস.আই.সি.ও.আর.পি.গী খুত্থাংদা খ্বাইদগী অৱাংবা থাক্কী লমশিংদা প্রপোজেলশিংগীদমক ইন্তর্নেস্নেল জোইন্ত কোলশিং পায়খৎলি।
● ভারত অমসুং জপাননা ইন্দিয়া-জপান এ.আই. কোওপরেসন ইনিসিএতিব হৌদোকখ্রে। মসিনা জোইন্ত রিসর্চকী খুত্থাংদা এ.আই.দা স্ত্রেতেজিক কোলাবোরেসন, য়ুনিভর্সিতীশিং অমসুং কম্পনীশিংগী মরক্তা ইনিসিএতিবশিং প্রমোৎ তৌবা, লার্জ লেংগ্বেজ মোদেলশিং (এল.এল.এম.শিং) পুথোকপদা কোলাবোরেসন, অমসুং থাজবা য়াবা এ.আই ইকোসিস্তেম অমা শেমগৎপদা কোলাবোরেসন পুক্নিং থৌগৎকনি।
● সেমিকন্দক্তরশিং, এ.আই., দিজিতেল পব্লিক ইনফ্রাস্ত্রকচর, আর.এন্দ.দি., স্তার্ত-অপশিং য়াওনা দিজিতেল সেক্তরদা পুন্না থবক তৌমিন্ননবা ভারত অমসুং জপাননা ২০২৫দা দিজিতেল পার্তনরশিপ ২.০গী এম.ও.সি. রিন্যু তৌখ্রে।
● ভারত অমসুং জপাননা পোস্ত গ্রেজুএৎ অমসুং দোক্তরেল মহৈরোইশিং য়াওনা ভারতকী মহৈরোইশিংবু জপানদা লোতস প্রোগ্রাম অমসুং সাকুরা সাইন্স এক্সচেঞ্জ প্রোগ্রামগুম্বা রিসর্চ তৌনবা অমসুং ইন্তর্নশিপকী খুত্থাংদা জপানগী কম্পনীশিংগা মরী লৈনবা খুদোংচাবশিং ফংহন্নবা মতেং পাংদুনা অৱাংবা থাক্কী লমশিংদা হ্যুমেন রিসোর্স একচেঞ্জ মপাঙ্গল কনখৎহনখি।
● এজুকেসন, কলচর, স্পোর্তস, সাইন্স অমসুং তেক্নোলোজী মন্ত্রালয়না ভারতকী সাইন্স অমসুং তেক্নোলোজী মন্ত্রালয়গা সাইন্তিফিক একচেঞ্জ অমসুং রিসর্চ অমসুং দিবেলপমেন্তদা তেংবাং পীননবা জোইন্ত স্তেতমেন্ত ওফ ইন্তরেস্ত (জে.এস.ও.আই.) অমা খুৎয়েক পীনখ্রে।
● এন.তি.তি. দেতা, ক্লাউদ প্লেৎফোর্ম কম্পনী নৈসা নেতৱার্ক অমসুং তেলঙ্গনা সরকারনা এ.আই. দেতা সেন্তর ক্লস্তর অমা হাইদরাবাদতা লুপা করোর ১০,৫০০গী শেনফমগা লোয়ননা লিংখৎনবা কন্ত্রেক্ত অমা খুৎয়েক পীনখি।
ফার্মাস্যুতিকেল্স
● জপান এজেন্সী ফোর মেদিকেল রিসর্চ এন্দ দিবেলপমেন্ত, সাইন্স অমসুং তেক্নোলোজী দিপার্তমেন্ত অমসুং ইন্দিয়ন কাউন্সিল ওফ মেদিকেল রিসর্চনা জপানগী স্ত্রেতেজিক ইন্তর্নেস্নেল কোলাবোরেতিব রিসর্চ প্রোগ্রামগী মখাদা হকশেল অমসুং মেদিকেল রিসর্চতা মতেং পীননবা এম.ও.সি. অমা খুৎয়েক পীনগনি।
● রিপব্লিক ওফ ইন্দিয়াগী হকশেল অমসুং য়াইফ য়ুম্বাল মন্ত্রালয়গী সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন (সি.দি.এস.সি.ও.) অমসুং জপানগী হকশেল, লেবর অমসুং য়াইফ য়ুম্বাল মন্ত্রালয়গী মরক্তা এম.ও.সি. অমা খুৎয়েক পীনখি।
● ভারত অমসুং জপাননা মান্নবা ৱাখল্লোন লৈবা লৈবাকশিংগী মরক্তা বাইওফার্মাস্যুতিকেল্স এলাইন্সকী খুত্থাংদা রেসিলিয়েন্ত সপ্লাই চেন অমা শেমগৎনবা হোৎনবদা মখা তানা মতেং পাংগনি।
● জে.বি.আই.সি.না কেমিকেল অমসুং ফার্মাস্যুতিকেল্স ইন্দস্ত্রীশিংদা অপীকপা অমসুং মেদিয়ম-সাইজ এন্তর্প্রাইজশিংগীদমক জাপানিজ কম্পনীশিংনা ইনভেস্তমেন্ত প্রোজেক্তশিংদা লোন পীরি।
ঐখোয়গী পার্তনরশিপ পাকথোক চাউথোকহনবা
মালেমগী ওইবা শিংনবশিংগী মতুং ইন্না মরুওইবা শেন্মিৎলোনগী ইন্তরেস্তশিং ঙাক্তুনা থম্বদা মখোয়না শরুক য়ামিন্নরিবা অদু শকখঙলদুনা জপান অমসুং ভারতনা ইকনোমিক সেক্যুরিতীগী লমদা মতেং পীনবা হেনগৎনবা অচেৎপা ৱাফম থম্লি। ইন্দো-পেসিফিক অমসুং মসিগী ৱাংমদা চৎন-কাঙলোনশিংদা য়ুম্ফম ওইবা শেন্মিৎলোনগী ওইবা মখোয়গী অপুনবা মীৎয়েংদা য়ুম্ফম ওইদুনা, লৈবাক অনিমক্না স্ত্রেতেজিক সেক্তরশিংদা রেসিলিয়েন্স শেমগৎনবা, তেক্নোলোজী অমসুং ইনফ্রাস্ত্রকচর সেক্যুরিতী হেনগৎহন্নবা, অমসুং থাজবা য়াবা অমসুং ত্রান্সপরেন্ত ফ্রেমৱার্কশিং প্রমোৎ তৌনবা সরকার, ইন্দস্ত্রী অমসুং একাদেমিয়াগী মরক্তা তেংবাং পীনবা মখা তানা চেৎশিলহল্লগনি।
