কেবিনেতনা এনিমেল হসবেন্দরী দিপার্তমেন্ত অমসুং দাইরিইং স্কিমশিংগী লৈরিবা তোঙান তোঙানবা কম্পোনেন্তশিং য়েংশিন্নবা অমসুং শেমদোক্নবা অমদি লুপা কোতি ৫৪,৬১৮গী ইনবেস্তমেন্ত শিজিন্ননবগীদমক স্পিসিয়েল লাইবস্তোক পেকেজ অয়াবা পীখ্রে

প্রধান মন্ত্রী শ্রী নরেন্দ্র মোদীনা থৌবুরেল ওইদুনা ইকোনোমিক এফিয়র্সকী মতাংদা ফমখিবা কেবিনেৎ কম্মিতী অদুনা লাইবস্তোক সেক্তরদা মখাতানা গ্রোথ লাক্ননবগীদমক ২০২১-২২দগী হৌদুনা চহি ৫গী ওইনা ভারত সরকারগী লৈরিবা স্কিমশিংগী তোঙান তোঙানবা কম্পোনেন্তশিং য়েংশিন্দুনা অমসুং শেমদোক্তুনা তোঙান তোঙানবা এক্তিবিতীশিং য়াওরিবা অখন্নবা লাইবস্তোক সেক্তর পেকেজ চৎননবা অয়াবা পীখ্রে অমসুং মসিনা মরম ওইদুনা শা-ষন লোইবগী সেক্তরদা লৈরিবা লৌমী কোতি ১০দা শা-ষন লোইবা অসিনা হেন্না শেন্দোং ফংহল্লগনি৷ মসিগী পেকেজ অসিদা চহি ৫গী ওইনা লুপা কোতি ৫৪,৬১৮গী অপুনবা ইনবেস্তমেন্ত শিজিন্ননবগীদমক চহি ৫গী ওইনা লুপা কোতি ৯৮০০ য়ৌনা সরকারগী মতেং লৌরগনি৷

ফাইনান্সিয়েল ইমপ্লিকেসন:

স্কিমশিং অসিগীদমক ২০২১-২২দগী হৌদুনা লাক্কদৌরিবা মথংগী চহি ৫ অসিগী ওইনা ভারত সরকারনা থাদগদৌরিবা লুপা কোতি ৯৮০০ অসিনা রাজ্য সরকারশিং, স্তেত কোওপরেতিবশিং, ফাইনান্সিয়েল ইন্সতিত্যুসনশিং, এক্সতর্নেল ফন্দিং এজেন্সীশিং অমসুং অতোপ্পা স্তেকহোল্দরনা থাদরক্লিবা সেয়রশিং অসি য়াওনা লুপা কোতি ৫৪,৬১৯গী ইনবেস্তমেন্ত অসি লাইবস্তোক সেক্তরদা শিজিন্নরগনি৷

অকুপ্পা মরোলশিং:

মসিগী মতুং ইন্না, দিপার্তমেন্ত অসিগী লৈরিবা স্কিম পুম্নমক অচৌবা কাংলুপ অহুমদা পুনশিল্লগনি৷ দিবলপমেন্ত প্রোগ্রামশিংগী কাংলুপ্তা য়াওরিবশিং অদুদি রাস্ত্রিয়া গোকুল মিসন, নেস্নেল প্রোগ্রাম ফোর দাইরী দিবলপমেন্ত(এন.পি.দি.দি.), নেস্নেল লাইবস্তোক মিসন(এন.এল.এম.) অমসুং লাইবস্তোক সেন্সস অমসুং ইন্তিগ্রেতেদ সেম্পল সর্ভে(এল.সি. অমসুং আই.এস.এস.)না সব-স্কিমশিং ওইনা য়াওরি৷ দিজিজ কন্ত্রোল প্রোগ্রাম অসি লাইবস্তোক হেল্থ এন্দ দিজিজ কন্ত্রোল হায়না মমিং ওনখ্রে অমসুং মসিগী মনুং চল্লিবশিং অদুদি হৌজিক হৌজিক লৈরিবা লাইবস্তোক হেল্থ এন্দ দিজিজ কন্ত্রোল(এল.ঐচ. অমসুং দি.সি.) স্কিম অমসুং নেস্নেল এনিমেল দিজিজ কন্ত্রোল প্রোগ্রাম(এন.এ.দি.সি.পি.)নি৷ অহুমশুবা কাংলুপ অসিনা ইনফ্রাস্ত্রকচর দিবলপমেন্ত ফন্দনি, মসিদা এনিমেল হসবেন্দরী ইনফ্রাস্ত্রকচর দিবলপমেন্ত ফন্দ(এ.ঐচ.আই.দি.এফ.) অমসুং দাইরী ইনফ্রাস্ত্রকচর দিবলপমেন্ত ফন্দ(দি.আই.দি.এফ.) পুনশিনখ্রে অমসুং দাইরী এক্তিবিতীশিংদা তৌরিবা দাইরী কোওপরেতিবশিং অমসুং ফার্মর প্রদ্যুসর ওর্গনাইজেসনশিংদা সপোর্ত তৌনবা হৌজিক লৈরিবা স্কিম অসিসু অহুমশুবা কাংলুপ অসিগী মনুং চল্লি৷

ইম্পেক্ত:

রাস্ত্রিয়া গোকুল মিসন অসিনা ইন্দিজিনিয়র্স ব্রীদশিং শেমগৎপদা অমসুং য়োকখৎপদা মতেং পাংলগনি অমসুং খুঙ্গংগী লাইরবশিংগী শেল-থুমগী ফিভম ফগৎহনবদসু শরুক য়ারগনি৷ নেস্নেল প্রোগ্রাম ফোর দাইরী দিবলপমেন্ত(এন.পি.দি.দি.) স্কিম অসিনা বল্ক মিল্ক কুল্লর ৮৯০০রোম ইন্সতোল্দ তৌনবা পান্দম থম্লি অমসুং শঙ্গোং পুথোক্লিবা লৌমী লাখ ৮ হেনবদা কান্নবা ফংহল্লগনি অমসুং শঙ্গোম এল.এল.পি.দি. ২০ হেন্না লৌশিল্লগনি৷ এন.পি.দি.দি.গী মখাদা, জপান ইন্তরনেস্নেল কোওপরেসন এজেন্সী(জে.আই.সি.এ.)দগী শেল-থুমগী ওইবা মতেং ফংহন্দুনা খুঙ্গং ৪৫০০দা অনৌবা ইনফ্রাস্ত্রকচর শেমগৎ-শাগৎলগনি৷