প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দল মীফমনা ঙসি পুনে মেত্রো রেল প্রোজেক্তকী ফেজ-২গী মখাদা লাইন ৪ (খারাদী-হাদপসর-স্বারগেৎ-খারকৱাসলা) অমসুং লাইন ৪এ (নাল স্তোপ- ৱার্জে-মানিক বাগ) অয়াবা পীদুনা পুনেগী পব্লিক ত্রান্সপোর্ত নেতৱর্কদা অতোপ্পা অচৌবা খোংজেল অমা পীনবা শেম শাখ্রে। হায়রিবা অসিনা মসিগী মথংদা লাইন ২এ (ভানাজ-চন্দানী চৌক) অমসুং লাইন ২বি (রামৱাদী-ৱাঘোলি/ভিথলৱাদী) অয়াবা পীখ্রবা মতুংদা ফেজ-২গী মখাদা অয়াবা পীরবা অনিশুবা অচৌবা প্রোজেক্ত ওইরি।
পুন্না কিলোমিতর ৩১.৬৩৬ শাংবা অমসুং এলিভেতেদ স্তেসন ২৮ লৈবা লাইন ৪ অমসুং ৪এনা পুনেগী নোংপোক, খা অমসুং নোংচুপ থংবা শরুকশিংদা লৈবা আই.তি. হবশিং, কম্মর্সিএল জোনশিং, এজুকেসনেল ইন্সতিত্যুসনশিং অমসুং রেসিদেন্সিয়েল ক্লস্তরশিং শম্নহল্লগনি। প্রোজেক্ত অসি চাউরাক্না লুপা করোর ৯,৮৫৭.৮৫ চংনা চহি মঙাগী মনুংদা লোইশিনগনি। মসি ভারত সরকার, মহারাস্ত্রা সরকার অমসুং মপানগী বাইলেতরেল/মলতিলেতরেল ফন্দিং এজেন্সীশিংনা পুন্না শেল থাদগনি।
হায়রিবা লাইনশিং অসি পুনেগী কমপ্রিহেন্সিব মোবিলিতী প্লান (সি.এম.পি.) গী মরুওইবা শরুক অমনি অমসুং মখোয় অসি খারাদি বাইপাস অমসুং নাল স্তোপ (লাইন ২), অমসুং স্বারগেৎ (লাইন ১) গী ওপরেস্নেল অমসুং সেঙ্কসন তৌরবা কোরিদোরশিংগা লোইননা অমত্তা ওইনা পুনশিনগনি। মখোয়না হেদপসার রেলৱে স্তেসনদা ইন্তর্চেঞ্জ অমা ফংহল্লগনি অমসুং লোনী কালভোর অমসুং সাসৱাদ রোদকী মায়কৈদা লাক্কদৌরিবা কোরিদোরশিংগা শম্নহল্লগনি। মসিনা মেত্রো, রেল অমসুং বস নেতৱর্কশিংদা মল্তি মোদেল কনেক্তিবিতী লৈহল্লগনি।
খারাদি আই.তি. পার্কতগী হৌরগা খাদাকৱাসলাগী ফজরবা তুরিস্ত বেল্ত ফাওবা, অমসুং হদাপসারগী ইন্দস্ত্রীএল হবতগী হৌরগা ৱার্জেগী রেসিদেন্সিএল ক্লস্তর ফাওবা, লাইন ৪ অমসুং ৪এনা তোঙান তোঙানবা মফমশিংগা শম্নহল্লগনি। সোলাপুর রোদ, মগারপত্ত রোদ, সিনহাগাদ রোদ, কারভে রোদ অমসুং মুম্বাই-বেঙ্গালুরু হাইৱেগী মরক্তা লৈবা প্রোজেক্ত অসিনা পুনেগী খ্বাইদগী লম্বী থোংদা লৈরিবা লম্বীগী খুদোংচাদবশিং হন্থহল্লগনি। মসিনা সেফিতী হেন্না ফগৎহল্লগনি অমসুং গ্রীন, সস্তেনেবল মোবিলিতী হেনগৎহল্লগনি।
প্রোজেক্সনশিংগী মতুং ইন্না, ২০২৮দা লাইন ৪ অমসুং ৪.এ.দা নোংমগী রাইদরশিপ অসি লাখ ৪.০৯ ওইগনি, ২০৩৮দা চাউরাক্না লাখ ৭ ওইগনি, ২০৪৮দা লাখ ৯.৬৩ ওইগনি অমসুং ২০৫৮দা লাখ ১১.৭ হেনগনি হায়না পানরি। মসিগী মনুংদগী, ২০২৮দা খারাদি-খাদাকৱাসলা কোরিদোরনা পেসেঞ্জর লাখ ৩.২৩ লৌবা ঙম্লগনি। মসি ২০৫৮ ফাওবদা লাখ ৯.৩৩দা হেনগৎলগনি। অদুগা নল স্তোপ-ৱার্জে-মানিক বাউগ স্পুর লাইননা চপ মান্নবা মতমগী মনুংদা পেসেঞ্জর লাখ ৮৫,৫৫৫দগী লাখ ২.৪১দা হেনগৎলগনি। হায়রিবা প্রোজেক্সনশিং অসিনা লাক্কদৌরিবা দিকেদশিংদা লাইন ৪ অমসুং ৪.এ.দা রিক্বেস্তরগী চাং য়াম্না হেনগৎলগনি হায়না পানরিবদু উৎলি।
প্রোজেক্ত অসি মহারাস্ত্রা মেত্রো রেল কোর্পোরেসন লিমিতেদ (মহা-মেত্রো) না ইমপ্লিমেন্ত তৌগনি। মসিনা সিভিল, ইলেক্ত্রিক, মেকানিকেল অমসুং সিস্তেমগী থবক পুম্নমক পাংথোক্কনি। তোপোগ্রাফিক সর্ভে অমসুং অকুপ্পা দিজাইন কন্সলতেন্সীগুম্বা প্রি-কন্সত্রক্সনগী থবকশিং হান্ননা চত্থরি।
খ্বাইদগী নৌনা পীরিবা অয়াবা অসিগা লোইননা, পুনে মেত্রোগী নেতৱর্ক অসি কিলোমীতর ১০০গী মাইলস্তোন অদুদগী হেঙ্গৎহল্লগনি। মসি শহর অসিগী অনৌবা, অপুনবা অমসুং তুং কোইনা চৎকদবা অর্বান ত্রান্সিৎ সিস্তেম অমগী মায়কৈদা মরু ওইবা খোংথাং অমনি।
লাইন ৪ অমসুং ৪এগা লোইননা, পুনেদা মেত্রো ত্রেকশিং হেঙ্গৎহনবতা নত্তনা, মসিনা হেন্না থুনা, হেন্না গ্রীন অমসুং হেন্না কনেক্তিব ওইবা তুংলমচৎ অমা ফংলগনি। কোরিদোরশিং অসি চৎথোক-চৎশিন তৌবদা চংগদবা মতম হন্থহন্নবা, ত্রাফিক্কী অৱা-অনা হন্থহন্নবা অমসুং নাগরিকশিংদা সেফ, থাজবা য়াবা অমসুং শেল চংদবা অতোপ্পা লম্বী অমা ফংহন্নবা দিজাইন তৌবনি। লাক্কদৌরিবা চহিশিংদা, মখোয় অসি পুনেগী অশেংবা লাইফলাইনশিং ওইরক্লগনি, অর্বান মোবিলিতী শেমগৎলগনি অমসুং সহর অসিগী গ্রোথ স্তোরি অমুক্কা হন্না মশক তাক্লগনি।
A major boost to Pune’s public transport network.
— Narendra Modi (@narendramodi) November 26, 2025
Cabinet approves Phase-2 of Pune Metro (Lines 4 & 4A) connecting various areas of the city. This decision ensures faster and more comfortable commute for the people of Pune, which is an important centre for growth and…
