মন্ত্রী-মন্দলনা প্রধান মন্ত্রী জনজাতীয় উন্নত গ্রাম অভিয়ান অয়াবা পীখ্রে

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলগী মীফমনা এস্পিরেস্নেল দিস্ত্রিক্তশিংদা লৈবা ত্রাইবেলনা নম্না খুন্দাবা খুঙ্গংশিং অমসুং ত্রাইবেলগী খুঙ্গংশিংগীদমক সেচুরেসন কভরেজ চৎনহন্দুনা ত্রাইবেল কম্ম্যুনিতীশিংগী সোসিও-ইকনোমিক কন্দিসন ফগৎহন্নবা লুপা করোর 79,156 (সেন্ত্রেল শেয়র: লুপা করোর 56,333 অমসুং স্তেত শেয়র: লুপা করোর 22,823) পুন্না থাদনগদবা প্রধান মন্ত্রী জনজাতীয় উন্নত গ্রাম অভিয়ানবু অয়াবা পীখ্রে।

মসিনা খুঙ্গং 63,000 রোম কভর তৌদুনা 2024-25গী বজেৎ স্পিচতা লাউথোকখিবগী মতুং ইন্না ত্রাইবেলগী মীওই করোর 5 হেনবদা কান্নবা ফংলগনি। মসিনা রাজ্য/য়ু.তি. 30গী ত্রাইবেলনা নম্না খুন্দাবা খুঙ্গং পুম্নমক্তা লৈরিবা জিলা 549 অমসুং ব্লোক 2,740 কভর তৌগনি।

2011গী সেন্সসকী মতুং ইন্না ভারতকী ST গী মীশিং অসি করোর 10.45নি অমসুং লৈবাক শিনবা থুংনা শন্দোরকপা ত্রাইবেল কম্ম্যুনিতী 705 হেন্না লৈরি অমসুং মখোয় অসি মনুং হঞ্জিনবা অমসুং চংশিনবদা খুদোংচাদবা মফমশিংদা লৈরি। প্রধান মন্ত্রী জনজাতীয় উন্নত গ্রাম অভিয়ান্না ভারত সরকারগী তোঙান তোঙানবা স্কিমশিংগী খুত্থাংদা সোসিএল ইনফ্রাস্ত্রকচর, হকশেল, এজুকেসন, পুন্সি মহিংদা লৈরিবা অহোবা কয়া কোকহন্নবা পান্দম থম্লি। মসিনা PMJANMAN (প্রধান মন্ত্রী জনজাতীয় আদিবাসী ন্যায় মহা অভিয়ান)গী লৌশিং অমসুং মায় পাকপগী মতুং ইন্না ত্রাইবেল এরিয়াশিং অমসুং কম্ম্যুনিতীশিংগী অপুনবা অমসুং তুং কোইনা চৎকদবা চাউখৎপা ফংহন্নবা পান্দম থম্লি।

মিসন অসিদা লাইন মিনিস্ত্রী 17না ইমপ্লিমেন্ত তৌগদবা ইন্তরভেন্সন 25 য়াওরি। মন্ত্রালয়/ দিপার্তমেন্ত খুদিংমক্না মখাদা পীরিবা পান্দমশিং অসি ফংনবা তুংগী চহি 5দা দিবেলপমেন্ত এক্সন প্লান ফোর সেদ্যুল্দ ত্রাইবস (DAPST) গী মখাদা পীরিবা ফন্দশিংগী খুত্থাংদা মতম চানা মরী লৈনবা স্কিমশিং অসি ইমপ্লিমেন্ত তৌবগী থৌদাং লৌগনি:

গোল-I: ইনেব্লিং ইনফ্রাস্ত্রকচর শেমগৎপা:

(i) ইলিজিবল ওইবা ইমুংশিংগীদমক্তা পক্কা হাউস লোয়ননা অতৈ এন্তাইতলমেন্তশিং: তোতি ঈশিং (জলজীবন মিসন) অমসুং ইলেক্ত্রিসিতী সপ্লাই (RDSS)গা লোয়ননা ইলিজিবল ওইবা STগী ইমুং অমনা PMAY (গ্রামিন) গী মখাদা পক্কা হাউজিংগী খুদোংচাবা ফংলগনি। ইলিজিবল ওইরবা STগী ইমুংনা আয়ুশ্মান ভারত কার্দ (PMJAY)সু এক্সেস ফংগনি।

(ii) খুঙ্গংগী ইনফ্রাস্ত্রকচর ফগৎহনবা: STনা নম্না  খুন্দাবা খুঙ্গংশিংদা (PMGSY) নোংজু-নুংশা খাইদবা লম্বীগী কন্নেক্তিবিতী ফংহল্লি, মোবাইল কন্নেক্তিবিতী (ভারত নেৎ) অমসুং ইন্তর্নেত ফংহল্লি, হকশেল, ন্যুত্রিসন অমসুং এজুকেসন ফগৎহন্নবা ইনফ্রাস্ত্রকচর ((NHM, সমগ্র শিক্ষা অমসুং পোশন) ফংহল্লি ।

গোল-2: ইকনোমিক এম্পাৱরমেন্ত প্রমোৎ তৌবা:

(iii) স্কিল দিবেলপমেন্ত ওন্তপ্রিনোরশিপ প্রমোসন অমসুং লাইবলিহুদ হেনগৎহনবা (সেল্ফ-ইমপ্লোয়মেন্ত) - ত্রেনিং (স্কিল ইন্দিয়া মিসন/ JSS) গী খুদোংচাবা পীবা অমসুং চহি খুদিংগী 10শুবা অমসুং 12শুবা থাক্কী মতুংদা ST নুপামচা/নুপীমচাশিংদা লোং-তর্ম স্কিল কোর্সশিং ফংহল্লি। মখা তানা, FRA পত্তা পায়বশিংদা ত্রাইবেল মলতিপর্পজ মার্কেতিং সেন্তর (TMMC), তুরিস্ত হোম স্তেশিং অমসুং এগ্রিকলচর, এনিমেল হসবেন্দ্রী অমসুং ফিশরীগী মতেং ফংহল্লি।

গোল-3: অফবা এজুকেসনগী এক্সেস য়ুনিভর্সেলাইজেসন তৌবা:

(iv) এজুকেসন - স্কুল অমসুং হায়র এজুকেসনদা GER অসি নেস্নেল লেভেলদা হেনগৎহনবা অমসুং দিস্ত্রিক্ত/ব্লোক লেভেলদা স্কুলশিংদা ত্রাইবেল হোস্তেলশিং লিংখৎতুনা ST মহৈরোয়শিংদা ক্বালিতী এজুকেসন এফোর্দেবল অমসুং এক্সেসিবল ওইহনবা।

গোল-4: হকচাং ফাবা পুন্সি অমসুং ইকাই খুম্নবগা লোয়ননা অহল ওইরকপা:

(v) হকশেল – ST গী ইমুংশিংদা ক্বালিতী লৈবা হকশেলগী খুদোংচাবশিং ফংহন্নবা, IMR, MMR অমসুং সব সেন্তরনা তম্পাক ওইবা মফমশিংদা 10 km অমসুং চীংগী মফমশিংদা 5 km দগী হেন্দোকপা মফমশিংদা মোবাইল মেদিকেল য়ুনিতশিংগী খুত্থাংদা ইম্ম্যুনাইজেসনগী কোভরেজগী নেস্নেল স্তেন্দর্দশিং য়ৌহন্নবা (নেস্নেল হেল্থ মিসন) হোৎনরি।

অভিয়ান অসিগী মখাদা লৈরিবা ত্রাইবেলগী খুঙ্গংশিং অসি পি.এম. গতি শক্তি পোর্তেলদা মপ তৌগনি। মসিদা মরী লৈনবা দিপার্তমেন্তশিংনা স্কিম অসিগী অখন্নবা মথৌ তাবশিংগীদমক খঙদোক্লবা অৱাৎপশিং য়াওগনি। ফিজিকেল অমসুং ফাইনান্সিএল প্রোগ্রেস অদু পি.এম. গতি শক্তি প্লেতফোর্মদা মোনিতর তৌগনি অমসুং খ্বাইদগী ফবা পার্ফোমেন্স পীরিবা জিলাশিং অসি এৱার্দ পীরগনি।

মন্ত্রালয় 17তা লৈরিবা মিসনগী পান্দমশিং মখাদা পীরি:

ত্রাইবেল এরিয়াশিংগী অখন্নবা মথৌ তাবশিং অমসুং মথৌ তাবশিং অদুদা য়ুম্ফম ওইদুনা অমসুং রাজ্যশিং অমসুং অতোপ্পা স্তেকহোল্দরশিংগা খন্ন-নৈনরবা মতুংদা, অভিয়ান অসিনা ত্রাইবেলশিং অমসুং উমংশিংদা লৈরিবা কম্ম্যুনিতীশিংগী মরক্তা পুন্সি মহিং অমসুং শেন্থোক পুথোক্নবগীদমক অনৌবা স্কিমশিং খরা শেম্লে।

ত্রাইবেল হোম স্তে: ত্রাইবেল এরিয়াশিংদা লৈরিবা তুরিজমগী পোতেন্সিয়েল অদু শিজিন্ননবা অমসুং ত্রাইবেল কম্ম্যুনিতীদা অতোপ্পা পুন্সি মহিং অমা ফংহন্নবা, স্বদেশ দর্শনগী মখাদা তুরিজম মন্ত্রালয়গী খুত্থাংদা হোম স্তে 1000 প্রোমোৎ তৌগনি। তুরিস্ত পোতেন্সিএল লৈবা খুঙ্গংশিংদা, খুঙ্গং অমদা হোমস্তে 5-10 শানবা ত্রাইবেল হাউসহোল্দ অমসুং খুঙ্গংদা শেলগী তেংবাং পীরগনি। য়ুমথোং খুদিংমক্তা লুপা 10,000গী শেনফম ফংহল্লগনি। অনৌবা রুম অনি শাবগীদমক লুপা লাখ 5.00 অমসুং লুপা লাখ 5.00 ফাওবগী শেনফম পীগনি। হৌজিক লৈরিবা রুমশিং নৌহৌননা শেমগৎনবা লুপা লাখ 3 অমসুং খুঙ্গংগী কাংলুপকী মথৌ তাবশিংগীদমক লুপা লাখ 5 পীগনি।

সস্তেনেবল লাইবহুদ ফোরেস্ত রাইৎ হোল্দর্স (FRA): মিসন অসিনা ফোরেস্ত এরিয়াদা লৈবা FRA পত্তা পায়বা লাখ 22দা অখন্নবা মীৎয়েং থম্লি অমসুং ত্রাইবেল এফিয়র্স মন্ত্রালয়, লৌউ-শিংউ অমসুং লৌমীশিংগী য়াইফ-থৌরাং মন্ত্রালয় (MoAFW), এনিমেল হসবেন্দ্রী বিভাগ, ফিসরিজ দিপার্তমেন্ত অমসুং পঞ্চায়তী রাজ মন্ত্রালয়গা খুৎশম্নদুনা তোঙান তোঙানবা স্কিমশিংগী কান্নবশিং পুনশিন্নবা অমসুং ফংহনগনি। ইন্তর্ভেন্সনশিং অসিনা ফোরেস্তকী হকশিং মশক খঙদোকপা অমসুং ঙাক-শেনবগী থৌওং য়াঙখৎহন্নবা, ত্রাইবেল কম্ম্যুনিতীশিংবু ফোরেস্তকী মেইন্তেনমেন্ত অমসুং কঞ্জার্বেসনগীদমক মপাঙ্গল কনখৎহন্নবা অমসুং সরকারগী স্কিমশিংগী মতেংদগী মখোয়দা তুং কোইনা হিংনবগী লম্বী ফংহন্নবা পান্দম থম্লি। অভিয়ান অসিনা FRA দা পন্দুনা লৈরিবা ক্লেমশিং অথুবা মতমদা লোইশিন্নবা হোৎনগনি। ত্রাইবেল এফিয়র্স মন্ত্রালয় অমসুং পঞ্চায়তী রাজ মন্ত্রালয়না ব্লোক, দিস্ত্রিক্ত অমসুং স্তেতকী থাক্তা স্তেকহোল্দরশিং অমসুং ওফিসরশিংদা ত্রেনিং পীগনি।

গবর্নমেন্ত রেসিদেন্সিএল স্কুলশিং অমসুং হোস্তেলশিংগী ইনফ্রাস্ত্রকচর ফগৎহনবা: ত্রাইবেল রেসিদেন্সিএল স্কুলশিং অমসুং হোস্তেলশিং অসি অরাপ্পা ত্রাইবেল এরিয়াশিংদা পান্দম থম্লি অমসুং লোকেল এজুকেস্নেল রিসোর্সশিং শেমগৎনবা অমসুং এনরোলমেন্ত অমসুং রিতেনসন হেনগৎহন্নবা পান্দম থম্লি। অভিয়ান অসিনা আশ্রম স্কুলশিং/ হোস্তেলশিং/ ত্রাইবেল স্কুলশিং/ গবর্নমেন্ত রেসিদেন্সিয়েল স্কুলশিং অসি পি.এম.-শ্রী স্কুলশিংগী মতৌগুম্না অপগ্রেদ তৌনবা ইনফ্রাস্ত্রকচর ফগৎহন্নবা পান্দম থম্লি।

সিকল সেল দিজিজকী দাইগ্নোসিসকীদমক এদভান্স ফেসিলিতী: প্রি-নেতেল দাইগ্নোসিসতা অখন্নবা মীৎয়েং থমদুনা শেল চংদবা অমসুং এক্সেস তৌবা য়াবা দাইগ্নোসিস অমসুং SCD মেনেজমেন্ত ফেসিলিতীশিং ফংহন্নবা অমসুং SCD য়াওবা তুংগী ওইনা পোকপা থীংদুনা দিজিজ অসি শন্দোকপা হন্থহন্নবা, সেন্তর ওফ কম্পেন্সেন্স (SCD) সেন্তর ওফ কম্পিতেন্সীস (CoC) অমা হেল্থ মিনিস্ত্রীনা পীবা গাইদলাইনশিংগী মতুং ইন্না প্রি-নেতেল দাইএগ্নোসিসকীদমক ফেসিলিতীশিং, তেক্নোলোজী, পর্সোনেল অমসুং রিসর্স কেপাসিতীশিংগা লোয়ননা লৈগনি অমসুং প্রি-নেতেল দাইএগ্নোসিসকীদমক খ্বাইদগী নৌবা ফেসিলিতীশিং, তেক্নোলোজী, পর্সনেল অমসুং রিসর্স কেপাসিতীশিং লৈগনি। মসিগীদমক লুপা করোর 6/ CoC চংগনি।

ত্রাইবেল মলতিপর্পস মার্কেতিং সেন্তর: ত্রাইবেলগী পোত্থোকশিং মপুং ফানা মার্কেতিং তৌনবা অমসুং মার্কেতিং ইনফ্রাস্ত্রকচর, এৱেরনেস, ব্রান্দিং, পেকেজিং অমসুং ত্রান্সপোর্তেসনগী খুদোংচাবশিং ফগৎহন্নবা ত্রাইবেলগী পোত্থোক পুথোক্লিবশিংদা মখোয়গী পোত্থোকশিংগীদমক অচুম্বা মমল ফংহন্নবা অমসুং ত্রাইবেলশিংগী পোত্থোকশিং অচুম্বা মমলদা দাইরেক্ত ওইনা কনাগুম্বা অমনা য়োল্লকপা ঙমহন্নবা ত্রাইবেল মলতিপর্পস মার্কেতিং সেন্তর 100 লিংখৎকনি। মসিগী মথক্তা, হায়রিবা TMMCশিং অসি এগ্রেগেসন অমসুং ভেল্যু এদিসন প্লেৎফোর্ম অমা ওইনা দিজাইন তৌবনা পোস্ত-হর্ভেস্ত অমসুং পোস্ত-প্রদক্সনদা মাংখিবা অমসুং প্রদক ভেল্যু রিতেন্দ তৌবদা মতেং পাংগনি।

প্রধান মন্ত্রী জনজাতী অদিৱাসী ন্যায় মহা অভিয়ান (PM-JANMAN)গী তম্বিবা অমসুং মায় পাকপগী মতুং ইন্না থৌরাং অসি পায়খৎলি। জনজাতী গৌরব দিবসকী নবেম্বর 15, 2023দা লুপা করোর 24104গী বজেৎকা লোয়ননা প্রধান মন্ত্রীনা জনজাতী অদিৱাসী ন্যায় মহা অভিয়ান অসি PVTG পোপুলেসনদা মীৎয়েং থম্মি।