প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেতনা লৈবাক অসিদা ইলেক্ত্রিক্কী গারি শিজিন্নবা প্রোমোত তৌনবগীদমক্তা ‘পি.এম. ইলেক্ত্রিক রিভোল্যুশন ইন ইনোভেতিব ভেহিকল এনহান্সমেন্ত (PM E-DRIVE) স্কীম’ হায়না মীংথোনবা স্কীমগী ইমপ্লিমেন্ত তৌনবগীদমক্তা হেভী ইন্দস্ত্রীজ মন্ত্রালয় (MHI)গী প্রোপোজল অদুবু অয়াবা পীখ্রে।
স্কীম অসিদা চহি অনিগী মতমগী মনুংদা লুপা করোর 10,900গী শেন্থং কাইথরগনি।
স্কীম অসিগী মরু ওইবা মচংশিং অদু মখাদা পীরি:
e-2Wশিং, e-3Wশিং, e-এম্বুলেন্সশিংs, e-ত্রকশিং অমসুং অতোপ্পা থোরক্লিবা EVশিংদা ইন্সেন্তিব পীনবগিদমক্তা লুপা করোর 3,679গী ওইগদবা সবসিদীশিং/দিমান্দ ইন্সেন্তিবশিং পীখ্রে।
MHIনা স্কীম অসিগী মখাদা দিমান্দ ইন্সেন্তিবশিং লৌনবগীদমক্তা EV লৈরিবশিংগীদমক্তা ই-ভৌচরশিং হৌদোক্লগনি। EV লৈবা মতমদা, স্কীম পোর্তল অদুনা লৈরিবা মীদুগীদমক্তা আধার ওথেন্তিকেত তৌরবা ই-ভৌচর অমা জেনরেত তৌগনি। ই-ভৌচর অদুবু দাউনলোদ তৌনবা লিঙ্ক অঞা লৈরিবা মী অদুগী রেজিস্তর তৌরবা মোবাইল নম্বরদা থারগনি।
মসিগী ই-ভৌচর অসি লৈরিবা মী অদুনা খুৎয়েক পীদুনা অমসুং স্কীম অসিগী মখাদা দিমান্দ ইন্সেন্তিবশিং লৌনবগীদমক্তা দীলর অদুদা পীশিনগনি। মনসিগী মতুংদা, ই-ভৌচর অদু দীলর অদুনশু খুৎয়েক পীগনি অমসুং PM E-DRIVE পোর্তলদা অপলোদ তৌগনি। খুৎয়েক পীরবা ই-ভৌচর অদু লৈরিবা মীঅমসুং দীলর অদুদা SMSকী খুৎথাংদা থারগনি। স্কীম অসিগী মখাদা দিমান্দ ইন্সেন্তিবশিংগী রিইমবর্সমেন্ত ক্লেম তৌনবা OEMগীমদক্তা খুৎয়েক পীরবা ই-ভৌচর অদু য়াম্না মরু ওই।
স্কীম অসিনা ই-এম্বুলেন্সশিং থাদোক্নবগীদমক্তা লুপা করোর 500গী শেন্থং কাইথোকখ্রে। মসিগী স্কীম অসি পেসেন্তশিংগী নুঙাইবা ত্রান্সপোর্ত পীনবগীদমক্তা ই-এম্বুলেন্স শিজিন্নবা প্রোমোত তৌনবা ভারত সরকারনা পাইখৎখিবা অনৌবা থৌরাংনি। ই-এম্বুলেন্সশিংগী পর্ফোর্মেন্স অমসুং সেফতী স্তেন্দার্দশিং অদু MoHFW, MoRTH অমসুং মরি লৈনবা স্তেকহোল্দরশিংগা তাথোক-তাশিন তৌনরবা মতুংদা শেম্লগনি।
STUশিং/পব্লিক ত্রান্সপোর্ত এজেন্সীশিংনা ই-বস 14,028 লৌনবগীদমক্তা লুপা করোর 4,391গী শেনফম অমা পীখ্রে। অপুনবা দিমান্দ অদু CESLনা মীশিং লাখ 40দগী হেনবা সিতী মাপল মিংনা ওইনা পল্লবদা দিল্ল, মুম্বাই, কোলকাতা, চেন্নাই, এহ্মেদাবাদ, সুরত, বেঙ্গলোর, পুনে অমসুং হাইদ্রবাদতা তৌগনি। ইন্তরসিত অমসুং ইন্তরস্তেত ই-বসশিংশু রাজ্যশিংগা তাথো-তাশিন তৌনরবা মতুংদা সপোর্ত তৌগনি।
সিতীশিং/স্তেতশিংদা বসশিং অসি এলোকেত তৌবামতমদা, অহানবা প্রিফরেন্স অদু MoRTH ভেহিকল স্ক্রেপিং স্কীমগী গাইদলাইনশিং ঙাক্না ওথোরাইস তৌরবা স্ক্রেপিং সেন্তরশিং (RVSFশিং)গী খুত্থাংদা STUগী অরিবা বসশিং স্ক্রেপতা থাজিল্লবা মতুংদা বস লৌরিবা সিতীশিং/স্তেতশিংগী বসশিংগী মশিং অদুদা পীগনি।
ত্রকশিংনা এয়র পোল্যুশন থোকহনবদা য়াম্না চাউনা শরুক য়াই। স্কীম অসিনা লৈবাক অসিদা ই-ত্রকশিং থাদোকপদা প্রোমোত তৌগনি। ই-ত্রকশিং ইন্সেন্তিভাইজ তৌনবগীদমক্তা লুপা করোর 500 কাইথোকখ্রে। ইন্সেন্তিবশিং অসি MoRTHনা অয়াবা পীরবা ভেহিকল স্ক্রেপিং সেন্তরশিং (RVSF)দগী স্ক্রেপিং সর্তিফিকেত পাইরবশিংদা পীগনি।
স্কীম অসিনা ইলেক্ত্রিক ভেহিকল পব্লিক চার্জিং স্তেসনশিং (EVPCS)শিং জিনস্তোল তৌবদা য়াম্না চাউনা প্রোমোত তৌদুনা EV লৈরিবশিংনা রেঞ্জকী মতাংদা ফাওরিবা লাংতক্নবা অদুবু কোকহল্লি। EVPCSশিং অসি EV খ্বাদিগী হেন্না শিজিন্নবা অখন্নবা সিতীশিং অমসুং অখন্নবা হাইৱেশিংদা ইনস্তোল তৌরগনি। স্কীম অসিনা e-4 Wশিংগীদমক্তা ফাস্ত চার্জর 22,100, ই-বসশিংগীদমক্তা ফাস্ত চার্জর 1800 অমসুং e-2W/3Wগীদমক্তা ফাস্ত চার্জর 48,400 ইনস্তোল তৌনবা প্রোপোস তৌরি। EV PCSকী অপুনবা শেন্থং অদু লুপা করোর 2,000 ওইগনি।
লৈবাক অসিদা চাউখৎলক্লিবা EV ইকোসীস্তেম অসি য়েংলগা, MHIগী তেস্ত এজেন্সীশিংনা গ্রীন মোবিলিতী প্রোমোত তৌনবা অনৌবা অমসুং ফাওগৎলক্লিবা তেক্নোলোজীশিং চৎমিন্নবা ঙম্নবা মোদর্নাইজ তৌরগনি। MHIগী লুচিং মখাদা লুপা করোর 780গী শেন্থং কাইথোক্তুনা তেস্তিং এজেন্সীশিং অপগ্রেদ তৌনবগী অয়াবা পীখ্রে।
স্কীম অসিনা পব্লিক ত্রান্সপোর্তেসনগী পাম্বৈশিংবু সপোর্ত তৌদুনা পাক্তক্ননা শিজিন্নবা প্রোমোত তৌরি। PM E-DRIVE স্কীমগী মরু ওইবা পান্দমদি EVশিং লৈবদা মাংজৌননা ইন্সেন্তিবশিং পীদুনা অমসুং লোইন-লোইননা EVশিং অসিগীদমক্তা তঙাইফদনা মথৌ তাবা চার্জিং ইনফ্রাস্ত্রকচরশিং থম্বদা মতেং পাংদুনা EVশিং শিজিন্নবগী চাং হেনগৎহনবা অসিনি। PM E-DRIVE স্কীম অসিনা ত্রান্সপোর্তেশন্না অকোইবদা লৈরিবা মহৌশাগী ফিভমদা পীরিবা অকাইবা হন্থহন্নবা অমসুং নুংশিৎকী ক্বালিতী ফগৎহন্নবা EVশিংবু প্রোমোত তৌবনি।
স্কীম অসিনা এফিসিয়েন্ত ওইবা, কমপেতিতিব ওইবা অমসুং রেজিলিয়েন্ত ওইবা EV মেন্যুফেকচরিং ইন্দস্ত্রীবু প্রোমোত তৌদুনা আত্মানির্ভর ভারতপু প্রোমোত তৌরি। হায়রিবশিং অসি ফেজদ মেন্যুফেকচরিং প্রোগ্রাম (PMP) ইনকো্রপোরেত তৌদুনা ফংবা ঙমগদৌরিবনি, মসিনা দোমেস্তিক মেন্যুফেকচরিংবু পুক্নিং থৌগৎলগনি অমসুং EV সপ্লাই চেনবু হেন্না মপাঙ্গল কনখৎহল্লগনি।
ভারত সরকারগী অনৌবা থৌরাং অসিনা আকোইবদা লৈরিবা মহৌশাগী ফিভমদা পোল্যুশন থোকহনবা অমসুং ফ্যুএল সেক্যুরিতীগী মতাংদা লৈরিবা অৱাবশিং অদুবু লাকশিন্নবগী মাইকৈদা খোং থাংজিল্লগনি লোইন-লোইন সস্তেনেবল ওইবা ত্রান্সপোর্তেশনগী পাম্বৈশিং প্রোমোত তৌবদা য়াম্না শিংথানিংঙাই ওইবা মওংদা খুমাং চাউশিল্লগনি। স্কীম অসিনা মখোয়গী PMPগা লোইননা, EV সেক্তর অমসুং মসিগা মরি লৈনবা সপ্লাই চেনদা ইনভেস্তমেন্ত হেনগৎহল্লগনি। স্কীম অসিনা ভেল্যু চেনদা থবক্কী খুদোংচাবা কয়া অমশু পীরগনি। মেন্যুফেকচরিং অমসুং চার্জিং ইনফ্রাস্ত্রকচর থমদুনা থবক কয়া অমশু ফংহল্লগনি।
