প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা সীত অমদা লুপা করোর ১.৫০ গী হেনগৎলবা কোস্ত সিলিংগা লোয়ননা PG সীত ৫,০০০ হেনগৎহন্নবা হৌজিক লৈরিবা স্তেত লৈঙাক/ কেন্দ্র লৈঙাক্কী মেদিকেল কলেজ/ স্তেন্দএলোন PG ইন্সতিত্যুৎশিং/ লৈঙাক্কী লায়েংশঙশিং মপাঙ্গল কনখৎহন্নবা অমদি অপগ্রেদ তৌনবা, অমদি MBBS সীত ৫,০২৩ হেনৎহন্নবা হৌজিক লৈরিবা লৈঙাক্কী মেদিকেল কলেজশিং অপগ্রেদ তৌননবা CSS শাংদোক্নবা সেন্ত্রেল্লী স্পোন্সর্দ স্কীম (CSS) কী ফেজ-৩ অয়াবা পীখ্রে। থৌশিল অসিনা মশক থোক্না: অন্দরগ্রেজুএত মেদিকেল কেপাসিতী হেনগৎহনগনি; অহেনবা পোস্তগ্রেজুএত সীত হেনগৎহন্দুনা স্পিসিএলিস্ত দোক্তর মশিং য়ামহনগনি; অমদি লৈঙাক্কী মেদিকেল ইন্সতিত্যুসন শিন থুংনা অনৌবা স্পিসিএল্তীশিং পুথোকপা ঙমহনগনি। মসিনা লৈবাকসিদা মপুং ওইনা দোক্তর মশিং হেনগৎহনগনি।
স্কীম অনি অসিগী পুন্ন চঙগদবা শেনফম ২০২৫-২৬ দগী ২০২৮-২৯ ফাওবগী ওইনা লুপা করোর ১৫,০৩৪.৫০ নি। লুপা করোর ১৫০৩৪.৫০ অসিদগী কেন্দ্রগী শরুক্না লুপা করোর ১০,৩০৩.২০ নি অদুগা স্তেতকী শরুক্না লুপা করোর ৪৭৩১.৩০ নি।
কান্নবশিং:
স্তেত/য়ু.তি.শিংদা লৈরিবা লৈঙাক্কী মেদিকেল কলেজ/ইন্সতিত্যুসনশৎংগী মেদিকেল সীত মশিং হেনগৎহনবনা লৈবাকসিদা দোক্তর অমদি স্পিসিএলিস্ত মশিং হেনগৎহন্দুনা, মতিং লৈবা অনা লায়েং ফংবা, মরুওইনা য়ৌশিনবা ঙমদ্রিবা মফমশিংদা হেনগৎহনগনি। পোস্তগ্রেজুএত সীত হেনগৎহনবনা মরুওইবা দিসিপ্লিনশিংদা স্পিসিএলিস্ত লেপ্তনা ফংহগদবা মরম্না থৌরাং অসিনা লৈঙাক্কী ইন্সতিত্যুসনশিংদা তর্সরী হেল্থকেয়র পাকথোক চাউথোকহনবদা শেল ইচঙ চঙদনা হান্না লৈরিবা ইনফ্রাস্ত্রকচর শীজিন্নগনি। স্কীমশিং অসিনা হান্না লৈরবা ইনফ্রাস্ত্রকচর শীজিন্নদুনা শেল ইচঙ চঙহন্দবগী মথক্তা, হেল্থকেয়র রিসোর্সশিং চাং মান্নবা রিজনেল দিস্ত্রিব্যুসনগী থৌওং য়োকখৎনবা পান্দম থম্লি। অশানবা মীৎয়েঙদা, মখোয়না হৌজিক লৈরিবা অমদি তুংদা লাক্কদবা মথৌ তাবশিং থেংননবা লৈবাক অসিগী হেল্থ সিস্তেম মপাঙ্গল কনখৎহনগনি।
থবক পীবা য়াওনা পীরক্কদবা ইথিল:
স্কীমশিং অসিদগী ফংলকপা য়াবা অচৌবা মহৈশিংদি:
১. মহৈরোয়শিংদা ভারত্তা মেদিকেল এজুকেসন তম্নবা খুদোংচাবা হেন্না পীগনি।
২. মালেমগী থাক য়ৌননবা মেদিকেল এজুকেসন অমদি ত্রেনিংগী মতিং হেনগৎহনগনি।
৩. দোক্তর অমদি স্পিসিএলিস্ত মরাং কায়না লৈহনবনা ভারতপু অতাবা মমলদা অনা লায়েংগী খুদোংচাবা পীবা মরুওইবা লমথুংফম অমা ওইহন্দুনা ফোরেন এক্সচেঞ্জ হেনগৎহনগনি।
৪. হেল্থকেয়র এক্সেসিবিলিতীদা লৈরিবা অহোবা, মরুওইনা য়ৌশিনবা ঙমদবা অমদি মনুং হঞ্জিনবা মফমশিংদা, মেনশিনগনি।
৫. দোক্তর, ফেকল্তী, পেরামেদিকেল স্তাফ, রিছর্চর, এদমিনিস্ত্রেতর অমদি সপ্পোর্ত সর্ভিসশিংগী লমদা হকথেংননা অমদি নাকোয়ননা থবক পীগনি।
৬. হেল্থ সিস্তেমগী রেজিলিএন্স মপাঙ্গল কনখৎহনগনি অমদি মপুং ওইবা খুন্নাই-শেন্মিৎলোন চাউখৎহনবদা মতেং পাংগনি।
৭. স্তেত/য়ু.তি. শিন থুংনা হেল্থকেয়র ইনফ্রাস্ত্রকচর থোং মান্ননবা দিস্ত্রিব্যুৎ তৌবগী থৌওং য়োকখৎকনি।
পায়খৎপগী লাল্লোং অমদি পান্দমশিং:
স্কীমশিং অসিগী পান্দমদি ২০২৮-২০২৯ ফাওবদা লৈঙাক্কী ইন্সতিত্যুসনশিংদা PG সীত ৫০০০ অমদি UG সীত ৫০২৩ হেনগৎহনবনি। স্কীম অসি পায়খৎনবা মচা খায়বা চৎন-পথাপশিং হকশেল অমদি য়াইফ য়ুম্বাল মন্ত্রালয়না (MoH&FW) থোক্কনি।
বেকগ্রাউন্দ:
মীওই বিলিয়ন ১.৪ গীদমক য়ুনিভর্সেল হেল্থ কভরেজ (UHC) ফংবা হায়বসি থাক পুম্নমক্তা, মরুওইনা খুঙ্গং, ত্রাইবেল, অমদি য়ৌশিনবা ৱাবা ফুরুপশিংদা মতম চানা, অৱাংবা থাক্কী সর্ভিস ফংহনবা ঙমগদবা অচৌবা হেল্থকেয়র সিস্তেম অমা শেমগৎপগী মখা পোল্লি। অচৌবা হেল্থকেয়র সিস্তেম অমা থম্বা হায়বসি নীংথিনা হৈ-শিংলবা অমদি মরাং কাইবা ৱর্কফোর্স লৈবগী মখা পোল্লি।
ভারতকী হেল্থকেয়র এজুকেসন অমদি ৱর্কফোর্স ইনফ্রাস্ত্রকচরদা হৌখিবা চহি খরসিদা মশক থোক্না চাওখৎলক্তুনা এক্সেস হেনগৎহন্নবা অমদি মতিং হেনগৎহন্নবা মীৎয়েঙদা লেপ্তনা পায়খৎপা খুজিল থৌরাংগী মমি তারি। ঙসি ফাওবদা, ভারত্তা মেদিকেল কলেজ ৮০৮ লৈদুনা মালেমগী ওইনা খ্বায়দগী ৱাংদুনা অপুনবা MBBS সীত ইন্তেক কেপাসিতী ১,২৩,৭০০ ওইরি। হৌখিবা দেকেদ অমদা, MBBS সীত ৬৯,৩৫২ হাপচিন্দুনা ১২৭% হেনগৎলকখ্রে। মতৌ অসুম্না হায়রিবা মতমসিদা, PG সীত ৪৩,০৪১ হাপচিন্দুনা ১৪৩% হেনগৎলক্লি। মেদিকেল সীত মশিং শিংথানিংঙাই ওইনা হেনগৎচরবসু, অকক্নবা মফমশিংদা হেল্থকেয়রগী দিমান্দ, এক্সেস অমদি এফোর্দেবিলিতী পীবা ঙম্ননবা কেপাসিতী হেনগৎহনবা মথৌ তারি।
মখা তানা, প্রধান মন্ত্রী স্বাস্থ্য সুরক্সা য়োজনা (PMSSY) গী মখাদা অয়াবা পীখ্রবা অনৌবা ওল ইন্দিয়া ইন্সতিত্যুৎ ওফ মেদিকেল সাইন্সেস (AIIMS) কুন্নিথোই অসিনা তর্সরী হেল্থকেয়র সর্ভিস ফংহনবদা নত্তনা স্তেত-ওফ-দি-আর্ত তীচিং লর্নিং ফেসিলিতীশিংগা লোয়ননা মেদিকেল কম্পিতেন্সকী খ্বায়দগী ৱাংবা থাক্কী হেল্থ প্রোফেস্নেল কয়া অমা শেমগৎপদা মরুওইবা থৌদাং অমসু য়ারি।
ক্বালিফাইদ ওইরবা ফেকল্তীশিংগী পুল পাকথোক চাউথোকহন্নবা, হেন্না মপুং ফাবা অমদি হৈ-শিংবদা য়ুম্ফম ওইবা ফেকল্তী ইলিজিবিলিতী অমদি রিক্রুইতমেন্তকী থৌওং অমা শীজিন্নদুনা অনৌবা মেদিকেল ইন্সতিত্যুসন (ক্বালিফিকেসন ওফ ফেকল্তী) রিগুলেসন্স ২০২৫ থোকখ্রে। মসিদা পুরক্লিবা অহোংবশিং অসিনা তীচিং প্রোফেস্নেলশিংগী মথঔ তাবা হেনগৎলক্লিবা ফংহন্নবা, অমদি একাদমিক অমসুং প্রোফেস্নেল স্তেন্দর্দ য়ৌহন্নবা পান্দম থম্লি।
হকশেলগী লমদা ক্বালিফাইদ ওইবা হ্যুমেন রিসোর্স ফংহবা হেনগৎহন্নবা, MoH&FW না স্কীমশিং অসি পায়খৎলিবনি, অমদি মখোয়বু মখা তানা পাকথোক চাউথোকহল্লিবা অসিনা মেদিকেল প্রোফেস্নেল মশিং হেন্না পুথোক্নবা, হকশেলগী হ্যুমেন রিসোর্স মপাঙ্গল কনখৎহন্নবা, অমদি ভারতকী মীয়ামগীদমক মতিং লৈবা হেল্থকেয়র সর্ভিসশিং ফংবগী চাং হেনগৎহন্নবা লৈঙাক্না লেপ্লিবা খোঙফম উৎলি।
Approval of Phase-III of the Centrally Sponsored Scheme will add significant PG and UG medical seats. This will improve our healthcare system and enhance medical education infrastructure. It will ensure that every part of India has availability of skilled doctors.…
— Narendra Modi (@narendramodi) September 24, 2025
