প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা মেন্যুফেকচরিং সেক্তরদা অখন্নবা মীৎয়েং থমদুনা সেক্তর পুম্নমক্তা এমপ্লোইমেন্ত জেনরেসন, এমপ্লোইএবিলিতী অমসুং সোসিএল সেক্যুরিতী হেনগৎহন্নবা এমপ্লোইমেন্ত লিঙ্ক ইনসেন্তিব (ELI) অয়াবা পীখ্রে। স্কিম অসিগী মখাদা, অহানবা ওইনা থবক শুবা মীওইশিংনা থা অমগী খুৎশুমল ( লুপা 15,000/- ফাওবা) ফংলগনি। এমপ্লোয়রশিংদা অহেনবা থবক ফংহন্নবা চহি অনিগী ওইনা ইনসেন্তিবশিং পীগনি লোয়ননা মেন্যুফেকচরিং সেক্তরগীদমক অতোপ্পা চহি অনি শাংদোক্লবা কান্নবশিং ফংহনগনি। ELI স্কিম অসি কেন্দ্রগী বজেৎ 2024-25দা লুপা করোর লাখ 2গী অপুনবা বজেৎ থাদদুনা নহারোল করোর 4.1দা থবক ফংহন্নবা, স্কিলিং অমসুং অতোপ্পা খুদোংচাবশিং ফংহন্নবা প্রধান মন্ত্রীগী স্কিম মঙাগী পেকেজকী শরুক অমা ওইনা লাউথোকখি।
লুপা করোর 99,446গী শেনফমগা লোয়ননা, ELI স্কিম অসিনা চহি অনিগী মনুংদা লৈবাক অসিদা থবক করোর 3.5 হেন্না ফংহন্নবা পান্দম থম্লি। মসিগী মনুংদা, কান্নবা ফংলবা মীওই করোর 1.92দি অহানবা ওইনা থবক শুবা মীওইশিং ওইগনি। স্কিম অসিগী কান্নবশিং অসি ওগস্ত 1, 2025 অমসুং জুলাই 31, 2027গী মরক্তা পীখিবা থবকশিংদা ফংহনগনি।
স্কিম অসিদা পার্ত অনি য়াওগনি লোয়ননা পার্ত Aনা অহানবা ওইনা থবক শুবা মীওইশিংদা মীৎয়েং থম্মি অমসুং পার্ত Bনা এমপ্লোয়রশিংদা মীৎয়েং থম্মি:
পার্ত A: অহানবা ওইনা থবক শুবা মীওইশীংদা পীবা ইনসেন্তিব:
EPFOদা অহানবা ওইনা রেজিস্তর তৌরবা এমপ্লোয়ীশিংদা পান্দম থমদুনা, মসিগী শরুক অসিনা EPF লুপা লাখ 1 ফাওবগী চাংদা থবক শুবা মীওইশিং অসি ইলিজিবল ওইগনি। অহানবা ইনস্তোলমেন্ত অদু থা তরুক্কী সর্ভিসকী মতুংদা পীগনি অমসুং অনিশুবা ইনস্তোলমেন্ত অদু থা তরুক্কী সর্ভিসকী অমসুং এমপ্লোয়ী অদুনা ফাইনান্সিএল লিতরেসী প্রোগ্রাম অমা লোইশিল্লবা মতুংদা পীগনি। শেল তুংশিনবগী হৈনবী পুক্নিং থৌগৎনবগীদমক্তা, ইনসেন্তিব অদুগী শরুক অমা দিপোজিৎ একাউন্তগী সেভিং ইন্সত্রুমেন্ত অমদা অকক্নবা মতমগী ওইনা থমগনি অমসুং এমপ্লোয়ী অদুনা তুংদা লৌথোকপা য়াই।
পার্ত Aনা অহানবা ওইনা থবক তৌবা মীওই করোর 1.92রোমদা কান্নবা পীরগনি।
পার্ত B: এমপ্লোয়রশিংদা পীবা সপ্পোর্ত:
মসিগী পার্ত অসিনা মেন্যুফেকচরিং সেক্তরদা অখন্নবা মীৎয়েং থমদুনা সেক্তর খুদিংমক্তা অহেনবা থবক ফংহন্নবা থবক পায়খৎকনি। এমপ্লোয়রশিংনা লুপা লাখ 1 ফাওবগী তোলোপ ফংলিবা এমপ্লোয়ীশিংগী ইনসেন্তিব ফংলগনি। সরকারনা য়ামদ্রবদা থা তরুক্কী ওইনা লেপ্পা লৈতনা থবক তৌরিবা অহেনবা এমপ্লোয়ী অমমমগীদমক এমপ্লোয়রশিংদা থা অমদা লুপা 3000 ফাওবা চহি অনিগী ওইনা ইনসেন্তিব পীগনি। মেন্যুফেকচরিং সেক্তরগী ওইনা, ইনসেন্তিবশিং অসি অহুমশুবা অমসুং মরিশুবা চহিদসু শাংদোক্লগনি।
EPFOদা রেজিস্তর তৌরবা ইস্তব্লিসমেন্তশিংনা য়ামদ্রবদা অহেনবা এমপ্লোয়ী অনি (এমপ্লোয়ী 50দগী হন্থনা লৈবা এমপ্লোয়রশিংগীদমক) নৎত্রগা অহেনবা এমপ্লোয়ী মঙা (এমপ্লোয়ী 50 নৎত্রগা মসিগী মথক্তা লৈবা এমপ্লোয়রশিংগীদমক) য়ামদ্রবদা থা তরুক্কী ওইনা লেপ্পা লৈতনা থবক পীবা মথৌ তাই।
ইনসেন্তিব স্ত্রকচর অসি মখাদা পীরিবা অসি ওইগনি:
|
অহেনবা এমপ্লোইয়ীগী EPF খুৎশুমলগী স্লেব |
এমপ্লোয়রগী কান্নবা (থা অমদা অহেনবা এমপ্লোইমেন্ত অমদা) |
|
লুপা 10,000* ফাওবা |
লুপা 1,000 ফাওবা |
|
লুপা 10,000দগী হেনবা অমসুং লুপা 20,000 ফাওবা |
লুপা 2,000 |
|
লুপা 20,000দগী হেনবা (থা অমদা লুপা লাখ 1 ফাওবগী তোলোপ) |
লুপা 3,000 |
* লুপা 10,000 ফাওবগী EPFকী খুৎশুমল ফংবা এমপ্লোইয়ীশিংনা প্রোপোর্স্নেল ইনসেন্তিব অমা ফংগনি।
মসিগী শরুক অসিনা মীওই করোর 2.60 রোমগী অহেনবা থবক পীনবগীদমক্তা এমপ্লোয়রশিংবু ইনসেন্তিভাইজ তৌগনি হায়না পানরি।
ইনসেন্তিব পীবগী মেকানিজম:
স্কিম অসিগী পার্ত Aগী মখাদা অহানবা ওইনা থবক শুবা মীওইশিংদা পীগদবা শেনফম পুম্নমক আধার ব্রিজ পেমেন্ত সিস্তেম (ABPS) শীজিন্নদুনা DBT (দাইরেক্ত বেনিফিৎ ত্রান্সফর)গী খুত্থাংদা পীগনি। পার্ত Bগী মখাদা ইমপ্লোয়রশিংদা পীরিবা শেনফমশিং অসি মখোয়গী পেন-লিঙ্ক একাউন্তশিংদা হকথেংননা পীগনি।
ELI স্কিমগী খুত্থাংদা, সরকারনা সেক্তর খুদিংমক্তা, মরুওইনা মেন্যুফেকচরিং সেক্তরদা, অহানবা ওইনা থবক ফংলবা নহাশিংবু পুক্নিং থৌগৎপদা নত্তনা থবক ফংহন্নবা থৌরাং তৌরি। স্কিম অসিগী মরুওইবা আউৎকম অমা হায়রগদি, নহা ওইরিবা নুপা অমসুং নুপী করোর কয়াগীদমক সোসিএল সেক্যুরিতী কভরেজ পাকথোক চাউথোকহন্দুনা লৈবাক অসিগী ৱার্কফোর্সপু ফোর্মেলাইজেসন তৌবা হায়বসিনি।
The Employment Linked Incentive (ELI) Scheme cleared by Cabinet will boost job creation. The focus on manufacturing and incentives for first-time employees will greatly benefit our youth. https://t.co/Pt560ZD3VL
— Narendra Modi (@narendramodi) July 1, 2025
