প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওইন ইকোনোমিক এফেয়ার্সনা অরুনাচল প্রদেসকী সি য়োমি জিলাদা মেগাৱাত ৭০০ তাতো-২ হায়দ্রো ইলেক্ত্রিক প্রোজেক শানবগীদমক লুপা করোর ৮১৪৬.২১ গী শেনফম অমা কাইথোকপগী অয়াবা পীখ্রে। প্রোজেক অসি থা ৭২ গী মনুংদা লোইশিনগনি হায়না পানরি।
প্রোজেক অসিগী ইন্সতোল কেপাসিতি মেগাৱাত ৭০০ (৪xমেগাৱাত ১৭৫) ওইদুনা মৈ এম.য়ু ২৭৩৮.০৬ পুথোক্কনি। প্রোজেক অসিদগী ফংবা মৈনা অরুনাচল প্রদেসতা মৈগী ফিবম ফগৎহনগনি অমসুং নেসনেল গ্রিদতা মতেং পাংগনি।
প্রোজেক অসি নোর্থ ইষ্টর্ন ইলেক্ত্রিক পৱার কোর্পোরেসন লিমিতেদ(নিপকো) অমসুং অরুনাচল প্রদেস সরকারগী অপুনবা ভেঞ্চর অমগী খুৎথাংদা পায়খৎকদবনি। রাজ্যগী ইকুইতি সিয়ারদা লুপা করোর ৪৩৬.১৩ গী সেন্ত্রেল ফাইনান্সিএল এসিষ্টেন্সকী মথক্ত লম্বীশিং, থোংশিং অমসুং ত্রান্সমিসন লাইনশিং শেমগৎনবগীদমক বজেতকী মতেং ওইনা ভারত সরকারনা লুপা করোর ৪৫৮.৭৯ মতেং পাংগনি।
রাজ্য অসিনা চাদা ১২ গী মৈ লেম্না ফংগনি অমসুং লমদম অসিগী শেন-থুমগী ফিবম ফগৎহনবা অমসুং ইনফ্রাষ্ট্রকচর শেমগৎপগী মথক্ত লোকেল এরিয়া দিবলপমেন্ত ফন্দগী মাইকৈদা অতোপ্পা চাদা ১ ফংগনি।
অত্মনির্ভর ভারত অভিয়ানগী পান্দমগা লোয়ননা পায়খৎলিবা প্রোজেক অসিনা হকথেংননা অমসুং নাকোইননা থবক ফংনবগী খুদোংচাবশিং পীবা য়াওনা লোকেল সপ্লাইয়রশিং/ইন্তরপ্রাইজশিং অমসুং এম.এস.এম.ইশিদা কান্নবশিং পীগনি।
কিমি ৩২.৮৮ গী লম্বীশিং অমসুং থোংশিং শেমগৎপা য়াওনা প্রোজেক অসিনা লমদম অসিগী ইনফ্রাষ্ট্রকচর শিংথাবা য়ানা ফগৎহনগনি। হোস্পিতালশিং, স্কুলশিং, কৈথেলশিং, শানবুংশিং য়াওনবা তঙাইফদবা ইনফ্রাষ্ট্রকচর শাবগী কান্নবশিং জিলা অসিনা ফংগনি অমসুং শানবগীদমক লুপা করোর ২০ গী অখন্নবা প্রোজেক ফন্দশিংদগী শেন থাদগনি। লমদম অসিগী মীয়াম কম্পেসেসনশিং, থবক ফংবা অমসুং সি.এস.আরগী থবকশিংদগী কান্নবা ফংগনি।
Congratulations to my sisters and brothers of Arunachal Pradesh on the Cabinet approval for funding the Tato-II Hydro Electric Project (HEP) in Shi Yomi District. This is a vital project and will benefit the state's growth trajectory. https://t.co/4YIJJjQqjt
— Narendra Modi (@narendramodi) August 12, 2025
