প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওইন ইকোনোমিক এফেয়ার্সনা লুপা করোর করোর ৭,৯৭২ (চাউরাক্না) গী রেলৱেজ মিনিস্ত্রিগী প্রোজেক অহুম অয়াবা পীরে।
প্রোজেকশিং অদুদি :
i. জালগাউন-মনমাদ ৪শুবা লাইন (কিমি ১৬০)
ii. ভুসাৱাল-খান্দৱা ৩শুবা অমসুং ৪শুবা লাইন (কিমি ১৩১)
iii. প্রায়াগ্রাজ (ইরাদাতগঞ্জ)-মনিকপুর ৩শুবা অমসুং ৪শুবা লাইন (কিমি ৮৪)
শেমগৎকদৌরিবা মল্তি-ত্রেক্কিং প্রোজেকশিং অসিনা ত্রেনশিং চেনবা নুংঙাইহনগনি অমসুং চিনবা হন্থহনগনি, মুম্বাই অমসুং প্রায়াগ্রাজগী মরক্ত লৈবা খ্বাইদগী চিনবা সেক্সনশিংদা দরকার ওইবা ইনফ্রাস্ত্রকচর শেমগৎকনি।
মফম অমদা থবক ফংবা/মশানা মশাবু থবক পীজবা হেনগৎহন্দুনা লমদম অমগী মীয়াম “অত্মানির্ভর: ওইহন্দুনা অনৌবা ভারত অমা শেম্নবা প্রধান মন্ত্রী শ্রী নরেন্দ্র মোদীগী পান্দমদা প্রোজেক অসি পায়খৎপনি।
প্রোজেকশিং অসি মল্তি-মোদাল কন্নেক্তিবিতিগী পি.এম-গাতি শক্তি নেসনেল মস্তর প্লানগী ফলনি অমসুং মসিনা মীয়াম, পোৎ-চৈ অমসুং থবকশিং অপনবা লৈতনা চৎথোক-চৎশিনগী য়াহনগনি।
প্রোজেক অহুম অসিনা মহারাস্ত্রা, মধ্য প্রদেস অমসুং উত্তর প্রদেস কোনশিনগনি অমসুং ভারত রেলৱেগী হৌজিক লৈরিবা নেতৱার্কশিংগী মথক্তা কিমি ৬৩৯ হেনগৎহনগনি। প্রোজেকশিং অসিনা এস্পিরেসনেল দিস্ত্রিক অনি (খান্দৱা অমসুং চিত্রকুত) গী খুঙ্গং ১,৩১৯ অমসুং অপুনবা মীশিং লাখ ৩৮ রোম কান্নবা পীগনি।
পায়খৎকদৌরিবা প্রোজেকশিং অসিনা মুম্বাই-প্রায়াগ্রাজ-বারানসী রুত্ত অহেনবা ত্রেনশিং চেন্দুনা নাসিক্কী জয়তিরলিঙ্গ (ত্রিম্বাকেশ্বর), খান্দৱা (ওমকারেশ্বর) অমসুং বারানসী (কাসি বিশ্বনাথ), প্রায়াগ্রাজ, চিত্রকুত, গয়া অমসুং শির্দি চৎপদা লমকোয়বশিং অমসুং ভক্তশিংদা কান্নবা পীগনি। হায়রিবা প্রোজেকশিং অসিনা খাজুরাহো য়ুনেস্কো ৱার্ল্দ হেরিতেচ সাইত, অজান্তা অমসুং ইলোরা কেবস য়ুনেস্কো ৱার্ল্দ হেরিতেচ সাইত, দেবগিরি ফোর্ত, অসিরগর ফোর্ত, রেৱা ফোর্ত, য়াৱাল ৱাইল্দ লাইফ সেঙ্কচুরি, কিওতি ফোলস অমসুং পুরৱা ফোলশিং য়ৌবা খুদোংচাহন্দুনা তুরিজম চাউখৎহনগনি।
হায়রিবা লাইনশিং অসি লৌউ-শিংউগী পোৎথোকশিং, হার, স্তিল, কয়লা, সিমেন্ত অমসুং কন্তেন্নরশিংগুম্বা তঙাইফদবা পোৎলমশিংগী রুতশিংনি। মসিনা অহেনবা ফ্রেদ ত্রাফিক ৫১ মিল্লিয়ন তন্স পর এনম হেনগৎহনগনি। রেলৱেনা মহৌশাগী ফিবম শোকহন্দবা অমসুং ইনর্জি চঙদবা ত্রান্সপোর্তেসন শীজিন্নগনি অমসুং মসিনা উ পাম্বী করোর ১১ থাবগা মান্নবা কার্বোনদাইওক্সাইত কেজি করোর ২৭১ থাদোকপা হন্থহনগনি।
Better infrastructure is about connecting dreams and accelerating progress.
— Narendra Modi (@narendramodi) November 26, 2024
The Cabinet approval to three major rail projects will benefit Maharashtra, Madhya Pradesh and Uttar Pradesh. It will boost development along the busy sections between Mumbai and Prayagraj.…
