প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কিবিনেতনা গগনয়ান প্রোগ্রামগী স্কোপ চাউথোক্তুনা ভার্তিয়া অন্তরিক্সকী অহানবা য়ুনিৎ শানবগী অয়াবা পীখ্রে। কেবিনেতনা অয়াবা পীখিবা অসি ভার্তিয়া অন্তরিক্স স্তেসন (BAS-১)গী অহানবা মোদ্যুল দেবেলপ তৌনবা অমসুং BAS শানবা অমসুং চলাইনবগী তেক্নোলোজীশিং অদুবু দেমোন্সত্রেত তৌনবা অমসুং ভেলিদেত তৌনবা মিসনশিং চৎনবগীদমক্তনি। BAS অমসুং অহোবগী মিসনশিংগীদমক্তা অনৌবা দেবেলপমেন্তশিং, অমসুং হৌজিক পাইখৎলিবা গগনয়ান প্রোগ্রাম মপুং ফাহনবদআ তঙাইফদনা মথৌতাবশিং অদুবু য়াওহন্নবা গগনয়ান প্রোগ্রামগী স্কোপ অমসুং ফন্দিং অদুবু রিভাইজ তৌরগনি।
গগনয়ান প্রোগ্রামগী রিভিজনদা BASকী দেবেলপমেন্তকী স্কোপ অমসুং অহৌবগী মিসনশিং অমসুং হৌজিক-হৌজিক পাইৎলিবা গগনয়ান প্রোগ্রামগী দেবেলপমেন্তশিংগীদমক্তা মথৌতাবা মী য়াওদবা মিসন অমসুং অহেনবা হার্দৱেয়র য়াওহল্লগনি। হৌজিক্তি তেক্নোলোজী দেবেলপমেন্ত অমসুং দেমোন্সত্রেশনগী হ্যুমেন স্পেসফ্লাইত প্রোগ্রাম অসি BAS-১গী অহানবা য়ুনিৎ লোঞ্চ তৌদুনা ২০২৮কী দিসেম্বর ফাওবদা লোইশিনগদবা মিসন নিপালগী খুত্থাংদা ওইগনি।
দিসেম্বর ২০১৮দা অয়াবা পীখিবা গগনয়ান প্রোগ্রামনা লো অর্থ ওর্বিত (LEO)দা হ্যুমেন স্পেসফ্লাইত পাংথোকপা অমসুং তুং কোইনগী ওইনা ভারতকী হ্যুমেন স্পেস এক্সপ্লোরেশন প্রোগ্রামগীদমক্তা মথৌ তাবা তেক্নোলোজীশিংগী উরেপ-উয়ুং তম্নবা ভিজন অদু থম্লি। অমৃত কালদা ভিজন ফোর স্পেসনা অতোপ্পা কয়া অমা য়াওনা ২০৩৫ ফাওবদা মথৌ তৌবা ভার্তিয়া অন্তরিক্স স্তেসন অমা শেম্বা অমসুং ২০৪০ ফাওবদা ভারতকী ক্রুগী লুনার মিসন পাংথোক্নবগী ভিজন থম্লি। স্পেসতা চৎলিবা মকোক থোংবা লৈবাকশিংনা মতম শাংনা হ্যুমেন স্পেস মিসনশিং পাংথোকপদা অমসুং থা অমসুং থাগী ৱাংমদা চৎপদা মথৌতাবা কেপেবলিতীশিং দেবেলপ তৌনবা অমসুং ওপরেস্নেলাইজ তৌনবা কন্না হোৎনরি অমসুং ইনভেস্তমেন্তশিং তৌরি।
গগনয়ান প্রোগ্রাম অসি ISROনা লুচিংদুনআ ইন্দস্ত্রী, একাদেমিয়া অমসুং অতোপ্পা নেস্নেল এজেন্সীশিংগা স্তেক হোল্দরশিং ওইনা খুৎশম্নদুনা পাইখৎপা লৈবাক্কী থবক ওইগনি। পরওগ্রাম অসি ISROগী মনুংদা হান্নদগী লৈরবা প্রোজেক্ত মেনেজমেন্ত মেকানিজমগী খুত্থাংদা পাইখৎলগনি। মসিগী পান্দমদি মতম শাংনা হ্যুমেন স্পেস মিসনশিং পাংথোক্নবগীদমক্তা মরু ওইবা তেক্নোলোজীশিং দেবেলপ তৌনবা অমসুং দেমোন্সত্রেত তৌনবনি। মসিগী পান্দম অসিবু ফংনবা, ISROনা হৌজিক পাইখৎলিবা গগনয়ান প্রোগ্রামগী মখাদা ২০২৬ ফাওবদা মিসন মরি চৎলগনি অমসুং BASকী অহানবা মোদ্যুল দেবেলপ তৌনবা অমসুং ২০২৮কী দিসেম্বর ফাওবদা BASকীদমক্তা তেক্নোলোজীশিংগী দেমোন্সত্রেশন অমসুং ভেলিদেশন তৌনবগীদমক্তা মিসন মরি পাংথোক্লগনি।
লৈবাক অসিনা লো অর্থ ওর্বিত্তা হ্যুমেন স্পেস মিসনশিং চৎনবগীদমক্তা তঙাইফদনা মথৌতাবা তেক্নোলজিকেল কেপেবিলিতীশিং লৈরগনি। নেস্নেল স্পেস-বেজদ ফেসিলিতী খুদম ওইনা ভার্তিয়া অন্তরিক্স স্তেসননা মাইক্রোগ্রেবিতীদা য়ুমফম ওইবআ সাইন্তিফিক রিসর্চঅমসুং তেক্নোলোজী দেবেলপমেন্তকী থবক-থৌরমশিংদা য়াম্না চাউনা ঈনোৎ হাপ্লগনি। মসিনা মরু ওইবা রিসর্চ অমসুং দেবেলপমেন্তকী লমদা তেক্নলোজী পুথোকহল্লগনি অমসুং ইনোভেশনশিং থৌগৎলগনি। হ্যুমেন স্পেস প্রোগ্রামদা ইন্দস্ত্রীশিংনা শরুক য়াবা অমসুং ইকোনোমিক এক্তিবিতীশিং হেনগৎপনা থবক ফংবা হেনগৎহল্লগনি, মরু ওইনা তেক্নোলোজী য়াম্না চংবা স্পেস অমসুং মরি লৈনবা সেক্তরশিংদা থবক্কী চাং হেনগৎহল্লগনি।
হান্নদগী অয়াবা পীখ্রবা প্রোগ্রাম অসিদা লুপা করোর ১১১৭০গী অহেনবা নেত ফন্দিং তৌদুনা রিভাইস তৌরবা স্কোপ অসিদা গগনয়ান প্রোগ্রামগীদমক্তা পুন্না ফন্দিং লুপা করোর ২০১৯৩দা হেনগৎলকখ্রে।
প্রোগ্রাম অসিনা মরু ওইনা লৈবাক অসিগী নহাশিংবু সাইন্স অমসুং তেক্নোলোজীগী লমদা করিয়রশিং শেম্বা লোইন-লোইননা মাইক্রোগ্রেবিতিদা য়ুমফম ওইবা সাইন্তিফিক রিসর্চ অমসুং তেক্নোলওলজী দেবেলপমেন্তকী থবক-থৌরমশিংদা খুদোংচাবশিং লৌনবা তোপ-তোপ্পা খুদোংচাবশিং পীরগনি। মসিদগী পুথোরকপা ইনোভেশনশিং অমসুং তেক্নোলোজীগী ওইবা পোত্থোকশিং অদুনা খুনাই অসিবু য়াম্না কান্নহল্লগনি।
Great news for the space sector! The Union Cabinet has approved the first step towards the Bharatiya Antariksh Station (BAS), expanding the Gaganyaan programme! This landmark decision brings us closer to a self-sustained space station by 2035 and a crewed lunar mission by 2040!…
— Narendra Modi (@narendramodi) September 18, 2024
