Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors

Media Coverage

Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors
...

Nm on the go

Always be the first to hear from the PM. Get the App Now!
...
ন্যুক্লিয়র লানগী কিহনবা অসি মীফত্তা ওইনা শক্তাকপনি, রাজনিতীগী লুচিংবা অমগী ৱাঙাং নত্তে
September 28, 2019
Share
 
Comments

মিস্তর প্রসিদেন্ত,

পাকিস্থানগী প্রধান মন্ত্রীগী ৱারোল অদুগী পাউখুম পীনবা ভারতকী হক অদু ঐনা শিজিন্নরি।                    

  1. মসিগী চাউরবা মীফম অসিগী ফম্বাক্তগী ঙাংখিবা ৱাহৈ খুদিংমক, মসি থাজৈ, পুৱারীদা মফম লৈ। লাইবক থিবদি, ঙসি ঐখোয়না পাকিস্থানগী প্রধান মন্ত্রী ইমরান খানদগী মালেম অসি অনি থোকহনবা ৱাহৈ শীজিন্নবা তাবা ফংলে। ঐখোয় ভর্সেস মখোয়; ইনাকখুনবা ভর্সেস লায়রবা; অৱাং ভর্সেস খা; চাউখৎলবা ভর্সেস চাউখৎলক্লিবা; মুস্লিম ভর্সেস অতোপ্পশিং। ৱারোল অদুনা য়ুনাইতেদ নেসন্সতা তোখাই তাবা পুক্নিং থৌগৎলে। তোঙান-তোঙান লৈনবা হেনগৎহন্নবা থৌরাংশিং অমসুং নুংশিনদবা হেনগৎহন্নবা “তুকৎচবা ৱারোল” পীরে।
  2. অসিগুম্বা লান্না শীজিন্নবা অমসুং মী চৈবা অসি জেনরেল এসেম্বলীনা তাংনা উবা ফংই। দিপ্লোমেসিদা ৱাহৈশিং অসি য়াম্না মরুওই। মসিদা শিজিন্নরিবা “পাক্তক্ননা হাৎপা”, “মীহাৎ-মীপুন”, কাংলুপ অমা হেল্লি হায়বা”, “খুৎলাই পায়খৎপা” অমসুং “শিদ্রি ফাওবা লালথেংনবা” ৱাহৈশিং অসিনা ময়াই থংবা জুক্কী ৱাখল্লোন অদু মমি তারে অমসুং ২১শুবা চহিচাগী পান্দম অমা নত্তে।
  3. প্রধান মন্ত্রী খানগী ন্যুক্লিয়র লানগী কিহনবা অসি মীফত্তা ওইনা শক্তাকপনি, রাজনিতীগী লুচিংবা অমগী ৱাঙাং নত্তে।
  4. তেরোরিজমগী ইন্দস্ত্রী ভেল্যু চেন পুম্বা মথন্তনা পায়শিল্লিবা লৈবাক অমদগী লাকপা লুচিংবা ওইনা প্রধান মন্ত্রী খান্না তেরোরিজম অসি অচুম্বনি হায়রিবা অসি ইকায়বা খঙদবা অমসুং খৎনবা হৌবনি।
  5. মতম অমদা ক্রিকেত্তর ওইরম্বা অমসুং ইংতপ্পা মীওই অমগী মশান্নদা থাজবা কনাগুম্বা অমা, ঙসিগী ৱারোল অদুনা দারা অদাম খেলগী নোংমৈশিংগা মান্নবগী ফত্তবশিং অদু উৎলে।                        
  6. পাকিস্থানদা মিলিতেন্ত লুপ অমত্তা লৈতে হায়বা খঙদোক্নবা হৌজিক প্রধান মন্ত্রী ইমরান খান্না য়ু.এন. ওবজার্ভরশিং কৌরি, মহাক্কী ৱাশক অদু মালেম্না শৌগৎকনি।
  7. থৌরাং তৌরিবা মশক খঙদোকপা অদুদা পাকিস্থান্না পাউখুম পীগদবা ৱাহং খরা মফম অসিদা লৈরে।
  • লৈবাক অসিদা য়ু.এন.না লাউথোক্লবা তেরোরিস্ত ১৩০ অমসুং য়ু.এন.গী লিস্ততা য়াওরবা তেরোরিস্ত লুপ ২৫গী লৈফম্নি হায়বা ঙসি পাকিস্থান্না অচুম্বা অদু হায়বা ঙমগদরা?
  • অল কাইদা অমসুং দাইস সেঙ্কসন লিস্ততা য়াওরবা য়ু.এন.না লাউথোকলবা মীওই অমা পেন্সন পীবা মালেমদা অমতা ঙাইরবা সরকার অসি লৈবাক অসিনি হায়বা পাকিস্থান্না য়াবা ঙমগদরা?
  • ন্যু য়োর্কতা লৈবা লৈবাক অসিগী মমিং লৈরবা বেঙ্ক হাবিব বেঙ্ক, তেররদা শেন থাদবগী দোল্লর মিল্লিয়ন কয়া ফাইন লৌবদগী থিংজিল্লিবা অসি পাকিস্থান্না শন্দোক্না হায়বা ঙমগদরা?
  • মরুওইবা পেরামিতর ২৭গী মনুংদা ২০ হেন্না লৈবাক অসিনা খোঙ্গাওনবদগী ফাইনান্সিয়েল এক্সন তাক্স ফোর্সনা লৈবাক অসিদা নোতিস পীরিবা অসি পাকিস্থান্না য়ারোইদ্রা?
  • মহাক ইফোং ফোংনা ওসামা বিন লাদেন শৌগৎপনি হায়বা অসি ন্যু য়োর্ক শহর অসিদা প্রধান মন্ত্রী খান্না য়াদবা ঙমগদরা?

মিস্তর প্রসিদেন্ত,                                                                             

  1. তেরোরিজম শৌগৎতুনা অমসুং খৎনবা হৌবগী ৱা ঙাংদুনা পাকিস্থান্না মীওইবগী হক ঙাক্নবা মাংজিল থাবা লৈবাক অমা ওইনবা হোৎনরি।
  2. ১৯৪৭দা লৈবাক অসিগী অপীকপা ফরুপ অসি চাদা ২৩ ওইরম্বদগী হৌজিক চাদা ৩দা লৈরে অমসুং খৃস্তিয়ানশিং, সিখশিং, অহমাদিয়াশিং, হিন্দুশিং, সিয়াশিং, পাসতুনশিং, সিন্ধীশিং অমসুং বালোচীশিং মীওৎপা ব্লাসফেমী লোশি, থওইনা চৈরাক্না পীবা অমসুং নৈহৎপা অমসুং নমদুনা ধর্ম্ম হোংহল্লি।
  3. মখোয়না নৌনা মীওইবগী হক্কী মতাংদা ৱা ঙাংবা হৌরক্লিবা অসি মুৎখিগদৌরিবা চীংগী হামেং – মারখোর ত্রোফীগীদমক তানবগা মান্নৈ।
  4. অপীকপা ফুরুপশিং হাৎলিবা প্রধান মন্ত্রী ইমরান খান নিয়াজী ঙসিগী শক্তি লৈরবা গনতন্ত্র অসিদা চন্নফম লৈতে। নহাক্না মমি শামি খঙলিবা পুৱারী অদু অমুক নৌনা খঙনবা হোৎন্নবা ঐখোয়না হায়জরি। ১৯৭১দা পাকিস্থান্না মখোয়গী মীয়ামদা চৎথখিবা তমথিরবা মীহাৎশিং অমসুং লেফতনেন্ত জেনরেল এ.এ.কে. নিয়াজীগী থৌদাং অদু কাওগনু। মমাংদা ঙসি নুংথি মীফম অসিদা ইকায়খুম্নরবা বঙ্গালাদেশকী প্রধান মন্ত্রীনা অশেংবশিং অদু নীংশিংখ্রে।

মিস্তর প্রসিদেন্ত,

  1. ভারতকী রাজ্য জম্মু অমসুং কশ্মীরদা চাউখৎপা থিন্থরিবা চৎনদ্রবা লো অমা লৌথোকপদা পাকিস্থান্না উৎলিবা ফজদবশিং অসিনা তাকপদি ইরাং থোকনবা শীল্লিবশিংনা কৈদৌঙৈদা শান্তি পুরকপা পামদে হায়বনি।
  2. পাকিস্থান্না তেরোরিজম শৌগৎলিঙৈ অমসুং মফম অসিদা খৎনবা হৌবগী ৱা ঙাংলিঙৈ ভারতনা জম্মু অমসুং কশ্মীর চাউখৎনবা মাংলোমদা চংশিল্লি।
  3. চহি লিশিং কয়া শুরবা খেন্নবশিং, পুন্না হিংমিন্নবা অমসুং খাংবা কনবগী চৎনবীশিং অসিগা লোয়ন্না জম্মু অমসুং কশ্মীর অমসুং লাদাখ ভারতকী গনতন্ত্রগী ইচেলদা পুরক্লি অমসুং তশেংনা চৎথরি। মসি মনিং হনবগী ৱাফম লৈতে।
  4. ফৎতবগী ৱাখল্লোনদগী হৌরকপা তেরোরিজমগী ইন্দিস্ত্রী লিংখৎলিবা মীওইশিংনা মখোয়গী মহুৎতা কনাগুম্বা অমনা ৱা ঙাংবীবা ভারতনা দরকার ওইদে।