വിശിഷ്ട പ്രസിഡന്റ് പുടിന്,
വിശിഷ്ട പ്രസിഡൻ്റ് സീ,
വിശിഷ്ട പ്രസിഡന്റ് റമാഫോസ,
വിശിഷ്ട പ്രസിഡന്റ് ബോള്സോനാരോ,
ഒന്നാമതായി, ബ്രിക്സ് വിജയകരമായി കൈകാര്യം ചെയ്തതിന് പ്രസിഡന്റ് പുടിനെ ഞാന് അഭിനന്ദിക്കുന്നു. നിങ്ങളുടെ മാര്ഗ്ഗനിര്ദ്ദേശവും മുന്കൈയും കാരണം, ആഗോള മഹാമാരി കാലഘട്ടങ്ങളില്പ്പോലും അതിന്റെ വേഗത നിലനിര്ത്താന് ബ്രിക്സിന് കഴിഞ്ഞു. എന്റെ പ്രസംഗം ആരംഭിക്കുന്നതിനുമുമ്പ്, പ്രസിഡന്റ് റമാഫോസയുടെ ജന്മദിനത്തില് ഞാന് എന്റെ ആശംസകള് നേരുന്നു.
ആദരണീയരേ,
ഈ വര്ഷത്തെ ഉച്ചകോടിയുടെ വിഷയം – 'ആഗോള സ്ഥിരത, പങ്കിട്ട സുരക്ഷ, നൂതന വളര്ച്ച എന്നിവയ്ക്കുള്ള ബ്രിക്സ് പങ്കാളിത്തം' പ്രസക്തം മാത്രമല്ല, വിദൂരദൃശ്യവുമാണ്. ലോകമെമ്പാടും ഗണ്യമായ ജിയോ-സ്ട്രാറ്റജിക് മാറ്റങ്ങള് നടക്കുന്നു, ഇത് സ്ഥിരത, സുരക്ഷ, വളര്ച്ച എന്നിവയെ ബാധിക്കും, ഈ മൂന്ന് മേഖലകളിലും ബ്രിക്സ് ഒരു പ്രധാന പങ്ക് വഹിക്കും.
ആദരണീയരേ,
ഈ വര്ഷം, രണ്ടാം ലോക മഹായുദ്ധത്തിന്റെ 75-ാം വാര്ഷികത്തില്, നമ്മൾക്ക് നഷ്ടപ്പെട്ട എല്ലാ ധീരരായ സൈനികര്ക്കും ഞങ്ങള് ആദരാഞ്ജലി അര്പ്പിക്കുന്നു. യൂറോപ്പ്, ആഫ്രിക്ക, തെക്ക് കിഴക്കന് ഏഷ്യ തുടങ്ങി നിരവധി മുന്നണികളില് 25 ദശലക്ഷത്തിലധികം ധീരരായ ഇന്ത്യന് സൈനികര് ഈ യുദ്ധത്തില് സജീവമായിരുന്നു. ഈ വര്ഷം നമ്മൾ ഐക്യരാഷ്ട്രസഭയുടെ 75 വര്ഷത്തെ അനുസ്മരിക്കുന്നു. യുഎന്നിന്റെ സ്ഥാപക അംഗമെന്ന നിലയില് ഇന്ത്യ ബഹുരാഷ്ട്രവാദത്തിന്റെ ശക്തമായ പിന്തുണക്കാരാണ്. ഇന്ത്യന് സംസ്കാരം ലോകത്തെ മുഴുവന് ഒരു കുടുംബമായി കണക്കാക്കുന്നു, അതിനാല് യുഎന് പോലുള്ള ഒരു സ്ഥാപനത്തെ പിന്തുണയ്ക്കുന്നത് ഞങ്ങള്ക്ക് സ്വാഭാവികമായിരുന്നു. യുഎന്നിന്റെ മൂല്യങ്ങളോടുള്ള നമ്മുടെ പ്രതിബദ്ധത തടസ്സമില്ലാതെ തുടരുന്നു – യുഎന് സമാധാന പ്രവര്ത്തനങ്ങളില് ഏറ്റവും കൂടുതല് സൈനികരെ ഇന്ത്യക്ക് നഷ്ടമായി. എന്നാല് ഇന്ന് ബഹുരാഷ്ട്ര സമ്പ്രദായം പ്രതിസന്ധി നേരിടുകയാണ്. ആഗോള ഭരണ സ്ഥാപനങ്ങളുടെ വിശ്വാസ്യതയും ഫലപ്രാപ്തിയും ചോദ്യം ചെയ്യപ്പെടുന്നു. കാലത്തിനനുസരിച്ച് ഇവ മാറുന്നില്ല എന്നതാണ് ഇതിന്റെ പ്രധാന കാരണം. 75 വര്ഷം മുമ്പ് കണ്ട ഒരു ലോകത്തിന്റെ ചിന്തയിലും യാഥാര്ത്ഥ്യത്തിലും ഇവ ഇപ്പോഴും വേരൂന്നിയതാണ്. യുഎന് സുരക്ഷാ സമിതിയില് പരിഷ്കാരങ്ങള് അനിവാര്യമാണെന്ന് ഇന്ത്യ വിശ്വസിക്കുന്നു. ഈ വിഷയത്തില് ഞങ്ങളുടെ ബ്രിക്സ് പങ്കാളികളില് നിന്ന് പിന്തുണ പ്രതീക്ഷിക്കുന്നു. യുഎന് കൂടാതെ മറ്റ് പല അന്താരാഷ്ട്ര സ്ഥാപനങ്ങളും നിലവിലെ യാഥാര്ത്ഥ്യങ്ങള്ക്കനുസരിച്ച് പ്രവര്ത്തിക്കുന്നില്ല. ഡബ്ല്യുടിഒ, ഐഎംഎഫ്, ലോകാരോഗ്യ സംഘടന തുടങ്ങിയ സ്ഥാപനങ്ങളും പരിഷ്കരിക്കണം.
ആദരണീയരേ,
ഇന്ന് ലോകം നേരിടുന്ന ഏറ്റവും വലിയ ഭീഷണിയാണ് തീവ്രവാദം. തീവ്രവാദികളെ പിന്തുണയ്ക്കുകയും സഹായിക്കുകയും ചെയ്യുന്ന രാജ്യങ്ങളും അതിനുള്ള വില കൊടുക്കേണ്ടി വരുമെന്നുള്ളത് നമ്മൾ ഉറപ്പാക്കണം, ഈ പ്രശ്നം ഒറ്റക്കെട്ടായി കൈകാര്യം ചെയ്യണം. റഷ്യയുടെ പ്രസിഡൻസി കാലത്ത് ബ്രിക്സ് തീവ്രവാദ വിരുദ്ധ തന്ത്രത്തിന് അന്തിമരൂപം നല്കിയതില് ഞങ്ങള്ക്ക് സന്തോഷമുണ്ട്. ഇത് ശ്രദ്ധേയമായ നേട്ടമാണ്. ബ്രിക്സ് പ്രസിഡന്റ് സ്ഥാനത്ത് ഇന്ത്യ ഈ ദൗത്യം തുടരും.
ആദരണീയരേ,
കൊവിഡിന് ശേഷമുള്ള ആഗോള വീണ്ടെടുക്കലില് ബ്രിക്സ് സമ്പദ്വ്യവസ്ഥ ഒരു പ്രധാന പങ്ക് വഹിക്കും. ലോക ജനസംഖ്യയുടെ 42% ത്തിലധികം നമ്മുടെ പക്കലുണ്ട്, ആഗോള സമ്പദ്വ്യവസ്ഥയുടെ ഡ്രൈവിംഗ് എഞ്ചിനുകളില് നമ്മുടെ രാജ്യങ്ങളും ഉള്പ്പെടുന്നു. ബ്രിക്സ് രാജ്യങ്ങള് തമ്മിലുള്ള പരസ്പര വ്യാപാരം വര്ദ്ധിപ്പിക്കുന്നതിന് ധാരാളം സാധ്യതയുണ്ട്. ഞങ്ങളുടെ പരസ്പര സ്ഥാപനങ്ങള്ക്കും സിസ്റ്റങ്ങള്ക്കും – ബ്രിക്സ് ഇന്റര് ബാങ്ക് സഹകരണ സംവിധാനം, പുതിയ വികസന ബാങ്ക്, അനിശ്ചിതകാല റിസര്വ് ക്രമീകരണം, കസ്റ്റംസ് സഹകരണം എന്നിവ – ആഗോള വീണ്ടെടുക്കലില് നമ്മുടെ സംഭാവന ഫലപ്രദമാക്കും. ഇന്ത്യയില്, 'സ്വാശ്രിത ഇന്ത്യ' കാമ്പയിനിന് കീഴില് ഞങ്ങള് ഒരു സമഗ്ര പരിഷ്കരണ പ്രക്രിയ ആരംഭിച്ചു. കൊവിഡിന് ശേഷമുള്ള സമ്പദ്വ്യവസ്ഥയുടെ ഒരു സ്വാശ്രിതവും ഊര്ജ്ജസ്വലവുമായ ഇന്ത്യയ്ക്ക് ഒരു ഫോഴ്സ് ഗുണിതമാകാമെന്ന പ്രമേയത്തിലാണ് ഈ കാമ്പെയ്ന് വേരൂന്നിയത്. ആഗോള മൂല്യ ശൃംഖലകളില് ശക്തമായി സംഭാവന ചെയ്യാന് കഴിയും. ഇന്ത്യന് ഫാര്മ വ്യവസായത്തിന്റെ കഴിവ് കാരണം 150 ലധികം രാജ്യങ്ങളിലേക്ക് അവശ്യ മരുന്നുകള് എത്തിച്ച് കൊവിഡ് സമയത്ത് ഞങ്ങള് ഇത് തെളിയിച്ചു. ഞാന് നേരത്തെ പറഞ്ഞതുപോലെ, ഞങ്ങളുടെ വാക്സിന് ഉല്പാദനവും ലോജിസ്റ്റിക് ശേഷിയും എല്ലാ മനുഷ്യവര്ഗത്തിനും ഗുണം ചെയ്യും. ഇന്ത്യയും ദക്ഷിണാഫ്രിക്കയും കൊവിഡ് 19 വാക്സിന്, ചികിത്സ, അന്വേഷണം എന്നിവയുമായി ബന്ധപ്പെട്ട ബൗദ്ധിക സ്വത്തവകാശ കരാറുകളില് നിന്ന് ഒരു ഇളവ് നിര്ദ്ദേശിച്ചിട്ടുണ്ട്. മറ്റ് ബ്രിക്സ് രാജ്യങ്ങളും പിന്തുണയ്ക്കുമെന്ന് ഞങ്ങള് പ്രതീക്ഷിക്കുന്നു. ബ്രിക്സ് പ്രസിഡന്റ് സ്ഥാനത്ത്, ഡിജിറ്റല് ആരോഗ്യത്തിലും പരമ്പരാഗത വൈദ്യശാസ്ത്രത്തിലും ബ്രിക്സ് സഹകരണം വര്ദ്ധിപ്പിക്കുന്നതിന് ഇന്ത്യ പ്രവര്ത്തിക്കും. ഈ പ്രയാസകരമായ വര്ഷത്തില്, റഷ്യന് പ്രസിഡന്സിക്ക് കീഴില് ആളുകളുമായി ആളുകളുടെ സമ്പര്ക്കം വര്ദ്ധിപ്പിക്കുന്നതിന് നിരവധി സംരംഭങ്ങള് സ്വീകരിച്ചു. ബ്രിക്സ് ഫിലിം ഫെസ്റ്റിവല്, യുവ ശാസ്ത്രജ്ഞരുടെയും യുവ നയതന്ത്രജ്ഞരുടെയും മീറ്റിംഗുകള് എന്നിവ. പ്രസിഡന്റ് പുടിനെ ഞാന് ഊഷ്മളമായി അഭിനന്ദിക്കുന്നു.
ആദരണീയരേ,
2021 ല് ബ്രിക്സ് 15 വര്ഷം പൂര്ത്തിയാക്കും. കഴിഞ്ഞ വര്ഷങ്ങളില് നമ്മൾ എടുത്ത വിവിധ തീരുമാനങ്ങള് വിലയിരുത്തുന്നതിന് നമ്മുടെ 'ഷെര്പകള്ക്ക്' ഒരു റിപ്പോര്ട്ട് തയ്യാറാക്കാന് കഴിയും. 2021 ല് നമ്മുടെ പ്രസിഡന്റ് സ്ഥാനത്ത്, മൂന്ന് തൂണുകളും ശക്തിപ്പെടുത്തിക്കൊണ്ട് ഇന്ട്രാ ബ്രിക്സ് സഹകരണം വര്ദ്ധിപ്പിക്കാന് ഞങ്ങള് ശ്രമിക്കും. ഇന്ട്രാ-ബ്രിക്സ് ഐക്യദാര്ഡ്യം വര്ദ്ധിപ്പിക്കാനും ഈ ആവശ്യത്തിനായി ശക്തമായ ഒരു സ്ഥാപന ചട്ടക്കൂട് വികസിപ്പിക്കാനും നമ്മൾ ശ്രമിക്കും. പ്രസിഡന്റ് പുടിന്റെ എല്ലാ ശ്രമങ്ങള്ക്കും ഞാന് വീണ്ടും അഭിനന്ദിക്കുകയും എന്റെ അഭിപ്രായങ്ങള് അവസാനിപ്പിക്കുകയും ചെയ്യുന്നു.
നന്ദി.
കുറിപ്പ്: പധാനമന്ത്രിയുടെ പ്രസംഗത്തിന്റെ ഏകദേശ വിവര്ത്തനമാണിത്. ഒറിജിനല് പ്രസംഗം ഹിന്ദിയിലാണു നടത്തിയത്.
आतंकवाद आज विश्व के सामने सबसे बड़ी समस्या है।
— PMO India (@PMOIndia) November 17, 2020
हमें यह सुनिश्चित करना होगा कि आतंकवादियों को समर्थन और सहायता देने वाले देशों को भी दोषी ठहराया जाए, और इस समस्या का संगठित तरीके से मुकाबला किया जाए: PM
हमने ‘आत्मनिर्भर भारत’ अभियान के तहत एक व्यापक reform process शुरू किया है।
— PMO India (@PMOIndia) November 17, 2020
यह campaign इस विश्वास पर आधारित है कि एक self-reliant और resilient भारत post-COVID वैश्विक अर्थव्यवस्था के लिए force multiplier हो सकता है और global value chains में एक मजबूत योगदान दे सकता है: PM
इसका उदहारण हमने COVID के दौरान भी देखा, जब भारतीय फार्मा उद्योग की क्षमता के कारण हम 150 से अधिक देशों को आवश्यक दवाइयां भेज पाए।
— PMO India (@PMOIndia) November 17, 2020
हमारी वैक्सीन उत्पादन और डिलीवरी क्षमता भी इस तरह मानवता के हित में काम आएगी: PM
2021 में BRICS के 15 वर्ष पूरे हो जाएंगे।
— PMO India (@PMOIndia) November 17, 2020
पिछले सालों में हमारे बीच लिए गए विभिन्न निर्णयों का मूल्यांकन करने के लिए हमारे शेरपा एक रिपोर्ट बना सकते हैं।
2021 में अपनी अध्यक्षता के दौरान हम BRICS के तीनों स्तंभों में intra-BRICS सहयोग को मजबूत करने का प्रयत्न करेंगे: PM
