ഗുജറാത്തിന്റെ ജനപ്രിയ മുഖ്യമന്ത്രി ശ്രീ ഭൂപേന്ദ്ര ഭായ് പട്ടേൽ, കേന്ദ്രത്തിൽ എന്റെ സഹപ്രവർത്തകൻ അശ്വിനി വൈഷ്ണവ്, മൈക്രോൺ ടെക്നോളജി സിഇഒ സഞ്ജയ് മെഹ്രോത്ര ജി, ഇന്ത്യയിലെ യുഎസ് അംബാസഡർ സെർജിയോ ഗോർ, ഉപമുഖ്യമന്ത്രി ഹർഷ് സംഘവി ജി, മറ്റ് വിശിഷ്ട വ്യക്തികളേ, സ്ത്രീകളേ, മാന്യവ്യക്തിത്വങ്ങളേ.
ലോകത്തിലെ ഏറ്റവും വലുതും വിജയകരവുമായ എഐ ഉച്ചകോടിക്ക് ശേഷം, ഇന്ന് നമ്മൾ ഇവിടെ മറ്റൊരു ചരിത്ര നാഴികക്കല്ലിന് സാക്ഷ്യം വഹിക്കുകയാണ്. എഐ ഉച്ചകോടി ഇന്ത്യയുടെ എഐ സാധ്യതകളെ ലോകത്തിന് പരിചയപ്പെടുത്തിയെങ്കിലും, ഇന്ന് ഇന്ത്യയുടെ സാങ്കേതിക നേതൃത്വത്തെക്കുറിച്ചുള്ള പ്രതിബദ്ധതയുടെ മറ്റൊരു തെളിവാണ്.
സുഹൃത്തുക്കളേ,
വളരെക്കാലം മുമ്പുള്ള കാര്യമല്ല ഇത്; 10-11 വർഷം മുമ്പ് വരെ, ഇന്ത്യയിലെ ഡാറ്റയെയും ചിപ്പുകളെയും കുറിച്ചുള്ള ചർച്ചകൾ വളരെ അടഞ്ഞ വൃത്തങ്ങളിൽ മാത്രമാണ് നടന്നിരുന്നത്. സാങ്കേതികവിദ്യയുടെ കാര്യത്തിൽ, ഞങ്ങളുടെ ചർച്ച പലപ്പോഴും ഐടി സേവനങ്ങളെ ചുറ്റിപ്പറ്റിയായിരുന്നു. ഇന്ന് നോക്കൂ, സോഫ്റ്റ്വെയറിന് പേരുകേട്ട ഇന്ത്യ ഇപ്പോൾ ഹാർഡ്വെയർ മേഖലയിലും അതിന്റെ ഐഡന്റിറ്റി ശക്തിപ്പെടുത്തുകയാണ്. ഇന്ന് സാനന്ദിൽ, ഒരു പുതിയ ഭാവിയുടെ ഉയർച്ചയാണ് നമ്മൾ കാണുന്നത്. മൈക്രോണിലെ ഈ എടിഎംപി സൗകര്യത്തിൽ വാണിജ്യ ഉൽപ്പാദനം ആരംഭിക്കുന്നത് ആഗോള സാങ്കേതിക മൂല്യ ശൃംഖലയിൽ ഇന്ത്യയുടെ പങ്ക് ശക്തിപ്പെടുത്തും.
സുഹൃത്തുക്കളേ,
ഇന്ന്, ഇന്ത്യ വളരെ വേഗത്തിൽ ആഗോള സെമികണ്ടക്ടർ മൂല്യ ശൃംഖലയുടെ ഭാഗമായി മാറുകയാണ്. ഭൂപേന്ദ്ര ഭായിയുടെ നേതൃത്വത്തിലുള്ള ഗുജറാത്ത് ഗവൺമെന്റിനും, എല്ലാ എഞ്ചിനീയർമാർക്കും, ടെക്നീഷ്യൻമാർക്കും, തൊഴിലാളികൾക്കും മൈക്രോണിന്റെ മുഴുവൻ ടീമിനും ഞാൻ നിരവധി അഭിനന്ദനങ്ങൾ അറിയിക്കുന്നു.
സുഹൃത്തുക്കളേ,
മൈക്രോണിന്റെ ഈ സൗകര്യം ഇന്ത്യയുടെ പുതിയ അവസ്ഥയുടെ ഒരു മികച്ച ഉദാഹരണമാണ്. ഇന്നത്തെ ഇന്ത്യ നയത്തിൽ നിന്ന് ഉൽപ്പാദനത്തിലേക്ക് മുന്നോട്ട് പോകുന്ന സമീപനം ഇവിടെ ദൃശ്യമാണ്. നിങ്ങൾക്ക് ഓർമ്മയുണ്ടോ, 2023 ജൂണിൽ, ഈ സൗകര്യത്തിനായുള്ള ധാരണാപത്രം ഒപ്പുവച്ചു. അതിനുശേഷം, 2023 സെപ്റ്റംബറിൽ, ഈ സൗകര്യത്തിന്റെ തറക്കല്ലിടൽ സാനന്ദിൽ നടന്നു. തുടർന്ന് 2024 ഫെബ്രുവരിയിൽ, ഇവിടെ പൈലറ്റ് സൗകര്യത്തിൽ യന്ത്രങ്ങൾ സ്ഥാപിക്കാൻ തുടങ്ങി. ഇന്ന് 2026 ഫെബ്രുവരിയിൽ, ഈ സൗകര്യത്തിൽ വാണിജ്യ ഉൽപ്പാദനവും ആരംഭിച്ചു.
സുഹൃത്തുക്കളേ,
ഈ മേഖലയെ നിരീക്ഷിക്കുന്നവർക്കോ മനസ്സിലാക്കുന്നവർക്കോ ഈ വേഗതയുടെ അർത്ഥം മനസ്സിലാകും. ലോകത്തിലെ വികസിത രാജ്യങ്ങളിൽ പോലും, അഡ്വാൻസ്ഡ് പ്രൈസിംഗ് കരാറുകൾ പോലുള്ള നികുതി കരാറുകൾക്ക് 3 മുതൽ 5 വർഷം വരെ എടുക്കും. ഇത് വളരെ സങ്കീർണ്ണമായ ഒരു പ്രക്രിയയാണ്. എന്നാൽ ഇന്ത്യ ഏതാനും മാസങ്ങൾക്കുള്ളിൽ അത് പൂർത്തിയാക്കി. ഉദ്ദേശ്യം വ്യക്തമാകുകയും രാജ്യത്തിന്റെ ദ്രുതഗതിയിലുള്ള വികസനത്തിനായുള്ള സമർപ്പണം നടത്തുകയും ചെയ്യുമ്പോൾ, നയവും വ്യക്തമാകും, തീരുമാനങ്ങളിലും വേഗത അനിവാര്യമായും വരുന്നു.
സുഹൃത്തുക്കളേ,
മൈക്രോണിന്റെ നേതൃത്വത്തോടുള്ള എന്റെ നന്ദിയും ഞാൻ പ്രകടിപ്പിക്കുന്നു; എന്റെ സുഹൃത്ത് സഞ്ജയിനെ ഞാൻ എത്ര അഭിനന്ദിച്ചാലും അത് പോരാ. ഇന്ന് സഞ്ജയ് എന്നെ അത്ഭുതപ്പെടുത്തി, കാരണം സഞ്ജയ് കണ്ടുമുട്ടുമ്പോൾ അദ്ദേഹം വളരെ കുറച്ച് മാത്രമേ സംസാരിക്കൂ; ഇന്നത്തെ പ്രസംഗം കേട്ടതിനുശേഷം എനിക്ക് മറ്റൊരു സഞ്ജയിനെ പരിചയപ്പെട്ടു. അദ്ദേഹം ഇന്ത്യയിൽ തുടർച്ചയായ വിശ്വാസം നിലനിർത്തുന്നു. സഹോദരൻ സഞ്ജയ് ജിയെ ഞാൻ പ്രത്യേകം പ്രശംസിക്കും; കഴിഞ്ഞ വർഷങ്ങളിൽ നമ്മൾ കണ്ടുമുട്ടുമ്പോഴെല്ലാം, ഇന്ത്യയുടെ സെമികണ്ടക്ടർ ആവാസവ്യവസ്ഥയെക്കുറിച്ച് അദ്ദേഹം വളരെ ആവേശഭരിതനായിരുന്നുവെന്ന് ഞാൻ ഓർക്കുന്നു. ഇന്ന് അദ്ദേഹത്തിന്റെ നേതൃത്വം, ഇന്ത്യയിലുള്ള അദ്ദേഹത്തിന്റെ വിശ്വാസം, ഒരു പുതിയ ഉയരത്തിലെത്തുന്നതായി തോന്നുന്നു. ഇന്ത്യയിൽ നിയമിതനായ ശേഷം, അംബാസഡർ ഗോർ ആദ്യമായി ഗുജറാത്തിൽ വന്നിരിക്കാം. അദ്ദേഹം ഔദ്യോഗികമായി അംബാസഡറായി ചുമതലയേറ്റതിനുശേഷം, ഇന്ന് അദ്ദേഹവുമായുള്ള എന്റെ ആദ്യ കൂടിക്കാഴ്ചയാണ്, അതും എന്റെ കർമ്മഭൂമിയിൽ (ജോലിസ്ഥലത്ത്) നടക്കുന്നു. ഞങ്ങളുടെ ആതിഥ്യം താങ്കൾ പൂർണ്ണമായും ആസ്വദിക്കുമെന്ന് എനിക്ക് ഉറപ്പുണ്ട്.
സുഹൃത്തുക്കളേ,
ഇന്നത്തെ പരിപാടിയായ മൈക്രോണിന്റെ ഈ സൗകര്യം, ഇന്ത്യയും അമേരിക്കയും തമ്മിലുള്ള ശക്തമായ സഹകരണത്തിന്റെയും പങ്കാളിത്തത്തിന്റെയും തെളിവാണ്. പ്രത്യേകിച്ച് AI, ചിപ്പുകൾ പോലുള്ള സാങ്കേതിക മേഖലകളിൽ, ഇന്ത്യയും അമേരിക്കയും തമ്മിലുള്ള പങ്കാളിത്തം വളരെ പ്രധാനമാണ്. ഇന്ന് ലോകം മുഴുവൻ മനുഷ്യരാശിയുടെ മികച്ച ഭാവിയുമായി ബന്ധപ്പെട്ട ഈ രണ്ട് സാങ്കേതികവിദ്യകളുടെയും വിതരണ ശൃംഖല സുരക്ഷിതമാക്കാൻ ആഗ്രഹിക്കുന്നു. ലോകത്തിലെ രണ്ട് വലിയ ജനാധിപത്യ രാജ്യങ്ങളായ ഇന്ത്യയും അമേരിക്കയും ഇതിനായി നിരന്തരം ശ്രമങ്ങൾ നടത്തുന്നു. AI ഉച്ചകോടിയിൽ, ഇന്ത്യയും അമേരിക്കയും തമ്മിലുള്ള പാക്സ് സിലിക്കയുമായി ബന്ധപ്പെട്ട കരാർ ഈ ദിശയിലുള്ള മറ്റൊരു ശ്രമമാണ്. ഞങ്ങളുടെ പങ്കിട്ട ശ്രമങ്ങൾ നിർണായക ധാതുക്കളുടെ ആഗോള വിതരണ ശൃംഖലയെ കൂടുതൽ സുരക്ഷിതവും കൂടുതൽ വിശ്വസനീയവുമാക്കും.
സുഹൃത്തുക്കളേ,
ഇരുപതാം നൂറ്റാണ്ട് വരെ ലോകം വ്യാവസായിക വിപ്ലവത്തിന്റെ യുഗം കണ്ടു. അക്കാലത്ത്, ഫാക്ടറികൾ, യന്ത്രങ്ങൾ, വൻതോതിലുള്ള ഉൽപ്പാദനം എന്നിവയിൽ മുന്നിലായിരുന്ന രാജ്യങ്ങൾ വേഗത്തിൽ പുരോഗതി കൈവരിച്ചു. എന്നാൽ ഈ നൂറ്റാണ്ട് AI വിപ്ലവത്തിന്റെ നൂറ്റാണ്ടാണ്. സെമികണ്ടക്ടർ ഈ മാറ്റത്തിന്റെ വലിയ പാലമാണ്. വ്യാവസായിക വിപ്ലവത്തെയും AI വിപ്ലവത്തെയും ബന്ധിപ്പിക്കുന്ന മാധ്യമമാണ് ഒരു ചെറിയ ചിപ്പ്. കഴിഞ്ഞ നൂറ്റാണ്ടിലെ റെഗുലേറ്റർ എണ്ണയാണെങ്കിൽ, ഈ നൂറ്റാണ്ടിന്റെ റെഗുലേറ്റർ മൈക്രോ-ചിപ്പ് ആയിരിക്കും.
സുഹൃത്തുക്കളേ,
ഈ ചിന്തയോടെ, സെമികണ്ടക്ടർ മേഖലയിൽ വേഗത്തിൽ മുന്നേറാൻ ഇന്ത്യ തീരുമാനിച്ചു. ലോകം കോവിഡിന്റെ നാശത്തിൽ പൊരുതുമ്പോൾ, ഇന്ത്യ സെമികണ്ടക്ടർ മിഷൻ പ്രഖ്യാപിച്ചു എന്ന് നിങ്ങൾ ഓർക്കുന്നുണ്ടോ? ആ സമയത്ത്, ഇവിടെ ഇരിക്കുന്ന നിരവധി സഹപ്രവർത്തകർ, വ്യത്യസ്ത ടീമുകൾ, ഒന്നിനുപുറകെ ഒന്നായി മീറ്റിംഗുകൾ നടത്തിക്കൊണ്ടിരുന്നു. മഹാമാരിയുടെ സമയത്ത്, എല്ലാം തകരുന്നത് പോലെ തോന്നി. എന്നാൽ ബോധ്യത്തോടെ ഞങ്ങൾ നട്ടുപിടിപ്പിച്ച വിത്തുകൾ ഇപ്പോൾ വളരുകയും ഫലം കായ്ക്കുകയും ചെയ്യുന്നു.
സുഹൃത്തുക്കളേ,
ഇതുവരെ, സെമികോൺ ഇന്ത്യ പ്രോഗ്രാമിന് കീഴിൽ, ആകെ 10 പദ്ധതികൾക്ക് അംഗീകാരം ലഭിച്ചു. ഇതിൽ, മൈക്രോണിന് പുറമേ, മൂന്ന് പദ്ധതികൾ കൂടി ഉടൻ തന്നെ ഉത്പാദനം ആരംഭിക്കാൻ പോകുന്നു. ഞങ്ങൾ നിർമ്മിക്കുന്ന സെമികണ്ടക്ടർ ആവാസവ്യവസ്ഥ ഒരു മേഖലയിൽ മാത്രമായി പരിമിതപ്പെടുത്തിയിട്ടില്ല; അത് പാൻ-ഇന്ത്യയാണ്. അതായത്, രാജ്യത്തിന്റെ എല്ലാ ഭാഗങ്ങളിലും വികസിത ഇന്ത്യയുടെ പുതിയ ടെക് ഹബ്ബുകൾ വികസിപ്പിച്ചുകൊണ്ടിരിക്കുന്നു. ഇവിടെ സാനന്ദിന് പുറമെ, ധോലേരയിലും വളരെ വലിയ തോതിൽ പ്രവർത്തനങ്ങൾ നടക്കുന്നുണ്ട്. കുറച്ച് ദിവസങ്ങൾക്ക് മുമ്പ്, ഉത്തർപ്രദേശിലെ നോയിഡയിലും ഒരു പുതിയ സൗകര്യത്തിന്റെ പ്രവർത്തനങ്ങൾ ആരംഭിച്ചു. അസം, ഒഡീഷ, പഞ്ചാബ് എന്നിവിടങ്ങളിലെ സെമികണ്ടക്ടർ യൂണിറ്റുകളുടെയും പ്രവർത്തനങ്ങൾ നടക്കുന്നുണ്ട്.
സുഹൃത്തുക്കളേ,
ഇന്ന് ലോകമെമ്പാടുമുള്ള നിക്ഷേപകർക്ക് ഇന്ത്യയിൽ നിന്ന് ഒരു സന്ദേശം മാത്രമേയുള്ളൂ: ഇന്ത്യ തയ്യാറാണ്. ഇന്ത്യ വിശ്വസനീയമാണ്, ഇന്ത്യ അത് നൽകുന്നു.
സുഹൃത്തുക്കളേ,
ഒരു സെമികണ്ടക്ടർ ആവാസവ്യവസ്ഥ എന്നാൽ ഒരു ഫാക്ടറി മാത്രമല്ലെന്ന് നിങ്ങൾക്കറിയാം. ഈ ആവാസവ്യവസ്ഥ മെഷീൻ നിർമ്മാതാക്കൾ, ഡിസൈൻ എഞ്ചിനീയർമാർ, ഗവേഷണ സ്ഥാപനങ്ങൾ, ലോജിസ്റ്റിക്സ് നെറ്റ്വർക്കുകൾ, വൈദഗ്ധ്യമുള്ള സാങ്കേതിക വിദഗ്ധർ എന്നിങ്ങനെ നിരവധി പാളികൾ ചേർന്നതാണ്. എല്ലാവരുടെയും ഏകോപനത്തോടെ ഒരു ചിപ്പ് തയ്യാറാക്കുന്നു. ഇന്ത്യയും സെമികണ്ടക്ടർ ആവാസവ്യവസ്ഥയുടെ മുഴുവൻ മൂല്യ ശൃംഖലയിലും ശ്രദ്ധ കേന്ദ്രീകരിക്കുന്നു. ഈ വർഷത്തെ ബജറ്റിൽ, ഇന്ത്യ സെമികണ്ടക്ടർ മിഷൻ 2.0 പ്രഖ്യാപിച്ചു. അതിന്റെ ഉദ്ദേശ്യവും ഇതാണ്. ഉൽപ്പാദനം വർദ്ധിക്കുന്നതിനനുസരിച്ച്, ഇന്ത്യയ്ക്കുള്ളിൽ തന്നെ മെറ്റീരിയലുകൾ, ഘടകങ്ങൾ, സേവനങ്ങൾ എന്നിവയുടെ ആവശ്യം വർദ്ധിക്കും. ഇതാണ് ഏറ്റവും വലിയ അവസരം.
സുഹൃത്തുക്കളേ,
ഇന്ത്യയുടെ മറ്റൊരു വലിയ നേട്ടം നമ്മുടെ നിർമ്മാണ അഭിലാഷങ്ങളാണ്. ഗാഡ്ജെറ്റുകൾ ആദ്യമായി ഉപയോഗിക്കുന്ന ഒരു വലിയ ജനസംഖ്യ ഇന്ത്യയിലുണ്ട്. ഇലക്ട്രോണിക്സ്, ഓട്ടോമൊബൈൽസ് അല്ലെങ്കിൽ മറ്റ് സാങ്കേതികവിദ്യ എന്നിവയായാലും, ഇന്ത്യയിലെ ആവശ്യം തുടർച്ചയായി വർദ്ധിച്ചുകൊണ്ടിരിക്കുകയാണ്. അതായത്, മെയ്ക്ക് ഇൻ ഇന്ത്യ ഇപ്പോൾ പൂർണ്ണ സ്വിംഗിൽ മുന്നേറുകയാണ്. നമ്മുടെ ഇലക്ട്രോണിക്സ് മേഖല തന്നെ നോക്കൂ; കഴിഞ്ഞ 11 വർഷമായി, ഇലക്ട്രോണിക്സ് ഉൽപ്പാദനവും കയറ്റുമതിയും പല മടങ്ങ് വർദ്ധിച്ചു. ഇപ്പോൾ ഇന്ത്യ രാജ്യത്തിനകത്ത് ഘടകങ്ങൾ മുതൽ പൂർത്തിയായ ഉൽപ്പന്നങ്ങൾ വരെ എല്ലാം നിർമ്മിക്കുന്നതിൽ ഏർപ്പെട്ടിരിക്കുന്നു. ഇലക്ട്രോണിക്സ് ഘടക നിർമ്മാണത്തിന്റെ വ്യാപ്തി വർദ്ധിക്കുന്നു, അതിനനുസരിച്ച് സെമികണ്ടക്ടറുകൾക്കുള്ള ആഭ്യന്തര ആവശ്യവും വർദ്ധിക്കും. അതായത്, ഇന്ത്യയിൽ നിക്ഷേപം നടത്തുന്നവർക്ക്, ആഭ്യന്തര വിപണിയും ആഗോള അവസരങ്ങളും അവരുടെ മുന്നിലുണ്ട്.
സുഹൃത്തുക്കളേ,
സാനന്ദിലെ ഈ മുഴുവൻ പ്രദേശത്തോടും എനിക്ക് ഒരു പ്രത്യേക അടുപ്പമുണ്ട്. മണ്ണിനെ പോലും സ്വർണ്ണമാക്കി മാറ്റുന്ന നാടാണ് സനന്ദ്. എന്റെ അനുഭവത്തിൽ നിന്നാണ് ഞാൻ ഇത് നിങ്ങളോട് പറയുന്നത്. സനന്ദിൽ നിന്നുള്ള കുറച്ച് ആളുകൾ ഇവിടെ ഇരിക്കുന്നുണ്ടെങ്കിൽ - ഒരു കാലത്ത് ഞാൻ ഇവിടെ ബസിൽ വന്ന് സൈക്കിളിൽ ഇവിടെയുള്ള വഴികളിലൂടെ കറങ്ങി നടന്നിരുന്നു; അതൊരു ചെറിയ പട്ടണമായിരുന്നു, ഞാൻ ഇവിടെ നിന്ന് സൈക്കിളിൽ മുകളിലേക്ക് പോകുമായിരുന്നു, അതായത് വളരെക്കാലമായി ഇത് എന്റെ ജോലി മേഖലയാണ്. എന്റെ കൺമുന്നിൽ സനന്ദ് മാറുന്നത് ഞാൻ കണ്ടിട്ടുണ്ട്. ഒരു കാലഘട്ടത്തിലെ ഒരു ചെറിയ പട്ടണം ഇന്ന് വളരെ വലിയ നഗരമായി മാറുകയാണ്. അത് എവിടെ നിന്നാണ് ആരംഭിച്ചത് - ഒരു രൂപയുടെ ഒരു എസ്എംഎസ്, ഒരു രൂപ. ഞാൻ രത്തൻ ടാറ്റ ജിക്ക് ഒരു എസ്എംഎസ് അയച്ചിരുന്നു: സ്വാഗതം, സ്വാഗതം, ഞാൻ എഴുതിയിരുന്നു സ്വാഗതം. ഒരു രൂപയുടെ നിക്ഷേപം - ഈ ഗുജ്ജുവിന് എന്ത് ചെയ്യാൻ കഴിയുമെന്ന് നോക്കൂ.
സുഹൃത്തുക്കളേ,
ഒരു കാർ ഫാക്ടറിയിൽ നിന്ന് രാജ്യത്തിന്റെ ഒരു വലിയ ഓട്ടോമൊബൈൽ ഹബ്ബായി സനന്ദ് മാറുന്നത് എന്റെ സ്വന്തം കണ്ണുകളാൽ ഞാൻ കണ്ടിട്ടുണ്ട്. ഒരു വലിയ ഓട്ടോമൊബൈൽ കമ്പനി ഇവിടെ വന്നപ്പോൾ, മുഴുവൻ ആവാസവ്യവസ്ഥയും അതിനൊപ്പം വികസിച്ചുവെന്ന് ഞാൻ ഓർക്കുന്നു. ഒരു കമ്പനിയുടെ വരവോടെ, നിരവധി അനുബന്ധ യൂണിറ്റുകൾ ഇവിടെ വന്നു. ഒരു വിതരണ ശൃംഖല സ്ഥാപിക്കപ്പെട്ടു, പ്രാദേശിക വ്യവസായം ശക്തമായി, തൊഴിലും നിക്ഷേപവും വർദ്ധിച്ചു. രാജ്യത്തുനിന്നും ലോകത്തിൽ നിന്നും ഇവിടെ ജോലി ചെയ്യാൻ വരുന്ന സഹപ്രവർത്തകരോട് ഞാൻ പറയട്ടെ, ഒരു ചെറിയ പട്ടണം പെട്ടെന്ന് ആഗോള ഭൂപടത്തിൽ ഇടം നേടിയിട്ടുണ്ട് എന്നത് സത്യമാണ്. വികസനവും ആവശ്യമായ സൗകര്യങ്ങളും, ഒരുപക്ഷേ ഇന്നും നിങ്ങളുടെ മനസ്സിൽ അങ്ങനെ സംഭവിച്ചാൽ അത് നല്ലതായിരിക്കും, അങ്ങനെ സംഭവിച്ചാൽ അത് നല്ലതായിരിക്കും എന്ന ചിന്ത നിലനിൽക്കുന്നു.
സുഹൃത്തുക്കളേ, ഞാൻ നിങ്ങൾക്ക് ഉറപ്പുനൽകുന്നു,
നിങ്ങൾ ആഗ്രഹിക്കുന്ന ജീവിതശൈലി, നിങ്ങൾ ആഗ്രഹിക്കുന്ന സാമൂഹിക ജീവിതം, നിങ്ങൾ ജീവിക്കാൻ ആഗ്രഹിക്കുന്ന ജീവിതം - ഇതാണ് ഗുജറാത്ത്, അതും നൽകും. നിങ്ങൾക്ക് ഒരു കുറവും ഞങ്ങൾ അനുവദിക്കില്ല. ഇപ്പോൾ അതേ രീതിയിൽ, മൈക്രോണിന്റെ ഈ പയനിയർ സൗകര്യവും ഒരു പുതിയ ആവാസവ്യവസ്ഥ വികസിപ്പിക്കാൻ പോകുന്നു. വരും കാലങ്ങളിൽ, സെമികണ്ടക്ടർ മേഖലയിലും സാനന്ദ് അതിന്റെ വിജയത്തിന്റെ ഒരു പുതിയ അധ്യായം എഴുതുമെന്ന് എനിക്ക് പൂർണ്ണ വിശ്വാസമുണ്ട്.
സുഹൃത്തുക്കളേ,
മൈക്രോണിന്റെ ഡി-റാം, എൻഎഎൻഡി സൊല്യൂഷനുകൾ ലോകമെമ്പാടുമുള്ള പവർ ഡാറ്റ സെന്ററുകൾ, എഐ ആപ്ലിക്കേഷനുകൾ, മൊബൈൽ ഉപകരണങ്ങൾ, നൂതന കമ്പ്യൂട്ടിംഗ് സിസ്റ്റങ്ങൾ എന്നിവയ്ക്ക് കരുത്ത് പകരുന്നു. ഇപ്പോൾ ഇവ ഇവിടെ തന്നെ നിർമ്മിക്കും, സനന്ദിന്റെ ഈ നാട്ടിൽ. ഇവിടെ, നൂതന വേഫറുകൾ ഉയർന്ന നിലവാരമുള്ള മെമ്മറി, സംഭരണ ഉൽപ്പന്നങ്ങളാക്കി മാറ്റും. നൂറുകണക്കിന് ആളുകൾക്ക് നിലവിൽ ഈ പ്ലാന്റിൽ തൊഴിൽ ലഭിച്ചു. വരും കാലത്ത്, ഇതിൽ കൂടുതൽ വിപുലീകരണം ഉണ്ടാകും.
സുഹൃത്തുക്കളേ,
നിങ്ങൾ ഇവിടെ നിർമ്മിക്കുന്ന ക്ലീൻറൂം സ്ഥലം ലോകത്തിലെ ഏറ്റവും വലിയ എ.ടി.എം.പി. ക്ലീൻറൂമുകളിൽ ഒന്നായിരിക്കും. പുരോഗതിയും പ്രകൃതിയും തമ്മിലുള്ള ഏകോപനത്തിന്റെ ഏറ്റവും മികച്ച ഉദാഹരണം കൂടിയാണ് ഈ പ്ലാന്റ്. വെള്ളം പരമാവധി ഉപയോഗിക്കുന്ന തരത്തിൽ നിങ്ങൾ നടത്തിയ ക്രമീകരണങ്ങളും പ്രശംസനീയമാണ്.
സുഹൃത്തുക്കളേ,
ഗുജറാത്ത് ഗവൺമെന്റിന്റെ നയങ്ങളെയും ഞാൻ പ്രശംസിക്കും. സെമികണ്ടക്ടർ മേഖലയ്ക്കായി ഗുജറാത്ത് സ്വീകരിച്ച നയങ്ങൾ, അവയുടെ നേട്ടം ഇപ്പോൾ ഭൂമിയിൽ ദൃശ്യമാണ്. ഭൂപേന്ദ്ര ഭായിയുടെ ഗവൺമെൻിന്റെ മുൻകൈയെടുത്തുള്ള സമീപനം കാരണം, ഗുജറാത്ത് സാങ്കേതികവിദ്യാ മേഖലയിലും വേഗത്തിൽ മുന്നേറുകയാണ്. അംഗീകാരങ്ങൾ ആയാലും, ഭൂമി അനുവദിക്കൽ ആയാലും, അല്ലെങ്കിൽ യൂട്ടിലിറ്റികൾ പോലുള്ള പ്രക്രിയകൾ ലളിതമാക്കുന്നതായാലും, ഗുജറാത്തിലെ നിക്ഷേപകരുടെ വിശ്വാസം ഇത് ശക്തിപ്പെടുത്തിയിട്ടുണ്ട്. ധോലേരയും സാനന്ദും ഇന്ന് പശ്ചിമ ഇന്ത്യയിലെ സെമികണ്ടക്ടർ ക്ലസ്റ്ററുകളായി വികസിച്ചുകൊണ്ടിരിക്കുന്നു. ഇത് മാത്രമല്ല, സെമികണ്ടക്ടർ മേഖലയ്ക്ക് ആവശ്യമായ ഇൻപുട്ടുകളുമായി ബന്ധപ്പെട്ട വ്യവസായങ്ങളും ഗുജറാത്തിൽ വികസിപ്പിച്ചെടുത്തിട്ടുണ്ട്. കെമിക്കൽ, പെട്രോകെമിക്കൽ വ്യവസായം, നൈപുണ്യ കേന്ദ്രങ്ങൾ, പരിശീലന സംരംഭങ്ങൾ എന്നിങ്ങനെ - ഇവയിലെല്ലാം ഗുജറാത്തിൽ ഒരേസമയം പ്രവർത്തനങ്ങൾ നടക്കുന്നുണ്ട്.
സുഹൃത്തുക്കളേ,
ഇത് ഇന്ത്യയിലെ യുവാക്കൾക്ക് അവസരങ്ങളുടെ ഒരു പുതിയ കവാടം തുറക്കുകയാണ്. ഇന്ന് നമ്മൾ ആദ്യപടി സ്വീകരിച്ചിരിക്കുന്നു. ഇന്ത്യയിലെ 10 സെമികണ്ടക്ടർ വ്യവസായ പദ്ധതികൾ ഉൽപ്പാദനത്തിലേക്ക് വരുമ്പോൾ, ഈ ഗുണിത പ്രഭാവം എംഎസ്എംഇകൾ, സ്റ്റാർട്ടപ്പുകൾ, ഇലക്ട്രോണിക്സ് വ്യവസായത്തിന്റെ മുഴുവൻ മൂല്യ ശൃംഖല എന്നിവയിലും എത്തും. ഇന്ത്യ പ്രാപ്തമാണ്, ഇന്ത്യ മത്സരക്ഷമതയുള്ളതാണ്, ഇന്ത്യ പ്രതിജ്ഞാബദ്ധമാണ് എന്ന സന്ദേശം ലോകത്തിൽ എത്തിയിരിക്കുന്നു. ഇന്ത്യൻ ഗവൺമെന്റായാലും സംസ്ഥാന ഗവൺമെന്റുകളായാലും, നാമെല്ലാവരും നിങ്ങളോടൊപ്പമുണ്ടെന്ന് ഇന്ത്യയുടെ പങ്കാളികൾക്കും ആഗോള നിക്ഷേപകർക്കും ഞാൻ ഉറപ്പ് നൽകുന്നു.
സുഹൃത്തുക്കളേ,
ഭാവി തലമുറകൾ ഈ ദശകത്തിലേക്ക് തിരിഞ്ഞുനോക്കുമ്പോൾ, ഈ ദശകത്തിൽ ഇന്ത്യ എത്ര ഉയർന്ന കുതിച്ചുചാട്ടം നടത്തിയെന്ന് അവർ അഭിമാനത്തോടെ പറയും. ഇന്ത്യയുടെ സാങ്കേതിക ഭാവിയുടെ വഴിത്തിരിവായി മാറുന്ന ദശകമായിരിക്കും ഇത്. ഒരിക്കൽ കൂടി, മൈക്രോണിന്റെ മുഴുവൻ ടീമിനും, ഗുജറാത്ത് ഗവൺമെന്റഇനും, നിങ്ങൾക്കെല്ലാവർക്കും ഞാൻ നിരവധി അഭിനന്ദനങ്ങൾ നേരുന്നു. നന്ദി!
