പ്രധാനമന്ത്രി ശ്രീ നരേന്ദ്ര മോദി ഗുജറാത്തിലെ പ്രധാനമന്ത്രി ഗരീബ് കല്യാൺ അന്ന യോജനയുടെ ഗുണഭോക്താക്ക ളുമായി 2021 ആഗസ്റ്റ് 3 ന് ഉച്ചയ്ക്ക് 12:30 ന് വീഡിയോ കോൺഫറൻസിംഗിലൂടെ സംവദിക്കും.
പദ്ധതിയെക്കുറിച്ച് കൂടുതൽ അവബോധം സൃഷ്ടിക്കുന്നതിനായി ഒരു ബഹുജന പങ്കാളിത്ത പരിപാടി സംസ്ഥാനത്ത് ആരംഭിക്കുകയാണ്.
പ്രധാനമന്ത്രി ഗരീബ് കല്യാൺ അന്ന യോജനയെ കുറിച്ച് :
കോവിഡ് -19 ന്റെ സാമ്പത്തിക ആഘാതം ലഘൂകരിക്കുന്നതിനും സഹായം നൽകുന്നതിനും പ്രധാനമന്ത്രി വിഭാവനം ചെയ്ത ഒരു ഭക്ഷ്യ സുരക്ഷാ ക്ഷേമ പദ്ധതിയാണ് പി എം ജി കെ വൈ . ഈ പദ്ധതി പ്രകാരം, ദേശീയ ഭക്ഷ്യ സുരക്ഷാ നിയമത്തിൽ ഉൾപ്പെടുന്ന എല്ലാ ഗുണഭോക്താക്കൾക്കും 5 കിലോഗ്രാം ഭക്ഷ്യധാന്യം വീതം ഓരോ വ്യക്തിക്കും അധികമായി നൽകും. .
ഗുജറാത്ത് മുഖ്യമന്ത്രിയും ഉപമുഖ്യമന്ത്രിയും ചടങ്ങിൽ പങ്കെടുക്കും.
