Mera Saansad
Search Search
Malayalam language

ആന്ധ്രാപ്രദേശിലെ പുട്ടപർത്തിയിൽ പ്രധാനമന്ത്രിക്ക് ഊഷ്മളമായ സ്വീകരണം

Published By : Admin | November 19, 2025 | 13:46 IST
പ്രശാന്തി നിലയത്തിൽ ശ്രീ സത്യസായി ബാബയ്ക്ക് പ്രധാനമന്ത്രി ശ്രദ്ധാഞ്ജലി അർപ്പിച്ചു
ശ്രീ സത്യസായി സെൻട്രൽ ട്രസ്റ്റ് സംഘടിപ്പിച്ച ഗൗദാൻ ചടങ്ങിൽ പ്രധാനമന്ത്രി പങ്കെടുത്തു

 

സായി റാമിൻ്റെ ദിവ്യമായ മന്ത്രോച്ചാരണങ്ങളാൽ മുഖരിതമായ ആന്ധ്രാപ്രദേശിലെ പുട്ടപർത്തിയിലെത്തിയ പ്രധാനമന്ത്രി ശ്രീ നരേന്ദ്ര മോദി, അവിടെ വളരെ ഊഷ്മളമായ സ്വീകരണം ഏറ്റുവാങ്ങി.

പ്രശാന്തി നിലയത്തിലെ സായ് കുൽവന്ത് ഹാളിൽ ശ്രീ സത്യസായി ബാബയ്ക്ക് പ്രധാനമന്ത്രി ശ്രദ്ധാഞ്ജലി അർപ്പിച്ചു. തുടർന്ന് ദർശനത്തിനായി അദ്ദേഹം ഓംകാർ ഹാളിലേക്ക് പോയി. ഈ പുണ്യസ്ഥലങ്ങളിൽ ആയിരിക്കുന്നത് ശ്രീ സത്യസായി ബാബയുടെ അതിരറ്റ കാരുണ്യത്തിന്റെയും മാനവികതയെ ഉയർത്തുന്നതിനുള്ള ആജീവനാന്ത പ്രതിബദ്ധതയുടെയും ഓർമ്മപ്പെടുത്തലാണെന്ന് പ്രധാനമന്ത്രി പറഞ്ഞു. ശ്രീ സത്യസായി ബാബയുടെ നിസ്വാർത്ഥ സേവന സന്ദേശം ദശലക്ഷക്കണക്കിന് ആളുകളെ നയിക്കുകയും പ്രചോദിപ്പിക്കുകയും ചെയ്യുന്നുവെന്ന് അദ്ദേഹം കൂട്ടിച്ചേർത്തു.

മൃഗക്ഷേമ മേഖലയിലെ ശ്രദ്ധേയമായ പ്രവർത്തനങ്ങൾ ഉൾപ്പെടെ നിരവധി ഉദാത്ത സംരംഭങ്ങൾ ഏറ്റെടുത്തിട്ടുള്ള ശ്രീ സത്യസായി സെൻട്രൽ ട്രസ്റ്റ് സംഘടിപ്പിച്ച ഗൗദാൻ ചടങ്ങിലും പ്രധാനമന്ത്രി പങ്കെടുത്തു. ചടങ്ങിന്റെ ഭാഗമായി കർഷകർക്ക് ഗീർ പശുക്കൾ ഉൾപ്പെടെ വിവിധ ജനുസ്സുകളിൽപ്പെട്ട പശുക്കളെ വിതരണം ചെയ്യുന്ന കർമ്മത്തിനും പ്രധാനമന്ത്രി സാക്ഷ്യം വഹിച്ചു. പ്രധാനമന്ത്രി ആശംസകൾ നേരുകയും ശ്രീ സത്യസായി ബാബയുടെ ആദർശങ്ങൾ പിന്തുടർന്ന് എല്ലാവരും സമൂഹത്തിന്റെ ക്ഷേമത്തിനായി പ്രവർത്തിക്കുന്നത് തുടരണമെന്ന് പറയുകയും ചെയ്തു.

പ്രധാനമന്ത്രി എക്സിൽ കുറിച്ചു:

“സായി റാം എന്ന ദിവ്യമായ മന്ത്രോച്ചാരണങ്ങൾക്കിടയിൽ, ഊഷ്മളമായ വരവേൽപ്പോടെ ആന്ധ്രാപ്രദേശിലെ പുട്ടപർത്തിയിൽ എത്തിച്ചേർന്നു”

 

“പ്രശാന്തി നിലയത്തിലെ സായ് കുൽവന്ത് ഹാളിൽ ശ്രീ സത്യസായി ബാബയ്ക്ക് ശ്രദ്ധാഞ്ജലി അർപ്പിച്ചു, ദർശനത്തിനായി ഓംകാർ ഹാളിലേക്ക് പോയി. ഈ പുണ്യസ്ഥലങ്ങളിൽ ആയിരിക്കുന്നത് അദ്ദേഹത്തിന്റെ അതിരറ്റ കാരുണ്യത്തിന്റെയും മാനവികതയെ ഉയർത്തുന്നതിനുള്ള ആജീവനാന്ത പ്രതിബദ്ധതയുടെയും ഓർമ്മപ്പെടുത്തലാണ്. നിസ്വാർത്ഥ സേവനത്തെക്കുറിച്ചുള്ള അദ്ദേഹത്തിന്റെ സന്ദേശം ദശലക്ഷക്കണക്കിന് ആളുകളെ നയിക്കുകയും പ്രചോദിപ്പിക്കുകയും ചെയ്യുന്നു.”

 

“നിരവധി മഹത്തരമായ പ്രവൃത്തികളിൽ ഏർപ്പെട്ടിരിക്കുന്ന ശ്രീ സത്യസായി സെൻട്രൽ ട്രസ്റ്റ്, മൃഗക്ഷേമത്തിൽ വളരെയധികം ശ്രദ്ധ കേന്ദ്രീകരിച്ചിരിക്കുന്നു. ഇന്ന്, കർഷകർക്ക് പശുക്കളെ നൽകുന്ന ഗൗദാൻ ചടങ്ങിൽ പങ്കെടുത്തു. താഴെയുള്ള ചിത്രങ്ങളിലെ പശുക്കൾ ഗീർ പശുക്കളാണ്! ശ്രീ സത്യസായി ബാബ കാണിച്ച് തന്നതുപോലെ, നമ്മുടെ സമൂഹത്തിന്റെ ക്ഷേമത്തിനായി നമുക്കെല്ലാവർക്കും തുടർന്നും പ്രവർത്തിക്കാം.”

 

Login or Register to add your comment
Explore More
ശ്രീരാമജന്മഭൂമി ക്ഷേത്രത്തിലെ പതാക ഉയർത്തൽ ഉത്സവത്തിനിടെ പ്രധാനമന്ത്രി നടത്തിയ പ്രസം​ഗം

ജനപ്രിയ പ്രസംഗങ്ങൾ

ശ്രീരാമജന്മഭൂമി ക്ഷേത്രത്തിലെ പതാക ഉയർത്തൽ ഉത്സവത്തിനിടെ പ്രധാനമന്ത്രി നടത്തിയ പ്രസം​ഗം
View All
Jan Dhan accounts hold Rs 2.75 lakh crore in banks: Official

Media Coverage

Jan Dhan accounts hold Rs 2.75 lakh crore in banks: Official
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister condoles loss of lives due to a mishap in Nashik, Maharashtra
December 07, 2025

The Prime Minister, Shri Narendra Modi has expressed deep grief over the loss of lives due to a mishap in Nashik, Maharashtra.

Shri Modi also prayed for the speedy recovery of those injured in the mishap.

The Prime Minister’s Office posted on X;

“Deeply saddened by the loss of lives due to a mishap in Nashik, Maharashtra. My thoughts are with those who have lost their loved ones. I pray that the injured recover soon: PM @narendramodi”