സ്വീഡനിലെ ഗോഥൻബർഗിൽ സംഘടിപ്പിച്ച പ്രത്യേക ചടങ്ങിൽ, സ്വീഡിഷ് കിരീടാവകാശി വിക്ടോറിയ രാജകുമാരി പ്രധാനമന്ത്രി ശ്രീ നരേന്ദ്ര മോദിക്കു ‘റോയൽ ഓർഡർ ഓഫ് ദ പോളാർ സ്റ്റാർ, ഡിഗ്രി കമാൻഡർ ഗ്രാൻഡ് ക്രോസ്’ ബഹുമതി സമ്മാനിച്ചു. പതിനെട്ടാം നൂറ്റാണ്ടിൽ സ്ഥാപിതമായ ഈ പുരസ്കാരം, സ്വീഡന്റെ ഏറ്റവും പഴക്കമേറിയതും വിശിഷ്ടവുമായ ബഹുമതികളിൽ ഒന്നാണ്. അസാധാരണമായ പൊതുസേവനത്തെയും സ്വീഡനുമായുള്ള ബന്ധം കരുത്തുറ്റതാക്കുന്നതിനായുള്ള സംഭാവനകളെയും മുൻനിർത്തി വിദേശ ഗവണ്മെന്റ് തലവന്മാർക്കു സ്വീഡൻ നൽകുന്ന ഏറ്റവും ഉയർന്ന ബഹുമതിയാണിത്.
ചടങ്ങിൽ സംസാരിച്ച പ്രധാനമന്ത്രി മോദി, ഈ ബഹുമതി നൽകിയതിനു സ്വീഡിഷ് കിരീടാവകാശി വിക്ടോറിയ രാജകുമാരിയോടും സ്വീഡനിലെ ജനങ്ങളോടും അഗാധമായ നന്ദി രേഖപ്പെടുത്തി. അദ്ദേഹം ഈ പുരസ്കാരം ഇന്ത്യയിലെ 140 കോടി ജനങ്ങൾക്കായും ഇന്ത്യയും സ്വീഡനും തമ്മിലുള്ള ശാശ്വത സൗഹൃദത്തിനായും സമർപ്പിച്ചു. ‘റോയൽ ഓർഡർ ഓഫ് ദ പോളാർ സ്റ്റാർ’ ബഹുമതി ലഭിച്ചത് ഇന്ത്യയും സ്വീഡനും തമ്മിലുള്ള ചരിത്രപരമായ ബന്ധങ്ങളുടെയും നാഗരികമായ അടുപ്പത്തിന്റെയും പുനഃസ്ഥാപനമാണെന്നും ഇരുരാജ്യങ്ങളിലെയും ജനങ്ങളെ ഒന്നിപ്പിക്കുന്ന സ്നേഹത്തിന്റെയും വാത്സല്യത്തിന്റെയും ആദരമാണെന്നും പ്രധാനമന്ത്രി മോദി കുറിച്ചു. (ഈ പുരസ്കാരം ലഭിക്കുന്ന ആദ്യ ഏഷ്യൻ നേതാവാണു പ്രധാനമന്ത്രി മോദി.)
ഇന്ത്യ-സ്വീഡൻ തന്ത്രപ്രധാന പങ്കാളിത്തത്തിലെ നാഴികക്കല്ലാണ് ഈ പുരസ്കാരം. ഉഭയകക്ഷിസഹകരണം മുന്നോട്ടുകൊണ്ടുപോകുന്നതിനും, ആഗോള സമാധാനത്തിനും സമൃദ്ധിക്കും സംഭാവനയേകുന്നതിനുമുള്ള ഇരുരാജ്യങ്ങളുടെയും കൂട്ടായ പ്രതിജ്ഞാബദ്ധതയെ ഇതു പ്രതിഫലിപ്പിക്കുന്നു.
A short while ago, I was conferred with the ‘Royal Order of the Polar Star, Degree Commander Grand Cross.’ This is not just an honour for me, but for the 140 crore people of India. It’s equally a tribute to all our friends in Sweden who have enriched India-Sweden relations and… pic.twitter.com/5AKtEAbqIe
— Narendra Modi (@narendramodi) May 17, 2026
Jag tilldelades nyss Nordstjärneorden. Detta är inte bara en ära för mig, utan för hela Indiens 1,4 miljarder människor.
— Narendra Modi (@narendramodi) May 17, 2026
Det är också en hyllning till alla våra vänner i Sverige som har stärkt relationerna mellan Indien och Sverige och lagt en stark grund. Må vänskapen mellan… pic.twitter.com/MUjnrTEyTD
