Prime Minister has strongly disapproved reported incidents of vandalism in parts of country
രാജ്യത്തിന്റെ വിവിധ ഭാഗങ്ങളില് പ്രതിമകള് തകര്ക്കപ്പെട്ടതിനെ പ്രധാനമന്ത്രി ശ്രീ. നരേന്ദ്ര മോദി ശക്തിയായി അപലപിച്ചു. കുറ്റക്കാരെന്ന് കണ്ടെത്തുന്നവര്ക്കെതിരെ കര്ശന നടപടി കൈക്കൊള്ളുമെന്നും അദ്ദേഹം വ്യക്തമാക്കി. ഇത് സംബന്ധിച്ച് കേന്ദ്ര ആഭ്യന്തര മന്ത്രി ശ്രീ. രാജ്നാഥ് സിംഗുമായി സംസാരിച്ച പ്രധാനമന്ത്രി, ഇത്തരം സംഭവങ്ങളിലെ തന്റെ കടുത്ത അതൃപ്തി രേഖപ്പെടുത്തി. ഇത്തരം നശീകരണ പ്രവണതകളെ കേന്ദ്ര ആഭ്യന്തര മന്ത്രാലയം ഗൗരവത്തില് എടുത്തിട്ടുണ്ട്. ഇത്തരം സംഭവങ്ങള് തടയാന് ആവശ്യമായ എല്ലാ നടപടികളും കൈക്കൊള്ളണമെന്ന് ആഭ്യന്തര മന്ത്രാലയം സംസ്ഥാനങ്ങളോട് ആവശ്യപ്പെട്ടിട്ടുണ്ട്. ഇതുപോലുള്ള നശീകരണ പ്രവൃത്തികളില് ഏര്പ്പെടുന്നവരെ നിയമത്തിന്റെ ബന്ധപ്പെട്ട വകുപ്പുകള് ഉപയോഗിച്ച് അറസ്റ്റ് ചെയ്യാനും കര്ശന നടപടികള് കൈക്കൊള്ളാനും നിര്ദ്ദേശിച്ചിട്ടുണ്ട്.
