പങ്കിടുക
 
Comments
NCC camps motivate every youngster to do something good for the nation: PM Modi
National Cadet Corps is not about uniform or uniformity, it is about unity: PM Modi
Youth of India is unable to tolerate corruption. We will undertake every effort to uproot the menace of corruption: PM
Promote digital transactions through the BHIM App and to motivate others to join that platform: PM to NCC Cadets

ന്യൂഡെല്‍ഹിയില്‍ നടന്ന എന്‍.സി.സി. റാലിയെ പ്രധാനമന്ത്രി ശ്രീ. നരേന്ദ്ര മോദി അഭിസംബോധന ചെയ്തു. തന്റേതായ വ്യക്തിത്വവും സ്വത്വവുമുള്ളവരാണ് റാലിക്കെത്തിയ ഓരോ യുവ എന്‍.സി.സി. കെഡറ്റുകളുമെന്ന് അദ്ദേഹം പറഞ്ഞു. അതേസമയം, ഒരു മാസത്തിനുള്ളില്‍ പുതിയ സൗഹൃദങ്ങള്‍ രൂപപ്പെടുകയും പരസ്പരം പല കാര്യങ്ങളും പഠിക്കുകയും ചെയ്തിട്ടുണ്ടാകുമെന്നു പ്രധാനമന്ത്രി ചൂണ്ടിക്കാട്ടി. എന്‍.സി.സി. ക്യാംപുകള്‍ ഓരോ യുവാവിനും ഇന്ത്യയിലുള്ള വ്യത്യസ്തങ്ങളായ സംസ്‌കാരങ്ങളെ പരിചയപ്പെടുത്തിനല്‍കുമെന്നും അദ്ദേഹം കൂട്ടിച്ചേര്‍ത്തു. ഇതു രാഷ്ട്രത്തിനായി എന്തെങ്കിലും നന്മ ചെയ്യാന്‍ ഓരോ ചെറുപ്പക്കാരനെയും പ്രേരിപ്പിക്കുമെന്നു ശ്രീ. നരേന്ദ്ര മോദി ഓര്‍മിപ്പിച്ചു. 

എന്‍.സി.സി. ക്യാംപുകളില്‍നിന്ന് ഉള്‍ക്കൊള്ളുന്ന ഈ ആവേശം കെഡറ്റുകളില്‍ ജീവിതാന്ത്യംവരെ നിലകൊള്ളുമെന്നും അദ്ദേഹം പറഞ്ഞു. നാഷണല്‍ കെഡറ്റ് കോര്‍പ്‌സ് കൊണ്ട് ഉദ്ദേശിക്കുന്നതു കേവലം യൂണിഫോമോ ഐകരൂപ്യമോ അല്ല, മറിച്ച് ഏകതയാണെന്നു പ്രധാനമന്ത്രി ഓര്‍മിപ്പിച്ചു. ദൗത്യമായി കണ്ടു പ്രവര്‍ത്തിക്കുകയും അതേസമയം, മറ്റുള്ളവര്‍ക്കു പ്രചോദനമേകുകയും ചെയ്യുന്ന സംഘങ്ങളെയാണ് എന്‍.സി.സി. വളര്‍ത്തിയെടുക്കുന്നതെന്ന് അദ്ദേഹം കൂട്ടിച്ചേര്‍ത്തു. 

ഏഴു സുവര്‍ണ ദശാബ്ദങ്ങള്‍ പിന്നിട്ട എന്‍.സി.സി. ഏറെപ്പേര്‍ക്കു സന്നദ്ധതയുടെ ഊര്‍ജം പകര്‍ന്നുനല്‍കിയിട്ടുണ്ടെന്നു പ്രധാനമന്ത്രി പറഞ്ഞു. ഇപ്പോള്‍ നാം ഉണ്ടാക്കിയെടുക്കാന്‍ സാധിച്ച നേട്ടം ആഘോഷിക്കുകയും വരുംവര്‍ഷങ്ങളില്‍ എന്‍.സി.സിയുടെ പ്രവര്‍ത്തനം എങ്ങനെ കൂടുതല്‍ ഫലവത്താക്കാമെന്നു ചിന്തിക്കുകയുമാണെന്ന് അദ്ദേഹം ചൂണ്ടിക്കാട്ടി. എന്‍.സി.സി. 75 വര്‍ഷം പൂര്‍ത്തിയാക്കാന്‍ ഇനി ബാക്കിയുള്ള അഞ്ചു വര്‍ഷത്തേക്കുള്ള കര്‍മപദ്ധതിയെക്കുറിച്ചു ബന്ധപ്പെട്ടവരെല്ലാം ആലോചിക്കണമെന്നു പ്രധാനമന്ത്രി ആഹ്വാനം ചെയ്തു.

ഇന്നത്തെ ഇന്ത്യന്‍ യുവത്വത്തിന് അഴിമതി സ്വീകാര്യമല്ലെന്നു ശ്രീ. നരേന്ദ്ര മോദി ആവര്‍ത്തിച്ചു. അഴിമതിക്കും കള്ളപ്പണത്തിനും എതിരെയുള്ള പോരാട്ടം അവസാനിപ്പിക്കില്ലെന്ന് അദ്ദേഹം വ്യക്തമാക്കി. ഇന്ത്യന്‍ യുവത്വത്തിന്റെ ഭാവിക്കായുള്ള പോരാട്ടമായി ഇതിനെ പ്രധാനമന്ത്രി വിശേഷിപ്പിച്ചു. 

കെഡറ്റുകള്‍, ഭീം ആപ് ഉപയോഗപ്പെടുത്തി ഡിജിറ്റല്‍ ഇടപാടുകള്‍ നടത്തണമെന്നും ഈ രീതി പിന്‍തുടരാന്‍ മറ്റുള്ളവരെ പ്രേരിപ്പിക്കണമെന്നും അദ്ദേഹം അഭ്യര്‍ഥിച്ചു. സുതാര്യതയിലേക്കും ഉത്തരവാദിത്തബോധത്തിലേക്കുമുള്ള നിര്‍ണായക ചുവടാണിതെന്നു പ്രധാനമന്ത്രി ഓര്‍മിപ്പിച്ചു. ഇന്ത്യന്‍ യുവത്വം തീരുമാനിച്ചാല്‍ എന്തും പ്രാവര്‍ത്തികമാക്കാന്‍ സാധിക്കുമെന്നും അദ്ദേഹം പറഞ്ഞു. 

ധനികര്‍ക്കും അധികാരമുള്ളവര്‍ക്കും ഒന്നും ഭയക്കാനില്ലെന്ന ചിന്തയായിരുന്നു മുന്‍കാലങ്ങളില്‍ ജനങ്ങള്‍ക്കുണ്ടായിരുന്നതെന്നു പ്രധാനമന്ത്രി ചൂണ്ടിക്കാട്ടി. എന്നാല്‍, ഇപ്പോള്‍ കാര്യങ്ങള്‍ അങ്ങനെയല്ലെന്നും അദ്ദേഹം വിശദീകരിച്ചു. മുഖ്യമന്ത്രിക്കസേരയില്‍ ഇരുന്നവര്‍ അഴിമതിക്കുറ്റത്തിനു ജയിലിലായെന്നു പ്രധാനമന്ത്രി ചൂണ്ടിക്കാട്ടി.

ആധാറിനെക്കുറിച്ചു പരാമര്‍ശിക്കവേ, ഇന്ത്യയുടെ വികസനത്തിന് ആധാര്‍ വലിയ കരുത്തു പകര്‍ന്നിട്ടുണ്ടെന്ന് അദ്ദേഹം പറഞ്ഞു. ആനുകൂല്യങ്ങള്‍ അനര്‍ഹമായ കരങ്ങളില്‍ എത്തുന്നതു നിലയ്ക്കുകയും ശരിയായ ഗുണഭോക്താക്കളിലേക്ക് അവ എത്തിത്തുടങ്ങുകയും ചെയ്തുവെന്നു പ്രധാനമന്ത്രി കൂട്ടിച്ചേര്‍ത്തു.

 

 

 

 

 

Click here to read full text speech

സേവനത്തിന്റെയും സമർപ്പണത്തിന്റെയും 20 വർഷങ്ങൾ നിർവ്വചിക്കുന്ന 20 ചിത്രങ്ങൾ
Mann KI Baat Quiz
Explore More
നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി

ജനപ്രിയ പ്രസംഗങ്ങൾ

നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി
Business optimism in India at near 8-year high: Report

Media Coverage

Business optimism in India at near 8-year high: Report
...

Nm on the go

Always be the first to hear from the PM. Get the App Now!
...
2021ലെ പാർലമെന്റിന്റെ ശീതകാല സമ്മേളനത്തിന് മുന്നോടിയായി മാധ്യമങ്ങളോടുള്ള പ്രധാനമന്ത്രിയുടെ പ്രസ്താവന
November 29, 2021
പങ്കിടുക
 
Comments

നമസ്കാരം സുഹൃത്തുക്കളെ,

പാർലമെന്റിന്റെ ഈ സമ്മേളനം വളരെ പ്രധാനപ്പെട്ടതാണ്. രാജ്യം സ്വാതന്ത്ര്യത്തിന്റെ അമൃത് മഹോത്സവം ആഘോഷിക്കുകയാണ്. സ്വാതന്ത്ര്യത്തിന്റെ അമൃത് മഹോത്സവത്തിൽ പൊതു-ദേശീയ താൽപ്പര്യങ്ങൾക്കായി നിരവധി പരിപാടികൾ സംഘടിപ്പിച്ചും സ്വാതന്ത്ര്യ സമര സേനാനികളുടെ സ്വപ്നങ്ങൾ സാക്ഷാത്കരിക്കുന്നതിനുള്ള നടപടികൾ സ്വീകരിച്ചും ഇന്ത്യയിലുടനീളമുള്ള സാധാരണ പൗരന്മാർ രംഗത്തുണ്ട്.  ഇന്ത്യയുടെ ശോഭനമായ ഭാവിയുടെ നല്ല സൂചനയാണ് ഇവ.

അടുത്തിടെ, ഭരണഘടനാ ദിനത്തിൽ രാജ്യം മുഴുവൻ പുതിയ ദൃഢനിശ്ചത്തിലൂടെ  ഭരണഘടനയുടെ പൊരുള്‍ നിറവേറ്റുന്നതിനായി പ്രതിജ്ഞയെടുത്തു . ഈ സാഹചര്യത്തിൽ, ഈ സമ്മേളനവും തുടർന്നുള്ള പാർലമെന്റ് സമ്മേളനങ്ങളും രാജ്യതാൽപ്പര്യം മുൻനിർത്തി ചർച്ചകൾ നടത്താനും,  സ്വാതന്ത്ര്യസമര സേനാനികളുടെയും സ്വാതന്ത്ര്യത്തിന്റെ അമൃത് മഹോത്സവത്തിന്റെയും  മനോഭാവത്തിനനുസരിച്ച്‌   രാജ്യത്തിന്റെ വികസനത്തിന് പുതിയ വഴികൾ കണ്ടെത്താനും നാമെല്ലാവരും , രാജ്യത്തെ ഓരോ പൗരനും,  ആഗ്രഹിക്കുന്നു.  ഈ സമ്മേളനം  ആശയങ്ങളാൽ സമ്പന്നമായിരിക്കണം കൂടാതെ നല്ല സംവാദങ്ങൾ ദൂരവ്യാപകമായ സ്വാധീനം ചെലുത്തണം. പാർലമെന്റ് ബലപ്രയോഗത്തിലൂടെ  തടസ്സപ്പെടുത്തിയത് ആരെന്നതിനേക്കാൾ പാർലമെന്റ് എപ്രകാരം  പ്രവർത്തിക്കുന്നുവെന്നും അതിന്റെ പ്രധാന സംഭാവനകളും വിലയിരുത്തപ്പെടണമെന്ന് ഞാൻ പ്രതീക്ഷിക്കുന്നു. ഇത് മാനദണ്ഡമാക്കാൻ കഴിയില്ല. പാർലമെന്റ് എത്ര മണിക്കൂർ പ്രവർത്തിച്ചു, എത്ര പോസിറ്റീവ് ജോലി ചെയ്തു എന്നതായിരിക്കണം  മാനദണ്ഡം. എല്ലാ വിഷയങ്ങളും തുറന്ന മനസ്സോടെ ചർച്ച ചെയ്യാൻ ഗവണ്മെന്റ്  തയ്യാറാണ്. എല്ലാ ചോദ്യങ്ങൾക്കും ഉത്തരം നൽകാൻ ഗവണ്മെന്റ് തയ്യാറാണ്. പാർലമെന്റിൽ ചോദ്യങ്ങളുണ്ടാകണമെന്നും സമാധാനം നിലനിൽക്കണമെന്നും ഞങ്ങൾ ആഗ്രഹിക്കുന്നു.

ഗവണ്മെന്റ്  നയങ്ങൾക്കെതിരായ ശബ്ദങ്ങൾ ശക്തമായിരിക്കണം എന്നാൽ പാർലമെന്റിന്റെയും അധ്യക്ഷയുടെയും അന്തസ്സ് ഉയർത്തിപ്പിടിക്കണം. യുവതലമുറയെ പ്രചോദിപ്പിക്കുന്ന തരത്തിലുള്ള പെരുമാറ്റം നാം നിലനിർത്തണം. കഴിഞ്ഞ സമ്മേളനത്തിനു ശേഷം   മുതൽ, രാജ്യം 100 കോടിയിലധികം കോവിഡ് വാക്സിൻ ഡോസുകൾ നൽകി, ഇപ്പോൾ നാം 150 കോടി എന്ന കണക്കിലേക്ക് അതിവേഗം നീങ്ങുകയാണ്. പുതിയ വകഭേദത്തെക്കുറിച്ച് നാം ജാഗ്രത പാലിക്കണം. പാർലമെന്റിലെ എല്ലാ അംഗങ്ങളോടും നിങ്ങളോടും ജാഗ്രത പുലർത്താൻ ഞാൻ അഭ്യർത്ഥിക്കുന്നു, കാരണം ഈ പ്രതിസന്ധി ഘട്ടത്തിൽ എല്ലാവരുടെയും ആരോഗ്യമാണ് നമ്മുടെ  മുൻഗണന.

ഈ കൊറോണ കാലഘട്ടത്തിൽ രാജ്യത്തെ 80 കോടിയിലധികം പൗരന്മാർക്ക് കൂടുതൽ ബുദ്ധിമുട്ടുകൾ ഉണ്ടാകാതിരിക്കാൻ പ്രധാനമന്ത്രി ഗരീബ് കല്യാൺ യോജനയ്ക്ക് കീഴിൽ ഭക്ഷ്യധാന്യങ്ങൾ സൗജന്യമായി നൽകുന്ന പദ്ധതി നടന്നുവരികയാണ്. ഇപ്പോൾ അത് 2022 മാർച്ച് വരെ നീട്ടിയിരിക്കുന്നു. ഏകദേശം 2.60 ലക്ഷം കോടി രൂപ ചെലവ് വരുന്ന പദ്ധതി  രാജ്യത്തെ 80 കോടിയിലധികം ജനങ്ങളുടെ  ആശങ്കകൾ പരിഹരിച്ചതിനാൽ പാവപ്പെട്ടവരുടെ അടുപ്പ് കത്തിക്കൊണ്ടിരിക്കും. ഈ സമ്മേളനത്തിൽ  രാജ്യതാൽപ്പര്യം കണക്കിലെടുത്ത് ഞങ്ങൾ ഒരുമിച്ച് വേഗത്തിലുള്ള തീരുമാനങ്ങൾ എടുക്കുമെന്നും സാധാരണക്കാരന്റെ ആഗ്രഹങ്ങളും പ്രതീക്ഷകളും നിറവേറ്റുമെന്നും ഞാൻ പ്രതീക്ഷിക്കുന്നു. ഇതാണ് എന്റെ പ്രതീക്ഷ. വളരെയധികം നന്ദി.