ന്യൂഡെല്ഹി തല്ക്കത്തോറ സ്റ്റേഡിയത്തില്, 2019 ഫെബ്രുവരി 13ന് ക്രെഡായ് യൂത്ത്കോണ്-19നെ പ്രധാനമന്ത്രി ശ്രീ. നരേന്ദ്ര മോദി അഭിസംബോധന ചെയ്യും.
കോണ്ഫെഡറേഷന് ഓഫ് റിയല് എസ്റ്റേറ്റ് ഡെവലപ്പേഴ്സ് അസോസിയേഷന് ഓഫ് ഇന്ത്യ(ക്രെഡായ്)യാണ് പരിപാടി സംഘടിപ്പിക്കുന്നത്.
ഇതോടൊപ്പം ക്രെഡായ് സംഘടിപ്പിക്കുന്ന പ്രദര്ശനം പ്രധാനമന്ത്രി സന്ദര്ശിക്കും.
ഇന്ത്യയിലെ റിയല് എസ്റ്റേറ്റ് വ്യവസായത്തിന്റെ ഭാവി ലക്ഷ്യമിട്ടു ക്രെഡായ് സംഘടിപ്പിക്കുന്ന പ്രതിവര്ഷ യുവസംഗമമാണ് യൂത്ത്കോണ്.
1999ല് സ്ഥാപിതമായ ക്രെഡായ് രാജ്യത്തെ ഇരുന്നൂറിലേറെ നഗരങ്ങളിലെ റിയല് എസ്റ്റേറ്റ് ഡെവലപ്പര്മാരുടെ ഉന്നതതല കൂട്ടായ്മയാണ്.
