പങ്കിടുക
 
Comments

ആദിത്യബിര്‍ളാ ഗ്രൂപ്പ് തായ്‌ലന്‍ഡില്‍ അതിന്റെ പ്രവര്‍ത്തനങ്ങള്‍ തുടങ്ങിയതിന്റെ 50 വര്‍ഷ ആഘോഷപരിപാടികളില്‍ പ്രധാനമന്ത്രി ശ്രീ നരേന്ദ്ര മോദി ഇന്ന് സംബന്ധിച്ചു. തായ്‌ലന്‍ഡില്‍ ഗ്രൂപ്പിന്റെ സുവര്‍ണ്ണജൂബിലി ആഘോഷത്തില്‍ പങ്കുചേര്‍ന്നതിന് ആദിത്യ ബിര്‍ള ഗ്രൂപ്പിന്റെ ചെയര്‍മാന്‍ കുമാരമംഗലം ബിര്‍ള, പ്രധാനമന്ത്രിക്ക് നന്ദി പറഞ്ഞു.

ഗവണ്‍മെന്റ് ഉദ്യോഗസ്ഥരുടെയും വ്യാപാരപ്രമുഖരുടേയും ഒത്തുചേരലിനെ അഭിസംബോധന ചെയ്ത പ്രധാനമന്ത്രി, നിരവധിപേര്‍ക്ക് അവസരങ്ങളും സമ്പല്‍സമൃദ്ധിയും സൃഷ്ടിക്കുന്നതിലേക്ക് നയിച്ച പ്രശംസനീയമായ പ്രവര്‍ത്തനങ്ങള്‍ നടത്തിയതിന് ആദിത്യബിര്‍ള ഗ്രൂപ്പിനെ അഭിനന്ദിച്ചു. ലോകത്തെ ഒന്നിച്ചുകൊണ്ടുവരുന്നതിനുള്ള സ്വാഭാവികമായ ശക്തിയാണ് വാണിജ്യവും സംസ്‌ക്കാരവുമെന്ന് ഇന്ത്യയും തായ്‌ലന്‍ഡും തമ്മിലുള്ള ശക്തമായ സാംസ്‌ക്കാരിക ബന്ധത്തെക്കുറിച്ച് സംസാരിച്ചുകൊണ്ട് അദ്ദേഹം പറഞ്ഞു.

ഇന്ത്യയില്‍ രൂപാന്തരപ്പെടുന്ന മാറ്റങ്ങള്‍

കഴിഞ്ഞ അഞ്ചുവര്‍ഷത്തെ നിരവധി വിജയഗാഥകള്‍ പ്രധാനമന്ത്രി പങ്കുവച്ചു. പതിവ് രീതികള്‍ മാറ്റിമറിച്ചുകൊണ്ടും ഒരു ദൗത്യനിലയില്‍ പ്രവര്‍ത്തിച്ചുകൊണ്ടും മാത്രമേ പരിവര്‍ത്തനാത്മകമായ മാറ്റങ്ങള്‍ സാദ്ധ്യമാകുകയുള്ളുവെന്ന് അദ്ദേഹം പറഞ്ഞു.

മുമ്പ് സാദ്ധ്യമല്ലെന്ന് കരുതിയിരുന്നതെല്ലാം ഇപ്പോള്‍ സാദ്ധ്യമാകുന്നു, അതുകൊണ്ടുതന്നെ ഇന്ത്യയിലുണ്ടായിരിക്കാന്‍ പറ്റിയ ഏറ്റവും മികച്ച സമയമാണിത്.
കഴിഞ്ഞ അഞ്ചുവര്‍ഷത്തിനുള്ളില്‍ ലോകബാങ്കിന്റെ വ്യാപാരം എളുപ്പമാക്കുന്നതിനുള്ള സൂചികയില്‍ ഇന്ത്യ 2014ലെ 142-ാം സ്ഥാനത്തുനിന്നും 79 സ്ഥാനം മറികടന്ന് 2019ല്‍ 63ല്‍ എത്തി, മികച്ച വ്യാപാര പരിസ്ഥിതിയുണ്ടാക്കാനുള്ള പ്രതിജ്ഞാബദ്ധതയാണതെന്നത് പ്രധാനമന്ത്രി ഉയര്‍ത്തിക്കാട്ടി. ലോക സാമ്പത്തിക ഫോറത്തിന്റെ ട്രാവല്‍ ആന്റ് ടൂറിസം കോംപറ്റിറ്റീവ് സൂചികയില്‍ ഇന്ത്യയുടെ റാങ്കിംഗ് 2013ലെ 65ല്‍ നിന്നും 2019ല്‍ 34 ആയതായും അദ്ദേഹം പറഞ്ഞു. ക്ഷേമം, മികച്ച റോഡുകളിലൂടെ സൗകര്യവും സുരക്ഷയും, ബന്ധിപ്പിക്കല്‍, ശുചിത്വവും മെച്ചപ്പെട്ട ക്രമസമാധാനവും എന്നിവയ്ക്കുള്ള വ്യവസ്ഥകള്‍ വിദേശ സഞ്ചാരികളുടെ വരവില്‍ 50%വരെ വര്‍ദ്ധനയുണ്ടാക്കി.

പണം ലാഭിക്കുന്നത് പണം സമ്പാദിക്കലാണെന്നും ഊര്‍ജ്ജം സംരക്ഷിക്കുന്നത് ഊര്‍ജ്ജം ഉല്‍പ്പാദിപ്പിക്കലാണെന്നും പറഞ്ഞ പ്രധാനമന്ത്രി നേരിട്ടുള്ള ആനുകൂല്യ വിതരണ പദ്ധതികളിലൂടെ വിടവുകള്‍ അടച്ചത് മുലം 20 ബില്യണ്‍ ഡോളര്‍ ലാഭിച്ചതായി പറഞ്ഞു. കാര്‍ബണ്‍ വികരണം കുറയ്ക്കുന്നതും ഊര്‍ജ്ജകാര്യക്ഷമതയുള്ളതുമായ എല്‍.ഇ.ഡി വിളക്കുകള്‍ വിതരണം ചെയ്തതിനെക്കുറിച്ചും അദ്ദേഹം പറഞ്ഞു.

ഇന്ത്യ: നിക്ഷേപത്തിനുള്ള ആകര്‍ഷകമായ ലക്ഷ്യസ്ഥാനം

ഇന്ത്യയെ ഏറ്റവും മികച്ച ജനസൗഹൃദ ഭരണസംവിധാനമായി ചൂണ്ടിക്കാട്ടിയ പ്രധാനമന്ത്രി ഇടത്തരക്കാര്‍ക്കുള്ള നികുതി ഭാരം കുറച്ചത്, പീഡിപ്പിക്കല്‍ ഒഴിവാക്കാനായി മുഖമില്ലാത്ത നികുതി വിലയിരുത്തലിന് തുടക്കം കുറിച്ചത് കോര്‍പ്പറേഷന്‍ നികുതിയിലെ വെട്ടിക്കുറവ് ഉള്‍പ്പെടെ അടുത്തകാലത്ത് സ്വീകരിച്ച നടപടികള്‍ ഉയര്‍ത്തിക്കാട്ടി. സാമ്പത്തിക സംയോജനം എന്ന ലക്ഷ്യം ജി.എസ്.ടിയുടെ നടപ്പാക്കലിലൂടെ സാക്ഷാത്കരിച്ചതായി പറഞ്ഞ അദ്ദേഹം ഇത് കൂടുതല്‍ ജനസൗഹൃദമാക്കുന്നതിന് ഗവണ്‍മെന്റ് പ്രതിജ്ഞാബദ്ധമാണെന്നും കൂട്ടിച്ചേര്‍ത്തു. ഈ നടപടികളെല്ലാം ഇന്ത്യയെ നിക്ഷേപത്തിന്റെ ഏറ്റവും ആകര്‍ഷകമായ ലക്ഷ്യസ്ഥാനമാക്കി മാറിയത് ഐക്യരാഷ്ട്രസഭയുടെ വ്യാപാര വികസന കോണ്‍ഫറന്‍സിന്റെ (യു.എന്‍.സി.ടി.എ.ഡി) മികച്ച പത്തു നേരിട്ടുള്ള വിദേശ നിക്ഷേപസ്ഥാനങ്ങളില്‍ രാജ്യം എത്തിയതിലൂടെ പ്രതിഫലിക്കുന്നുണ്ട്.

തായ്‌ലന്‍ഡ് 4.0 ലൂടെ പരിപൂരകമാകുക

ഇന്ത്യയെ 5 ത്രില്യണ്‍ ഡോളര്‍ സമ്പദ്ഘടനയാക്കുകയെന്ന സ്വപ്നത്തെക്കുറിച്ച് സംസാരിച്ച പ്രധാനമന്ത്രി എങ്ങനെ 2014ലെ 2 ട്രില്യൺ ഡോളര്‍ സമ്പദ്ഘടനയില്‍ നിന്നും 2019ലെ 3 ട്രില്യൺ സമ്പദ്ഘടനയായതെന്ന് വ്യക്തമാക്കി.

തായ്‌ലന്‍ഡിനെ മൂല്യാധിഷ്ഠ സമ്പദ്ഘടനയായി പരിവര്‍ത്തനപ്പെടുത്തുന്ന തായ്‌ലന്‍ഡ് 4.0 മുന്‍കൈയെക്കുറിച്ച് സംസാരിച്ച അദ്ദേഹം ഇത് ഡിജിറ്റല്‍ ഇന്ത്യ, സ്‌കില്‍ ഇന്ത്യ, സ്വച്ച് ഭാരത് മിഷന്‍, സ്മാര്‍ട്ട് സിറ്റികള്‍, ജല്‍ജീവന്‍ മിഷന്‍ തുടങ്ങിയ ഇന്ത്യയുടെ മുന്‍കൈകള്‍ക്ക് അനുഗുണമായ പരസ്പരപൂരകങ്ങളുമാണ്. പങ്കാളിത്തത്തിനുള്ള സവിശേഷമായ അവസരങ്ങളും വാഗ്ദാനം ചെയ്യുന്നുണ്ട്. ഭൂതലരാഷ്ട്രിയ അടുപ്പത്തിന്റെ സാംസ്‌ക്കാരിക സമൂഹത്തിന്റെ വ്യാപാര പങ്കാളിത്തം കൂടുതല്‍ ഉയര്‍ത്തുന്നതിനുള്ള നല്ലപേരിന്റെയൊക്കെ നേട്ടം ഇരു രാജ്യങ്ങളുമെടുക്കണമെന്ന് അദ്ദേഹം കൂട്ടിച്ചേര്‍ത്തു.

തായ്‌ലന്‍ഡില്‍ ആദിത്യബിര്‍ള ഗ്രൂപ്പ്

ഇന്ത്യന്‍ സമ്പദ്ഘടന ഔപചാരികമായി 22 വര്‍ഷങ്ങള്‍ക്ക് മുമ്പ് തുറന്ുനകൊടുത്തപ്പോള്‍ ആദിത്യ വിക്രം ബിര്‍ള തായ്‌ലന്‍ഡില്‍ ഏറ്റുവും മുന്നില്‍ കടന്നുകയറി ഒരു സ്പിന്നിംഗ് യൂണിറ്റ് ആരംഭിച്ചു. ഇന്ന് ഈ ഗ്രൂപ്പ് 1.1 ബില്യണ്‍ ഡോളറിന്റെ വൈവിദ്ധ്യമായ വ്യാപാരങ്ങളുമായി തായ്‌ലന്‍ഡിലെ ഏറ്റവും വലിയ സംരംഭകരായി അതിവേഗം മാറി. ടെക്‌സ്‌റ്റൈല്‍സ്, കാര്‍ബണ്‍ ബ്ലാക്കും രാസവസ്തുക്കളും പോലെ വിവിധ മേഖലകളിലായി വ്യാപിച്ചുകിടക്കുന്ന ഏറ്റവും അത്യന്താധുനികമായ ഒന്‍പത് പ്ലാന്റുകളിലൂടെ ആദിത്യബിര്‍ളയുടെ സാന്നിദ്ധ്യം ഇന്ന് തായ്‌ലന്‍ഡിലുണ്ട്.

 

Click here to read full text speech

'മൻ കി ബാത്തിനായുള്ള' നിങ്ങളുടെ ആശയങ്ങളും നിർദ്ദേശങ്ങളും ഇപ്പോൾ പങ്കിടുക!
സേവനത്തിന്റെയും സമർപ്പണത്തിന്റെയും 20 വർഷങ്ങൾ നിർവ്വചിക്കുന്ന 20 ചിത്രങ്ങൾ
Explore More
ജമ്മു കശ്മീരിലെ നൗഷേരയിൽ ദീപാവലിയോടനുബന്ധിച്ച് ഇന്ത്യൻ സായുധ സേനയിലെ സൈനികരുമായി പ്രധാനമന്ത്രി നടത്തിയ ആശയവിനിമയം

ജനപ്രിയ പ്രസംഗങ്ങൾ

ജമ്മു കശ്മീരിലെ നൗഷേരയിൽ ദീപാവലിയോടനുബന്ധിച്ച് ഇന്ത്യൻ സായുധ സേനയിലെ സൈനികരുമായി പ്രധാനമന്ത്രി നടത്തിയ ആശയവിനിമയം
‘Important to keep this momentum': PM Modi as half of India's adult population fully jabbed

Media Coverage

‘Important to keep this momentum': PM Modi as half of India's adult population fully jabbed
...

Nm on the go

Always be the first to hear from the PM. Get the App Now!
...
21-ാമത് ഇന്ത്യ-റഷ്യ വാര്‍ഷിക ഉച്ചകോടി
December 07, 2021
പങ്കിടുക
 
Comments

റഷ്യന്‍ ഫെഡറേഷൻ   പ്രസിഡന്റ് ശ്രീ. വ്ളാഡിമിര്‍ പുടിന്‍ പ്രധാനമന്ത്രി ശ്രീ നരേന്ദ്ര മോദിയുമായുള്ള 21-ാമത് ഇന്ത്യ-റഷ്യ വാര്‍ഷിക ഉച്ചകോടിക്കായി 2021 ഡിസംബര്‍ 6ന് ന്യൂഡല്‍ഹിയില്‍ സന്ദര്‍ശനം നടത്തി.

2. പ്രസിഡന്റ് പുടിനൊപ്പം ഉന്നതതല പ്രതിനിധി സംഘവും ഉണ്ടായിരുന്നു. പ്രധാനമന്ത്രി മോദിയും പ്രസിഡന്റ് പുടിനും തമ്മിലുള്ള ഉഭയകക്ഷി ചര്‍ച്ചകള്‍ ഊഷ്മളവും സൗഹൃദപരവുമായ അന്തരീക്ഷത്തിലാണ് നടന്നത്. കൊവിഡ് മഹാമാരി ഉയര്‍ത്തുന്ന വെല്ലുവിളികള്‍ക്കിടയിലും ഇരു രാജ്യങ്ങളും തമ്മിലുള്ള 'പ്രത്യേകവും സവിശേഷ തന്ത്രപരമായ പങ്കാളിത്തത്തിന്റെ' സുസ്ഥിര പുരോഗതിയില്‍ ഇരു നേതാക്കളും സംതൃപ്തി രേഖപ്പെടുത്തി.  വിദേശ, പ്രതിരോധ മന്ത്രിമാരുടെ പരസ്പര സംഭാഷണത്തിന്റെ ആദ്യ യോഗവും സൈനിക, സൈനിക-സാങ്കേതിക സഹകരണത്തിനായുള്ള ഗവണ്‍മെന്റുകള്‍ തമ്മിലുള്ള കമ്മീഷന്റെ യോഗവും 2021 ഡിസംബര്‍ 6 ന് ന്യൂഡല്‍ഹിയില്‍ ചേര്‍ന്നതിനെ അവര്‍ സ്വാഗതം ചെയ്തു.

3. കൂടുതല്‍ സാമ്പത്തിക സഹകരണത്തിന്റെ ആവശ്യകത നേതാക്കള്‍ അടിവരയിട്ടു. ഈ സന്ദര്‍ഭത്തില്‍, ദീര്‍ഘകാല പ്രവചനാതീതവും സുസ്ഥിരവുമായ സാമ്പത്തിക സഹകരണത്തിനുള്ള വളര്‍ച്ചയുടെ പുതിയ ചാലകങ്ങള്‍ക്ക് അവര്‍ ഊന്നല്‍ നല്‍കി. പരസ്പര നിക്ഷേപങ്ങളുടെ വിജയഗാഥയെ ഇരുവരും അഭിനന്ദിക്കുകയും പരസ്പരം കൂടുതല്‍ നിക്ഷേപങ്ങള്‍ക്കായി പ്രതീക്ഷ പ്രകടിപ്പിക്കുകയും ചെയ്തു.  അന്താരാഷ്ട്ര ഉത്തര-ദക്ഷിണ ഗതാഗത ഇടനാഴി (ഐഎന്‍എസ്ടിസി), നിര്‍ദിഷ്ട ചെന്നൈ-വ്ളാഡിവോസ്റ്റോക്ക് ഈസ്റ്റേണ്‍ സമുദ്ര ഇടനാഴി എന്നിവയിലൂടെയുള്ള പരസ്പര ബന്ധത്തിന്റെ പങ്ക് ചര്‍ച്ചയില്‍ ഇടംപിടിച്ചു. രണ്ട് നേതാക്കളും റഷ്യയുടെ വിവിധ പ്രദേശങ്ങള്‍ക്കിടയില്‍, പ്രത്യേകിച്ച് റഷ്യയുടെ കിഴക്കന്‍ മേഖലയ്ക്ക് ഇന്ത്യന്‍ സംസ്ഥാനങ്ങളുമായി വലിയ അന്തര്‍-പ്രാദേശിക സഹകരണം പ്രതീക്ഷിക്കുന്നു.  നിര്‍ണായക സമയങ്ങളില്‍ ഇരു രാജ്യങ്ങളും പരസ്പരം നല്‍കുന്ന മാനുഷിക സഹായം ഉള്‍പ്പെടെ, കൊവിഡ് മഹാമാരിക്കെതിരായ പോരാട്ടത്തില്‍ നടന്നുകൊണ്ടിരിക്കുന്ന ഉഭയകക്ഷി സഹകരണത്തെ അവര്‍ അഭിനന്ദിച്ചു.

4. മഹാമാരിക്കു ശേഷമുള്ള ആഗോള സാമ്പത്തിക വീണ്ടെടുപ്പും അഫ്ഗാനിസ്ഥാനിലെ സാഹചര്യവും ഉള്‍പ്പെടെ പ്രാദേശികവും ആഗോളവുമായ സംഭവവികാസങ്ങള്‍ നേതാക്കള്‍ ചര്‍ച്ച ചെയ്തു.  അഫ്ഗാനിസ്ഥാനുമായി ബന്ധപ്പെട്ട് ഇരു രാജ്യങ്ങളും പൊതുവായ കാഴ്ചപ്പാടുകളും ആശങ്കകളും പങ്കിടുന്നുകയും അഫ്ഗാനിസ്ഥാനുമായി ബന്ധപ്പെട്ട കൂടിയാലോചനകള്‍ക്കും സഹകരണത്തിനുമായി എന്‍എസ്എ തലത്തില്‍ തയ്യാറാക്കിയ ഉഭയകക്ഷി റോഡ്മാപ്പിനെ അഭിനന്ദിക്കുകയും ചെയ്തു.  പല അന്താരാഷ്ട്ര വിഷയങ്ങളിലും ഇരുപക്ഷവും പൊതുവായ നിലപാടുകള്‍ പങ്കിടുകയും യുഎന്‍ സുരക്ഷാ കൗണ്‍സില്‍ ഉള്‍പ്പെടെയുള്ള ബഹുമുഖ വേദികളില്‍ സഹകരണം കൂടുതല്‍ ശക്തിപ്പെടുത്താന്‍ സമ്മതിക്കുകയും ചെയ്തതായി അവര്‍ ചൂണ്ടിക്കാട്ടി.  യുഎന്‍ സുരക്ഷാ കൗണ്‍സിലിലെ ഇന്ത്യയുടെ സ്ഥിരമല്ലാത്ത അംഗത്വത്തിനും 2021-ല്‍ ബ്രിക്സിന്റെ വിജയകരമായ അധ്യക്ഷതയ്ക്കും പ്രസിഡന്റ് പുടിന്‍ പ്രധാനമന്ത്രി മോദിയെ അഭിനന്ദിച്ചു. ആര്‍ട്ടിക് കൗണ്‍സിലിന്റെ അധ്യക്ഷ സ്ഥാനത്തു തുടരുന്ന റഷ്യയെ പ്രധാനമന്ത്രി മോദി അഭിനന്ദിച്ചു.

5. ഇന്ത്യ-റഷ്യ: സമാധാനത്തിനും പുരോഗതിക്കും സമൃദ്ധിക്കും വേണ്ടിയുള്ള പങ്കാളിത്തം എന്ന തലക്കെട്ടിലുള്ള സംയുക്ത പ്രസ്താവന, ഉഭയകക്ഷി ബന്ധത്തിന്റെ അവസ്ഥയും സാധ്യതകളും ഉചിതമായി ഉള്‍ക്കൊള്ളുന്നു.  സന്ദര്‍ശനത്തോടനുബന്ധിച്ച്, വ്യാപാരം, ഊര്‍ജം, ശാസ്ത്രം, സാങ്കേതികവിദ്യ, ബൗദ്ധിക സ്വത്ത്, ബഹിരാകാശം, ഭൂമിശാസ്ത്രം തുടങ്ങിയ വിവിധ മേഖലകളില്‍ ഇരു രാജ്യങ്ങളിലെയും വാണിജ്യ, മറ്റ് സംഘടനകള്‍ തമ്മിലുള്ള നിരവധി ഗവണ്‍മെന്റ്-സര്‍ക്കാര്‍ കരാറുകളും ധാരണാപത്രങ്ങളും ഒപ്പുവച്ചു.  പര്യവേക്ഷണം, സാംസ്‌കാരിക കൈമാറ്റം, വിദ്യാഭ്യാസം മുതലായവ. ഇത് നമ്മുടെ ഉഭയകക്ഷി പങ്കാളിത്തത്തിന്റെ ബഹുമുഖ സ്വഭാവത്തിന്റെ പ്രതിഫലനമാണ്.

6. 2022ലെ 22-ാമത് ഇന്ത്യ-റഷ്യ വാര്‍ഷിക ഉച്ചകോടിക്കായി റഷ്യ സന്ദര്‍ശിക്കാന്‍ പ്രധാനമന്ത്രി മോദിയെ പ്രസിഡന്റ് പുടിന്‍ ക്ഷണിച്ചു.