Share
 
Comments

ঙসি প্রধান মন্ত্রী নরেন্দ্র মোদীনা অদিত্য বিরলা গ্রুপনা থাইলেন্দা থবক তৌরকপা চহি ৫০ শুরকপগী থৌরমদা শরুক য়াখ্রে। থাইলেন্দা গ্রুপ অসিগী সনা ফুদোংবা থৌরমশিং শরুক য়াবগীদমক অদিত্য বিরলা গ্রুপকী চেয়রমেন কুমার মঙ্গলম বিরলানা প্রধান মন্ত্রীবু থাগৎখ্রে।

থৌরম অদুদা প্রধান মন্ত্রীনা অদিত্য বিরলা গ্রুপনা মীওই কয়াগী খুদোংচাবশিং ফংহনবা অমসুং নুংঙাইহনবগীদমক অদিত্য বিরলা গ্রুপকী কাংবুবু থাগৎখি। ভারত অমসুং থাইলেন্দগী মরক্ত লৈনরিবা অকনবা কলচরগী মরীগী মতাংদা মহাক্না হায়খি ললোন-ইতিক অমসুং কলচরনা মালেম অসি নকশিন্নহনবগী থৌনা লৈ।

ভারতকী অহোংবশিং

হৌখিবা চহি মঙাদা সরকারগী মাইপাকপগী ৱারী কয়া প্রধান মন্ত্রীনা লিখি। মহাক্না হায়খি হান্নগী থবক খুৎতৌ হঞ্জিন্দুনা পাংথোকপগী হৈনবগী থাদোকপদগী অমসুং পান্দম অমগী মখাদা থবক তৌবদগী অহোংবশিং অসি পুরকপনি। মমাংদা পাংথোকপা ঙম্লোই হায়না খন্নরম্বা থবকশিং হৌজিক পাংথোকপা ঙম্লে, মরম অদুনা ভারত্তা লৈবগী খ্বাইদগী ফরবা মতমনি।

২০১৪দা ১৪২শুবদা লৈরম্বদগী হৌখিবা চহি ৫ অসিদা ৱার্ল্দ বেঙ্ককী ইজ ওফ দুইং বিজিনেস রেঙ্কিংদা ভারত মফম ৭৯ হাইগৎতুনা ২০১৯দা ৬৩শুবদা লৈরে। ৱার্ল্দ ইকোনোমিক ফোরমগী ত্রাবেল এন্দ তুরিজম কম্পিতিতিবনেস ইন্দেক্সতা ২০১৩দা ভারত রেঙ্কিং ৬৫দা লৈরমবদগী ২০১৯দা রেঙ্কিং ৩৪দা হাইগৎলে। নুংঙাইবা, খুদোংচাবা, অশোই-অঙাম থোক্তবা, লম্বী-থোং ফবা, লুবা-নানবা অমসুং লো অমসুং ওর্দরগী ফিবম ফগৎলকপদগী মপানগী লমকোয়বশিং লাকপগী চাদা ৫০ হেনগৎলে হায়না প্রধান মন্ত্রীনা ফোংদোকখি।

শেল তুংশিনবা অসি শেল তানবনি অমসুং ইনর্জী তুংশিনবা অসি ইনর্জী পুথোকপনি হায়রদুনা প্রধান মন্ত্রীনা হায়খি দাইরেক্ত বেনিফিৎ ত্রান্সফর স্কিম চৎনবদগী হুরানবা থিংবদগী অমসুং থবক ফজনা পাংথোকপদগী হৌজিক ফাওবদা দোল্লর বিল্লিয়ন ২০ কনবা ঙম্লে। মৈ চাদবা এল.ই.দি. লাইতশিং য়েন্থোকপদগী কার্বোন থাদোকপা হন্থরে।

ভারত : শেন থাদবা পাম্নরবা মফম অমা

প্রধান মন্ত্রীনা হায়খি হন্দক মিদল ক্লাসশিংগী তেক্স হন্থবা অমসুং কোর্পোরেত তেক্স রেত হন্থদুনা ভারত অসি মীয়ামগী খ্বাইদগী শাফবা তেক্সকী কাংলোন লৈবা লৈবাক অমা ওইরে। জি.এস.তি. চৎনবা অসি অপুনবা শেন্মিৎলোন অমগী মঙলান অদু থবক ওইনা পাংথোক্লে, মসি মীয়াম্না হেন্না নুংঙাইনবা সরকারনা থবক পায়খৎলি। ভারত শেন থাদনবগী খ্বাইদগী পাম্নরবা মফম অমনি হায়বা অসি য়ু.এন.সি.তি.এ.দি.গী মতুংইন্না এফ.দি.আই. য়াম্না লাকপা লৈবাক ১০গী মনুংদা ভারত য়াওবা অসিদা মমি তারে।

থাইলেন্দ ৪.০গা মতেং পাংনবা

ভারতনা দোল্লর ত্রিল্লিয়ন ৫গী ইকোনোমী অমা লৈনবা মঙ মঙলিবা অদুগী মতাংদা প্রধান মন্ত্রীনা ৱা ঙাংখি অমসুং ইকোনোমী অসি ২০১৪দা দোল্লর ত্রিল্লিয়ন ২ ওইরম্বদগী কমদৌনা ২০১৯দা ত্রিল্লিন ৩দা হাইগৎলকপগে হায়বগী মতাংদা পাউদমখি।

থাইলেন্দা অওনবা পুরক্নবা থাইলেন্দ ৪.০গী থবকশিংগী মতাংদা মহাক্না হায়খি মসিগী ভারতকী দিজিতেল ইন্দিয়া, স্কিল ইন্দিয়া, স্বচ্ছ ভারত মিসন, স্মার্ত সিতী, জল জীবন মিসনগা পুন্না থবক তৌমিন্নবা য়াগনি। লৈবাক অনিমক্না জিও-পোলিতিকেলগী নক্নবা, কলচর মান্নবা অমসুং ললোন-ইতিক হেনগৎহন্নবগী অফবা ৱাখল লৈবগী খুদোংচাবা লৌগদবনি।

থাইলেন্দা অদিত্য বিরলা গ্রুপ

ভারতকী ইকোনোমী হাংদোক্ত্রিঙৈ চহি ২২গী মমাংদা অদিত্য বিক্রম বিরলানা থাইলেন্দদা লং শুংনবা য়ুনিত অমা লিংখৎখি। ঙসিদি গ্রুপ অসি দোল্লর বিল্লিয়ন ১.১গী তোঙান-তোঙানবা ললোন-ইতিক পাংথোক্তুনা থাইলেন্দগী অচৌবা ইন্তর্প্রাইজশিংগী মনুংদা অমা ওইরে। থাইলেন্দদা অদিত্য বিরলা গ্রুপকী তেক্সতাইল, কার্বোন ব্লেক অমসুং কেমিকেল য়াওনা হিরম কয়াগী অনৌবা প্লান্ত ৯ থবক তৌরি।

Click here to read full text speech

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
What PM Gati Shakti plan means for the nation

Media Coverage

What PM Gati Shakti plan means for the nation
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 ওক্তোবর 2021
October 25, 2021
Share
 
Comments

Citizens lauded PM Modi on the launch of new health infrastructure and medical colleges.

Citizens reflect upon stories of transformation under the Modi Govt