പ്രധാനമന്ത്രി ഛത്തീസ്സ്‌ഗഢിൽ : ജഞജ് ഗീർ -ചമ്പയിൽ കർഷക സമ്മേളനത്തെ അഭിസംബോധന ചെയ്തു ; സുപ്രധാന അടിസ്ഥാനസൗകര്യ പദ്ധതികൾക്ക്‌ തറക്കല്ലിട്ടു. പ്രധാനമന്ത്രി ശ്രീ. നരേന്ദ്ര മോദി ഇന്ന് ഛത്തീസ്ഗഢ് സന്ദർശിച്ചു .അദ്ദേഹം ജഞജ് ഗീർ -ചമ്പയിൽ ഒരു പരമ്പരാഗത കൈത്തറി കാർഷിക പ്രദർശനം സന്ദർശിച്ചു .

ദേശീയ പാത പദ്ധതികൾ , പെന്ദ്രാ -അനുപൂർ  മൂന്നാം റെയിൽ പാത എന്നിവയ്ക്ക് അദ്ദേഹം തറക്കല്ലിട്ടു. കേന്ദ്ര -സംസ്ഥാന ഗവണ്മെന്റുകളുടെ വിവിധ ക്ഷേമ പദ്ധതികളുടെ തെരഞ്ഞെടുത്ത ഗുണഭോക്താക്കള്ക്കുള്ള  സർട്ടിഫിക്കറ്റുകളും  പ്രധാനമന്ത്രി സമ്മാനിച്ചു. 

 ഒരു കർഷക സമ്മേളനത്തെ അഭിസംബോധന ചെയ്യവെ , മുൻ പ്രധാനമന്ത്രി ശ്രീ. അടൽ ബിഹാരി വാജ്‌പേയിയാണ്   മൂന്ന് പുതിയ സംസ്ഥാനങ്ങൾ – ഉത്തരാഖണ്ഡ് , ജാർഖണ്ഡ് , ഛത്തീസ്ഗഢ് എന്നിവ സൃഷ്ടിച്ചതെന്ന്  പ്രധാനമന്ത്രി അനുസ്മരിച്ചു. വികസനത്തെ കുറിച്ചുള്ള അദ്ദേഹത്തിന്റെ ദർശനത്തിന്റെ ഫലമാണ് ഈ മൂന്ന് സംസ്ഥാനങ്ങളും ദൃതഗതിയിൽ പുരോഗമിക്കുന്നത് , പ്രധാനമന്ത്രി പറഞ്ഞു. 

വികസനത്തിനും, ജനങ്ങളുടെ അഭിലാഷങ്ങൾ യാഥാർഥ്യമാക്കുന്നതിനും വേണ്ടി  ഗവണ്മെന്റ് സമർപ്പിതമാണെന്ന് പ്രധാനമന്ത്രി ഊന്നിപ്പറഞ്ഞു. ഞങ്ങൾക്ക്  ജനങ്ങളുടെ  ജീവിതം  ആയാസകരമാക്കുകയാണ്  വേണ്ടത് , പ്രധാനമന്ത്രി പറഞ്ഞു. 

തെരഞ്ഞെടുപ്പ് ജയിക്കാനോ വോട്ട് ബാങ്ക് സൃഷ്ടിക്കാനോ വേണ്ടി പദ്ധതികൾ  ഉണ്ടാക്കുന്നതിൽ   ഗവണ്മെന്റ് വിശ്വസിക്കുന്നില്ല . ഒരു പുതിയ , ആധുനിക ഛത്തീസ്ഗഢ് സൃഷ്ടിക്കുകയാണ് ലക്ഷ്യമെന്ന് അദ്ദേഹം പറഞ്ഞു. 

" ഏവർക്കും ഒപ്പം, എല്ലാവരുടെയും  വികസനം "  എന്ന ദൗത്യവുമായി ഞങ്ങൾ മുന്നോട്ട്  പോവുകയാണ് , പ്രധാനമന്ത്രി പറഞ്ഞു. മൂല്യവർധനയിലൂടെ  കർഷകർക്ക്  പ്രയോജനം  ലഭിക്കുന്നുണ്ടെന്ന് ഉറപ്പു വരുത്താൻ ഗവണ്മെന്റ് കഠിനമായി ശ്രമിക്കുകയാണ് .  ഈ ദൗത്യത്തിൽ പ്രധാന മന്ത്രി കിസാൻ സംപാദ യോജന കർഷകരെ സഹായിക്കുകയാണ് , പ്രധാനമന്ത്രി പറഞ്ഞു. സാങ്കേതിക ഇടപെടലുകളിലൂടെ കർഷകരുടെ ക്ഷേമം ഉറപ്പ് വരുത്താൻ യത്‌നിക്കുകയാണ് . സോയിൽ ഹെൽത്ത് കാർഡ് , ഫസൽ ബീമാ യോജന എന്നി നടപടികൾ കർഷകർക്ക് വളരെയധികം പ്രയോജനം ചെയ്യുന്നുണ്ട്, പ്രധാനമന്ത്രി കൂട്ടിച്ചേർത്തു. 

 അഴിമതി ഭരണസംവിധാനത്തെ നശിപ്പിച്ചിവെന്നു ചൂണ്ടിക്കാട്ടിയ പ്രധാനമന്ത്രി ,  ക്ഷേമ പദ്ധതികളുടെ ഗുണഫലങ്ങൾ തെരഞ്ഞെടുത്ത ഏതാനും പേർക്ക് മാത്രം ലഭിച്ചിരുന്ന ഒരു കാലമുണ്ടായിരുന്നുവെന്ന് അനുസ്മരിച്ചു. ഞങ്ങൾ എല്ലാവരുടെയും വികസനത്തിനായി പ്രതിജ്ഞാബദ്ധരാണ് , പ്രധാനമന്ത്രി ഊന്നിപ്പറഞ്ഞു. 2022 ഓടെ , ഗവണ്മെന്റ് എല്ലാവർക്കും ഒരു വീട് ഉറപ്പ് വരുത്തുമെന്ന് പ്രധാനമന്ത്രി ആവർത്തിച്ചു് വ്യക്തമാക്കി. 

ശൗചാലയങ്ങളുടെ പുനർനിർമ്മാണം ഒരു ദൗത്യ രൂപത്തിലാണ് നടപ്പാക്കിയത് .  ഉജ്ജ്വല യോജനയുടെ പാവപ്പെട്ടവർക്ക്  പാചകവാതക കണക്ഷനുകളും , സൗഭാഗ്യ യോജനയിലൂടെ  എല്ലാ വീടുകളിലും വൈദ്യതി കണക്ഷനുകളും ഉറപ്പാക്കിവരികയാണ്.