ഈ നൂറ്റാണ്ടിൻ്റെ ആരംഭം മുതൽ കോവിഡ് മഹാമാരി വരെ ശരാശരി 4 ശതമാനത്തിൽ നിലനിന്ന ആഗോള വളർച്ച ഇപ്പോൾ ഏറ്റവും താഴ്ന്ന നിലയായ വെറും 3 ശതമാനത്തിലധികം മാത്രമാണ്. അതേസമയം ഉയർന്ന ഗതി വേഗത്തിൽ നീങ്ങുന്ന സാങ്കേതികവിദ്യ തുല്യമായി വിന്യസിച്ചാൽ, വളർച്ച ഉയർത്തുന്നതിനും അസമത്വം കുറയ്ക്കുന്നതിനും സുസ്ഥിര വികസന ലക്ഷ്യങ്ങൾ (എസ്‌ഡിജി) നേടുന്നതിലെ വിടവ് നികത്താനുതകുന്ന വൻ ചുവടുവെയ്‌പ്പ് നടത്തുന്നതിനുള്ള ചരിത്രപരമായ അവസരം നമുക്ക് നൽകുന്നു.

സുസ്ഥിര വികസന ലക്ഷ്യങ്ങളിലേക്കുള്ള പുരോഗതി ത്വരിതപ്പെടുത്തുന്നതിന്, എല്ലാവരെയും ഉൾക്കൊള്ളുന്ന ഡിജിറ്റൽ പരിവർത്തനം ആവശ്യമാണ്. നിർമ്മിതബുദ്ധി (എഐ) യിലധിഷ്ഠിതമായി രൂപകല്പന ചെയ്ത ഡിജിറ്റൽ അടിസ്ഥാനസൗകര്യ വികസനം (ഡിപിഐ) ഡാറ്റയുടെ ഉപയോഗത്തെ വികസനത്തിനും പുതിയ തൊഴിലവസരങ്ങൾ സൃഷ്ടിക്കുന്നതിനും മികച്ച ആരോഗ്യ-വിദ്യാഭ്യാസ ഫലങ്ങൾ ലഭ്യമാക്കുന്നതിനും   പ്രാപ്തമാക്കുമെന്ന് നിരവധി ജി20 രാജ്യങ്ങളുടെ അനുഭവങ്ങൾ തെളിയിച്ചിട്ടുണ്ട്. ജി20 രാജ്യങ്ങൾ അവ  കൂടുതൽ വ്യാപകമായി സ്വീകരിക്കുന്നത് പൗരന്മാരുടെ ജീവിതത്തിൽ സമൂലമായ മാറ്റങ്ങൾ സൃഷ്ടിക്കുന്നതിനും അതുവഴി ഊർജസ്വലമായ ജനാധിപത്യ തത്വങ്ങളിലുള്ള വിശ്വാസം പുതുക്കുന്നതിനും സഹായിക്കും. ഐക്യരാഷ്ട്ര സഭ ഭാവിയുടെ ഉച്ചകോടിയിൽ ഗ്ലോബൽ ഡിജിറ്റൽ കോംപാക്റ്റ് അംഗീകരിച്ച കാര്യം ഈ പശ്ചാത്തലത്തിൽ ഞങ്ങൾ ഓർക്കുന്നു. ഈ വർഷം (2024-ൽ)  ഈജിപ്തിലെ കെയ്‌റോയിൽ നടക്കുന്ന ആഗോള ഡിപിഐ ഉച്ചകോടിയെയും ഞങ്ങൾ സ്വാഗതം ചെയ്യുന്നു. 

സാങ്കേതിക സംവിധാനങ്ങൾ ഓരോ പൗരനെയും കേന്ദ്രീകരിക്കുമ്പോൾ മാത്രമേ തൊഴിലവസരങ്ങൾ സൃഷ്ടിക്കുന്നതിലൂടെയുള്ള വളർച്ചയുടെ നേട്ടങ്ങൾ സ്വായത്തമാക്കാനും കുടുംബങ്ങളുടെയും അയൽക്കാരുടെയും ഉപജീവനമാർഗം മെച്ചപ്പെടുത്തുന്ന ചെറുതും വലുതുമായ സംരംഭങ്ങളെ അവരുമായി ബന്ധിപ്പിക്കാനും കഴിയുകയുളൂ. ഇത്തരം സംവിധാനങ്ങൾ എല്ലാവർക്കും ഉൾക്കൊള്ളാവുന്നതും വികസനത്തെ അടിസ്ഥാനമാക്കിയുള്ളതും സുരക്ഷിതവും വ്യക്തികളുടെ സ്വകാര്യതയെ മാനിക്കുന്നവിധത്തിൽ രൂപകൽപ്പന ചെയ്തതും ആകുമ്പോഴാണ് ഇങ്ങനെ സംഭവിക്കുന്നത്. കമ്പോളത്തിൽ,  ഓപ്പൺ, മോഡുലാർ, ഇൻ്റർ ഓപ്പറബിൾ, സ്കേലബിൾ എന്നിവ പോലെ പൊതുവായ ഡിസൈൻ തത്വങ്ങൾ പിന്തുടരുന്ന സംവിധാനങ്ങൾ - ഇ-കൊമേഴ്‌സ്, ആരോഗ്യം, വിദ്യാഭ്യാസം, ധനകാര്യം തുടങ്ങിയ വൈവിധ്യമാർന്ന മേഖലകളിൽ സേവനമനുഷ്ഠിക്കുന്ന സ്വകാര്യ മേഖലയെ സാങ്കേതിക സംവിധാനത്തിലേക്കും പരസ്പരം ബന്ധിപ്പിക്കാനും പ്രാപ്തമാക്കുന്നു. കാലക്രമേണ, ജനസംഖ്യ വർദ്ധിക്കുകയും ദേശീയ ആവശ്യങ്ങൾ മാറുകയും ചെയ്യുമ്പോൾ, സംവിധാനങ്ങളും തടസ്സമില്ലാതെ പൊരുത്തപ്പെടും. 

കാലക്രമേണ സാങ്കേതികവിദ്യയുടെ തടസ്സങ്ങളില്ലാത്ത പരിവർത്തനത്തിന്, കമ്പോള പങ്കാളികൾക്കായി ഒരു ലെവൽ-പ്ലേയിംഗ് ഫീൽഡ് സൃഷ്ടിക്കുന്നതിനും വികസനത്തിനായി ഡി പി ഐ, എ ഐ, ഡാറ്റ എന്നിവയുടെ വിന്യാസത്തിനും വ്യാപനത്തിനും ഒരു സാങ്കേതിക നിഷ്പക്ഷ സമീപനം പിന്തുടരേണ്ടതുണ്ട്. ഈ സമീപനം കൂടുതൽ മത്സരവും നവീകരണവും പിന്തുണയ്ക്കുന്നതിനും, സാമ്പത്തിക വികസനം ഉത്തേജിപ്പിക്കുന്നതിനും ഡിജിറ്റൽ സമ്പദ്‌വ്യവസ്ഥയിലെ അസമത്വങ്ങൾ കുറയ്ക്കുന്നതിനും സഹായകമാണ്. 

പങ്കാളികൾക്ക് ബൗദ്ധിക സ്വത്തവകാശത്തിൻ്റെയും അവരുടെ രഹസ്യ വിവരങ്ങളുടെയും സംരക്ഷണം നൽകുമ്പോൾ ഡാറ്റ സംരക്ഷണവും മാനേജ്‌മെൻ്റും സ്വകാര്യതയും സുരക്ഷയും കൈകാര്യം ചെയ്യുന്നതിനുവേണ്ട ഡാറ്റാ ഗവേണൻസിനായി ന്യായാധിഷ്ഠിതവും നീതിയുക്തവുമായ തത്വങ്ങൾ സ്ഥാപിക്കുന്നതാണ് ഈ വിന്യാസത്തിൻ്റെ പ്രാധാന്യം.

അഭിവൃദ്ധിപ്രാപിക്കുന്ന പല ജനാധിപത്യ രാജ്യങ്ങളുടെയും അടിസ്ഥാനശില വിശ്വാസമാണ്, സാങ്കേതിക സംവിധാനങ്ങൾ സംബന്ധിച്ചും ഇത് വ്യത്യസ്തമല്ല. ഈ സംവിധാനങ്ങളിൽ പൊതുജനവിശ്വാസം വളർത്തിയെടുക്കുന്നതിന് പ്രവർത്തനത്തിൽ സുതാര്യതയും പൗരന്മാരുടെ അവകാശങ്ങൾ മാനിക്കുന്നതിന് ഉചിതമായ സംരക്ഷണവും അവയുടെ നിയന്ത്രണത്തിൽ നീതിയും ആവശ്യമാണ്. ഇക്കാരണത്താൽ, ഭാഷയുടെയും സംസ്‌കാരത്തിൻ്റെയും വൈവിധ്യം അറിയുന്നതും വൈവിധ്യമാർന്നതും ശരിയായ പ്രാതിനിധ്യമുള്ളതുമായ ഡാറ്റാ സെറ്റുകളിൽ പരിശീലിച്ചിട്ടുള്ളതും ലോകമെമ്പാടുമുള്ള വിവിധ സമൂഹങ്ങൾക്ക് പ്രയോജനം ലഭിക്കാൻ  ഉതകുന്നതുമായ, അടിസ്ഥാനവും അതിരുകളുമുള്ള എ ഐ മാതൃകകൾ അത്യന്താപേക്ഷിതമാണ്.

 

  • Ratnesh Pandey April 10, 2025

    भारतीय जनता पार्टी ज़िंदाबाद ।। जय हिन्द ।।
  • Jitendra Kumar April 10, 2025

    🙏🇮🇳
  • Vivek Kumar Gupta January 17, 2025

    नमो ..🙏🙏🙏🙏🙏
  • Vivek Kumar Gupta January 17, 2025

    नमो .…. ‌.....................🙏🙏🙏🙏🙏
  • கார்த்திக் January 01, 2025

    🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️🏵️ 🙏🏾Wishing All a very Happy New Year 🙏 🌺🌺🌺🌺🌺🌺🌺🌺🌺🌺🌺🌺🌺🌺🌺
  • prakash s December 10, 2024

    Jai shree Ram
  • Preetam Gupta Raja December 09, 2024

    जय श्री राम
  • கார்த்திக் December 08, 2024

    🌺ஜெய் ஸ்ரீ ராம்🌺जय श्री राम🌺જય શ્રી રામ🌹 🌺ಜೈ ಶ್ರೀ ರಾಮ್🌺ଜୟ ଶ୍ରୀ ରାମ🌺Jai Shri Ram 🌹🌹 🌺জয় শ্ৰী ৰাম🌺ജയ് ശ്രീറാം 🌺 జై శ్రీ రామ్ 🌹🌸
  • JYOTI KUMAR SINGH December 08, 2024

    🙏
  • Gopal Singh Chauhan December 07, 2024

    jay shree ram
Explore More
ഓരോ ഭാരതീയന്റെയും രക്തം തിളയ്ക്കുന്നു: മൻ കി ബാത്തിൽ പ്രധാനമന്ത്രി മോദി

ജനപ്രിയ പ്രസംഗങ്ങൾ

ഓരോ ഭാരതീയന്റെയും രക്തം തിളയ്ക്കുന്നു: മൻ കി ബാത്തിൽ പ്രധാനമന്ത്രി മോദി
India Remains Fastest-Growing Economy At

Media Coverage

India Remains Fastest-Growing Economy At "Precarious Moment" For World: UN
NM on the go

Nm on the go

Always be the first to hear from the PM. Get the App Now!
...
​മത്സ്യബന്ധനമേഖലയ്ക്കു കൂടുതൽ കരുത്തേകുന്നതിനുള്ള മാർഗങ്ങൾ അവലോകനംചെയ്യാൻ പ്രധാനമന്ത്രിയുടെ അധ്യക്ഷതയിൽ ഉന്നതതലയോഗം ചേർന്നു
May 15, 2025
QuoteEEZ, സ്വതന്ത്ര സമുദ്രമേഖല എന്നിവിടങ്ങളിലെ മത്സ്യബന്ധനത്തെക്കുറിച്ചു ചർച്ച ശ്രദ്ധ കേന്ദ്രീകരിച്ചു
Quoteമത്സ്യബന്ധനവും മത്സ്യത്തൊഴിലാളിസുരക്ഷയും മെച്ചപ്പെടുത്താൻ ഉപഗ്രഹസാങ്കേതികവിദ്യ ഉപയോഗിക്കണമെന്നു പ്രധാനമന്ത്രി ആഹ്വാനംചെയ്തു​
Quoteസ്മാർട്ട് ഹാർബറുകൾ, ഡ്രോൺ ഗതാഗതം, മൂല്യവർധിത വിതരണശൃംഖലകൾ എന്നിവ ഉപയോഗിച്ചുള്ള മത്സ്യബന്ധനത്തിന്റെ ആധുനികവൽക്കരണത്തിനു പ്രധാനമന്ത്രി ഊന്നൽ നൽകി
Quoteകാർഷികമേഖലയിലെ കാർഷിക സാങ്കേതികവിദ്യയുടെ മാതൃകയിൽ, ഉൽപ്പാദനം, സംസ്കരണം, വിപണനം എന്നിവ മെച്ചപ്പെടുത്താൻ മത്സ്യബന്ധനമേഖലയിൽ മികച്ച രീതിയിൽ മത്സ്യസാങ്കേതികവിദ്യ സ്വീകരിക്കണമെന്നു പ്രധാനമന്ത്രി നിർദേശിച്ചു
Quoteഅമൃതസരോവരങ്ങളിലെ മത്സ്യബന്ധനത്തെക്കുറിച്ചും ഉപജീവനമാർഗത്തിനായി അലങ്കാര മത്സ്യബന്ധനം പ്രോത്സാഹിപ്പിക്കുന്നതിനെക്കുറിച്ചും പ്രധാനമന്ത്രി ചർച്ചചെയ്തു
Quoteമരുന്നുകളിലും മറ്റു മേഖലകളിലും ഇന്ധന ആവശ്യങ്ങൾക്കായി കടൽപ്പായൽ, പോഷക ചേരുവകൾ എന്നിവയുടെ വൈവിധ്യമാർന്ന ഉപയോഗം പരിശോധിക്കാൻ പ്രധാനമന്ത്രി നിർദേശിച്ചു
Quoteകരബന്ധിതമേഖലകളിൽ മത്സ്യവിതരണം മെച്ചപ്പെടുത്തുന്നതിനുള്ള തന്ത്രത്തിനു പ്രധാനമന്ത്രി ആഹ്വാനം ചെയ്തു

മത്സ്യബന്ധനമേഖലയുടെ പുരോഗതി അവലോകനം ചെയ്യാൻ പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ഇന്നു ലോക് കല്യാൺ മാർഗിലെ അദ്ദേഹത്തിന്റെ വസതിയിൽ ഉന്നതതലയോഗം ചേർന്നു. പ്രത്യേക സാമ്പത്തിക മേഖലയിലും (EEZ) സ്വതന്ത്ര സമുദ്രമേഖലയിലുമുള്ള മത്സ്യബന്ധനത്തിനു ചർച്ചയിൽ പ്രാധാന്യമേകി.

മത്സ്യസമ്പത്തു മികച്ച രീതിയിൽ പ്രയോജനപ്പെടുത്തുന്നതിലും മത്സ്യത്തൊഴിലാളികൾക്കു സുരക്ഷാനിർദേശങ്ങൾ നൽകുന്നതിലും ഉപഗ്രഹസാങ്കേതികവിദ്യയുടെ വിപുലമായ ഉപയോഗത്തിന്റെ ആവശ്യകതയെക്കുറിച്ചു പ്രധാനമന്ത്രി ചൂണ്ടിക്കാട്ടി.

സ്മാർട്ട് ഹാർബറുകളിലൂടെയും വിപണികളിലൂടെയും മേഖലയുടെ ആധുനികവൽക്കരണം, മത്സ്യങ്ങൾ കൊണ്ടുപോകുന്നതിനും വിപണനത്തിലും ഡ്രോണുകളുടെ ഉപയോഗം എന്നിവയ്ക്കു പ്രധാനമന്ത്രി ഊന്നൽ നൽകി. വിതരണശൃംഖലയിൽ മൂല്യവർധനയ്ക്കായി ആരോഗ്യകരമായ പ്രവർത്തനസംവിധാനത്തിലേക്കു നീങ്ങേണ്ടതുണ്ടെന്ന് അദ്ദേഹം പറഞ്ഞു.

കൂടാതെ, വ്യോമയാന​സംവിധാനവുമായി കൂടിയാലോചിച്ച്, ഉൽപ്പാദനകേന്ദ്രങ്ങളിൽനിന്നു നഗരങ്ങളിലെയും പട്ടണങ്ങളിലെയും വലിയ വിപണികളിലേക്കു പുതിയ മത്സ്യം കൊണ്ടുപോകാൻ, സാങ്കേതിക നടപടിക്രമങ്ങൾ അനുസരിച്ചു ഡ്രോണുകളുടെ ഉപയോഗം പരിശോധിക്കാൻ പ്രധാനമന്ത്രി നിർദേശിച്ചു.

ഉൽ‌പ്പന്നങ്ങളുടെ സംസ്കരണവും പാക്കേജിങ്ങും മെച്ചപ്പെടുത്തേണ്ടതിന്റെ ആവശ്യകതയ്ക്കു പ്രധാനമന്ത്രി അടിവരയിട്ടു. സ്വകാര്യമേഖലാനിക്ഷേപങ്ങൾ സുഗമമാക്കുന്നതിനെക്കുറിച്ചും ചർച്ച ചെയ്തു.

സാങ്കേതികവിദ്യയുടെ ഉപയോഗത്തെക്കുറിച്ചു പരാമർശിക്കവേ, കാർഷികമേഖലയിലെ കാർഷിക സാങ്കേതികവിദ്യപോലെ ഉൽപ്പാദനം, സംസ്കരണം, വിപണനം എന്നിവ മെച്ചപ്പെടുത്താൻ മത്സ്യമേഖലയിലും മത്സ്യസാങ്കേതികവിദ്യയുടെ ഉപയോഗം വർധിപ്പിക്കണമെന്നു പ്രധാനമന്ത്രി പറഞ്ഞു.

അമൃതസരോവരങ്ങളിൽ മത്സ്യോൽപ്പാദനം നടത്തുന്നത് ഈ ജലാശയങ്ങളുടെ സംരക്ഷണത്തിനും മത്സ്യത്തൊഴിലാളികളുടെ ഉപജീവനമാർഗം മെച്ചപ്പെടുത്തുന്നതിനും സഹായിക്കുമെന്നു പ്രധാനമന്ത്രി പറഞ്ഞു. വരുമാനമുണ്ടാക്കുന്നതിനുള്ള മാർഗമായി അലങ്കാര മത്സ്യബന്ധനം പ്രോത്സാഹിപ്പിക്കേണ്ടതുണ്ടെന്നും അദ്ദേഹം പറഞ്ഞു.

മത്സ്യത്തിന് ഉയർന്ന ആവശ്യകതയുള്ളതും എന്നാൽ വേണ്ടത്ര ലഭ്യതയില്ലാത്തതുമായ കരബന്ധിതമേഖലകളുടെ ആവശ്യങ്ങൾ നിറവേറ്റുന്നതിനുള്ള തന്ത്രം ആവിഷ്കരിക്കണമെന്നു പ്രധാനമന്ത്രി ആവശ്യപ്പെട്ടു.

ഔഷധനിർമാണത്തിലും മറ്റു മേഖലകളിലും ഇന്ധന ആവശ്യങ്ങൾക്കായി, പോഷകചേരുവകളായി കടൽപ്പായൽ ഉപയോഗിക്കുന്നതു പരിശോധിക്കണമെന്നു പ്രധാനമന്ത്രി നിർദേശിച്ചു. കടൽപ്പായൽ മേഖലയിൽ ആവശ്യമായ ഉൽപ്പാദനവും ഫലങ്ങളും സൃഷ്ടിക്കുന്നതിനു ബന്ധപ്പെട്ട എല്ലാ വകുപ്പുകളും ഒരുമിച്ചു പ്രവർത്തിക്കണമെന്നും സാങ്കേതികവിദ്യ ഉപയോഗിച്ചു സമ്പൂർണ ഉത്തരവാദിത്വത്തോടെ പ്രവർത്തിക്കണമെന്നും അദ്ദേഹം പറഞ്ഞു.

ആധുനിക മത്സ്യബന്ധനരീതികളിൽ മത്സ്യത്തൊഴിലാളികളുടെ വൈദഗ്ധ്യം വർധിപ്പിക്കണമെന്നും പ്രധാനമന്ത്രി നിർദേശിച്ചു. മേഖലയുടെ വളർച്ചയ്ക്കു തടസംസൃഷ്ടിക്കുന്ന വിലക്കപ്പെട്ട വസ്തുക്കളുടെ പട്ടിക തയ്യാറാക്കണമെന്നും അദ്ദേഹം നിർദേശിച്ചു. അതി‌ലൂടെ ഈ പ്രതിസന്ധികൾ മറികടക്കുന്നതിനും മത്സ്യത്തൊഴിലാളികളുടെ വിപണനം സുഗമമാക്കുന്നതിനും ജീവിതം മെച്ചപ്പെടുത്തുന്നതിനുമുള്ള കർമപദ്ധതികൾ തയ്യാറാക്കാൻ കഴിയും.

യോഗത്തിൽ, പ്രധാനപ്പെട്ട സംരംഭങ്ങളിൽ കൈവരിച്ച പുരോഗതി, കഴിഞ്ഞ അവലോകനത്തിൽ നൽകിയ നിർദേശങ്ങൾ പാലിക്കൽ എന്നിവ വിലയിരുത്തി. ഇന്ത്യയുടെ പ്രത്യേക സാമ്പത്തിക മേഖലയെയും (EEZ) സ്വതന്ത്ര സമുദ്ര മേഖലയെയും അടിസ്ഥാനമാക്കി മത്സ്യബന്ധന സാധ്യതകൾ ദീർഘകാലത്തേക്കു സംരക്ഷിച്ചുപയോഗിക്കാനുള്ള സുപ്രധാന നിർദേശങ്ങൾ ഉൾപ്പെടെയുള്ള അവതരണവും നടന്നു.

കേന്ദ്ര ഗവണ്മെന്റ് 2015 മുതൽ, നീല വിപ്ലവ പദ്ധതി, മത്സ്യബന്ധനവും ജലജീവിക്കൃഷി അടിസ്ഥാനസൗകര്യ വികസനനിധിയും (എഫ്‌ഐ‌ഡി‌എഫ്), പ്രധാനമന്ത്രി മത്സ്യ സമ്പദ യോജന (പി‌എം‌എം‌എസ്‌വൈ), പ്രധാനമന്ത്രി മത്സ്യ സമൃദ്ധി സഹ് യോജന (പി‌എം-എം‌കെ‌എസ്‌എസ്‌വൈ), കിസാൻ ക്രെഡിറ്റ് കാർഡ് (കെ‌സിസി) തുടങ്ങിയ വിവിധ ഗവൺമെന്റ് പദ്ധതികളിലൂടെയും പരിപാടികളിലൂടെയും 38,572 കോടി രൂപയായി നിക്ഷേപം വർധിപ്പിച്ചു. 2024-25ൽ ഇന്ത്യ 195 ലക്ഷം ടൺ വാർഷിക മത്സ്യോൽപ്പാദനം രജിസ്റ്റർ ചെയ്തിട്ടുണ്ട്. മേഖലയിൽ 9 ശതമാനത്തിൽ കൂടുതൽ വളർച്ചനിരക്കോടുകൂടിയാണ് ഈ നേട്ടം.

യോഗത്തിൽ കേന്ദ്ര മത്സ്യബന്ധന-മൃഗസംരക്ഷണ-ക്ഷീരവികസന മന്ത്രി ശ്രീ രാജീവ് രഞ്ജൻ സിങ് എന്ന ലലൻ സിങ്, പ്രധാനമന്ത്രിയുടെ പ്രിൻസിപ്പൽ സെക്രട്ടറി ഡോ. പി കെ മിശ്ര, പ്രധാനമന്ത്രിയുടെ രണ്ടാം പ്രിൻസിപ്പൽ സെക്രട്ടറി ശ്രീ ശക്തികാന്ത ദാസ്, പ്രധാനമന്ത്രിയുടെ ഉപദേഷ്ടാവ് ശ്രീ അമിത് ഖരെ, മത്സ്യബന്ധന സെക്രട്ടറി, മുതിർന്ന ഉദ്യോഗസ്ഥർ എന്നിവർ പങ്കെടുത്തു.