മൂന്നാം തവണയും ഇന്ത്യയുടെ പ്രധാനമന്ത്രിയായി അധികാരമേറ്റതിന് ശേഷമുള്ള അഭിനന്ദന സന്ദേശങ്ങൾക്ക് പ്രധാനമന്ത്രി ശ്രീ നരേന്ദ്ര മോദി ലോക നേതാക്കൾക്ക് നന്ദി അറിയിച്ചു. ലോക നേതാക്കളുടെ സന്ദേശങ്ങൾക്കും ടെലിഫോൺ കോളുകൾക്കും സാമൂഹികമാധ്യമ പ്ലാറ്റ്ഫോമായ എക്സിലൂടെ ശ്രീ മോദി മറുപടി നൽകി.
''നിങ്ങളുടെ ഊഷ്മളമായ ആശംസകൾക്ക് നന്ദി പ്രസിഡന്റ് ഡയസ്-കാനൽ. ജനങ്ങൾ തമ്മിലുള്ള കാലങ്ങൾ പഴക്കമേറിയ ബന്ധത്തിൽ വേരൂന്നിയ ക്യൂബയുമായുള്ള നമ്മുടെ ഉഭയകക്ഷി ബന്ധം മെച്ചപ്പെടുത്താൻ ഞങ്ങൾ പ്രതിജ്ഞാബദ്ധരാണ്,'' റിപ്പബ്ലിക് ഓഫ് ക്യൂബയുടെ പ്രസിഡന്റ് മിഗ്വൽ ഡിയാസ്-കാനൽ ബെർമൂഡെസിന്റെ ഒരു പോസ്റ്റിന് മറുപടിയായി പ്രധാനമന്ത്രി കുറിച്ചു.
Grateful for your warm wishes President @DiazCanelB. We remain committed to enhance our bilateral ties with Cuba that are rooted in age-old people-to-people connect. https://t.co/13EFeYd3OZ
— Narendra Modi (@narendramodi) June 11, 2024
''പ്രസിഡന്റ് സാന്റിയാഗോ പെന, നിങ്ങളുടെ ആശംസകളെ ഞാൻ വിലമതിക്കുന്നു. നമ്മുടെ ജനങ്ങളുടെ ഗുണത്തിനായി ഇന്ത്യ-പരാഗ്വേ ബന്ധം മുന്നോട്ട് കൊണ്ടുപോകുന്നത് നമ്മൾ തുടരും,'' പരാഗ്വേ പ്രസിഡന്റ് സാന്റിയാഗോ പെനയുടെ പോസ്റ്റിന് പ്രധാനമന്ത്രി മറുപടി നൽകി.
Appreciate your greetings President Santiago Pena. We will continue to advance India-Paraguay relations for the benefit of our people. @PresidenciaPy https://t.co/Jc6w2fzjLy
— Narendra Modi (@narendramodi) June 11, 2024
''നന്ദി പ്രസിഡന്റ് നിറ്റോ കോർട്ടിസോ. പനാമ ഒരു സുപ്രധാന പങ്കാളിയാണ്. പരസ്പര പ്രയോജനകരമായ നമ്മുടെ പങ്കാളിത്തം അതിന്റെ എല്ലാ തലങ്ങളിലും ശക്തിപ്പെടുത്തുന്നതിന് നാം ഒരുമിച്ച് പ്രവർത്തിക്കും,'' പനാമ പ്രസിഡന്റ് ലോറന്റിനോ കോർട്ടിസോയുടെ പോസ്റ്റിനോട് പ്രതികരിച്ചുകൊണ്ട് പ്രധാനമന്ത്രി പറഞ്ഞു.
Thank you President @NitoCortizo. Panama is a key partner. We will work together for strengthening our mutually beneficial partnership in all its dimensions. https://t.co/edySqtGx3w
— Narendra Modi (@narendramodi) June 11, 2024
''പ്രസിഡന്റ് റുമെൻ രാദേവിന് നന്ദി. ഇന്ത്യയും ബൾഗേറിയയും തമ്മിലുള്ള പങ്കാളിത്തം കൂടുതൽ ആഴത്തിലുള്ളതാക്കുന്നതിന് നാം ഒരുമിച്ച് പ്രവർത്തിക്കുന്നത് തുടരും'' ബൾഗേറിയൻ പ്രസിഡന്റ് റുമെൻ റാദേവിന്റെ പോസ്റ്റിന് പ്രധാനമന്ത്രി മറുപടി നൽകി.
Thank you President Rumen Radev. We will continue to work together to deepen partnership between India and Bulgaria. @PresidentOfBg https://t.co/UfxVA1FyGT
— Narendra Modi (@narendramodi) June 11, 2024
''സുൽത്താനേറ്റ് ഓഫ് ഒമാനിലെ സുൽത്താൻ ഹൈതം ബിൻ താരിഖിന്റെ ഫോൺ സന്ദേശത്തിന് നന്ദി രേഖപ്പെടുത്തുന്നതിനോടൊപ്പം അദ്ദേഹത്തിന്റെ ഊഷ്മളമായ ആശംസകളെയും സൗഹൃദത്തിന്റെ വാക്കുകളെയും ആഴത്തിൽ അഭിനന്ദിക്കുകയും ചെയ്യുന്നു. നൂറ്റാണ്ടുകൾ പഴക്കമുള്ള ഇന്ത്യ-ഒമാൻ തന്ത്രപരമായ ബന്ധം പുതിയ ഉയരങ്ങൾ താണ്ടുകയെന്നത് വിധികൽപ്പിതമാണ്,''സുൽത്താനേറ്റ് ഓഫ് ഒമാനിലെ സുൽത്താൻ ഹൈതം ബിൻ താരിഖിന്റെ ഫോൺവിളിയിൽ സന്തോഷം പ്രകടിപ്പിച്ചുകൊണ്ട് പ്രധാനമന്ത്രി പറഞ്ഞു.
Thank His Majesty Sultan Haitham bin Tarik of the Sultanate of Oman for his call and deeply appreciate his warm felicitations and words of friendship. The centuries-old India-Oman strategic ties are destined to scale new heights.
— Narendra Modi (@narendramodi) June 11, 2024
