ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಡಿಸೆಂಬರ್ 11 , 2024 ರಂದು ಸಂಜೆ 4:30 ಗಂಟೆಗೆ ಸ್ಮಾರ್ಟ್ ಇಂಡಿಯಾ ಹ್ಯಾಕಥಾನ್ 2024 ರ ಗ್ರಾಂಡ್ ಫಿನಾಲೆಯಲ್ಲಿ ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಯುವ ನವೋದ್ಯಮಿಗಳೊಂದಿಗೆ ಸಂವಾದ ನಡೆಸಲಿದ್ದಾರೆ . ಗ್ರ್ಯಾಂಡ್ ಫಿನಾಲೆಯಲ್ಲಿ 1300ಕ್ಕೂ ಹೆಚ್ಚು ವಿದ್ಯಾರ್ಥಿಗಳ ತಂಡಗಳು ಭಾಗವಹಿಸುತ್ತವೆ. ಈ ಸಂದರ್ಭದಲ್ಲಿ ಪ್ರಧಾನಮಂತ್ರಿಯವರು ಸಭೆಯನ್ನುದ್ದೇಶಿಸಿ ಮಾತನಾಡಲಿದ್ದಾರೆ.
ಸ್ಮಾರ್ಟ್ ಇಂಡಿಯಾ ಹ್ಯಾಕಥಾನ್ ( SIH ) ನ ಏಳನೇ ಆವೃತ್ತಿಯು ಡಿಸೆಂಬರ್ 11 , 2024 ರಿಂದ ದೇಶಾದ್ಯಂತ 51 ನೋಡಲ್ ಕೇಂದ್ರಗಳಲ್ಲಿ ಏಕಕಾಲದಲ್ಲಿ ಪ್ರಾರಂಭವಾಗುತ್ತದೆ. ಸಾಫ್ಟ್ವೇರ್ ಆವೃತ್ತಿಯು 36 ಗಂಟೆಗಳ ಕಾಲ ತಡೆರಹಿತವಾಗಿ ಕಾರ್ಯನಿರ್ವಹಿಸುತ್ತದೆ , ಆದರೆ ಹಾರ್ಡ್ವೇರ್ ಆವೃತ್ತಿಯು 11 ರಿಂದ 15 ಡಿಸೆಂಬರ್ 2024 ರವರೆಗೆ ಮುಂದುವರಿಯುತ್ತದೆ. ಹಿಂದಿನ ಆವೃತ್ತಿಗಳಂತೆ , ವಿದ್ಯಾರ್ಥಿ ತಂಡಗಳು ಸಚಿವಾಲಯಗಳು ಅಥವಾ ಇಲಾಖೆಗಳು ಅಥವಾ ಕೈಗಾರಿಕೆಗಳು ನೀಡಿದ ಸಮಸ್ಯೆ ಹೇಳಿಕೆಗಳ ಮೇಲೆ ಕಾರ್ಯನಿರ್ವಹಿಸುತ್ತವೆ ಅಥವಾ ರಾಷ್ಟ್ರೀಯ ಪ್ರಾಮುಖ್ಯತೆಯ ಕ್ಷೇತ್ರಗಳಿಗೆ ಲಿಂಕ್ ಮಾಡಲಾದ 17 ವಿಷಯಗಳಲ್ಲಿ ಯಾವುದಾದರೂ ಒಂದರ ವಿರುದ್ಧ ವಿದ್ಯಾರ್ಥಿ ನಾವೀನ್ಯತೆ ವಿಭಾಗದಲ್ಲಿ ತಮ್ಮ ಆಲೋಚನೆಗಳನ್ನು ಪ್ರಸ್ತುತಪಡಿಸುತ್ತವೆ . ಈ ವಲಯಗಳಲ್ಲಿ ಆರೋಗ್ಯ ರಕ್ಷಣೆ , ಪೂರೈಕೆ ಸರಪಳಿ ಮತ್ತು ಲಾಜಿಸ್ಟಿಕ್ಸ್ , ಸ್ಮಾರ್ಟ್ ತಂತ್ರಜ್ಞಾನ , ಪರಂಪರೆ ಮತ್ತು ಸಂಸ್ಕೃತಿ , ಸುಸ್ಥಿರತೆ , ಶಿಕ್ಷಣ ಮತ್ತು ಕೌಶಲ್ಯ ಅಭಿವೃದ್ಧಿ , ನೀರು , ಕೃಷಿ ಮತ್ತು ಆಹಾರ , ಉದಯೋನ್ಮುಖ ತಂತ್ರಜ್ಞಾನಗಳು ಮತ್ತು ವಿಪತ್ತು ನಿರ್ವಹಣೆ ಸೇರಿವೆ.
ಈ ವರ್ಷದ ಆವೃತ್ತಿಯ ಕೆಲವು ಆಸಕ್ತಿದಾಯಕ ಸಮಸ್ಯೆ ಹೇಳಿಕೆಗಳಲ್ಲಿ ಇಸ್ರೋ ಪ್ರಸ್ತುತಪಡಿಸಿದ ' ಚಂದ್ರನ ಮೇಲಿನ ಕಪ್ಪು ಪ್ರದೇಶಗಳ ಚಿತ್ರಗಳನ್ನು ಹೆಚ್ಚಿಸುವುದು', ಜಲ ಶಕ್ತಿ ಸಚಿವಾಲಯದಿಂದ ಪ್ರಸ್ತುತಪಡಿಸಲಾದ 'AI, ಉಪಗ್ರಹ ಡೇಟಾ, IoT ಮತ್ತು ಡೈನಾಮಿಕ್ ಮಾದರಿಗಳನ್ನು ಬಳಸಿಕೊಂಡು ರಿಯಲ್ - ಟೈಮ್ ಗಂಗಾ ನೀರಿನ ಗುಣಮಟ್ಟ ಮೇಲ್ವಿಚಾರಣಾ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸುವುದು' ಮತ್ತು ಆಯುಷ್ ಸಚಿವಾಲಯದಿಂದ ಪ್ರಸ್ತುತಪಡಿಸಲಾದ 'AI ಯೊಂದಿಗೆ ಸಂಯೋಜಿತವಾದ ಸ್ಮಾರ್ಟ್ ಯೋಗ ಮ್ಯಾಟ್ ಗಳನ್ನು ಅಭಿವೃದ್ಧಿಪಡಿಸುವುದು' ಒಳಗೊಂಡಿವೆ.
ಈ ವರ್ಷ, 54 ಸಚಿವಾಲಯಗಳು, ಇಲಾಖೆಗಳು, ರಾಜ್ಯ ಸರ್ಕಾರಗಳು, ಸಾರ್ವಜನಿಕ ವಲಯದ ಉದ್ದಿಮೆಗಳು ಮತ್ತು ಕೈಗಾರಿಕೆಗಳು 250 ಕ್ಕೂ ಹೆಚ್ಚು ಸಮಸ್ಯೆ ಹೇಳಿಕೆಗಳನ್ನು ಸಲ್ಲಿಸಿವೆ. ಸಂಸ್ಥೆಯ ಮಟ್ಟದಲ್ಲಿ ಆಂತರಿಕ ಹ್ಯಾಕಥಾನ್ಗಳಲ್ಲಿ 150% ಹೆಚ್ಚಳ ದಾಖಲಾಗಿದೆ, ಇದು SIH 2023 ರಲ್ಲಿ 900 ಕ್ಕೂ ಹೆಚ್ಚು ಇದ್ದದ್ದು SIH 2024 ರಲ್ಲಿ ಸುಮಾರು 2,247 ಕ್ಕೆ ಏರಿದೆ, ಇದು ಇದುವರೆಗಿನ ಅತಿದೊಡ್ಡ ಆವೃತ್ತಿಯಾಗಿದೆ. 86,000 ಕ್ಕೂ ಹೆಚ್ಚು ತಂಡಗಳು SIH 2024 ರಲ್ಲಿ ಸಂಸ್ಥೆಯ ಮಟ್ಟದಲ್ಲಿ ಭಾಗವಹಿಸಿವೆ ಮತ್ತು ಸುಮಾರು 49,000 ವಿದ್ಯಾರ್ಥಿ ತಂಡಗಳನ್ನು (ಪ್ರತಿಯೊಂದೂ 6 ವಿದ್ಯಾರ್ಥಿಗಳು ಮತ್ತು 2 ಮಾರ್ಗದರ್ಶಕರನ್ನು ಒಳಗೊಂಡಿರುತ್ತದೆ) ಈ ಸಂಸ್ಥೆಗಳು ರಾಷ್ಟ್ರೀಯ ಮಟ್ಟದ ಸುತ್ತಿಗೆ ಶಿಫಾರಸು ಮಾಡಿವೆ.
