પ્રધાનમંત્રી શ્રી નરેન્દ્ર મોદીએ આજે વિયેનામાં ઓસ્ટ્રિયાના રાષ્ટ્રપતિ મહામહિમ શ્રી એલેક્ઝાન્ડર વેન ડેર બેલેન સાથે મુલાકાત કરી. રાષ્ટ્રપતિ વેન ડેર બેલેને પ્રધાનમંત્રીને તેમના ઐતિહાસિક ત્રીજા કાર્યકાળ માટે અભિનંદન પાઠવ્યા હતા.
પ્રધાનમંત્રીએ નોંધ્યું હતું કે બંને દેશો તેમના રાજદ્વારી સંબંધોના 75 વર્ષની ઉજવણી કરી રહ્યા છે તેવા સમયે ઓસ્ટ્રિયાની તેમની મુલાકાત ઐતિહાસિક અને વિશેષ બનાવે છે. બંને નેતાઓએ પરસ્પર હિતના દ્વિપક્ષીય અને વૈશ્વિક મુદ્દાઓ પર ચર્ચા કરી હતી. તેઓએ પર્યાવરણીય ટકાઉપણું અને ગ્લોબલ વોર્મિંગ સામે લડવા અંગેના વિચારો શેર કર્યા. આ સંદર્ભમાં, બંને નેતાઓએ પુનઃપ્રાપ્ય ઊર્જા, ખાસ કરીને સૌર, હાઇડ્રો અને બાયોફ્યુઅલ જેવા ક્ષેત્રોમાં સહયોગની પરસ્પર લાભદાયી તકો અંગે ચર્ચા કરી હતી. પ્રધાનમંત્રીએ રાષ્ટ્રપતિ વેન ડેર બેલેનને તેમની અનુકૂળતા મુજબ ભારતની મુલાકાત લેવાના આમંત્રણનો પુનરોચ્ચાર કર્યો.
Had a very good meeting with Federal President Alexander Van der Bellen and discussed ways to expand India-Austria cooperation. @vanderbellen pic.twitter.com/mrCtr0mg28
— Narendra Modi (@narendramodi) July 10, 2024
Hatte ein sehr gutes Treffen mit Bundespräsident Alexander Van der Bellen und wir diskutierten über die Möglichkeiten zum Ausbau der indisch-österreichischen Zusammenarbeit. @vanderbellen pic.twitter.com/ZWJgxeDT1z
— Narendra Modi (@narendramodi) July 10, 2024
