શેર
 
Comments

પ્રધાનમંત્રી શ્રી નરેન્દ્ર મોદી આવતીકાલે 9 માર્ચ, 2019નાં રોજ ઉત્તરપ્રદેશમાં ગ્રેટર નોઇડાની મુલાકાત લેશે. તેઓ ગ્રેટર નોઇડામાં પંડિત દીનદયાળ ઉપાધ્યાય ઇન્સ્ટિટ્યૂટ ઓફ આર્કિયોલોજીમાં વિવિધ વિકાસલક્ષી પ્રોજેક્ટ શરૂ કરશે.

પ્રધાનમંત્રી પંડિત દીનદયાળ ઉપાધ્યાય ઇન્સ્ટિટ્યૂટ ઓફ આર્કિયોલોજીમાં ઉદઘાટન પ્રસંગે તકતીનું અનાવરણ કરશે. તેઓ કેમ્પસમાં પંડિત દીનદયાળ ઉપાધ્યાયની પ્રતિમાનું અનાવરણ કરશે. પંડિત દીનદયાળ ઉપાધ્યાય ઇન્સ્ટિટ્યૂટ ઓફ આર્કિયોલોજી એ આર્કિયોલોજી સર્વે ઓફ ઇન્ડિયા (એએસઆઈ) હેઠળ કાર્યરત છે અને ગ્રેટર નોઇડામાં નોલેજ પાર્ક – 2માં સ્થિત છે.

પ્રધાનમંત્રી મેટ્રોમાં નોઇડા સિટી સેન્ટર – નોઇડા ઇલેક્ટ્રોનિક સિટી સેક્શનનું ઉદ્ઘાટન કરશે. નવું સેક્શન નોઇડાનાં રહેવાસીઓ માટે પરિવહનનું સુવિધાજનક અને ઝડપી માધ્યમ પ્રદાન કરશે. એનાથી પરિવહનની પર્યાવરણને અનુકૂળ પદ્ધતિ પ્રદાન કરશે અને માર્ગો પર ગીચતામાં ઘટાડો થશે. 6.6 કિલોમીટર લાંબો પટ્ટો દિલ્હી મેટ્રોની બ્લૂ લાઇનનું વિસ્તરણ છે.

પ્રધાનમંત્રી બે થર્મલ પાવર પ્લાન્ટનું શિલારોપાણ પણ કરશે. તેમાંથી એક પ્રોજેક્ટ ઉત્તરપ્રદેશનાં બુલંદશહર જિલ્લામં ખુર્જામાં 1320 મેગાવોટની ક્ષમતા ધરાવતો સુપર થર્મલ પાવર પ્રોજેક્ટ છે. ખુર્જા સુપર થર્મલ પાવર પ્રોજેક્ટ 600 – 600 મેગાવોટની ક્ષમતા ધરાવતા બે યુનિટ સાથે સુપરક્રિટિકલ ટેકનોલોજી પર આધારિત હશે, જે પર્યાવરણનું સંરક્ષણ કરવા લેટેસ્ટ ઉત્સર્જન નિયંત્રણ ટેકનોલોજીથી સજ્જ હશે તેમજ ઊંચી કાર્યદક્ષતા ધરાવશે અને વીજળીનું ઉત્પાદન કરવા ઓછા ઇંધણનો ઉપયોગ કરશે. ખુર્જા પ્લાન્ટ ઉત્તર ભારતનાં વિસ્તારો, ખાસ કરીને ઉત્તરપ્રદેશની વીજળીની ખાધની સ્થિતિમાં પરિવર્તન કરશે તેમજ ઉત્તરાખંડ, રાજસ્થાન, હિમાચલપ્રદેશ અને દિલ્હી જેવા રાજ્યોને લાભ થશે. પ્રોજેક્ટ પ્રત્યક્ષ અને પરોક્ષ રીતે રોજગારીમાં નોંધપાત્ર વધારો થવાની અપેક્ષા છે તથા પશ્ચિમ ઉત્તરપ્રદેશનાં બુલંદશહર અને આસપાસનાં જિલ્લાઓનો સંપૂર્ણ વિકાસ થશે.

બીજો પ્રોજેક્ટ બિહારનાં બક્સરમાં 1320 મેગાવોટનો થર્મલ પાવર પ્લાન્ટ છે. બક્સર થર્મલ પાવર પ્લાન્ટ વીડિયો લિન્ક મારફતે લોંચ થશે. બક્સર થર્મલ પાવર પ્લાન્ટ 660-660 મેગાવોટનાં બે યુનિટ સાથે સુપરક્રિટિકલ ટેકનોલોજી પર આધારિત હશે, જે પર્યાવરણનું સંરક્ષણ કરવા ઉત્સર્જન નિયંત્રણ સાથે સંબંધિત લેટેસ્ટ ટેકનોલોજી ધરાવે છે અને ઊંચી કાર્યદક્ષતા ધરાવે છે. બક્સર પ્લાન્ટ બિહાર અને પૂર્વ વિસ્તારમાં વીજ ખાધની સ્થિતિમાં પરિવર્તન કરશે.

પછી પ્રધાનમંત્રી જનસભાને સંબોધિત કરશે. 

 

20 વર્ષની સેવા અને સમર્પણ દર્શાવતા 20 ચિત્રો.
Mann KI Baat Quiz
Explore More
‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી

લોકપ્રિય ભાષણો

‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી
Business optimism in India at near 8-year high: Report

Media Coverage

Business optimism in India at near 8-year high: Report
...

Nm on the go

Always be the first to hear from the PM. Get the App Now!
...
સંસદના શિયાળુ સત્ર 2021 પહેલા મીડિયાને પ્રધાનમંત્રીના નિવેદનનો મૂળપાઠ
November 29, 2021
શેર
 
Comments

નમસ્તે મિત્રો,

સંસદનું આ સત્ર ઘણું મહત્વનું છે. દેશ આઝાદીનો અમૃત ઉત્સવ મનાવી રહ્યો છે. ભારતમાં ચારેય દિશામાંથી આઝાદીના અમૃત ઉત્સવના ઉદ્દેશ્યથી રચનાત્મક, સકારાત્મક, જનહિત માટે, રાષ્ટ્રહિત માટે, સામાન્ય નાગરિકો અનેક કાર્યક્રમો કરી રહ્યા છે, પગલાં લઈ રહ્યા છે, અને સપના સાકાર કરી રહ્યા છે. સ્વાતંત્ર્ય સેનાનીઓએ સપનું જોયું હતું, જેને સાકાર કરવા સામાન્ય નાગરિક પણ આ દેશની કોઈને કોઈ જવાબદારી નિભાવવાનો પ્રયાસ કરી રહ્યો છે. આ સમાચાર પોતે જ ભારતના ઉજ્જવળ ભવિષ્ય માટે એક સારા સંકેત છે.

અમે ગઈકાલે જોયું. તાજેતરમાં બંધારણ દિવસે પણ સમગ્ર દેશે એક નવા ઠરાવ સાથે બંધારણની ભાવનાને પરિપૂર્ણ કરવાની દરેકની જવાબદારીનો ઠરાવ કર્યો છે. ભારતની સંસદનું આ સત્ર અને આવનારું સત્ર પણ દેશપ્રેમીઓની ભાવનાનું હતું. આઝાદી, આઝાદીના અમૃત પર્વની ભાવના, તે ભાવના પ્રમાણે સંસદમાં પણ દેશના હિતમાં, દેશની પ્રગતિ માટે ચર્ચા કરવી જોઈએ. દેશની પ્રગતિ માટે માર્ગો શોધો, નવા માર્ગો શોધો અને આ માટે આ સત્ર વિચારોથી સમૃદ્ધ હોવું જોઈએ, દૂરોગામી અસર સાથે હકારાત્મક નિર્ણય લેવો જોઈએ. હું આશા રાખું છું કે ભવિષ્યમાં સંસદ કેવી રીતે ચલાવવામાં આવે છે, યોગદાનને તે માપદંડ પર કેટલી સારી રીતે તોલવામાં આવે છે, તે નહીં કે કોણે બળથી સંસદનું સત્ર અટકાવ્યું છે, આ માપદંડ ન હોઈ શકે. સંસદે કેટલા કલાક કામ કર્યું, કેટલું સકારાત્મક કામ થયું તેનો માપદંડ હશે. અમે ઈચ્છીએ છીએ કે સરકાર દરેક વિષય પર ચર્ચા કરવા તૈયાર છે, ખુલ્લી ચર્ચા કરવા તૈયાર છે. સરકાર દરેક સવાલનો જવાબ આપવા તૈયાર છે અને આઝાદીના અમૃત પર્વમાં અમે પણ ઈચ્છીએ છીએ કે સંસદમાં પ્રશ્ન થાય, સંસદમાં શાંતિ રહે.

અમે ઈચ્છીએ છીએ કે સંસદમાં સરકારની નીતિઓ વિરુદ્ધ અવાજ તેટલો જ બુલંદ હોવો જોઈએ, પરંતુ સંસદની ગરિમા, સ્પીકરની ગરિમા, ખુરશીની ગરિમાને ધ્યાનમાં રાખીને આપણે તે જ કરવું જોઈએ જે આવનારા દિવસોમાં દેશની યુવા પેઢીને કામ આવે. છેલ્લી સત્ર બાદ, કોરોનાની ગંભીર પરિસ્થિતિમાં પણ, દેશે કોરોના રસીના 100 કરોડથી વધુ ડોઝ આપ્યા છે અને હવે આપણે 150 કરોડ તરફ ઝડપથી આગળ વધી રહ્યા છીએ. નવા વેરિઅન્ટના સમાચાર પણ આપણને વધુ સતર્ક અને સજાગ બનાવે છે. હું સંસદના તમામ સભ્યોને પણ સતર્ક રહેવા વિનંતી કરું છું. હું આપ સૌ મિત્રોને પણ સતર્ક રહેવા વિનંતી કરું છું. કારણ કે સંકટની આ ઘડીમાં આપ સૌનું શ્રેષ્ઠ સ્વાસ્થ્ય, દેશવાસીઓનું શ્રેષ્ઠ સ્વાસ્થ્ય અમારી પ્રાથમિકતા છે.

આ કોરોના કાળના સંકટમાં દેશના 80 કરોડથી વધુ નાગરિકોને વધુ તકલીફ ન પડે, તેથી પ્રધાનમંત્રી ગરીબ કલ્યાણ યોજના દ્વારા મફતમાં અનાજ આપવાની યોજના ચાલી રહી છે. હવે તે માર્ચ 2022 સુધી આગળ વધારવામાં આવી છે. લગભગ બે લાખ 60 હજાર કરોડ રૂપિયાના ખર્ચે 80 કરોડથી વધુ દેશવાસીઓ ગરીબોના ઘરનો ચૂલો સળગતા રહેવાની ચિંતા રાખવામાં આવી છે. હું આશા રાખું છું કે આ સત્રમાં આપણે દેશના હિતમાં ઝડપથી નિર્ણયો લઈએ અને સાથે મળીને કરીએ. જેઓ સામાન્ય માણસની ઈચ્છાઓ અને અપેક્ષાઓ પૂરી કરે તેવા નિર્ણયો કરીએ. એવી મારી અપેક્ષા છે. તમારો ખૂબ ખૂબ આભાર.