શેર
 
Comments

આપણો મંત્ર હોવો જોઈએ: ‘બેટા બેટી, એક સમાન’

ચાલો આપણે કન્યા જન્મનો ઉત્સવ ઉજવીએ. આપણે આપણી દીકરીઓ બાબતે પણ એટલા જ ગૌરવાન્વિત હોવા જોઈએ. હું તમને વિનંતી કરું છું કે જ્યારે તમારી દીકરી જન્મે ત્યારે એ ઘટનાને ઉજવવા માટે પાંચ છોડ વાવો.

~ વડાપ્રધાન નરેન્દ્ર મોદી

વડાપ્રધાન નરેન્દ્ર મોદી લિંગ સમાનતા અને મહિલા સશક્તિકરણની જાગૃતિ આગળ વધારવા માટે આગળ પડતી ભૂમિકા ભજવી રહ્યા છે. તેઓ કહે છે કે ભારતને માત્ર મહિલા સશક્તિકરણની જ જરૂર નથી, પરંતુ મહિલાઓના નેતૃત્ત્વ હેઠળના સશક્તિકરણની જરૂર છે જે આપણા વિકાસની સીમાઓને આગળ લઇ જવા માટે આગળ પડતી શક્તિ બની રહેશે.

એ મુજબ વડાપ્રધાન નરેન્દ્ર મોદીના નેતૃત્ત્વ હેઠળની NDA સરકાર વ્યાપક મહિલા સશક્તિકરણ પર ધ્યાન આપી રહી છે.

 

બાળકીનું સંરક્ષણ અને સશક્તિકરણ

બેટી બચાઓ બેટી પઢાઓ પહેલ 2015ની શરૂઆતમાં આપણો સમાજ જે રીતે બાળકીને જુએ છે તેમાં પરિવર્તનીય બદલાવ લાવવાની શરૂઆત કરવા માટે શરુ કરવામાં આવી હતી. જમીન પર તાલીમ, સ્વચ્છતા, જાગૃતિ વધારીને અને સમાજને એકઠો કરીને માનસિકતામાં બદલાવ લાવવા પર મોટો ભાર મુકવામાં આવ્યો છે. આ પ્રયાસોને લીધે લિંગ અંગે સંવેદનશીલ તરીકે ઓળખ કરવામાં આવેલા 104 જિલ્લાઓમાં જન્મ સમયની લિંગ સરેરાશમાં સુધારો આવ્યો છે. 119 જિલ્લાઓમાં પ્રથમ ત્રિમાસિકગાળામાં રજીસ્ટ્રેશનની સંખ્યામાં સુધારો જોવા મળ્યો છે જ્યારે 146 જિલ્લાઓમાં સંસ્થાકીય ડિલીવરી સુધરી છે. આ જિલ્લાઓમાં કરવામાં આવેલી પહેલની સફળતાથી પ્રેરાઈને BBBP ને હવે દેશના તમામ 640 જિલ્લાઓમાં વિસ્તારી દેવામાં આવી છે.

કન્યાના સશક્તિકરણ માટે શિક્ષણ મહત્ત્વની ભૂમિકા ભજવે છે. સરકારના પ્રયાસોને કારણે, જેવીકે કન્યાના શિક્ષણ માટે વિવિધ સ્કોલરશીપ, પ્રાથમિક શાળાઓમાં કન્યાઓની દાખલ થવાની સંખ્યા વધી રહી છે.

કન્યાઓ માટે નાણાકીય સુરક્ષાને સુનિશ્ચિત બનાવવા માટે પ્રધાન મંત્રી સુકન્યા સમૃદ્ધિ યોજના શરુ કરવામાં આવી છે. તેને મળેલી અદભુત સફળતા એ રીતે જોઈ શકાય છે કે 1.26 કરોડથી પણ વધારે સુકન્યા સમૃદ્ધિ એકાઉન્ટ્સ ખોલવામાં આવ્યા અને તેમાં રૂ. 20,000 કરોડ જમા કરવામાં આવ્યા છે.

 

નાણાકીય સમાવેશ અને નાણાકીય સશક્તિકરણ

મહિલાઓના નાણાકીય સશક્તિકરણને પ્રોત્સાહન આપવા માટે, તેમને ઔપચારિક નાણાકીય સંસ્થાઓના લાભાર્થીઓ બનાવવા એ મહત્ત્વનું અને સક્ષમ કદમ છે. મહિલાઓ પાસે એવી ઘણી કુશળતાઓ છે જેને નાણાકીય મૂડીની જરૂર હોય છે જે આ કૌશલ્યને સફળ આંત્ર્પ્રીન્યોરશીપ તકમાં પરિવર્તિત કરી શકે. MUDRA યોજના જે વડાપ્રધાન નરેન્દ્ર મોદીની સરકાર દ્વારા શરુ કરવામાં આવી હતી અને જે આંત્ર્પ્રીન્યોર્સને વગર જામીન ઋણ આપે છે તે તેમને પોતાના સપનાઓ સાકાર કરવામાં મદદ કરે છે.

એક અન્ય કાર્યક્રમ, સ્ટેન્ડ અપ ઇન્ડિયા, પણ મહિલાઓ અથવા SC/ST આંત્ર્પ્રીન્યોર્સને રૂ. 1 કરોડ સુધીનું આંત્ર્પ્રીન્યોર્સ ઋણ આપે છે. મહિલાઓ આ કાર્યક્રમોને અત્યંત સફળ બનાવવા માટે આગળ પડતી ભૂમિકા ભજવી રહી છે. MUDRA અને સ્ટેન્ડ અપ ઇન્ડિયા એમ બંને કાર્યક્રમોમાંથી 9 કરોડ મહિલાઓએ આંત્ર્પ્રીન્યોરશીપ ઋણ લીધા છે. MUDRA લાભાર્થીઓમાં 70% હિસ્સો મહિલાઓનો છે.

 

માતાઓની સંભાળ

વડાપ્રધાન નરેન્દ્ર મોદીની સરકારે સગર્ભા માતાઓ અને તાજા જન્મેલા બાળકોની માતાઓના કલ્યાણને સરળ બનાવવા માટે વિવિધ પગલાઓની શરૂઆત કરી છે.

મેટરનિટી બેનિફિટ (એમેન્ડમેન્ટ) એક્ટ 2017 દ્વારા સરકારે એ સુનિશ્ચિત કર્યું છે જે મહિલાઓ માટે વેતન સાથેની રજાઓ 26 અઠવાડિયાઓ માટે વધારી આપવામાં આવે જે અગાઉ 12 અઠવાડિયાની હતી. આ લાભ સમગ્ર વિશ્વમાં સહુથી વધુ સમયના થતા લાભોમાંથી એક છે.

હાલમાં જ શરુ કરવામાં આવેલું POSHAN અભિયાન એ બહુઆયામી હસ્તક્ષેપ દ્વારા કુપોષણ સામે લડવાનો પોતાની રીતની પ્રથમ પહેલ છે. વિવિધ મંત્રાલયો સાથે મળીને એ સુનિશ્ચિત કરે છે કે કુપોષણ સામેની આ લડાઈમાં ટેક્નોલોજીની તાકાતનો ઉપયોગ કરીને લક્ષિત અભિગમ દાખવવામાં આવે.

મિશન ઇન્દ્રધનુષ એ એક વિશાળ આંદોલન છે જેનું લક્ષ્ય રસીકરણ દ્વારા ગર્ભવતી મહિલાઓ અને બાળકોની તંદુરસ્તીમાં સુધારો લાવે. એ આંદોલનના પ્રકારમાં એક એવો હસ્તક્ષેપ છે જેના દ્વારા 80 લાખથી પણ વધારે સગર્ભા મહિલાઓને રોગપ્રતિકારક બનાવવામાં આવી છે.

પ્રધાન મંત્રી માતૃ વંદના યોજના એ એક એવી પહેલ છે જે સગર્ભા મહિલાઓ તેમજ સ્તનપાન કરાવતી માતાઓને આર્થિક ટેકો પૂરો પાડે છે. તે સમયસરની તપાસ સુનિશ્ચિત કરે છે જે માતાઓ અને બાળકોની તંદુરસ્તી માટે અત્યંત મહત્ત્વનું પરીબળ છે. બહેતર પોષણ માટે સક્ષમ બનાવવા સગર્ભા અથવાતો સ્તનપાન કરાવતી માતાઓને રુ. 6,000નું રોકડ પ્રોત્સાહન આપવામાં આવે છે. દર વર્ષે PMMVY દ્વારા 50 લાખથી પણ વધુ મહિલાઓ લાભાન્વિત થવાની આશા છે.

ઉચ્ચ જોખમ ધરાવતી ગર્ભાવસ્થાઓને શોધી કાઢવી એ માતાઓ અને બાળકો માટે બહેતર તંદુરસ્તી સુનિશ્ચિત કરવા માટે અત્યંત જરૂરી છે. પ્રધાન મંત્રી સુરક્ષિત માતૃત્ત્વ અભિયાને તમામ રાજ્યો અને કેન્દ્રશાસિત પ્રદેશોમાં 12,900 વધારાના આરોગ્ય સુવિધા કેન્દ્રોમાં 1.16 પૂર્વ પ્રસૂતિની તપાસ સુનિશ્ચિત કરી છે. આ પહેલ દ્વારા NDA સરકારે 6 લાખથી પણ ઉચ્ચ જોખમ ધરાવતી ગર્ભાવસ્થાની ઓળખ કરી છે.

 

મહિલાઓના કલ્યાણ માટે અનોખા કાર્યક્રમો

પ્રધાન મંત્રી ઉજ્જવલા યોજના અને સ્વચ્છ ભારત એ બંને વડાપ્રધાન નરેન્દ્ર મોદીના નેતૃત્ત્વ હેઠળની સરકારના મહત્ત્વના કાર્યક્રમો છે, તેઓ સમગ્ર દેશમાં લોકજીભે ચડી ગયા છે. આ બંને કાર્યક્રમોએ કરોડો મહિલાઓના જીવનધોરણમાં સુધારો લાવ્યો છે, ખાસ કરીને ગરીબ વર્ગની મહિલાઓમાં.

ઉજ્જવલા યોજના, એક એવો કાર્યક્રમ જે મફતમાં LPG કનેક્શનસ આપે છે તેણે પોતાની સમયમર્યાદા અગાઉજ 5.33 કરોડ કનેક્શનસ નોંધ્યા છે તે હવે વધારાના 8 કરોડ કનેક્શનસના લક્ષ્યાંક તરફ આગળ વધી રહી છે. તે મહિલાઓને તંદુરસ્ત, ધુમ્રરહિત જીવન પૂરું પાડવા સાથે તેમને ઇંધણ માટેના લાકડા શોધવામાં વપરાતા સમય અને ઉર્જાની બચત કરવામાં પણ મદદ કરે છે.

સ્વચ્છ ભારતે સ્વચ્છતામાં આંદોલન શરુ કર્યું છે અને મહિલાઓ માટે સુરક્ષિત સ્વચ્છતા ઉપલબ્ધ કરાવી છે. 8.23 કરોડથી પણ વધુ શૌચાલયો બાંધવામાં આવ્યા છે અને 19 રાજ્યો અને કેન્દ્રશાસિત પ્રદેશોના 4.25 લાખ ગામડાઓ ODF (ખુલ્લામાં શૌચ મુક્ત) જાહેર કરવામાં આવ્યા છે. ભારતનો કુલ સ્વચ્છતા વિસ્તાર જે ઓક્ટોબર 2014માં 38.7% હતો તે હવે 91.3% થયો છે, માત્ર 4 વર્ષમાં આટલી લાંબી ફલાંગ સ્વચ્છ ભારત દ્વારા વડાપ્રધાન નરેન્દ્ર મોદીના અથાગ પ્રયાસોને આભારી છે.

 

સામાજિક સશક્તિકરણ અને ન્યાય

મહિલાઓનું સામાજિક સશક્તિકરણ એ તેમના સર્વાંગી વિકાસ અને પ્રતિષ્ઠાને સુનિશ્ચિત કરવા માટેનું જરૂરી પાસું છે. વડાપ્રધાન નરેન્દ્ર મોદીની સરકારે મહિલાઓના સામાજિક સશક્તિકરણને સુનિશ્ચિત બનાવવા માટે ઘણા બધા પગલાં લીધા છે.

મહિલાઓના નામે સ્થાવર મિલકતોની હાજરી વધે તે માટે પ્રધાન મંત્રી આવાસ યોજના મહિલાઓને પ્રાથમિકતા આપે છે.

પાસપોર્ટના નિયમો એકલી માતા માટે હળવા કરવામાં આવ્યા છે જેથી તેઓ પ્રક્રિયામાંથી કોઇપણ પ્રકારની તકલીફો વગર પસાર થઇ શકે.

વડાપ્રધાન નરેન્દ્ર મોદીના નેતૃત્ત્વ હેઠળની NDA સરકાર મુસ્લિમ મહિલાઓના હક્ક માટે તેમની પડખે ઉભી રહી છે. સરકારે એક મહત્ત્વના સુધારા તરીકે એ સુનિશ્ચિત કર્યું છે કે મહિલાઓ હવે પુરુષ વાલી વગર હજ કરી શકે. અગાઉ પુરુષ વાલીની હાજરી એક જરૂરી શરત હતી.

એક મહત્ત્વની ઘટનામાં ન્યાય ત્યારે સુનિશ્ચિત થયો જ્યારે એક બીલ જે મુસ્લિમ મહિલાઓને ટ્રીપલ તલાક વિરુદ્ધ સશક્ત બનાવે છે તે લોકસભામાં પસાર કરવામાં આવ્યું હતું.

આમ, વડાપ્રધાન નરેન્દ્ર મોદીના નેતૃત્ત્વ હેઠળની NDA સરકારે એ સુનિશ્ચિત કર્યું છે કે મહિલાઓના સશક્તિકરણમાં લાંબા ડગ ભરવામાં આવે અને એ પણ માત્ર મહિલાઓના વિકાસ દ્વારા નહીં પરંતુ મહિલાઓના નેતૃત્ત્વમાં થતા વિકાસ દ્વારા.

donation
Explore More
‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી

લોકપ્રિય ભાષણો

‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી
India claims top 10 in list of fastest-growing cities

Media Coverage

India claims top 10 in list of fastest-growing cities
...

Nm on the go

Always be the first to hear from the PM. Get the App Now!
...
શેર
 
Comments

કોઇપણ રાષ્ટ્રના વિકાસ માટે ઈન્ફ્રાસ્ટ્રક્ચર અને કનેક્ટિવિટી એ ધમનીઓનું કામ કરતા હોય છે. એ સ્પષ્ટ છે કે વડાપ્રધાન નરેન્દ્ર મોદી હેઠળની NDA સરકારે ઈન્ફ્રાસ્ટ્રક્ચર વિકાસને પ્રાથમિકતા આપી છે. ન્યૂ ઇન્ડિયાના સ્વપ્નને પૂર્ણ કરવા માટે NDA સરકાર રેલ્વેઝ, રોડવેઝ, વોટરવેઝ, એવિએશન અને પોસાય તેવા આવાસોના વિકાસ પર ધ્યાન આપી રહી છે.

રેલ્વેઝ

ભારતનું રેલ નેટવર્ક એ વિશ્વના સહુથી વિશાળ નેટવર્ક્સમાંથી એક ગણાય છે. ટ્રેકનું નવીનીકરણ, માનવ રહિત લેવલ ક્રોસિંગની નાબુદી અને બ્રોડગેજ લાઈનની સ્થાપનાનું કાર્ય વડાપ્રધાન નરેન્દ્ર મોદી હેઠળની NDA સરકારના કાર્યકાળ દરમ્યાન નોંધપાત્રરીતે સુધર્યું છે.

2017-18 દરમ્યાન રેલ્વેએ એક વર્ષની અંદર 100થી પણ ઓછા અકસ્માતો સાથે તેનું સહુથી સુરક્ષિત વર્ષ નોંધાવ્યું હતું. એક ડેટામાં જણાવ્યા અનુસાર 2013-14માં 118 રેલ્વે અકસ્માતો નોંધાયા હતા જે 2017-18માં ઘટીને 73 થયા હતા. 5,469 માનવ રહિત લેવલ ક્રોસિંગ નાબુદ કરવામાં આવ્યા છે જેમાં નાબુદીની સરેરાશ 2009-14 કરતા 20% વધારે રહી હતી. વધુ સુરક્ષા માટે બ્રોડગેજ માર્ગો પર તમામ માનવ રહિત લેવલ ક્રોસિંગને 2020 સુધીમાં નાબુદ કરવાનું લક્ષ્ય રાખવામાં આવ્યું છે.

રેલ્વેના વિકાસને ટ્રેક પર પરત લાવવા માટે 2013-14ના 2,926 કિમી કરતા 2017-18 દરમ્યાન 4,405 કિમી લાંબા ટ્રેકનું નવીનીકરણ કરી તેમાં 50%નો વધારો કરાયો છે. વડાપ્રધાન મોદી હેઠળની NDA સરકારમાં છેલ્લા ચાર વર્ષમાં શરુ થયેલા નવા બ્રોડગેજ માર્ગ (9,528 કિમી) એ 2009-14 દરમ્યાન શરુ કરવામાં આવેલા નવા બ્રોડગેજ માર્ગ (7,600 કિમી) કરતા વધારે છે.

પહેલીવાર બાકીના ભારત સાથે ઉત્તરપૂર્વી ભારતમાં પણ સમગ્ર નેટવર્કને બ્રોડગેજમાં ફેરવવાનું કાર્ય હાથ ધરવામાં આવ્યું છે. આ કાર્યે મેઘાલય, ત્રિપુરા અને મિઝોરમને આઝાદીના 70 વર્ષ બાદ ભારતના રેલ્વે નકશા પર લાવવાનું કામ કર્યું છે.

ન્યૂ ઇન્ડિયાના વિકાસ માટે આપણને આધુનિક ટેક્નોલોજીની પણ જરૂર પડશે. બુલેટ ટ્રેન જે મુંબઈથી અમદાવાદ વચ્ચે દોડાવવાની યોજના છે તે 8 કલાકના મુસાફરીના સમયને ઘટાડીને 2 કલાક કરી દેશે.

 

એવિએશન

સિવિલ એવિએશનમાં પણ ઝડપી પ્રગતિ થઇ રહી છે. UDAN (ઉડે દેશ કા આમ નાગરિક) હેઠળ પોસાય તેવી હવાઈ મુસાફરીના વચન સાથે માત્ર 4 વર્ષમાં 25 કાર્યરત એરપોર્ટ્સ ઉમેરવામાં આવ્યા છે, જેની સરખામણીમાં સ્વતંત્રતા અને 2014 વચ્ચે માત્ર 75 એરપોર્ટ્સ ઉભા કરવામાં આવ્યા હતા. સેવારહિત અને બિનજરૂરી એરપોર્ટ્સ વચ્ચે સ્થાનિક હવાઈ સંપર્ક રૂ. 2,500 પ્રતિ કલાકના ઘટાડેલા ભાવને લીધે ઘણા ભારતીયોનું હવાઈ સફર કરવાનું સ્વપ્ન સાકાર થયું છે. આ રીતે પહેલીવાર વધુ લોકોએ AC ટ્રેન કરતા એરોપ્લેનમાં મુસાફરી કરી છે.

છેલ્લા ત્રણ વર્ષમાં પેસેન્જર ટ્રાફિક 18-20%ના દરે વધ્યો છે, જેને લીધે ભારત વિશ્વના ત્રીજા સહુથી વિશાળ એવિએશન બજાર તરીકે ઉભર્યું છે. 2017માં સ્થાનિક હવાઈ મુસાફરોની સંખ્યા 100 મિલિયનને પાર કરી ગઈ હતી.

શિપિંગ

વડાપ્રધાન નરેન્દ્ર મોદીની સરકાર હેઠળ ભારત શિપિંગ ક્ષેત્રમાં પણ લાંબા કદમ માંડી રહ્યું છે. પોર્ટના નેતૃત્વ હેઠળના વિકાસને ઝડપી બનાવતા મહત્ત્વના પોર્ટ્સ પર ટર્ન અરાઉન્ડ સમય ત્રણ ગણો ઘટી ગયો છે જે 2013-14માં 94 કલાક હતો તે 2017-18માં ઘટીને 64 કલાક થઇ ગયો છે.

મહત્ત્વના પોર્ટ્સ પર કાર્ગોના ટ્રાફિકને ધ્યાનમાં લઈએ. 2010-11 ના 570.32 મેટ્રિક ટન સામે 2012-13માં તે ઘટીને 545.79 મેટ્રિક ટન થઇ ગયો હતો. જો કે NDA સરકાર હેઠળ તે સુધરીને 2017-18 માં 679.367 મેટ્રિક ટન થયો હતો, જે 100 મેટ્રિક ટનનો વિશાળ ઉછાળો હતો!

ઇનલેન્ડ વોટરવેઝ પરિવહન પરના ખર્ચને નોંધપાત્રપણે ઘટાડે છે અને કાર્બન ફૂટપ્રિન્ટને ઘટાડવા ઉપરાંત અર્થતંત્રને પણ આગળ વધવામાં મદદ કરે છે. છેલ્લા 30 વર્ષમાં ઉમેરવામાં આવેલા 5 રાષ્ટ્રીય વોટરવેઝની સરખામણીમાં છેલ્લા 4 વર્ષમાં 106 રાષ્ટ્રીય વોટરવેઝ ઉમેરવામાં આવ્યા છે.

માર્ગ વિકાસ

પરિવર્તનીય યોજના ભારત માલા પરિયોજના હેઠળ મલ્ટી-મોડલ સમાવેશ સાથે હાઈવેઝમાં વધારો હાથ ધરવામાં આવ્યો છે. નેશનલ હાઈવે નેટવર્કને 2013-14 ના 92,851 કિમી થી વધારીને 2017-18માં 1,20,543 કિમી કરવામાં આવ્યા હતા.

સુરક્ષિત માર્ગો માટે સેતુ ભારતમ પ્રોજેક્ટ, જેનો કુલ અંદાજીત ખર્ચ રૂ. 20,800 કરોડ છે તેમાં રેલ્વે ઓવરબ્રિજ અથવાતો અન્ડર પાસનું નિર્માણ કરીને તમામ નેશનલ હાઈવેઝને રેલ્વે લેવલ ક્રોસિંગથી મુક્ત કરવાની પરિકલ્પના કરવામાં આવી છે.

માર્ગ બાંધકામની ગતિ લગભગ બમણી કરી દેવામાં આવી છે. 2013-14માં હાઈવેના બાંધકામની ગતિ 12 કિમી પ્રતિ દિવસ હતી જે 2017-18માં 27 કિમી પ્રતિ કલાક નોંધવામાં આવી છે.

 

ભારતની સૌથી લાંબી ટનલનો વિકાસ, જમ્મુમાં ચેનાની-નાશરી, ઉપરાંત ભારતના સહુથી લાંબા બ્રિજ, ધોલા-સદિયા, જે અરુણાચલ પ્રદેશ સાથેનો સંપર્ક વધારે છે તે અત્યારસુધીમાં દૂર રહેલા ક્ષેત્રો સુધી વિકાસને લઇ જવાની વચનબદ્ધતાની સાબિતી આપે છે. નર્મદા પર ભરૂચ ખાતે અને કોટા ખાતે ચંબલ પર સેતુઓ બાંધવાથી એ ક્ષેત્રોમાં માર્ગ સંપર્કમાં સુધારો આવ્યો છે.

માર્ગો એ ગ્રામીણ વિકાસના ઉત્પ્રેરક છે. તેના મહત્ત્વને ધ્યાનમાં લેતા 4 વર્ષમાં 1.69 લાખ કિમી ગ્રામીણ માર્ગોનું બાંધકામ કરવામાં આવ્યું છે. માર્ગ બાંધકામની ગતિ 2013-14ના 69 કિમી પ્રતિ દિનની સરખામણીમાં 2017-18માં 134 કિમી પ્રતિ દિન થઇ છે. હાલમાં ગ્રામીણ માર્ગ સંપર્ક 2014ના 56%ની સરખામણીમાં વધીને 82% થયો છે જેણે ગામડાઓને ભારતના વિકાસ માર્ગ પર લાવી દીધા છે.

રોજગારી ઉભી કરવા માટે પ્રવાસન પાસે ખૂબ ક્ષમતા છે. પ્રવાસન ક્ષેત્રને પ્રોત્સાહન આપવાની સાથે ધાર્મિક યાત્રાઓનો અનુભવ સુધારવા માટે, ચાર ધામ મહામાર્ગ વિકાસ પરિયોજના શરુ કરવામાં આવી છે. તે મુસાફરીને સુરક્ષિત, ઝડપી અને વધારે સરળ બનાવવાની માંગ કરે છે. તે રૂ. 12,000 કરોડના અંદાજીત ખર્ચે લગભગ 900  કિમીના રાષ્ટ્રીય ધોરીમાર્ગના વિકાસની જરૂરિયાત પર ભાર મુકે છે.

ઈન્ફ્રાસ્ટ્રક્ચરને પ્રોત્સાહન મળવાથી માલસામાનની વધુ હેરફેર થાય છે જેને કારણે અર્થતંત્રને બળ મળે છે. NDA સરકારના પ્રયાસોને લીધે 2017-18માં અત્યારસુધીમાં સહુથી વધુ પ્રમાણમાં (1,160 મેટ્રિક ટન) માલસામાન લાદવામાં આવ્યો હતો.

શહેરી પરિવર્તન

સ્માર્ટ સિટિઝ દ્વારા શહેરી પરિવર્તન લાવવા માટે 100 અર્બન સેન્ટર્સ જીવન જીવવાની ગુણવત્તા સુધારવા, ટકાઉ શહેરી યોજના અને વિકાસ માટે પસંદ કરવામાં આવ્યા છે. આ શહેરોમાં વિવિધ વિકાસ યોજનાઓ લગભગ 10 કરોડ ભારતીયોને હકારાત્મકરીતે અસર કરશે. આ યોજનાઓ પર રૂ. 2,01,979 કરોડનો ખર્ચ કરવામાં આવશે.

પ્રધાન મંત્રી આવાસ યોજના હેઠળ ગ્રામીણ અને શહેરી એમ બંને વિસ્તારોમાં લગભગ 1 કરોડ પોસાય તેવા આવાસો બાંધવામાં આવ્યા છે. મધ્યમ અને નવા મધ્યમ વર્ગને લાભ અપાવવા રૂ. 9 લાખ અને રૂ. 12 ની હોમ લોન્સ 4% અને 3%ની વ્યાજ સહાય માટે યોગ્યતા પ્રાપ્ત બને છે.