Share
 
Comments

আমাৰ মন্ত্ৰ ‘বেটা বেটি, এক সমান’ হোৱা উচিত

কন্যা শিশুৰ জন্ম উদযাপন কৰোঁ আহক৷ আমি আমাৰ পুত্ৰীৰ জন্মত সমানেই গৌৰৱান্বিত হোৱা উচিত৷ কন্যা শিশু জন্ম হোৱা উদযাপন কৰিবলৈ আপোনালোকক পাঁচটাকৈ বৃক্ষপুলি ৰোপণৰ বাবে আহ্বান জনালো৷

~প্ৰধানমন্ত্ৰী নৰেন্দ্ৰ মোদী

 লিংগ সমতা আৰু মহিলা সৱলীকৰণৰ দিশত সজাগতা প্ৰচাৰ কৰাত প্ৰধানমন্ত্ৰী নৰেন্দ্ৰ মোদীয়ে সদায়েই অগ্ৰদূতৰ ভূমিকা পালন কৰিছে৷ তেওঁ কয় যে ভাৰতত কেৱল মহিলাৰ সৱলীকৰণ হ’লেই নহ’ব, মহিলা নেতৃত্বাধীন সৱলীকৰণো হ’ব লাগিব যাতে মহিলাসকলেও আমাৰ বিকাশৰ কক্ষপথত বল প্ৰয়োগ কৰিব পাৰে৷

সেই অনুসাৰেই প্ৰধানমন্ত্ৰী নৰেন্দ্ৰ মোদী নেতৃত্বাধীন এনডিএ চৰকাৰে মহিলাৰ সৱলীকৰণৰ দিশত ব্যাপক গুৰুত্ব প্ৰদান কৰিছে৷

 

কন্যা শিশুৰ সুৰক্ষা আৰু সৱলীকৰণ

২০১৫ চনৰ প্ৰথম ভাগত কন্যা শিশুৰ প্ৰতি আমাৰ সমাজৰ দৃষ্টিভংগী পৰিৱৰ্তন কৰাৰ বাবে বেটি বচাও বেটি পঢ়াও আঁচনি মুকলি কৰা হৈছিল৷ সেয়েহে প্ৰশিক্ষণ, সজাগতা বৃদ্ধি আৰু সম্প্ৰদায়সমূহত শিক্ষাৰ প্ৰচাৰেৰে এই দৃষ্টিভংগী পৰিৱৰ্তনত গুৰুত্ব প্ৰদান কৰা হৈছে৷ এই প্ৰয়াসৰ ফলস্বৰূপে ১০৪খন জিলাত জন্মৰ সময়ত লিংগ অনুপাত লিংগ বৈষম্যযুক্ত চিহ্নিত স্থানসমূহত বৃদ্ধি পাইছে৷ প্ৰথম তিনিটা মাহত ১১৯খন জিলাৰ পৰা উত্তৰণৰ ফলাফল পোৱা গৈছে আৰু ১৪৬খন জিলাই আনুষ্ঠানিক ডেলিভাৰীত উত্তৰণ প্ৰদান কৰিছে৷ এই জিলাসমূহত এই পদক্ষেপৰ সাফল্য পৰিলক্ষিত কৰি বিবিবিপি এতিয়া সমগ্ৰ দেশৰ ৬৪০খন জিলালৈ সম্প্ৰসাৰিত কৰা হৈছে৷

কন্যা শিশুৰ সৱলীকৰণত শিক্ষাই এক গুৰুত্বপূৰ্ণ ভূমিকা পালন কৰে৷ চৰকাৰে কন্যা শিশুৰ শিক্ষাত বিভিন্ন জলপানি প্ৰদান, উচ্চতৰ মাধ্যমিক বিদ্যালয়ত ছোৱালীৰ নাম ভৰ্তি আদি বিভিন্ন পদক্ষেপ গ্ৰহণ কৰিছে৷

কন্যা শিশুৰ বিত্তীয় সুৰক্ষা নিশ্চিত কৰিবলৈ প্ৰধানমন্ত্ৰী সুকন্যা সমৃদ্ধি যোজনা প্ৰণয়ন কৰা হৈছিল৷ এই যোজনাৰ সাফল্যৰ পৰিণতিতেই ১.২৬ কোটিতকৈও অধিক সুকন্যা সমৃদ্ধি একাউণ্ট খোলা হৈছিল আৰু প্ৰায় ২০,০০০ কোটি টকা জমা কৰা হৈছিল৷

হিংসাৰ বিৰুদ্ধে মহিলাক সুৰক্ষা প্ৰদান কৰাটো এনডিএ চৰকাৰৰ অগ্ৰাধিকাৰযুক্ত কৰ্তব্য৷ এই চৰকাৰে কন্যা সন্তানৰ সুৰক্ষা আৰু নিৰাপত্তাক উচ্চ অগ্ৰাধিকাৰ প্ৰদান কৰি ১২ বছৰৰ তলৰ কন্যা শিশুৰ ধৰ্ষণকাৰীক মৃত্যুদণ্ডৰ শাস্তি প্ৰদান কৰিছে৷ তাৰোপৰি ১৬ বছৰৰ তলৰ কন্যাৰ ধৰ্ষণকাৰীক ন্যূনতম শাস্তি ১০ বছৰৰ পৰা বৃদ্ধি কৰি ২০ বছৰ কৰিছে৷

 

বিত্তীয় সমাপন আৰু বিত্তীয় সৱলীকৰণ

মহিলাৰ বিত্তীয় সৱলীকৰণৰ বাবে তেওঁলোকক আনুষ্ঠানিক বিত্তীয় সংস্থাৰ আওতালৈ অনা হৈছে৷ মহিলাসকলৰ দক্ষতাসমূহক বিত্তীয় মূলধন প্ৰদান কৰি সফল ব্যৱসায়ৰ ৰূপ প্ৰদান কৰা হৈছে৷ প্ৰধানমন্ত্ৰী নৰেন্দ্ৰ মোদীৰ আমোলত মুদ্ৰা যোজনাৰ প্ৰণয়ন কৰি উদ্যমীসকলক সমস্যাবিহীন ঋণ প্ৰদান কৰি তেওঁলোকৰ সপোনসমূহ বাস্তৱায়িত কৰাত সহায় কৰা হৈছে৷

অন্য এটা কাৰ্যসূচী ষ্টেণ্ড আপ ইণ্ডিয়াই মহিলা অথবা অনুসূচীত জাতি/জনজাতিক ১ কোটি টকা পৰ্যন্ত উদ্যমী ঋণ প্ৰদান কৰিছে৷ মহিলাসকলে এই কাৰ্যসূচী সফলতাৰে ৰূপায়ন কৰিছে৷ মুদ্ৰা আৰু ষ্টেণ্ড আপ ইণ্ডিয়াৰ পৰা যৌথভাৱে প্ৰায় ৯ কোটি মহিলাই উদ্যমী ঋণ লাভ কৰিছে৷ মুদ্ৰাৰ হিতাধিকাৰীসকলৰ ভিতৰত ৭০%ই হ’ল মহিলা৷

 

মাতৃসকলৰ শুশ্ৰূষা

প্ৰধানমন্ত্ৰী নৰেন্দ্ৰ মোদীৰ চৰকাৰে মাতৃ তথা নৱজাত শিশুসকলৰ কল্যাণৰ বাবে বিভিন্ন উল্লেখযোগ্য পদক্ষেপ গ্ৰহণ কৰিছে৷

জননী সুৰক্ষা (সংশোধনী) আইন ২০১৭ৰ জৰিয়তে চৰকাৰে মহিলাসকলৰ প্ৰসূতীকালীন ছুটি পূৰ্বৰ ১২ সপ্তাহৰ পৰা ২৬ সপ্তাহলৈ বৃদ্ধি কৰিছে৷ ই বিশ্বৰ ভিতৰতে সৰ্বাধিক৷

শেহতীয়াকৈ মুকলি কৰা পোষণ অভিযানৰ দ্বাৰা পুষ্টি যোগানৰ এক বহুভিত্তিক পদক্ষেপ গ্ৰহণ কৰা হৈছে৷ বিভিন্ন মন্ত্ৰালয়ে আগবাঢি আহি প্ৰযুক্তিৰ সহায়ত অপুষ্টিৰ বিৰুদ্ধে যুঁজত নামি পৰিছে৷

মিছন ইন্দ্ৰধনুশৰ জৰিয়তে গৰ্ভৱতী মহিলা আৰু শিশুসমূহক টীকাকৰণৰ সুবিধা প্ৰদান কৰা হৈছে৷ এই অভিযানৰ দ্বাৰা বৰ্তমানলৈ ৮০ লাখতকৈও অধিক গৰ্ভৱতী মহিলা উপকৃত হৈছে৷

প্ৰধানমন্ত্ৰী মাত্ৰু বন্দনা যোজনাৰ জৰিয়তে গৰ্ভৱতী মহিলা তথা দুগ্ধপান কৰাই থকা মাতৃসকলক আৰ্থিক সাহায্য প্ৰদান কৰা হৈছে৷ ই মাতৃ আৰু শিশুৰ সময়মতে কৰা পৰীক্ষণৰ নিশ্চয়তা প্ৰদান কৰিছে৷ উন্নত পুষ্টিৰ বাবে গৰ্ভৱতী অথবা দুগ্ধপান কৰাই থকা মাতৃসকলক ৬,০০০ টকাৰ আৰ্থিক সাহায্য প্ৰদান কৰা হৈছে৷ প্ৰতি বৰ্ষত পিএমএমভিৱাইৰ দ্বাৰা ৫০ লাখতকৈও অধিক মহিলা উপকৃত হোৱাৰ আশা প্ৰকাশ কৰা হৈছে৷

প্ৰধানমন্ত্ৰী সুৰক্ষিত মাতৃত্ব অভিযানৰ দ্বাৰা সমগ্ৰ ৰাজ্য তথা কেন্দ্ৰীয় শাসিত অঞ্চলসমূহৰ ১২,৯০০ত কৈও অধিক স্বাস্থ্যসেৱা কেন্দ্ৰত ১.১৬ কোটিত কৈও অধিক প্ৰসৱপূৰ্ব পৰীক্ষণৰ নিশ্চিতি প্ৰদান কৰা হৈছে৷ এই পদক্ষেপৰ জৰিয়তে এনডিএ চৰকাৰে ৬ লাখত কৈও অধিক উত্ত ক্ষতিশংকাৰ গৰ্ভৱস্থাৰ সমস্যা চিনাক্ত কৰিছে৷

 

মহিলাৰ কল্যাণৰ বাবে যুগান্তকাৰী কাৰ্যসূচী

প্ৰধানমন্ত্ৰী নৰেন্দ্ৰ মোদীৰ ধ্বজ্বাবাহী কাৰ্যসূচী প্ৰধানমন্ত্ৰী উজ্বলা যোজনা আৰু স্বচ্ছ ভাৰতে সমগ্ৰ দেশৰ বাবে পৰিচিত হৈ উঠিছে৷ এই দুয়োটা কাৰ্যসূচীৰ জৰিয়তে কোটিতকৈও অধিক মহিলা বিশেষ দৰিদ্ৰ শ্ৰেণীৰ জীৱনৰ গুণগতমান বৃদ্ধি হৈছে৷

উজ্বলা যোজনাৰ অধীনত বিনামূলীয়া এলপিজি সংযোগ প্ৰদান কৰা হৈছে৷ নিৰ্ধাৰিত সময়তকৈ পূৰ্বে ৫.৩৩ কোটি সংযোগ প্ৰদান কৰা হৈছে আৰু এই লক্ষ্য বৰ্তমানে ৮ কোটিলৈ বৃদ্ধি কৰা হৈছে৷ ইয়াৰ জৰিয়তে মহিলাসকলে স্বাস্থ্যসন্মতভাৱে, ধোঁৱাবিহীনভাৱে খাদ্য প্ৰস্তুত কৰাৰ লগতে তেওঁলোকৰ খৰি বিচৰাৰ সময় আৰু শক্তি ৰাহি হৈছে৷

স্বচ্ছ ভাৰতে অনাময়ৰ ক্ষেত্ৰত এক জনজাগৰণৰ সৃষ্টি কৰি মহিলাসকলক সুৰক্ষিত অনাময়ৰ সুবিধা প্ৰদান কৰিছে৷ প্ৰায় ৮.২৩ কোটি ঘৰুৱা শৌচাগাৰ নিৰ্মাণ কৰা হৈছে আৰু ১৯খন ৰাজ্য/কেন্দ্ৰীয় শাসিত অঞ্চলৰ ৪.২৫ লাখখন গাঁও মুক্তস্থানত কৰা মলত্যাগমুক্ত স্থান হিচাপে ঘোষিত হৈছে৷ ২০১৪ চনৰ অক্টোবৰ মাহ পৰ্যন্ত ভাৰতৰ সৰ্বমুঠ অনাময় ব্যাপ্তি আছিল ৩৮.৭% আৰু মাত্ৰ ৪ বছৰৰ ভিতৰতে ই ৯১.০৩%ৰ সীমা স্পৰ্শ কৰিবলৈ সমৰ্থ হৈছে৷ প্ৰধানমন্ত্ৰী নৰেন্দ্ৰ মোদীৰ স্বচ্ছ ভাৰতৰ এই অতুলনীয় প্ৰয়াসক ধন্যবাদ৷

 

সামাজিক সৱলীকৰণ আৰু ন্যায়

মহিলাৰ সামাজিক সৱলীকৰণৰ দ্বাৰা তেওঁলোকৰ সৰ্বব্যাপী কল্যাণ তথা সন্মানৰ নিশ্চিতি প্ৰদান কৰা হৈছে৷ প্ৰধানমন্ত্ৰী নৰেন্দ্ৰ মোদীৰ চৰকাৰে মহিলাৰ সামাজিক সৱলীকৰণ নিশ্চিত কৰাৰ বাবে বিভিন্ন পদক্ষেপ গ্ৰহণ কৰিছে৷

মহিলাসকলৰ নামত অস্থানান্তৰণযোগ্য সম্পত্তি হস্তান্তৰণ কৰি প্ৰধানমন্ত্ৰী আৱাস যোজনাৰ জৰিয়তে মহিলাসকলক অগ্ৰাধিকাৰ প্ৰদান কৰা হৈছে৷

একক মাতৃৰ ক্ষেত্ৰত তেওঁলোকে কোনো ধৰণৰ সমস্যাৰ সন্মুখীন নোহোৱাকৈ পাছপোৰ্টৰ নিয়ম শিথিল কৰা হৈছে৷

প্ৰধানমন্ত্ৰী নৰেন্দ্ৰ মোদী নেতৃত্বাধীন এনডিএ চৰকাৰে মুছলিম মহিলাসকলৰ অধিকাৰৰ ক্ষেত্ৰতো থিয় দিছে৷ এই চৰকাৰে এক বিশেষ সংস্কাৰৰ জৰিয়তে মুছলিম মহিলাসকলে এতিয়া পুৰুষ অভিভাৱক নোহোৱাকৈও হজলৈ যোৱাৰ ক্ষেত্ৰত নিশ্চিতি প্ৰদান কৰিছে৷ পূৰ্বতে পুৰুষ অভিভাৱকৰ উপস্থিতি বাধ্যতামূলক আছিল৷

তাৰোপৰি লোকসভাত মুছলিম মহিলাসকলে সন্মুখীন হোৱা তিনি তালাকৰ বিৰুদ্ধে আইন প্ৰণয়ন কৰি তেওঁলোকক ন্যায় প্ৰদান কৰা হৈছে৷

 সেয়ে প্ৰধানমন্ত্ৰী নৰেন্দ্ৰ মোদী নেতৃত্বাধীন এনডিএ চৰকাৰে মহিলাসকলৰ সৱলীকৰণ নিশ্চিতিৰ জৰিয়তে কেৱল তেওঁলোকৰ বিকাশেই নহয়, মহিলা-নেতৃত্বাধীন বিকাশো সম্ভৱ কৰি তুলিছে৷

donation
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India claims top 10 in list of fastest-growing cities

Media Coverage

India claims top 10 in list of fastest-growing cities
...

Nm on the go

Always be the first to hear from the PM. Get the App Now!
...
Share
 
Comments

যিকোনো ৰাষ্ট্ৰৰ বাবে আন্তঃগাঁথনি আৰু সংযোগ বিকাশৰ ধমনীৰ দৰে কাম কৰে৷ প্ৰধানমন্ত্ৰী নৰেন্দ্ৰ মোদীৰ নেতৃত্বাধীন এনডিএ চৰকাৰৰ আমোলত এই আন্তঃগাঁথনি বিকাশত বিশেষ ধ্যান দিয়া পৰিলক্ষিত হৈছে৷ নতুন ভাৰতৰ সপোন পূৰণ কৰিবলৈ এনডিএ চৰকাৰে ৰে’লৱে, স্থলপথ, জলপথ, বিমানখণ্ড অথবা ব্যয়সাধ্য গৃহত গুৰুত্ব নিৱেশ কৰিছে৷

ৰে’লৱে

ভাৰতীয় ৰে’লৱেৰ নেটৱৰ্ক সমগ্ৰ বিশ্বৰ ভিতৰতে বৃহৎ ৰে’লৰ নেটৱৰ্ক৷ ট্ৰেকৰ পুনৰ নিৰ্মাণ, ৰখীয়াবিহীন ৰে’লৱে ক্ৰ’ছিং আৰু ব্ৰ’ডগজৰ সম্প্ৰসাৰণ আদি প্ৰধানমন্ত্ৰী মোদীৰ নেতৃত্বাধীন এনডিএ চৰকাৰৰ আমোলত উল্লেখযোগ্য উন্নতি সাধন হৈছে৷

২০১৭-১৮ বৰ্ষত ৰে’লজনিত দূৰ্ঘটনা ১০০ত কৈও কম হৈছে৷ তথ্যত প্ৰকাশ যে ২০১৩-১৪ বৰ্ষত ৰে’লজনিত দূৰ্ঘটনাৰ সংখ্যা আছিল ১১৮টা যি ২০১৭-১৮ বৰ্ষত ৭৩টালৈ হ্ৰাস পাইছে৷ ৫,৪৬৯টা ৰখীয়াবিহীন লেভেল ক্ৰ’ছিং নোহোৱা কৰা হৈছে আৰু ২০০৯-১৪ বৰ্ষৰ তুলনাত ই ২০% অধিক হৈছে৷ ব্ৰ’ডগজ পথসমূহৰ সকলো ৰখীয়াবিহীন লেভেল ক্ৰ’ছিং ২০২০ চনৰ ভিতৰত নোহোৱা কৰাৰ পদক্ষেপ গ্ৰহণ কৰা হৈছে৷

ৰে’লৱেৰ বিকাশক গতি প্ৰদান কৰাৰ বাবে ৰে’লপথ পুনৰ নিৰ্মাণৰ কাম ৫০% বৃদ্ধি হৈছে, ২০১৩-১৪ বৰ্ষৰ ২,৯২৬ কিলোমিটাৰৰ তুলনাত ২০১৭-১৮ বৰ্ষত ইয়াৰ সংখ্যা ৪,৪০৫ কিলোমিটাৰলৈ বৃদ্ধি পাইছে৷ এনডিএ চৰকাৰৰ আমোলত বিগত চাৰিটা বৰ্ষত ব্ৰ’ডগজ সম্প্ৰসাৰণৰ সংখ্যা (৯,৫২৮ কিলোমিটাৰ)ৰ বিপৰীতে ২০০৯-১৪ বৰ্ষত ইয়াৰ সংখ্যা আছিল ৭,৬০০ কিলোমিটাৰ৷

প্ৰথমবাৰৰ বাবে উত্তৰ পূৰ্বাঞ্চল ব্ৰ’ডগজ ভাৰতৰ অন্য প্ৰান্তৰ সৈতে জড়িত হৈছে৷ স্বাধীনতাৰ ৭০ বছৰৰ পিছত ই মেঘালয়, ত্ৰিপুৰা আৰু মিজোৰামক ৰে’লৱে মানচিত্ৰৰ অন্তৰ্ভুক্ত কৰিবলৈ সক্ষম হৈছে৷

নতুন ভাৰতৰ বিকাশৰ বাবে আমাক অত্যাধুনিক প্ৰযুক্তিৰো প্ৰয়োজন৷ মুম্বাইৰ পৰা আহমেদাবাদলৈ পৰিকল্পিত বুলেট ৰে’লে ৮ ঘণ্টাৰ যাত্ৰাৰ সময় ২ ঘণ্টালৈ হ্ৰাস কৰিব৷

 

বিমানখণ্ড

অসামৰিক বিমানখণ্ডতো অভূতপুৰ্ব উত্তৰণ ঘটিছে৷ উড়ান (উৰে দেশ কা আম নাগৰিক) আঁচনিৰ অধীনত ব্যয়সাধ্য বিমানযাত্ৰা সম্ভৱ হৈছে, যোৱা চাৰিটা বৰ্ষত ২৫টা কাৰ্যকৰী বিমানবন্দৰ সংযোজিত হৈছে৷ স্বাধীনতা বৰ্ষৰ পৰা ২০১৪ চনলৈ কেৱল ৭৫টা বিমানবন্দৰ আছিল৷ সেৱাৰহিত আৰু সেৱাৰ অধীনৰ বিমানবন্দৰসমূহলৈ প্ৰতিঘণ্টাত ২,৫০০টকাৰ আঞ্চলিক সংযোগৰ ফলত ভাৰতীয়সকলৰ আকাশত উৰাৰ সপোন সাৰ্থক হৈছে৷ সেয়ে, প্ৰথমবাৰলৈ দেশৰ নাগৰিকে বাতানুকূল ৰে’লৰ পৰিৱৰ্তে বিমানেৰে যাত্ৰা কৰিছে৷

বিগত তিনিটা বৰ্ষত ১৮-২০%ৰ যাত্ৰী বৃদ্ধিৰ জৰিয়তে ভাৰতে বিশ্বৰ ভিতৰত বিমানখণ্ডত তিনি নম্বৰ স্থান দখল কৰিবলৈ সক্ষম হৈছে৷ ২০১৭ বৰ্ষত ঘৰুৱা বিমানযাত্ৰীৰ সংখ্যা ১০০ মিলিয়ন অতিক্ৰম কৰিছে৷

 

জলপৰিবহণ

প্ৰধানমন্ত্ৰী নৰেন্দ্ৰ মোদীৰ চৰকাৰৰ অধীনত ভাৰতে জলপৰিবহণ ক্ষেত্ৰতো সাফল্য অৰ্জন কৰিছে৷ বন্দৰসমূহৰ বিকাশত অগ্ৰগতি প্ৰদান কৰি প্ৰধান বন্দৰসমূহৰ টাৰ্ণ এৰাউণ্ড সময় ২০১৩-১৪ বৰ্ষৰ ৯৪ ঘণ্টাৰ পৰা এক তৃতীয়াংশ হ্ৰাস হৈ ২০১৭-১৮ বৰ্ষত ৬৪ ঘণ্টা হৈছে৷

প্ৰধান বন্দৰসমূহত কাৰ্গো ট্ৰেফিকক গুৰুত্ব প্ৰদান কৰা হৈছে৷ ২০১০-১১ বৰ্ষত ৫৭০.৩২ মেট্ৰিকটনৰ পৰা ২০১২-১৩ বৰ্ষত ৫৪৫.৭৯ মেট্ৰিকটনলৈ হ্ৰাস হৈছিল৷ কিন্তু এনডিএ চৰকাৰে এই ব্যৱস্থাৰ সংশোধন ঘটাই ২০১৭-১৮ বৰ্ষত ইয়াক ৬৭৯.৩৬৭ মেট্ৰিক টন অৰ্থাৎ ১০০ মেট্ৰিকটনতকৈও অধিক বৃদ্ধি কৰিবলৈ সমৰ্থ হৈছে৷

অন্তঃৱৰ্তী জলপৰিবহণত পৰিবহণ ব্যয় হ্ৰাস হোৱাৰ ফলত কাৰ্বন ফুট প্ৰিণ্ট হ্ৰাস হোৱাৰ উপৰিও অৰ্থনৈতিক বিকাশ সম্ভৱ হৈছে৷ বিগত ৩০টা বৰ্ষত ৫টা ৰাষ্ট্ৰীয় জলপথৰ পৰিৱৰ্তে কেৱল বিগত ৪টা বৰ্ষতে ইয়াৰ সংখ্যা ১০৬টালৈ বৃদ্ধি পাইছে৷

পথ পৰিবহণ

ভাৰত মালা পৰিযোজনাৰ অধীনত মাল্টি-ম’ডেল সংবদ্ধকৰণৰ জৰিয়তে ৰাষ্ট্ৰীয় ঘাইপথসমূহৰ সম্প্ৰসাৰণ কৰা হৈছে৷ ২০১৩-১৪ বৰ্ষৰ ৯২,৮৫১ কিলোমিটাৰৰ তুলনাত ২০১৭-১৮ বৰ্ষত ৰাষ্ট্ৰীয় ঘাইপথৰ সম্প্ৰসাৰণ ১,২০,৫৪৩ কিলোমিটাৰলৈ হৈছে৷

সুৰক্ষিত পথৰ বাবে সেতু ভাৰতম প্ৰকল্পত ২০,৮০০ কোটি টকা ব্যয় কৰা হৈছে৷ ইয়াৰ অধীনত সকলো ৰাষ্ট্ৰীয় ঘাইপথত ৰে’লৱে ক্ৰ’ছিংসমূহত ৰে’লৱে অভাৰব্ৰীজ নিৰ্মাণ কৰা হৈছে৷

পথ নিৰ্মাণৰ দ্ৰুতি প্ৰায় দুগুণ কৰা হৈছে৷ ২০১৩-১৪ বৰ্ষত ৰাষ্ট্ৰীয় ঘাইপথ নিৰ্মাণৰ কাম প্ৰতিদিনে ১২ কিলোমিটাৰৰ পৰিৱৰ্তে ২০১৭-১৮ বৰ্ষত প্ৰতিদিনে ২৭ কিলোমিটাৰলৈ বৃদ্ধি পাইছে৷

 

জম্মুত ভাৰতৰ বৃহত্তম দৈৰ্ঘৰ সুৰংগ চেনানি-নাশ্ৰি, ঢলা-শদিয়াত ভাৰতৰ সৰ্ববৃহৎ দৈৰ্ঘৰ দলং যিয়ে অৰুণাচলক সংযোজিত কৰিছে, এইসমূহৰ বিকাশৰ জৰিয়তে পূৰ্বৰ স্পৰ্শৰহিত অঞ্চলসমূহ সংযোজিত হৈছে৷ ভাৰুচত নৰ্মদা নদীৰ ওপৰত দলং আৰু চম্বলৰ ওপৰত কোটাত দলং নিৰ্মাণৰ জৰিয়তে অঞ্চলকেইটাৰ যোগাযোগৰ উত্তৰণ হৈছে৷  

পথসমূহে গ্ৰামীণ বিকাশৰ ক্ষেত্ৰত অনুঘটকৰ কাম কৰে৷ ইয়াৰ গুৰুত্ব উপলব্ধ কৰি বিগত চাৰিটা বৰ্ষত প্ৰায় ১.৬৯ কিলোমিটাৰ গ্ৰামীণ পথ নিৰ্মাণ কৰা হৈছে৷ ২০১৩-১৪ বৰ্ষৰ পথ নিৰ্মাণৰ গড় দ্ৰুতি প্ৰতিদিনে ৬৯ কিলোমিটাৰৰ বিপৰীতে ২০১৭-১৮ বৰ্ষত ইয়াৰ সংখ্যা প্ৰতিদিনে ১৩৪ কিলোমিটাৰ হৈছে৷ বৰ্তমানে ২০১৪ বৰ্ষৰ ৫৬%ৰ বিপৰীতে গ্ৰামীণ পথৰ সংযোগ ৮২%তকৈও অধিক হৈছে, ইয়াৰ জৰিয়তে গাঁওসমূহক ভাৰতৰ বিকাশৰ কক্ষপথত চামিল কৰা হৈছে৷

নিয়োজন বৃদ্ধিৰ ক্ষেত্ৰত পৰ্যটনে গুৰুত্বপূৰ্ণ ভূমিকা পালন কৰে৷ তীৰ্থযাত্ৰীসকলৰ অভিজ্ঞতা বৃদ্ধিৰ উপৰিও পৰ্যটন ক্ষেত্ৰত বিকাশৰ বাবে চাৰধাম মহামাৰ্গ বিকাশ পৰিযোজনা মুকলি কৰা হৈছিল৷ ইয়াৰ দ্বাৰা ভ্ৰমণ সুৰক্ষিত, ক্ষীপ্ৰ আৰু অধিক বিশ্বস্ত কৰাত গুৰুত্ব প্ৰদান কৰা হৈছে৷ ইয়াৰ বাবে প্ৰায় ১২,০০০ কোটি টকা ব্যয়েৰে ৯০০ কিলোমিটাৰৰ ৰাষ্ট্ৰীয় ঘাইপথ নিৰ্মাণ কৰা হৈছে৷

আন্তঃগাঁথনিত গুৰুত্ব প্ৰদান কৰি দেশৰ অৰ্থনৈতিক বিকাশৰ বাবে অধিক মালবাহনৰ পদক্ষেপ হাতত লোৱা হৈছে৷ এনডিএ চৰকাৰৰ প্ৰচেষ্টাৰ ফলতেই ২০১৭-১৮ বৰ্ষত সৰ্বাধিক মাল পৰিবহণ (১,১৬০ মেট্ৰিক টন)ৰ অভিলেখ নথিভুক্ত কৰা হৈছিল৷

নগৰ ৰূপান্তৰণ

স্মাৰ্ট চিটীৰ জৰিয়তে নগৰ ৰূপান্তৰণৰ বাবে প্ৰায় ১০০টা নগৰ কেন্দ্ৰ জীৱন-ধাৰণৰ মান উন্নতি, বহনক্ষম নগৰ পৰিকল্পনা আৰু বিকাশৰ বাবে বাচনি কৰা হৈছে৷ এই নগৰসমূহৰ বাবে গ্ৰহণ কৰা বিভিন্ন বিকাশৰ প্ৰকল্পৰ জৰিয়তে প্ৰায় ১০ কোটি ভাৰতীয়ক প্ৰভাৱান্বিত কৰিব৷ এই প্ৰকল্পটোত প্ৰায় ২,০১,৯৭৯ কোটি টকা ব্যয় কৰা হ’ব৷

গ্ৰামাঞ্চল আৰু নগৰাঞ্চলত প্ৰধানমন্ত্ৰী আৱাস যোজনাৰ অধীনত প্ৰায় ১ কোটি ব্যয়সাধ্য ঘৰ নিৰ্মাণ কৰা হৈছে৷ মধ্যবিত্ত আৰু নিম্ন মধ্যবিত্তসকল উপকৃত হোৱাকৈ গৃহ ঋণ ৯ লাখ টকা পৰ্যন্ত ৪% আৰু ১২ লাখ টকা পৰ্যন্ত ৩% সুতৰ আৰ্থিক সুবিধা প্ৰদান কৰা হৈছে৷