ઓસ્ટ્રેલિયાના નાયબ પ્રધાનમંત્રી અને સંરક્ષણ મંત્રી, માનનીય રિચાર્ડ માર્લ્સે આજે પ્રધાનમંત્રી શ્રી નરેન્દ્ર મોદી સાથે મુલાકાત કરી હતી. પ્રધાનમંત્રી મોદીએ તાજેતરની ફેડરલ ચૂંટણીઓમાં ઓસ્ટ્રેલિયન લેબર પાર્ટીની ઐતિહાસિક જીત બદલ નાયબ પ્રધાનમંત્રી માર્લ્સને અભિનંદન આપ્યા હતા.
બંને નેતાઓએ ભારત-ઓસ્ટ્રેલિયા વ્યાપક વ્યૂહાત્મક ભાગીદારીને વધુ મજબૂત બનાવવા માટે વિચારોનું આદાન-પ્રદાન કર્યું હતું, જેણે આજે પાંચ વર્ષ પૂર્ણ કર્યા છે. તેમણે સંરક્ષણ ઔદ્યોગિક સહયોગ, સ્થિતિસ્થાપક સપ્લાય ચેઇન, મહત્વપૂર્ણ ખનિજો, નવી અને ઉભરતી ટેકનોલોજી જેવા મુખ્ય ક્ષેત્રોમાં સહયોગ વધારવાના મહત્વ પર ભાર મૂક્યો હતો. તેમણે પુનઃપુષ્ટિ કરી કે સ્થિર, સુરક્ષિત અને સમૃદ્ધ ઈન્ડો-પેસિફિક માટેનું સહિયારું વિઝન દ્વિપક્ષીય સહયોગને માર્ગદર્શન આપવાનું ચાલુ રાખશે.
નાયબ પ્રધાનમંત્રી માર્લ્સે સરહદ પાર આતંકવાદ સામે ભારતની લડાઈમાં ઓસ્ટ્રેલિયાના સમર્થનનો પુનરોચ્ચાર કર્યો હતો.
પ્રધાનમંત્રીએ આ વર્ષના અંતમાં ભારતમાં યોજાનારી વાર્ષિક સમિટ માટે પીએમ અલ્બેનીઝને આમંત્રણ આપ્યું હતું.
Glad to meet Deputy Prime Minister of Australia Richard Marles. Had a productive discussion on deepening the India-Australia Comprehensive Strategic Partnership, which marks its fifth anniversary today. Our shared vision for a stable, secure, and prosperous Indo-Pacific continues… pic.twitter.com/VucoShDe4l
— Narendra Modi (@narendramodi) June 4, 2025
