ऑस्ट्रेलियाचे उपपंतप्रधान आणि संरक्षण मंत्री, रिचर्ड मार्लेस यांनी आज पंतप्रधान नरेंद्र मोदी यांची भेट घेतली. यावेळी पंतप्रधान मोदी यांनी ऑस्ट्रेलियाचे उपपंतप्रधान मार्लेस यांनी अलीकडेच झालेल्या फेडरल निवडणुकीत ऑस्ट्रेलियाच्या मजूर पक्षाने (Australian Labor Party) ऐतिहासिक विजय मिळवल्याबद्दल त्यांचे अभिनंदन केले.
या भेटीत दोन्ही नेत्यांनी भारत आणि ऑस्ट्रेलियामधील सर्वंकष धोरणात्मक भागीदारी अधिक दृढ करण्यासाठीच्या कल्पनांची देवाणघेवाण केली. या धोरणाला आज पाच वर्षे पूर्ण झाली झाली आहेत. यावेळी दोन्ही नेत्यांनी संरक्षण उद्योग क्षेत्रात सहकार्यपूर्ण भागीदारी, लवचिक पुरवठा साखळी, अत्यावश्यक खनिजे, नवीन आणि उदयोन्मुख तंत्रज्ञान यांसारख्या प्रमुख क्षेत्रांमध्ये परस्पर सहकार्याचा विस्तार करण्याचे महत्वही अधोरेखित केले. स्थिर, सुरक्षित आणि समृद्ध भारत प्रशांत क्षेत्रासाठी द्विपक्षीय सहकार्याची दिशा ठरवण्यात सामायिक दृष्टीकोन आवश्यक असल्याची बाबही त्यांनी नमूद केली.
ऑस्ट्रेलियाचे उपपंतप्रधान मार्लेस यांनी सीमेपलीकडून होत असलेल्या दहशतवादाविरुद्धच्या भारताच्या लढ्याला ऑस्ट्रेलियाचा पाठिंबा असल्याचा मुद्दा पुन्हा अधोरेखित केला.
यानिमित्ताने पंतप्रधान नरेंद्र मोदी यांनी या वर्षाच्या अखेरीस भारतात होणार असलेल्या वार्षिक शिखर परिषदेसाठी पंतप्रधान अल्बानीज यांना आमंत्रितही केले.
Glad to meet Deputy Prime Minister of Australia Richard Marles. Had a productive discussion on deepening the India-Australia Comprehensive Strategic Partnership, which marks its fifth anniversary today. Our shared vision for a stable, secure, and prosperous Indo-Pacific continues… pic.twitter.com/VucoShDe4l
— Narendra Modi (@narendramodi) June 4, 2025
