وزیراعظم جناب نریندر مودی نے اُتر کاشی سرنگ کے حادثے سے جڑی بچاؤ کارروائیوں میں حصہ لینے والے تمام افراد کے جذبے کو سلام کیا ہے۔
جناب مودی نے کہاکہ اُترکاشی سرنگ سے مزدوروں کو بحفاظت نکالنے کی کارروائی کی کامیابی کو ہر فرد کے لیے ایک جذباتی لمحہ ہے۔ سرنگ میں پھنس جانے والے مزدوروں کے حوصلے اور قوت برداشت کااعتراف کرتے ہوئے ، انہوں نے ان کے لئے اچھی صحت کی دعا کی۔ وزیراعظم نے مزید یہ بھی کہا کہ اس مشن سے وابستہ ہر ایک فرد نے انسانیت کے جذبے اور ٹیم ورک کی ایک حیرت انگیز مثال قائم کی ہے۔
وزیراعظم نے ایکس پر پوسٹ کیا:
اُترکاشی میں ہمارے مزدور بھائیوں کے لیے کی جانے والی بچاؤ کارروائیوں کی کامیابی ہر کسی کو جذباتی بنادینے والی ہے۔
سرنگ میں جو ساتھی پھنسے ہوئے تھے، ان سے میں کہنا چاہتا ہوں کہ آپ کاحوصلہ اور قوت برداشت ہر ایک کو متاثر کررہے ہیں۔ میں آپ سبھی کی خیروعافیت اور بہترین صحت کی دعا کرتا ہوں۔
یہ بڑے اطمینان کی بات ہے کہ طویل انتظار کے بعد اب ہمارے یہ ساتھی اپنے اعزاء واقرباء سے ملیں گے۔ ان سبھی کے کنبے کے افراد نے بھی اس چیلنج بھرے وقت میں جس صبرو تحمل اور حوصلے کااظہار کیا ہے ا س کی جتنی بھی تعریف کی جائے کم ہے۔
میں اس بچاؤ مہم سے جڑے سبھی لوگوں کے جذبے کو بھی سلام کرتا ہوں ۔ ان کی بہادری اور قوت ارادی نے ہمارے بھائیوں کو نئی زندگی عطا کی ہے۔ ا س مشن میں شامل ہر فرد نے انسانیت اور ٹیم ورک کی ایک حیرت انگیز مثال قائم کی ہے۔
उत्तरकाशी में हमारे श्रमिक भाइयों के रेस्क्यू ऑपरेशन की सफलता हर किसी को भावुक कर देने वाली है।
— Narendra Modi (@narendramodi) November 28, 2023
टनल में जो साथी फंसे हुए थे, उनसे मैं कहना चाहता हूं कि आपका साहस और धैर्य हर किसी को प्रेरित कर रहा है। मैं आप सभी की कुशलता और उत्तम स्वास्थ्य की कामना करता हूं।
यह अत्यंत…
