جے جگناتھ!
اس پروگرام میں موجوداوڈیشہ کے گورنر جناب ہری بابو،یہاں کے مقبول وزیر اعلیٰ جناب موہن چرن ماجھی جی، مرکزی کابینہ کے میرے ساتھی وزراء، اوڈیشہ حکومت کے وزراء، ارکان پارلیمنٹ، ایم ایل اے، صنعت و تجارت کی دنیا کے سرکردہ کاروباری حضرات اور ملک اور دنیا کے سرمایہ کاروں، اور اڈیشہ کے میرے پیارے بھائیو اور بہنو!
جنوری کے مہینے میں یعنی 2025 کے آغاز میں میرا اڈیشہ کا یہ دوسرا دورہ ہے۔ ابھی کچھ دن پہلے ہی میں یہاں پرواسی بھارتیہ دیوس کی تقریبات کا حصہ تھا۔ اب آج، میں آپ کے درمیان ‘اتکرش اوڈیشہ کانکلیو’ میں ہوں۔ مجھے بتایا گیا ہے کہ یہ اوڈیشہ میں منعقد ہونے والی اب تک کی سب سے بڑی بزنس سمٹ ہے۔ پہلے کے مقابلے 5-6 گنا زیادہ سرمایہ کار اس میں حصہ لے رہے ہیں۔ میں اس شاندار تقریب کے لیے اوڈیشہ کے لوگوں اور حکومت اوڈیشہ کو مبارکباد پیش کرتا ہوں۔ میں آپ سب کو اس تقریب میں خوش آمدید کہتا ہوں۔
ساتھیو !
میں مشرقی ہندوستان کو ملک کی ترقی کا انجن سمجھتا ہوں۔ اور اس میں اوڈیشہ کا بڑا رول ہے۔ تاریخ گواہ ہے کہ جب عالمی ترقی میں ہندوستان کا بڑا حصہ تھا تو اس میں مشرقی ہندوستان کا کلیدی رول تھا۔ ملک کے مشرقی ہندوستان میں بڑے صنعتی مرکز، بندرگاہیں اور تجارتی مراکز تھے اور اڈیشہ کا بھی ان میں بڑا حصہ تھا۔ اڈیشہ جنوب مشرقی ایشیا میں تجارت کا ایک بڑا مرکز ہوا کرتا تھا۔ یہاں کی قدیم بندرگاہیں ایک طرح سے ہندوستان کے لیے گیٹ وے ہوا کرتی تھیں۔ آج بھی بالی جاترا ہر سال اڈیشہ میں منائی جاتی ہے۔ حال ہی میں انڈونیشیا کے صدر آئے اور انہوں نے یہاں تک کہہ دیا کہ شاید میرے ڈی این اے میں اوڈیشہ ہے۔
ساتھیو !
یہ اس ورثے کا جشن مناتا ہے جو اوڈیشہ کو جنوب مشرقی ایشیا سے جوڑتا ہے۔ اب 21ویں صدی میں اڈیشہ اپنے شاندار ورثے کو زندہ کرنے میں مصروف ہے۔ حال ہی میں سنگاپور کے صدر نے اڈیشہ کا دورہ کیا۔ سنگاپور اوڈیشہ کے ساتھ اپنے تعلقات کو لے کر بہت پرجوش ہے۔ آسیان ممالک نے بھی اوڈیشہ کے ساتھ تجارت اور روایت کو مضبوط کرنے میں دلچسپی ظاہر کی ہے۔ آج اس میدان میں امکانات کے اتنے دروازے کھل رہے ہیں، جتنے آزادی کے بعد سے پہلے کبھی نہیں کھلے تھے۔ میں یہاں موجود ہر سرمایہ کار سے اپیل کرنا چاہوں گا، اور میں اس بات کو دہرانا چاہوں گا جو ہمارے وزیر اعلیٰ نے کہا – یہی صحیح وقت ہے، یہی صحیح وقت ہے۔ اوڈیشہ کے اس ترقی کے سفر میں آپ کی سرمایہ کاری آپ کو کامیابی کی نئی بلندیوں پر لے جائے گی، اور یہی مودی کی ضمانت ہے۔
ساتھیو !
آج ہندوستان ترقی کی ایسی راہ پر گامزن ہے جو کروڑوں لوگوں کی امنگوں سے چل رہا ہے۔ یہ آرٹفیشیئل انٹلیجنس – اے آئی کا دور ہے، آرٹیفیشیئل انٹیلی جنس بحث کا موضوع ہے، لیکن ہندوستان کے لیے یہ صرف اے آئی نہیں ہے، ہندوستان کی خواہش ہماری طاقت ہے اور خواہشات اس وقت بڑھتی ہیں جب لوگوں کی ضروریات پوری ہوتی ہیں۔ آج ملک پچھلی دہائی میں کروڑوں ہم وطنوں کو بااختیار بنانے کے فوائد دیکھ رہا ہے۔ اوڈیشہ بھی اس خواہش کی نمائندگی کرتا ہے۔ اوڈیشہ شاندار ہے۔ اڈیشہ نئے ہندوستان کی امید اور اصلیت کی علامت ہے۔ اوڈیشہ میں بھی مواقع موجود ہیں، اور یہاں کے لوگوں نے ہمیشہ بہتر کارکردگی کا جذبہ دکھایا ہے۔ میں نے ذاتی طور پر اوڈیشہ سے گجرات آنے والے لوگوں کی مہارت، محنت اور خلوص کو محسوس کیا ہے۔ اس لیے، آج جب اوڈیشہ میں نئے مواقع پیدا ہو رہے ہیں، مجھے پختہ یقین ہے کہ اوڈیشہ بہت جلد ترقی کی ان بلندیوں پر پہنچے گا جس کا کسی نے تصور بھی نہیں کیا تھا۔ مجھے خوشی ہے کہ وزیر اعلیٰ موہن چرن ماجھی جی کی پوری ٹیم اوڈیشہ کی ترقی کو تیز کرنے میں لگی ہوئی ہے۔ اوڈیشہ ہندوستان کی ہر صنعت جیسے فوڈ پروسیسنگ، پیٹرو کیمیکل، پورٹ لیڈ ڈیولپمنٹ، فشریز، آئی ٹی، ایجوٹیک، ٹیکسٹائل، سیاحت، کان کنی، سبز توانائی میں سرکردہ ریاستوں میں سے ایک بن رہی ہے۔
ساتھیو !
آج ہندوستان دنیا کی تیسری سب سے بڑی معیشت بننے کی طرف بہت تیز رفتاری سے آگے بڑھ رہا ہے۔ پانچ ٹریلین ڈالر کی معیشت کا سنگ میل بھی اب زیادہ دور نہیں۔ گزشتہ دہائی میں مینوفیکچرنگ میں ہندوستان کی طاقت بھی نظر آنے لگی ہے۔ اب ہندوستان کی معیشت کی توسیع کے لیے دو بڑے ستون ہیں - ایک ہمارا اختراعی سروس سیکٹر اور دوسرا ہندوستان کی معیاری مصنوعات۔ ملک کی تیز رفتار ترقی صرف خام مال کی برآمد سے ممکن نہیں۔ اس لیے ہم پورے ایکو سسٹم کو بدل رہے ہیں، ایک نئے ویژن کے ساتھ کام کر رہے ہیں۔ یہاں سے معدنیات نکالی جاتی ہیں اور پھر دنیا کے کسی ملک کو ایکسپورٹ کی جاتی ہیں، وہاں ویلیو ایڈیشن ہوتا ہے، نئی پروڈکٹ بنتی ہے، اور پھر وہ پروڈکٹ واپس ہندوستان آتی ہے، یہ رجحان مودی کو قبول نہیں ہے۔ ہندوستان اب اس رجحان کو بدل رہا ہے۔ یہاں سمندر سے سمندری خوراک نکال کر دنیا کے کسی دوسرے ملک میں پروسیس کرکے بازاروں تک پہنچانے کا رجحان ہندوستان میں بھی بدل رہا ہے۔ ہماری حکومت اس سمت میں کام کر رہی ہے تاکہ اڈیشہ میں دستیاب وسائل سے متعلق صنعتیں بھی یہاں لگائی جائیں۔ آج کا‘ اتکرش اوڈیشہ کانکلیو’ بھی اس ویژن کو پورا کرنے کا ایک ذریعہ ہے۔
ساتھیو !
آج دنیا پائیدار طرز زندگی کی بات کر رہی ہے اور ایک گرین فیوچر کی طرف بڑھ رہی ہے۔ آج سبز ملازمتوں کے امکانات بھی بڑھ رہے ہیں۔ ہمیں وقت کی ضرورتوں اور تقاضوں کے مطابق خود کو بدلنا ہوگا اور اس کے مطابق خود کو ڈھالنا ہوگا۔ اسی سوچ کو ذہن میں رکھتے ہوئے ہندوستان سبز مستقبل اور گرین ٹیک پر بہت زیادہ توجہ دے رہا ہے۔ خواہ وہ شمسی ہو، ہوا ہو، ہائیڈرو ہو یا سبز ہائیڈروجن-یہ ترقی یافتہ ہندوستان کی توانائی کی حفاظت کو تقویت دینے والے ہیں۔ اوڈیشہ میں اس کے لیے کافی امکانات ہیں۔ آج ملک میں ہم نے قومی سطح پر گرین ہائیڈروجن مشن اور سولر پاور مشن شروع کیا ہے۔ اڈیشہ میں بھی قابل تجدید توانائی سے متعلق صنعتوں کو فروغ دینے کے لیے بڑے پالیسی فیصلے لیے جا رہے ہیں، یہاں ہائیڈروجن توانائی کی پیداوار کے لیے بھی کئی اقدامات کیے جا رہے ہیں۔
ساتھیو !
سبز توانائی کے ساتھ ساتھ اوڈیشہ میں پیٹرو اور پیٹرو کیمیکلز سیکٹر کو بڑھانے کے لیے بھی پہل کی جا رہی ہے۔ پارا دیپ اور گوپال پور میں وقف صنعتی پارکس اور سرمایہ کاری کے علاقے تیار کیے جا رہے ہیں۔ اس شعبے میں بھی سرمایہ کاری کے بہت زیادہ امکانات ہیں۔ میں اوڈیشہ حکومت کو مبارکباد دینا چاہوں گا کہ اوڈیشہ کے مختلف خطوں کی صلاحیت کو مدنظر رکھتے ہوئے وہ فوری فیصلے لے رہی ہے اور ایک نیا ماحولیاتی نظام تیار کر رہی ہے۔
ساتھیو !
اکیس ویں صدی کے ہندوستان کے لیےیہ مربوط انفراسٹرکچر، ملٹی ماڈل کنکٹی وٹی کا دور ہے۔ آج جس پیمانے اور رفتار سے ہندوستان میں خصوصی بنیادی ڈھانچہ تعمیر کیا جا رہا ہے وہ ہندوستان کو سرمایہ کاری کے لیے ایک بہترین منزل بنا رہا ہے۔ مشرقی اور مغربی ساحلی پٹی کو مال بردار راہداریوں کے ساتھ جوڑا جا رہا ہے۔ ملک کا ایک بڑا حصہ جو خشکی سے بند تھا اب سمندر تک تیزی سے رسائی حاصل کر رہا ہے۔ آج ملک میں ایسے درجنوں صنعتی شہر بنائے جا رہے ہیں جو پلگ اینڈ پلے کی سہولیات سے آراستہ ہوں گے۔ اڈیشہ میں بھی اسی طرح کے امکانات تلاش کیے جا رہے ہیں۔ یہاں ریلوے اور ہائی وے نیٹ ورک سے متعلق ہزاروں کروڑ روپے کے پروجیکٹ چل رہے ہیں۔ اوڈیشہ میں صنعت کی لاجسٹک لاگت کو کم کرنے کے لیے حکومت یہاں کی بندرگاہوں کو صنعتی کلسٹروں سے جوڑ رہی ہے۔ پرانی بندرگاہوں کی توسیع کے ساتھ ساتھ یہاں نئی بندرگاہیں بھی تعمیر کی جا رہی ہیں۔ اس کا مطلب یہ ہے کہ بلیو اکانومی کے معاملہ میں بھی اوڈیشہ ملک کی ٹاپ ریاستوں میں شامل ہونے جا رہا ہے۔
ساتھیو !
حکومت کی ان کوششوں کے درمیان میری آپ سب سے کچھ گزارشات بھی ہیں۔ آپ تیزی سے بدلتی ہوئی دنیا میں عالمی سپلائی چینز سے وابستہ چیلنجوں کو دیکھ رہے ہیں۔ ہندوستان بکھری سپلائی چینز اور امپورٹ پر مبنی سپلائی چینز پر زیادہ انحصار نہیں کر سکتا۔ ہمیں خود ہندوستان میں ایک مضبوط سپلائی اور ویلیو چین بنانا ہوگا جو عالمی نشیب و فراز سے کم سے کم متاثر ہو۔ یہ حکومت کے ساتھ ساتھ صنعت کی بھی بہت بڑی ذمہ داری ہے۔ لہذا، آپ جس بھی صنعت میں ہیں، اس سے وابستہ ایم ایس ایم ایز کی حمایت کریں، ان کا ہاتھ تھامیں، آپ کو زیادہ سے زیادہ نوجوان اسٹارٹ اپس کی بھی حمایت کرنی چاہیے۔
ساتھیو !
آج کوئی بھی صنعت نئی ٹیکنالوجی کے بغیر ترقی نہیں کر سکتی۔ ایسے میں تحقیق اور اختراع بہت ضروری ہے۔ حکومت ملک میں ایک انتہائی متحرک تحقیقی ماحولیاتی نظام تشکیل دے رہی ہے۔ اس کے لیے ایک خصوصی فنڈ بھی بنایا گیا ہے۔ انٹرن شپ اور اسکل ڈیولپمنٹ کے لیے خصوصی پیکج کا اعلان کیا گیا ہے۔ اس میں بھی ہر کوئی یہ توقع رکھتا ہے کہ انڈسٹری کھل کر سامنے آئے اور حکومت کے ساتھ مل کر کام کیا جائے۔ ہندوستان کا تحقیقی ماحولیاتی نظام جتنا بڑا اور بہتر ہے اور اسکلڈ ینگ پول ہوگا تو ہماری صنعت کو اس سے براہ راست فائدہ پہنچے گا۔ میں اپنے تمام صنعتی ساتھیوں اور اوڈیشہ حکومت سے ہاتھ ملانے اور یہاں ایک جدید ماحولیاتی نظام بنانے کی درخواست کرنا چاہوں گا۔ ایک ماحولیاتی نظام جو اوڈیشہ کی امنگوں کے مطابق کام کرتا ہے اور یہاں کے نوجوانوں کو نئے مواقع فراہم کرتا ہے۔ اس سے اوڈیشہ کے نوجوانوں کو یہاں ہی روزگار کے زیادہ سے زیادہ مواقع ملیں گے، اوڈیشہ خوشحال ہوگا، اوڈیشہ بااختیار بنے گا، اوڈیشہ خوشحال ہوگا۔
ساتھیو !
آپ تمام دنیا کا سفر کرتے ہیں، پوری دنیا کے لوگوں سے ملتے ہیں۔ آج آپ دنیا میں ہر جگہ ہندوستان کو جاننے اور سمجھنے کا تجسس محسوس کر سکتے ہیں۔ اوڈیشہ ہندوستان کو سمجھنے کے لیے ایک بہترین منزل ہے۔ یہاں ہمارا ہزاروں سال کا ورثہ ہے، تاریخ، عقائد و روحانیت، گھنے جنگلات، پہاڑ، سمندر، سب کچھ ایک جگہ پر نظر آتا ہے۔ یہ ریاست ترقی اور ورثے کا شاندار امتزاج ہے۔ اسی جذبے کے ساتھ، ہم نے اوڈیشہ میں جی- 20 ثقافتی تقریبات کا انعقاد کیا۔ ہم نے کونارک سورج مندر کے دائرے کوجی- 20 کی کلیدی تقریب کا حصہ بنایا تھا۔‘ اتکرش اوڈیشہ’ میں ہمیں اوڈیشہ کی اس سیاحتی صلاحیت کو بھی تلاش کرنا ہے۔ اس کی 500 کلومیٹر سے زیادہ لمبی ساحلی پٹی، 33 فیصد سے زیادہ جنگلات، ایکو ٹورزم اور ایڈونچر ٹورزم کے لامحدود امکانات آپ کے منتظر ہیں۔ آج ہندوستان کی توجہ ہے – ویڈ ان انڈیا، آج ہندوستان کا منتر ہے - ہیل ان انڈیا، اور اس کے لیے اوڈیشہ کی فطرت، یہاں کی قدرتی خوبصورتی، بہت ہی مددگار ہے۔
ساتھیو !
آج، ‘کانفرنس ٹورزم’ بھی ہندوستان میں بہت زیادہ امکانات پیدا کر رہا ہے۔ دہلی میں بھارت منڈپم اور یشوبھومی جیسے مقامات اس کے بڑے مراکز بن رہے ہیں۔ بھونیشور ایک بہت اچھے کنونشن سنٹر سے بھی فائدہ اٹھا سکتا ہے۔ اس سے متعلق ایک اور نیا شعبہ ‘کنسرٹ اکانومی’ کا ہے۔ ایک ایسے ملک میں جس میں موسیقی، رقص، کہانی سنانے کا اتنا بڑا ورثہ ہے، جہاں نوجوانوں کا اتنا بڑا پول ہے جو کنسرٹس کے بہت بڑے صارفین ہیں، وہاں کنسرٹ کی معیشت کے بہت زیادہ امکانات ہیں۔ آپ دیکھ رہے ہیں کہ گزشتہ 10 برسوں میں ‘لائیو ایونٹس’ کا رجحان اور مانگ دونوں میں اضافہ ہوا ہے۔ گزشتہ کچھ دنوں میں آپ نے ممبئی اور احمد آباد میں منعقد ہونے والے ‘کولڈ پلے کنسرٹ’ کی حیرت انگیز تصاویر دیکھی ہوں گی۔ یہ اس بات کا ثبوت ہے کہ ہندوستان میں لائیو کنسرٹس کی کتنی گنجائش ہے۔ دنیا کے بڑے فنکار بھی ہندوستان کی طرف راغب ہو رہے ہیں۔ لائیو کنسرٹ کی معیشت سیاحت کو بھی فروغ دیتی ہے اور بڑی تعداد میں ملازمتیں پیدا کرتی ہے۔ میں ریاستوں اور نجی شعبہ سے درخواست کرتا ہوں کہ وہ ایک مربوط معیشت کے لیے درکار بنیادی ڈھانچے پر توجہ دیں اور ضروری مہارتوں پر توجہ دیں۔ ایونٹ مینجمنٹ ہو، فنکاروں کی گرومنگ ہو، سیکورٹی اور دیگر انتظامات ہو-یہ سبھی امکانات پیدا ہورہے ہیں۔
ساتھیو !
اگلے مہینے، ہندوستان میں پہلی عالمی آڈیو ویژول سمٹ یعنی ڈبلیو اے وی ای ایس-ویوس منعقد ہونے جا رہی ہے۔ یہ بھی ایک بہت بڑا پروگرام ہوگا، اس سے دنیا میں ہندوستان کی تخلیقی طاقت کو ایک نئی شناخت ملے گی۔ ریاستوں میں اس طرح کے پروگراموں سے حاصل ہونے والی آمدنی اور پیدا ہونے والا تاثر بھی معیشت کو آگے بڑھاتا ہے۔ اور اڈیشہ میں بھی اس حوالہ سے کافی صلاحیتیں اور امکانات ہیں۔
ساتھیو!
ترقی یافتہ ہندوستان کی تشکیل میں اوڈیشہ کا بڑا رول ہے۔ اڈیشہ کے لوگوں نے ایک خوشحال اوڈیشہ کی تعمیر کا عزم کیا ہے۔ اس قرارداد کو حاصل کرنے کے لیے مرکزی حکومت سے ہر ممکن تعاون حاصل کیا جا رہا ہے۔ آپ سب اچھی طرح جانتے ہیں کہ اوڈیشہ سے مجھے بہت زیادہ پیار ہے۔ وزیر اعظم کے طور پر میں یہاں تقریباً 30 بار آیا ہوں۔ آزادی کے بعد جتنے بھی وزیر اعظم یہاں آئے ہیں ان سے زیادہ میں نے اوڈیشہ کا دورہ کیا ہے، یہ آپ کی محبت ہے۔ میں نے یہاں کے بیشتر اضلاع کا دورہ کرچکا ہوں، مجھے اڈیشہ کی صلاحیت پر بھروسہ ہے، مجھے یہاں کے لوگوں پر اعتماد ہے۔ مجھے یقین ہے کہ آپ سب کی سرمایہ کاری آپ کے کاروبار اور اوڈیشہ کی ترقی دونوں کو نئی بلندیوں تک لے جائے گی۔ میں ایک بار پھر اڈیشہ کے لوگوں اور حکومت کو اس شاندار تقریب کے لیے مبارکباد اور شکریہ ادا کرتا ہوں۔ اور میں ان سرکردہ شخصیات کو یقین دلاتا ہوں جو اڈیشہ میں امکانات تلاش کر رہے ہیں، حکومت اوڈیشہ اور حکومت ہند پوری طاقت کے ساتھ آپ کے ساتھ کھڑی ہے۔ ایک بار پھر، آپ سب کے لیے نیک خواہشات، بہت بہت شکریہ!
