وزیر اعظم جناب نریندر مودی نے آج امریکہ کے نومنتخب صدر عالی مرتبت جناب جوسیف آر بائیڈن کے ساتھ ٹیلی فون پر بات چیت کی۔
وزیر اعظم جناب مودی نے نومنتخب صدر بائیڈن کوبحیثیت صدر منتخب ہونے پرپُرجوش مبارکباد دی اور اس انتخاب کو امریکہ کی مستحکم جمہوری روایات کا بین ثبوت قرار دیا۔
وزیر اعظم نے امریکہ کی نومنتخب نائب صدر سینیٹر کملا ہیرس کو بھی دلی مبارکباد دی اور اپنی نیک خواہشات کا اظہار کیا۔
وزیر اعظم جناب نریندر مودی نے 2014 اور 2016 میں امریکہ کے اپنے سرکاری دورے کے دوران جناب جوسیف آر بائیڈن کے ساتھ اپنی سابقہ ملاقات اور بات چیت کو پرجوش انداز میں یاد کیا۔جناب بائیڈن نے وزیر اعظم کے 2016 کے امریکی دورے کے دوران امریکی کانگریس کے اس مشترکہ اجلاس کی بھی صدارت کی تھی، جس سے وزیر اعظم جناب مودی نے خطاب کیا تھا۔
دونوں ملکوں کے رہنماؤں نے مشترکہ اقدار اور آپسی مفادات پر مبنی ہند-امریکہ جامع عالمی اسٹریٹیجک شراکت داری کو مزید مستحکم کرنے کے لئے مل کرکام کرنے پر رضامندی ظاہر کی۔دونوں ملکوں کے رہنماؤں نے اپنی ترجیحات بشمول کووڈ-19 وباء کی روک تھام ، سستی ویکسن تک رسائی ، آب وہوا کی تبدیلی سے نمٹنے اور ہند- بحرالکاہل خطے میں اشتراک و تعاون کے بارے میں تبادلہ خیال کیا۔
Spoke to US President-elect @JoeBiden on phone to congratulate him. We reiterated our firm commitment to the Indo-US strategic partnership and discussed our shared priorities and concerns - Covid-19 pandemic, climate change, and cooperation in the Indo-Pacific Region.
— Narendra Modi (@narendramodi) November 17, 2020
I also conveyed warm congratulations for VP-elect @KamalaHarris. Her success is a matter of great pride and inspiration for members of the vibrant Indian-American community, who are a tremendous source of strength for Indo-US relations.
— Narendra Modi (@narendramodi) November 17, 2020
