وزیر اعظم جناب نریندر مودی نے برطانیہ کے وزیر اعظم عز ت مآب جناب رشی سنک سے آج اٹلی کے اپولیا میں جی 7 سربراہ اجلاس کے موقع پردو طرفہ ملاقات کی۔ وزیراعظم سنک نے وزیراعظم جناب نریندر مودی کو ان کی مسلسل تیسری تاریخی جیت پر مبارکباد دی۔ دونوں رہنماؤں نے دوطرفہ تعلقات کو مزید مستحکم بنانے کے لیے دونوں ممالک کے مشترکہ عزم کا اعادہ کیا۔
2. دونوں رہنماؤں نے روڈ میپ 2030 کے نفاذ پر تبادلہ خیال کیا اور جامع اسٹریٹجک شراکت داری کے تمام شعبوں میں پیش رفت پر خوشی کا اظہار کیا جس میں باقاعدہ اعلیٰ سطحی سیاسی مشاورت، دفاع اور سلامتی، تجارتی اور اقتصادی تعاون، اہم اور اعلیٰ ٹیکنالوجی کے شعبے اور عوام سے عوام کے درمیان روابط شامل ہیں۔انہوں نے دونوں ممالک کے درمیان آزاد تجارتی معاہدے کے مذاکرات میں ہونے والی پیش رفت پر بھی اطمینان کا اظہار کیا۔ دونوں رہنماؤں نے باہمی دلچسپی کے علاقائی اور کثیرالجہتی امور پر بھی تبادلہ خیال کیا۔
3. وزیر اعظم جناب نریندر مودی نے برطانیہ کے عوام کے لیے نیک خواہشات کا اظہار کیا جبکہ وہ اگلے ماہ عام انتخابات کی تیاری کر رہے ہیں۔
It was a delight to meet PM @RishiSunak in Italy. I reiterated my commitment to further strengthen the India-UK Comprehensive Strategic Partnership in the third term of the NDA Government. There is great scope to deepen ties in sectors like semiconductors, technology and trade.… pic.twitter.com/ehjhFY89cE
— Narendra Modi (@narendramodi) June 14, 2024
