عالی مرتبت صدر شی،
عالی مرتبت صدر رامافوسا،
عالی مرتبت صدر بولسونارو،
عالی مرتبت صدر پوتن،
سب سے پہلے یوگا کے عالمی دن کے موقع پر میں آپ سب کو برکس ممالک میں منعقدہ شاندار تقریبات کے لیے مبارکباد دینا چاہتا ہوں۔ آپ کی ٹیموں سے ملنے والے تعاون کے لئے بھی میں شکریہ ادا کرنا چاہتا ہوں۔
عالی مرتبت صدور
آج مسلسل تیسرے سال ہم ورچوئل طور پر کووڈ وبا کے چیلنجوں کے درمیان مل رہے ہیں۔
حالانکہ عالمی سطح پر اس وبا کے پھیلنے میں پہلے کے مقابلے میں کمی آئی ہے، تاہم اس کے بہت سے مضر اثرات اب بھی عالمی معیشت میں نظر آرہے ہیں۔
عالمی معیشت کی گورننس کے حوالے سے ہمارے برکس کے رکن ممالک کا نقطہ نظر بالکل ایک جیسا ہے۔
اور اس لئے ہمارا باہمی تعاون کووڈ کے بعد کی عالمی بحالی میں مفید کردار ادا کر سکتا ہے۔
گزشتہ برسوں کے دوران ہم نے برکس میں کئی ادارہ جاتی اصلاحات کی ہیں، جس سے اس تنظیم کی تاثیر میں اضافہ ہوا ہے۔ یہ بھی خوشی کی بات ہے کہ ہمارے نیو ڈیولپمنٹ بینک کی رکنیت میں بھی اضافہ ہوا ہے۔
بہت سے شعبے ایسے ہیں جہاں ہمارا باہمی تعاون براہ راست ہمارے شہریوں کی زندگیوں کو فائدہ پہنچا رہا ہے۔
جیسے ٹیکہ تحقیقی و ترقیاتی مرکز کا قیام، کسٹم محکموں کے درمیان تال میل، مشترکہ سیٹلائٹ نکشتر کا قیام، ادویاتی مصنوعات کی باہمی شناخت وغیرہ۔
اس طرح کے عملی اقدامات برکس کو ایک منفرد بین الاقوامی تنظیم بنا دیتے ہیں جس کی توجہ صرف بات چیت تک محدود نہیں ہے۔
برکس یوتھ سمٹ، برکس اسپورٹس، اور اپنی سول سوسائٹی تنظیموں اور تھنک ٹینکس کے درمیان رابطے بڑھاکر ہم نے عوام سے عوام کے رابطے کو بھی مضبوط کیا ہے۔
مجھے یقین ہے کہ آج کی بات چیت سے ہمارے برکس تعلقات کو مزید مستحکم کرنے کے لیے بہت سی تجاویز حاصل ہوں گی۔
شکریہ
वैश्विक अर्थव्यवस्था की governance के बारे में हम ब्रिक्स सदस्य देशों का नज़रिया काफ़ी समान रहा है।
— PMO India (@PMOIndia) June 23, 2022
और इसलिए हमारा आपसी सहयोग वैश्विक post-कोविड recovery में उपयोगी योगदान दे सकता है: PM @narendramodi
ब्रिक्स Youth Summits, ब्रिक्स Sports, और हमारे civil society organizations और think-tanks के बीच संपर्क बढ़ा कर, हमने अपना People-to-people connect भी मजबूत किया है: PM @narendramodi
— PMO India (@PMOIndia) June 23, 2022
