وزیر اعظم جناب نریندر مودی نے 25 اگست 2023 کو ایتھنز میں یونان کے وزیر اعظم عالی جناب کیریاکوس میتسوٹاکیس سے ملاقات کی۔
2. دونوں رہنماؤں نے بالمشافہ اور وفود کی سطح پر بات چیت کی۔ وزیراعظم نے یونان کے جنگلات میں آتشزدگی کے المناک واقعات میں جانی و مالی نقصان پر اظہار تعزیت کیا۔
3. وزیر اعظم میتسوٹاکیس نے چندریان مشن کی کامیابی پر وزیر اعظم کو مبارکباد دیتے ہوئے اسے انسانیت کے لئے کامیابی قرار دیا۔
4. بات چیت میں تجارت اور سرمایہ کاری، دفاع اور سلامتی، ٹیکنالوجی، بنیادی ڈھانچہ، ڈیجیٹل ادائیگی، جہازرانی، ادویہ سازی، زراعت، مائیگریشن اور آمد و رفت، سیاحت، ہنر مندی کا فروغ، ثقافت، تعلیم اور عوام سے عوام کے تعلقات سمیت دوطرفہ ساجھے داری کے مختلف پہلوؤں کا احاطہ کیا گیا۔ انہوں نے یوروپی یونین، انڈو پیسیفک اور بحیرۂ روم سمیت علاقائی اور کثیر جہتی امور پر بھی تبادلہ خیال کیا۔ انہوں نے بین الاقوامی قانون، خودمختاری اور علاقائی سالمیت کے احترام پر زور دیا۔
5. دونوں فریقوں نے اپنے تعلقات کو ’اسٹریٹجک پارٹنرشپ‘ تک بڑھانے سے اتفاق کیا۔
Held very fruitful talks with @PrimeministerGR @kmitsotakis in Athens. We have decided to raise our bilateral relations to a ‘Strategic Partnership’ for the benefit of our people. Our talks covered sectors such as defence, security, infrastructure, agriculture, skills and more. pic.twitter.com/guOk4Byzqk
— Narendra Modi (@narendramodi) August 25, 2023
