ప్రధానమంత్రి శ్రీ నరేంద్ర మోదీ ఏథెన్స్’లో 2023 ఆగస్టు 25న గ్రీస్ ప్రధాని గౌరవనీయ ‘కిరియాకోస్ మిత్సోతాకిస్’తో సమావేశమయ్యారు. దేశాధినేతలిద్దరూ ముఖాముఖి స్థాయితోపాటు ప్రతినిధుల స్థాయి సమావేశాల్లో చర్చలు నిర్వహించారు. గ్రీస్ దేశంలో కార్చిచ్చు చెలరేగి అపార ప్రాణ-ఆస్తి నష్టం సంభవించడంపై ప్రధాని మోదీ ఈ సందర్భంగా సంతాపం ప్రకటించారు. కాగా, ఇటీవల ‘చంద్రయాన్’ విజయాన్ని గ్రీస్ ప్రధాని మిత్సోతాకిస్ మానవాళికే విజయంగా అభివర్ణిస్తూ ప్రధాని మోదీకి అభినందనలు తెలిపారు.
ఇద్దరు దేశాధినేతల మధ్య వాణిజ్యం-పెట్టుబడులు, రక్షణ-భద్రత, సాంకేతికత, మౌలిక సదుపాయాలు, డిజిటల్ చెల్లింపులు, షిప్పింగ్, ఫార్మా, వ్యవసాయం, వలసలు-చలనశీలత, పర్యాటకం, నైపుణ్యాభివృద్ధి, సంస్కృతి, విద్య, ప్రజల మధ్య సంబంధాలుసహా ద్వైపాక్షిక భాగస్వామ్యంలోని వివిధ కోణాలు స్పృశిస్తూ చర్చలు సాగాయి. ఐరోపా సమాఖ్య, ఇండో-పసిఫిక్, మధ్యధరా ప్రాంతాల అంశాలుసహా వివిధ బహుపాక్షిక అంశాలపైనా వారిద్దరూ చర్చించారు. అంతర్జాతీయ చట్టాలు, సార్వభౌమాధికారం, ప్రాదేశిక సమగ్రతలను ప్రపంచ దేశాలన్నీ గౌరవించాల్సిన అవసరాన్ని వారిద్దరూ నొక్కిచెప్పారు. భారత్-గ్రీస్ స్నేహబంధాన్ని వ్యూహాత్మక భాగస్వామ్యంగా మలచుకోవడంపై ఉభయపక్షాలూ ఏకాభిప్రాయానికి వచ్చాయి.
Held very fruitful talks with @PrimeministerGR @kmitsotakis in Athens. We have decided to raise our bilateral relations to a ‘Strategic Partnership’ for the benefit of our people. Our talks covered sectors such as defence, security, infrastructure, agriculture, skills and more. pic.twitter.com/guOk4Byzqk
— Narendra Modi (@narendramodi) August 25, 2023
